Deuteronomy 9:25 - Ohiatonhseratokénti

²⁵ “Káti hohontsá꞉ke tieʼkonskaráhthe rahohénton ne Roiá꞉ner né꞉ne kaié꞉ri niwenhniseráhsen ó꞉ni niwasontáhsen, tiorí꞉wa ne Roiá꞉ner tsi rá꞉wen entsisewá꞉tonhte.

Deuteronomy 9:25 ပူးပေါင်းရင်းမြစ်များ

Psalms 106:23

Né káti aoríhwa wahén꞉ron kwáh kíʼ ensakótonʼte— tó꞉ka iáh ne Mahís, ne roiatará꞉kwen, thaʼtahontahotáhon né tahotiʼtharáhon ne Rawenni꞉io tánon nahó꞉re, ne tahonsahakarahténi ne raonakwátshera ne tó꞉sa asakononwaʼrhiákon.

Exodus 34:28

Ne Mahís thoʼienhenterónhtakwe skátke ne Roiá꞉ner né꞉ne kaiéri niwásenh niwenhniseráhke ó꞉ni niwasonhtàhsen, iáh othènen tehawékon iáh ó꞉ni tehonekíren. Ostenráhke wahahiatónhnion nowenhnasónhas nateriwasehronhniátshera—né꞉ne oiéri niioríwake nʼatiawenrátshera,

Deuteronomy 9:16

Wakatkátho tsi ó꞉nenk sewatewenhnóntion natiawenhrá꞉tsheras ne Roiá꞉ner tetsisewá꞉wi, tánon thóh nón꞉we ne sewariwaneráhke tsi nokwáh ne raónha ne tsi wesewataʼtsathonhniserón꞉nien ne karístatis nahó꞉ten ne tetewateʼnienténhston ne tionónhskwaron rátsinn owí꞉ra.

Deuteronomy 9:18

Ethò꞉ne ki á꞉re ohontsà꞉ke tieʼkhonskaráhthe tsi wakatiaʼtié꞉nenhte rahohénton ne Roiá꞉ner né꞉ne kaié꞉ri niwenhniseráhsen ó꞉ni niwasontáhsen nikarì꞉wes tánon iáh othé꞉nen tewakékon iáh ó꞉ni tewatnekí꞉ren nohné꞉kanos. Ne kí꞉ken aorì꞉wa thóh nátiere ne tsi wesewariwané꞉rake tsi nokwáh ne Roiá꞉ner tánon watsisewanaʼkón꞉ni.