Deuteronomy 9:18 - Ohiatonhseratokénti

¹⁸ Ethò꞉ne ki á꞉re ohontsà꞉ke tieʼkhonskaráhthe tsi wakatiaʼtié꞉nenhte rahohénton ne Roiá꞉ner né꞉ne kaié꞉ri niwenhniseráhsen ó꞉ni niwasontáhsen nikarì꞉wes tánon iáh othé꞉nen tewakékon iáh ó꞉ni tewatnekí꞉ren nohné꞉kanos. Ne kí꞉ken aorì꞉wa thóh nátiere ne tsi wesewariwané꞉rake tsi nokwáh ne Roiá꞉ner tánon watsisewanaʼkón꞉ni.

Deuteronomy 9:18 ပူးပေါင်းရင်းမြစ်များ

2 Samuel 12:16

Ne Táwit wahoniténtʼtase ne Roiá꞉ner ne raksáʼa raoriwá꞉ke; Ne Táwit wahawenhtón꞉tiete, iahatáwehiate tánon asontakwé꞉kon ohontsáke rahiatiónhni.

1 Kings 19:8

Né Elijah wahatkétsko, watatskáhon tánon wahanekíra, tánon ne ká꞉khwa iatekaiéri tsi nahoshastsʼténhseron ne tahatʼtháhakwe né kaiéri niwásenh nónhta nikaríhwes nihiohá꞉hes ne Sinai nieʼiawénon, ne ononthathokentíke.

Ezra 10:6

Ethò꞉ne thóh niahá꞉re ohén꞉ton nononhsatokentihkó꞉wane iahathawehiáte ne tsi thénhteron ne Jehohanan ne roʼní꞉ha né꞉ne Eliashib, tánon thóh wahasonhtí꞉iake roʼnikonhráksens tsi nih iáh tehotirihwató꞉ken ne ronanahkerá꞉kwenhne. Kwáh iáh othé꞉nen tehawé꞉kon iáh ó꞉ni thé꞉nen tehonekí꞉ren.

Psalms 106:23

Né káti aoríhwa wahén꞉ron kwáh kíʼ ensakótonʼte— tó꞉ka iáh ne Mahís, ne roiatará꞉kwen, thaʼtahontahotáhon né tahotiʼtharáhon ne Rawenni꞉io tánon nahó꞉re, ne tahonsahakarahténi ne raonakwátshera ne tó꞉sa asakononwaʼrhiákon.

Exodus 34:28

Ne Mahís thoʼienhenterónhtakwe skátke ne Roiá꞉ner né꞉ne kaiéri niwásenh niwenhniseráhke ó꞉ni niwasonhtàhsen, iáh othènen tehawékon iáh ó꞉ni tehonekíren. Ostenráhke wahahiatónhnion nowenhnasónhas nateriwasehronhniátshera—né꞉ne oiéri niioríwake nʼatiawenrátshera,

Exodus 34:9

Wahénron, “Saiá꞉ner, tó꞉ka kwáh tókenske serientí꞉ios nakonhàke, Konriwanonhtónhnis nahitewaʼteró꞉shen. Kíʼ onkweshón꞉a ne rotinonhtsistanírons, ók shaʼsanikónhren nonhkwariwahetkénsera tánon nonhkwahriwanerenháktshera, tánon takwahiéna tsi í꞉se shonkwéta akénhake.”

Deuteronomy 10:10

“Tsi tionónhte iékesʼkwe né꞉ne kaié꞉ri niwenhniseráhsen ó꞉ni niwasonhtásen, kwáh ki tsi niwatié꞉ren ne tiotierénhton. Ne Roiá꞉ner shé꞉kon énska ionhsonterátste wahakatahónsatate tánon wahariwanónwehne tsi iáh tatsisewá꞉tonhte.

Deuteronomy 9:17

Káti thóh sewahénton watkateʼsénhniate ne osténras tánon watewaʼtó꞉ko.

Deuteronomy 9:25

“Káti hohontsá꞉ke tieʼkonskaráhthe rahohénton ne Roiá꞉ner né꞉ne kaié꞉ri niwenhniseráhsen ó꞉ni niwasontáhsen, tiorí꞉wa ne Roiá꞉ner tsi rá꞉wen entsisewá꞉tonhte.

Deuteronomy 9:9

Iáh kenonhtaráhne natié꞉na nosténras ne thó꞉nonh nikahiaʼtón꞉nion ne ateriwaʼseronhniátsheras né꞉tho Roiá꞉ner ne tsi sehwasenhén꞉ni. Thóh iekiʼteróntakwe né꞉ne kaié꞉ri niwenhniseráhsen tánon niwahsontá꞉sen iáh ó꞉ni thé꞉nen tewakékon iáh ó꞉ni tewatnekí꞉ren.