Deuteronomy 9:10 - Ohiatonhseratokénti

¹⁰ Ethò꞉ne ne Roiá꞉ner tahá꞉kon ne tekenstèn꞉rakes róston né꞉ne thóh nónh nihohiaʼtón꞉nion ne kwáh raónha ratsaʼnáke né꞉ne tsi nahó꞉ten tsisewahró꞉ri ne tsi iotè꞉kha nitsawé꞉non né꞉ne tewenhniserá꞉tehkwe ne sehsewatiaʼtaró꞉roke ne tsi tionónhte.

Deuteronomy 9:10 ပူးပေါင်းရင်းမြစ်များ

Exodus 31:18

Nónen ne Rawenni꞉io sahá꞉sa tsi roʼtharakwenhníhakwe ne Mahís ne tsi ionónhte ne Sinai, tahá꞉wen ne tékeni osténhras tsi nónhwe né kwáh rahónʼa ne Rawenni꞉io rohiatónhnion ne kariwatátʼtsheras.

Matthew 12:28

Nok tanon tokat nonȣa Niio raonikonrake tsi ȣekheiatekȣata nonatkonseraksen, oriȣiio kati tsi onen seȣaiatorenhon ne Niio raonakerasera.

Luke 11:20

Nok tanon tokat Niio raosnonke tkaientakȣa tsi sekheiatekȣatha nonatkonsson, Oriȣiio kati ȣahi tsi onen seȣaiatorenhon ne Niio raonakerasera.

2 Corinthians 3:3

Akwah tho nisewaiaʼtò꞉tens tsi shí꞉ken ní꞉ioht ne Kerístos ahohiá꞉tonke, tánon í꞉ʼi taionkwaterihwareniá꞉ton. Nok iáh né꞉ʼe teiehtshihiatónhkwen ne tókaʼs ó꞉ni otstenhrà꞉ke nón꞉we nakahiá꞉tonke. Onkweriahnéhshon nón꞉we nisewathiatónnion ne rohiá꞉ton ne Roʼnikonhratokénhti ne ronhnheʼón꞉we Rawenni꞉io.

Deuteronomy 10:4

Ethò꞉ne ne Roiá꞉ner é꞉tho ostèn꞉rakes wahahiatón꞉nion kwáh ne sakawénhnas tsi nitiotónhne ne tiotierénhton, ne oié꞉ri nikaianerenserákes tetsisewá꞉wi nó꞉nen shatsisewathá꞉rase ne tsi tiotè꞉kha ne sonhtontié꞉renhte sehsewatiaʼtaró꞉roke ne tsi iononhtáhere. Ne Roiá꞉ner tahá꞉kon nostèn꞉ras,

Deuteronomy 18:16

“Ne tewenhniserá꞉tehkwe ne shisewatiaʼtaró꞉ronhne ne tsi tionónhte ne Sinai, wesewaʼnéken ne tó꞉sa shé꞉kon ahonsahtsisewawenhnà꞉ronke ne Roiá꞉ner tó꞉ka ó꞉ni ne tó꞉sa shé꞉kon nonhwénton ahonsehsewatkátho ne raonakwahtserowanáhtshera, tiorì꞉wa tsi sewateronskwe nontiérenk ensewénheie.

Hebrews 8:10

Nónwah, ne áse aterihwahseronhniá꞉tshera nenhkón꞉ni skátke nonhkweshón꞉a ne Israelronónke nón꞉we tsi néntewe nenhní꞉seras kwáh kén ní꞉ioht, ráton ne Roiá꞉ner: Rahotinikonrakéson nónwe néntsien natianerénseras tánon rahonerianésons nónwe nenkʼkhiáton. Í꞉i ne raotiʼNí꞉io enkénhake, tánon ronónha nakonhkweʼtahshón꞉a enkénhake.