Deuteronomy 8:8 - Ohiatonhseratokénti

⁸ Nonhóntsa ne tkáhas nonátsa ó꞉ni ne tehiotiʼkonhstónhres, onénhare, tionionwarontonhakó꞉wa, wé꞉so iotenénha káhik, iakeniewáhtha, tánon notsinaʼkontahkwà꞉ne otsikhé꞉ta.

Deuteronomy 8:8 ပူးပေါင်းရင်းမြစ်များ

Genesis 49:11

Tánon tsi iotenènharare wahohsharón꞉ten ne raotshé꞉nen tewahónhtes owí꞉ra, tho niió꞉re tsi niwé꞉so iotenenharíseron enwá꞉ton thóh ahohsarón꞉ten ne raotshé꞉nen tewahónhtes owí꞉ra tsi nón꞉we ne kwáh tkaʼnenharí꞉ioʼs. Tho niió꞉re tsi niwé꞉so rohné꞉kaien oʼnenharákeri tho ranoharé꞉tha ne raotsherónnia Ó꞉ni ne waʼkóhses raotià꞉tawi tho nón꞉we ranoharé꞉tha nonekwenhsakerí꞉ke noʼnènhare;

2 Samuel 4:6

Ne tsionthonwísen ne tewatenhohanónhna waoserenhtáraʼne tsi nikaríweskwe waséhwaskwe noná꞉tsa tánon iahó꞉tahwe, káti ne Rechab tánon ne Baanah iahiatáweiate.

1 Kings 5:11

tánon ne Solomon tahá꞉wenh ne Hiram 100,000 nikawinotserákes onátsias tánon 110,000 nikaweró꞉kwahkes ne kwáh ahóskon íken iaʼkeniewatakénhie né niaʼtehiosehráke nasakónonhte rahonkwetashón꞉as.

2 Kings 18:32

né꞉ne tsi nióre ne rakó꞉ra ákte nón꞉we ientsetsisewénhteron né kwáh ne sá꞉ka ne sewanakerásera, thóh nón꞉we nihiotenenharáres nakanekonhniaton notsítsas ó꞉ni nonátsias nakanatarónhnike; né iohontsionhniáton ne iakeniewátha kénʼie ó꞉ni ne ohtsinakonthakwáhne otsikhéta. Tó꞉ka thóh nenhsewáiere tsi niharihwanónhtons, iáh kíʼ taʼisewénheie, ók entiónhnheke. Tó꞉sa tsi sewaríhon ne Hezekiah natsisewatenonwarorithónhniaʼte né naisewanonhthonhniónheʼke nètho Roiá꞉ner tsi kwáh entsisewaniákenhte.

Psalms 147:14

Tatkáwas ne skénnon ne tsi sateristhatátse; né iathathéhni ne kwáh tkanatsí꞉ios.

Psalms 81:16

Ók kwáh kíʼ né enkwanón꞉te né kwáh tkanatsí꞉io, tánon né ensewaʼiatáheste ne otsinakontaʼkwáne raotiʼtsikhéta.”

Isaiah 7:23

Né éhʼtho entewenhniseráteke kwáh tsitnonhwésons ne énska tewenhniawehʼetsheráhsen níkon rotiʼiéntho ne watenenharíseres, énska tewenhniawehʼetsheráhsen saʼtèkena kawistaráken tsi níkon kaientʼthóseronkwe, kwáh kí né thentsoró꞉rokste noniónwaras tánon nohíktas.

Jeremiah 2:7

Iakhehiaténhawe tsi nónhwe tsiohontsiaréhsen, nahontsienʼnónhni tsi nenhatiʼientkwáhko ó꞉ni nohiáshon ne ioiáneres. Ók khék wahonkhonhontsatʼsáhten; wahathihéʼkente ne kanahkeráhsera tekhehiáwi.

Jeremiah 5:17

Ienhathishaháte ne sehwaientʼthótsheras ó꞉ni ne sehwáhkhwas; enshakothinonhwahrhiakónʼnion ne ietʼtsiʼienhokónha. Enkonwahnahwentʼthósehron ne sehwatsenenhókonhs tánon enhónthonte ne sehwanenharahientʼthóhsehron ó꞉ni ne sehwakwireshón꞉ha wishonkówahs. Ne tekensthorohthákwen ne tekahnahtanátʼthon ne kanahtowáhnenhs ne sewaniahesens kwáh enhathirihwáhthonte ne rahononhkwetaʼshón꞉a ronterí꞉ios.

Ezekiel 27:17

Ne Judah tánon ne Israel onáhtsa nènhʼne wahesakarhiákʼten ne sawenhsónhas, otsinakontakwáne otsikʼkhéta, iakenhiewátha kénhie, ó꞉ni iekwakonhonsthákwa.

Hosea 2:8

Iáh kí tehioterienʼtá꞉rakwe né꞉tho tsi í꞉i tká꞉wine nonátsa, ne onenhará꞉keri, tánon ne kénhie, tánon í꞉i watseritʼtse ne kawistará꞉kens tánon nowistanoronhshón꞉as tsi ne ronstákwen tsi ronhwasenhnaiénskwe ne Baal.

Micah 4:4

Ók ratikwé꞉kon aonenhró꞉kon enhóntien tsi watenenharí꞉seres tánon ne tionnionwarontonhakó꞉wa, tánon iáh ónhka tahonwatiʼterón꞉kwen; asè꞉ken né꞉ne Roiá꞉ner Sakoronhiakeró꞉nons kí꞉ken rothatí꞉hon.

Habakkuk 3:17

Ethosà꞉ne ne tsiononwaronhtonhakó꞉wa iáh thatekatsisaneká꞉rons, tánon iáh tewahianihióntha nonenhrakésons; ethosà꞉ne ne iakenhiewá꞉tha iáh othé꞉nen tehioianihiontáhon tánon ne kahentá꞉kes iáh othé꞉nen tetsióha nonátsias; ethosà꞉ne ne teiotinakarontónhas ratikwé꞉kon ronenhé꞉ion tánon ne tsi tekontitastáhkwa ne tionhnónskwarons iáh othé꞉nen teskonhtì꞉teron,

Numbers 13:23

Iahónhnewe nahonrakwáhkon ne Eshcol, tánon thóh nónhwe nahatináʼtshiake ne wèso iohnenharénhton tsi nihiótste tenihiáse waʼtewathonhóntsowe né tahiatenakarotárohke tsi natehiátere tsi waʼnhíhawe. Tánon ó꞉ni thontahonʼiénhawe ne tehiohiaʼtsikhétare sewahiówane tánon ne wisonkówa. (

John 6:13

Sahatiroroke kati, nok tekeni iaȣenre niȣatherake ȣakanane tsinikon ȣahotatenre ne ȣisk nikanatarake teiotikonstonres, neh nonen akȣekon siiakotaon.

John 6:9

Kentho ihres raksaa, ȣisk nihonataraien teiotikonstonres tanon tekentsiake: nahoten kati neneh kasta neh nikentiokȣa?

Deuteronomy 32:13

“Washakorí꞉hon nahontkorásthe tsi nón꞉we tiothonhontsaténions ne Canaan nón꞉we tánon ne wahón꞉neke tsi nahó꞉ten tkánios ne kahentà꞉kes. Wahatitshénri ne otsinaʼkontahkwà꞉ne otsikhé꞉ta ne tsi teiosthenhrénion; ne rahothironhthashón꞉as ne iakeniewá꞉thas wahotiianerásten nónhne tsi natekanenhiothárons nonwenhtsà꞉ke.

Deuteronomy 32:14

Ne rahotitshenenhó꞉kons tionónhskwarons ó꞉ni ne kaiaʼtákeras wé꞉so tsi wakonhtinonhtáthane; ronónha tshiahonhà꞉a thotinastwí꞉ios ne teiotinakaronhtón꞉a, kaiaʼtákeras, ó꞉ni ne tionónhskwarons, ne kwáh tkanatsí꞉ios, tánon ne kwáh tkanekí꞉io onenharataʼsehontsherákeri.

Deuteronomy 6:3

Sewatʼthónthe, O Israerʼró꞉nons, tánon sewatewénhnarak! Ethò꞉ne ki akwé꞉kon tsiensewaianerásten, tánon ensewenhtiokwashátsteke tánon thó꞉nonhwe nenhtiónheke ne ionhontsá꞉ien ne tentkonhtì꞉rake ne kontiʼtshé꞉nens ó꞉ni ne iaweʼtowá꞉nen kaienʼthó꞉tsheras, kwáh ki tsi ní꞉ioht ne Roiá꞉ner ne Sakoní꞉io nonkwasoʼtsheraokonhkén꞉en, tsi rorahrátston.

Deuteronomy 8:7

Ne Roiá꞉ner saNí꞉io thóh nón꞉we waʼiaiatenhá꞉wi ne tsi tiohontsí꞉io—ne iohontsá꞉ien kaniaʼtarónhnions ó꞉ni ionaweró꞉tons, tánon ohné꞉kanos iorihonní꞉hon ne tsi tsik nonwéhsons tionekó꞉tons ne tsi ionontahrón꞉nions.

Deuteronomy 8:9

Thóh nón꞉we iáh nonhwénton tiahisewatonkhá꞉riaʼke iáh ó꞉ni ne thé꞉nen tahontesewatót꞉thase, naonenhiasónhas karístatsis nahoténsons íken, tánon ne ionniarónhnions ní꞉se otsínekwar karístatsis enshókwahte.