Deuteronomy 8:2 - Ohiatonhseratokénti

² Sewehiárak tsi ní꞉ioht ne Roiá꞉ner sewaNí꞉io tsi waʼtsisewahéntenhse ne kí꞉ken iohá꞉hes ne iathitsótkaʼwe ne iahonwentsathèn꞉ke ki ne kaié꞉ri niwáhsen nihioserá꞉ke iotohétston, iatsisewateniéhten nahisewariʼwanorónhsten ne natsisewateʼniénte, ne nahónton nahoterienʼtarà꞉ne onhnahisewátiere tánon kaʼshí꞉ken ensewatewén꞉naraʼkwe kén ne rahoriwatà꞉tsheras.

Deuteronomy 8:2 ပူးပေါင်းရင်းမြစ်များ

Genesis 22:1

Shontóheste kí꞉ken nahorihoʼtén꞉shons ne Rawenni꞉io wahoteʼnién꞉ten ne Abraham; iahoná꞉ton, “Abraham!” Tánon waʼtharihwaʼserá꞉ko nʼAbraham, “Kén꞉en í꞉keʼs!”

2 Chronicles 32:31

iehió꞉he nó꞉nenh ne Babyloniaró꞉nons shaʼkothátsiaʼse éntʼre naharihwísake tsi oiakʼthíhiot ne tsi ionhontsáien, né Rawenni꞉io wahoríhʼon ne Hezekiah thóh niʼháier tsi nihré꞉reh nék nahót꞉kenhse tsi nihaweienhnóten.

2 Chronicles 33:12

Né tsi nihoronhiáken ehtàke sahatatónhni, Roiá꞉ner Raoní꞉io nòkwah nionhsahatiéraʼte, tánon waʼhonéken nahoiénawahse.

2 Chronicles 33:19

Né ronnontí꞉io tsi nihoterénhnaien tánon tsi naʼtehorihwasehráhkwen ne Rawenni꞉io, tánon tsi niʼiohthánions ne karihwánerens tsi nihotieráhnions nohénton shonsahatatréhwaʼte—né karihwahekénhseras tsi nihotieráhnion, né kahiatonhnisónhas tsi nón꞉we nikonhwatisenhnaienthákwas tánon ne kahiatarónhnions ne kaní꞉io Asherah né rosahánions tánon ne kahiathonhnisónhas né sakosénhnaien—akwé꞉kon kahiatónhnions Tsi Nihonwatikarahthónkwas ne Rotiʼtokenhséhaʼkwe.

Nehemiah 9:19

Ók shé꞉kon kíʼ, thóh tsi nihiawetowá꞉nen ne sanitenhrátshera, ní꞉se iáh tesheiatewenhtéton thóh tsi iahonwenhtsathénhake. Ne iotsikeró꞉te iáh kíʼtehiakotsiatontakwén꞉ni ne tsi niwenhní꞉seres, ne nahiakohenténhse tsi niahonenonhátie. Iáh ó꞉ni ne iotsiró꞉te ne tsi niwashón꞉tes ne tahiakoswathè꞉ten ne tsi iohá꞉te tsi nón꞉we ahó꞉wenk niahón꞉ne.

Job Tánon ne Raoronhiakensera 33:17

ne nahón꞉ton ákte niahonshasakoieráten tsi nihatiweienó꞉tens, tánon ahontasakoiatónhneke tsi nokwáh ne kanaiéhsera,

Psalms 103:2

Kwáh thenhinonhweráton ne Roiá꞉ner, Ó akwatónhnhets, tánon tiotkonhónhwe sewehiárak tsi nikaiothenhseríhio rohióthens—

Psalms 106:7

Né iakishotʼtonhkonhkénʼen, né Egypt siehónhnes, iáh karíhwa tehonónhni ne iorihwanerákwat tsi nisonhkwahtserá꞉se ne Rawenni꞉io; iáh teshoneiaráhon ne iawetowáʼnenh í꞉ken ne iorihwaʼtóken sanoronhkwáhtshera, ók waʼhonwaʼwenhnón꞉ti ne kwáh roshaststenhserowanenkówa né Red Sea nón꞉we.

Psalms 136:16

rahónha sakohéntenhse ne rahonkwetaʼshónhas ne iahonwenhtsiat꞉thénhake shahónhne, asèken ne iorihwatóken raonoronhkwáhtshera tsi nénhwe enkátake;

Psalms 77:11

Kwáh ienskanontón꞉nionʼwe ne iorihwanerakwahténions, nètho Roiá꞉ner tsi nihoieránion ne tsiotohesthánion.

Psalms 81:7

Nó꞉nen satesanikónhrare iaskeʼnáton, tánon sakonhniákenʼte; Tsi nón꞉we nikatasehtákwa né꞉ne tsi tehioweratáse, watkonrihwasehrákwahseʼ thóh nón꞉we nakonhiateniénhten ne tsi tionáwerote ne Meribah. Selah

Exodus 15:25

Ne Mahís wahaʼterénhnaien rohneʼkènnis ne Roiá꞉ner, tánon ne Roiá꞉ner wahoʼnatónhase kèrithe, né nawènhke iahó꞉ti; tánon nohné꞉kanos wahkané꞉kihione nahónton ahieneʼkírah. Thóh nónhwe ne Roiá꞉ner thashaʼkáwenh ne kaianerénsera tsi ní꞉ioht tsi ahonʼnónhʼnheʼke, tánon thóh ó꞉ni nónhwe washaʼkoteʼniéntʼthaʼse.

Exodus 16:35

NʼIsraerʼró꞉nons né꞉ne kaiéri niwáhsen niioseràke nikaríwes né wahonhné꞉ke, tsi nióre iahónhneʼwe ne tsi wathonwenhtsáʼien ne Canaan, tsi nónhwe nahonthaʼtíteron. (

Exodus 16:4

Ne Roiá꞉ner wahawénhase ne Mahís, “Ónenh kíʼ entkaténieʼthe ne ká꞉khwa tsi ní꞉ioht nenhiokénh꞉nore ne karonhiá꞉ke nènhtewe ne sewahkwékon sewariwá꞉ke. Nonhkweshón꞉ʼa ónenk tsi niatewenhniseráke ienhatiʼhiákenʼen nahonhnonrónhko ne iathahoʼtiʼiérise ne tsi niwenhnísehres. Thóh nènhtewe tsi enkhehiaʼteniénhten nahkeriwatʼtshénri tó꞉ka ken ratísehre nakerihonʼnienhnítsheras.

Exodus 20:20

Ne Mahís wathariʼwaserako, “Tó꞉sa sewá꞉teronhk; ne Rawenni꞉io nèkse aoríwa tá꞉hre natsiʼsewateniénten tánon natsiʼtsiónhnien nahtsiʼsewawenhnaráhkwahʼke, ne káti ne tó꞉sa ahisewariwá꞉nerahke.”

Proverbs 17:3

Ohwistanó꞉ron tánon kahwistarà꞉ken tsi iotékha teionatohétston, nok nón꞉kwe akawé꞉ri Roiá꞉ner ne nen né꞉ʼe tenhaiaʼtó꞉rehte.

Isaiah 2:17

Ne iontatkowanátha onhkweʼó꞉kons kwáh kí ehʼtàke enshonwenhnónhni, tánon tsi nihiontatónhni onhkwetakwékon kwáh kí ehʼtàke entiónhton; tánon iatehahiáti ne Roiá꞉ner kwáh éhʼneken enhonhiónhni nètho enwenhniseráteke.

Jeremiah 2:6

Kwáh iáh othèʼnenh kahriwahʼtetionkónhnisʼkwe, ethohʼsáne sehkheniakénhton ne Egypt nónhwe tánon wahkhehiasáhrihne iatsiatsótʼkaʼwe ne kahentahkeʼkówa: né ionwenhtsiáien né꞉ne iahonwentsiát꞉ten tánon onesahrónkwa ioshonʼwénion, iostátʼten ó꞉ni iothonwenhtsiátʼteron thóh nónhwe iáh ónhka tehienáhkeʼre ó꞉ni kwáh iáh ónhka tehiontohétsta né nónhwe.

Ezekiel 20:19

Í꞉i ne Watiá꞉ner sewah Ní꞉io. Sewatewénhnarak natianerénsehras ó꞉ni nakeriwahtátʼtsheras.

Amos 2:10

Kwáh ó꞉ni tetkoniaʼtinekénhen ne tsi tiohontsá꞉ien ne Egypt, tánon waʼkonhén꞉teʼse kaié꞉ri niiohseráhsen nikarí꞉weʼskwe ne iaonhwentsathenhá꞉ke, ne naesawenkhón꞉weke tsi rononhontsá꞉ien ne Amorʼró꞉nons.

Numbers 14:33

Né ietshiʼienhokónhas enhotiʼnatenhawíson ne karakhonkówa né꞉ne kaiéri-nihioserásen nikaríhwes, rotironhiáken ne tsi iáh teshewarihwató꞉ken, tsi nióre ne saiáta iatenhshothaténronke nenrénheʼie.

Luke 18:14

Oriȣiio tsi kȣarori: neh kehiken shotiatokeȣenhatie tsi shotentionhatie nok iah ne saiatat: aseken onka iontatharatasts ehtake niienhentsion; nok onka ehtake iontatonni enhiontharatate.

John 2:25

Nok oni tsi iah teresakskȣe onka nonkȣe ahonȣariȣaniratse: aseken akȣekon raienteri tsini iakaȣeriasotens nonkȣe.

Deuteronomy 1:3

Ne tsiotenhniseraʼtserénhton né꞉ne énska-iawénhre shiwenhniʼtakéhaton né꞉ne kaiéri-niwáshen shihioserakéhate ne nó꞉nen shatetonahténhtion ne Egypt, Mahís washakohró꞉ri nonhkweʼshón꞉a orihwakwé꞉kon tsi nihonà꞉on ne Roiá꞉ner nashakohró꞉ri.

Deuteronomy 1:33

ethosàne tsi tiókonhte raónha ohénton niehawé꞉non nahtsisewanaktatsénhriaʼse kaʼnónhwe nahisewanáhtaien. Naʼtsisewanahtónhase tsi niehiothahí꞉non, sewahénton íhre tsi nihiotsiro꞉te noʼkarasnéha ók ne tsi niwenhníseres ahé꞉ren nénhne nihiotsikero꞉te.

Deuteronomy 13:3

tó꞉sa othé꞉nen thaieʼtsiriwásnies. Ne Roiá꞉ner sewaNí꞉io ne shakotstonhátie naʼtsisewateʼnién꞉ten, nahatkátho tó꞉ka ken seweriasakwé꞉kon tsisewanorónhkwa.

Deuteronomy 2:7

“Sehwehiá꞉rak tsi ní꞉ioht ne Roiá꞉ner sewaNí꞉io tsi eʼtsisewahiataʼteríston né kwák tsi nahisehwatiérake. Waʼtsisewatenhnikònhraren tsi watesewatawénhrie tsi niahí꞉sehwe ne kén꞉en ne tehiotenonhianì꞉ton ahonwenhtsiathèn꞉ke. Sehwakwekonʼhátieskwe né꞉ne kaiéri-niwáshen nihioserà꞉ke nikarí꞉wes, tánon akwé꞉kon niesehwaiéntaʼkwe tsi natesehwatonhontsóni.

Deuteronomy 29:5

Ne kaié꞉ri nihioseráhsen ne Roiá꞉ner watsisewahéntenhse ne iahonwentsiathénke, tánon ki ne sewaʼtsherón꞉niat ó꞉ni ne sewátas iáh nonhwénton tehioriwenhtà꞉hon.

Deuteronomy 32:7

“Hionhsasewanonhthón꞉nionf, ne wahón꞉nise tkénhne; ientsihienhokón꞉a ietsiriwanónhtons naieʼtshiró꞉ri tsi nihiawénhen, ietshiriwanónhtons ne rotikstenhokón꞉as naieʼtshiró꞉ri ne tiotohétston.

Deuteronomy 7:18

Tó꞉sa ietshiʼtshà꞉nisek; sewehiá꞉rak nahó꞉ten ne Roiá꞉ner sewaNí꞉io tsi nihoié꞉raʼse ne ronhnonhtí꞉io ne Egypt nónhwe tánon ratikwé꞉kon ne rahonkweʼtashón꞉a

Deuteronomy 8:16

Ne iahonwentsathèn꞉ken nón꞉we wahiá꞉nonhthe, né꞉ne kákhwa ne iáh nonhwenton ne ietsisotʼthonkonhkenʼen tehó꞉nekon. Thatsisewatenié꞉then ne karonhiá꞉kensera natsisewatenién꞉ten, ne káti ne tsi ieiotót꞉the nahónton natsisewahiathatéristhe né꞉ne kwáh ioiáneres nahoténsonhs íken.

Ne꞉ne Sák Rohiaton 1:3

asèken sewateriéntare nónen neh sewehtakwéntsera enhiosénni tsi nahóten tesewariwatíronte, thoʼniʼiáwens naiekwéni nahionthakátsʼtate.

Ne꞉ne Sák Rohiaton 4:10

Ehtáke sewatatón꞉ni rahohénton ne Roiá꞉ner, tánon raónha enshiasenʼnakarátate.

Ne꞉ne Sák Rohiaton 4:6

Nók nataniténron tsi nitatkáwas ne Rawenni꞉io sénha neh kasátsʼte. Tsi niwáton noʼiatonseratokénti, “Ne Rawenni꞉io sakonenrotánis ne hiontatónni, nók sakoténras ne ne ehtáke iakotatónh꞉ni.”

1 Tiér 1:7

Kíʼ nahorihoténsons nehne akariwaniráton tsi thetsetákwen ne Kerístos tsi kwáh oriwí꞉io íken. Ieʼióhe nowistanóron, nónkwe eniekwéni taieríthe, neh nótsire wátston tsi watʼkénse; neh káti nahonkátsʼteke. Ehʼthó꞉ne enshèna ne karensaróntshera ó꞉ni ne kahiathaterítsera ó꞉ni ne kakweniensthátsera nentewenniseráteke nónen ne Ié꞉sos Kerístos enhathotáshion.

Revelation 2:23

tánon kwáh enkheién꞉te nakoioʼokón꞉as nahonhní꞉heie. Tanon akwé꞉kon ne ononsatokénhtis kwáh enhiakoterienʼtá꞉rahne tsi Í꞉i katkátos noʼnikón꞉ras ó꞉ni nawé꞉ris, tánon kwáh ne entkwáion ne tsi sewahiatatʼtions ne sewahioʼténhseras tsi natehioténhtion.

Judges 2:22

Ronónha enkheniáhese nahatirihwísake tó꞉ka kén kí꞉ken Israerʼró꞉nons enhionhkewénhnarakwe khés ne iáh, tsi né niʼhionkewenhnarákwahkwe ne shakotisotʼthonkonhkénʼen.”

Judges 3:4

Kí꞉ken onhkweshónas ne nahonwanátʼkense nʼIsraerʼró꞉nons, nahatirihwát꞉tseri tó꞉ka kén khés ne iáh ne Israerʼró꞉nons ahontewénhnarakwe ne rahorihwatátʼtsheras nètho Roiá꞉ner teshakówi ne sakotisotʼthonkonhkénʼen rahonháke ne Mahís.