Deuteronomy 8:16 - Ohiatonhseratokénti

¹⁶ Ne iahonwentsathèn꞉ken nón꞉we wahiá꞉nonhthe, né꞉ne kákhwa ne iáh nonhwenton ne ietsisotʼthonkonhkenʼen tehó꞉nekon. Thatsisewatenié꞉then ne karonhiá꞉kensera natsisewatenién꞉ten, ne káti ne tsi ieiotót꞉the nahónton natsisewahiathatéristhe né꞉ne kwáh ioiáneres nahoténsonhs íken.

Deuteronomy 8:16 ပူးပေါင်းရင်းမြစ်များ

Genesis 22:1

Shontóheste kí꞉ken nahorihoʼtén꞉shons ne Rawenni꞉io wahoteʼnién꞉ten ne Abraham; iahoná꞉ton, “Abraham!” Tánon waʼtharihwaʼserá꞉ko nʼAbraham, “Kén꞉en í꞉keʼs!”

2 Chronicles 32:31

iehió꞉he nó꞉nenh ne Babyloniaró꞉nons shaʼkothátsiaʼse éntʼre naharihwísake tsi oiakʼthíhiot ne tsi ionhontsáien, né Rawenni꞉io wahoríhʼon ne Hezekiah thóh niʼháier tsi nihré꞉reh nék nahót꞉kenhse tsi nihaweienhnóten.

Job Tánon ne Raoronhiakensera 42:12

Ne Roiá꞉ner waʼhahiá꞉tateriste tsi ní꞉kon shé꞉kon roʼthenhniserathá꞉thenron ne Job sénha wé꞉so tsi nitiotón꞉ne nó꞉henton; tánon kaié꞉ri iawénre tewenhniawehetsheráhsen teiotinakarón꞉tonha roʼnaskwahièntakwe, ia-iak tewenhniawehetsheráhsen iotiniá꞉kwahere, énska tewenhniawehetsheráhsen nihioianakes ne tehonteniaró꞉roks teotinakares tionhnonskwahrons, tánon énska tewenhniawehetsheráhsen tewahóntes.

Psalms 119:68

Tsi nisahiá꞉neren tsi nitisarihwaiéri! Takerihónhnien ne sahtsiawenhráhtseras.

Exodus 15:25

Ne Mahís wahaʼterénhnaien rohneʼkènnis ne Roiá꞉ner, tánon ne Roiá꞉ner wahoʼnatónhase kèrithe, né nawènhke iahó꞉ti; tánon nohné꞉kanos wahkané꞉kihione nahónton ahieneʼkírah. Thóh nónhwe ne Roiá꞉ner thashaʼkáwenh ne kaianerénsera tsi ní꞉ioht tsi ahonʼnónhʼnheʼke, tánon thóh ó꞉ni nónhwe washaʼkoteʼniéntʼthaʼse.

Exodus 16:15

Nónen ne lsraerʼró꞉nons sahontkáto, iáh tehonahteriéntare nahó꞉ten nènhneʼe tánon wathontateriwanonhtónhaʼse, “Nahó꞉ten thí꞉ken?” Mahís wasakawénhaʼse, “Né kí꞉ken ne káʼkhwa ne Roiá꞉ner thaʼtsition nahisewá꞉ke.

Exodus 16:31

Nonhkweshón꞉ʼa nIsraerʼró꞉nonke ne ká꞉khwa kaná꞉taro wahaʼtináhtonkwe. Kwáh né꞉ne ká꞉nen aʼkénhake, tánon thóh nihiaʼwekonhontseró꞉ten tsi ní꞉ioht nʼorahwístha né꞉ne ionhniáton ne otsinaʼkonhthakwá꞉ne otsiʼkhéta.

Exodus 16:4

Ne Roiá꞉ner wahawénhase ne Mahís, “Ónenh kíʼ entkaténieʼthe ne ká꞉khwa tsi ní꞉ioht nenhiokénh꞉nore ne karonhiá꞉ke nènhtewe ne sewahkwékon sewariwá꞉ke. Nonhkweshón꞉ʼa ónenk tsi niatewenhniseráke ienhatiʼhiákenʼen nahonhnonrónhko ne iathahoʼtiʼiérise ne tsi niwenhnísehres. Thóh nènhtewe tsi enkhehiaʼteniénhten nahkeriwatʼtshénri tó꞉ka ken ratísehre nakerihonʼnienhnítsheras.

Exodus 20:20

Ne Mahís wathariʼwaserako, “Tó꞉sa sewá꞉teronhk; ne Rawenni꞉io nèkse aoríwa tá꞉hre natsiʼsewateniénten tánon natsiʼtsiónhnien nahtsiʼsewawenhnaráhkwahʼke, ne káti ne tó꞉sa ahisewariwá꞉nerahke.”

Proverbs 17:3

Ohwistanó꞉ron tánon kahwistarà꞉ken tsi iotékha teionatohétston, nok nón꞉kwe akawé꞉ri Roiá꞉ner ne nen né꞉ʼe tenhaiaʼtó꞉rehte.

Daniel 11:35

Tóhka nihá꞉ti ne ronteʼnikonhrattókhas ne ohén꞉ton iehónneton enhonwatí꞉rio, nok né kiʼ enkarihón꞉ni ne Rawenni꞉io ensehshakoʼnikonhrahsehrón꞉ni nonkwehshón꞉ʼa. Eʼtho neniohtonhátie tsi niió꞉re ienkáhewe ne tsi ieiótoʼkte ne tsi nihokwatákwen ne Rawenni꞉io.

Romans 8:28

Kwáh ohriwakwékons ionkwateriéntare ne Rawenni꞉io ioʼiáneres tsi nishakotsérahse tsi niʼiákon ne ronwanorónkwa, tsi niháti ne sakhoʼnháʼon, ne entioianénhawe tsi nihoskanektseróten.

2 Corinthians 4:17

Kí꞉ken niiorihwá꞉sas kwáh ionkwaweiennén꞉taʼs ne ionhnheʼón꞉we kaiaʼtaterihtshera knaʼ nenʼne akwé꞉kon nonkwaronhiakénhshera iáh thé꞉nen thaʼtaonsakaierontá꞉rake ne raoiaʼtateríhtshera.

Deuteronomy 13:3

tó꞉sa othé꞉nen thaieʼtsiriwásnies. Ne Roiá꞉ner sewaNí꞉io ne shakotstonhátie naʼtsisewateʼnién꞉ten, nahatkátho tó꞉ka ken seweriasakwé꞉kon tsisewanorónhkwa.

Deuteronomy 8:2

Sewehiárak tsi ní꞉ioht ne Roiá꞉ner sewaNí꞉io tsi waʼtsisewahéntenhse ne kí꞉ken iohá꞉hes ne iathitsótkaʼwe ne iahonwentsathèn꞉ke ki ne kaié꞉ri niwáhsen nihioserá꞉ke iotohétston, iatsisewateniéhten nahisewariʼwanorónhsten ne natsisewateʼniénte, ne nahónton nahoterienʼtarà꞉ne onhnahisewátiere tánon kaʼshí꞉ken ensewatewén꞉naraʼkwe kén ne rahoriwatà꞉tsheras.

Deuteronomy 8:3

Tsi nió꞉re tsi waʼtsitionhkarià꞉the, tánon ethò꞉ne kákhwa thatsí꞉tson nahí꞉sewake, né꞉ne kákhwa ne ietsisoʼthonkonhkén꞉en iáh nonhwénton tehoné꞉kon ne tiotierénhton. Ne ki aorí꞉wa thóh nahá꞉iere ne naʼtsisewarihón꞉nien né꞉ne tó꞉sa ki kákhwa kók sewaniahesénhak nahitsónhetste, ók né꞉ne kwáh orihwakwé꞉kon tsi nahoʼténhsons ne Roiá꞉ner ratón꞉nions.

Ne꞉ne Sák Rohiaton 1:12

Ronatháskat tsi niháti enhathiháwake ne tewetákwen tsi nikaríwes tehonwanaskótanis, Asèken nónen hiatenhonʼnótkawe tsi ní꞉ioht tsi enhonwanateniénten, neh tenhonateriwaserákwase natónhnhes tsi nisakorahrastén꞉ni neh Rawenni꞉io tsi niháti ne ronwanorónkwa.

1 Tiér 1:7

Kíʼ nahorihoténsons nehne akariwaniráton tsi thetsetákwen ne Kerístos tsi kwáh oriwí꞉io íken. Ieʼióhe nowistanóron, nónkwe eniekwéni taieríthe, neh nótsire wátston tsi watʼkénse; neh káti nahonkátsʼteke. Ehʼthó꞉ne enshèna ne karensaróntshera ó꞉ni ne kahiathaterítsera ó꞉ni ne kakweniensthátsera nentewenniseráteke nónen ne Ié꞉sos Kerístos enhathotáshion.