Deuteronomy 8:1 - Ohiatonhseratokénti

¹ “Iaʼtesewatatsáhat tsi sewatewénhnarak norihwakwé꞉kon ne kaianerénhseras né꞉tho takwahion nón꞉wa wenhniserá꞉te, ne káti nahitsónhnheke, nahisewentiohkowáhna, ó꞉ni nahisewatié꞉nawatste nohóntsa ne Roiá꞉ner shakorahratstén꞉ni ne ietsisoʼthonkonhkén꞉en.

Deuteronomy 8:1 ပူးပေါင်းရင်းမြစ်များ

Ezekiel 20:19

Í꞉i ne Watiá꞉ner sewah Ní꞉io. Sewatewénhnarak natianerénsehras ó꞉ni nakeriwahtátʼtsheras.

Deuteronomy 1:8

Akwé꞉kon ne kí꞉ken nohóntsa ne Í꞉i, ne Watiá꞉ner, wakarahrátston tsi entekhéion ne sewasótsheras, Abraham, Isaac, tánon ne Jacob, tánon tsi nienhontwatsirì꞉ne. Wás tánon iaʼsewaná꞉taien.’”

Deuteronomy 4:1

Ethò꞉ne ne Mahís wasakawénhase nonhkweshón꞉ʼa, “Sewatewenhnaráhkwak akwé꞉kon ne kaianerénseras ne kwarihonhnién꞉nis, tánon enhtsónhnheke ó꞉ni ensewatié꞉nawatste nonhóntsa tsi niká꞉ien ne Roiá꞉ner, ne SakoʼNí꞉io ne ietsisothokonhkén꞉en, ne tetsisewá꞉wis.

Deuteronomy 5:32

“Israerʼró꞉nons, kwáh orihwí꞉io kénhak tsi akwé꞉kon thóh nenhsewá꞉iere tsi niháwen ne Roiá꞉ner sewaNí꞉io tsiʼnítsi sewahró꞉ri. Tó꞉sa othé꞉nen sewatewenhnónti ne raoianerénhseras.

Deuteronomy 5:33

Akwé꞉kon sewatewénhnarak, ne káti norihwakwé꞉kon tsiahioiánerenke ne sewarihwà꞉ke tánon káti kwáh niahisewakónhtà꞉kwe thóh ahisewenhterónhtake ne tsi iohontsá꞉ien nenhsewatié꞉nawatste.

Deuteronomy 8:18

Sewehiá꞉rak tsi Roiá꞉ner sewaNí꞉io tetshisewá꞉wis ne kaʼshatsténhsera nahisewakwahtsè꞉ne. Thóh ki nihaié꞉ra tiorí꞉wa tsi shé꞉kon roriwató꞉ken nón꞉wa wenhniserá꞉te ne nateriwaʼseronhniá꞉tshera ró꞉shon skátke ne ietsisoʼthonkonhkén꞉en.