Deuteronomy 7:9 - Ohiatonhseratokénti

⁹ Sewehiá꞉rak né꞉tho Roiá꞉ner sewaNí꞉io tsi rahonhatsí꞉wak kók ne Ní꞉io tánon tsi roriwató꞉ken. Enhateweiénton ne raohianerénhsera tánon enrè꞉neste ne ioriwató꞉ken raonoronhkwátshera ne tewenhniaweheʼtseráhsen natewaterehsehránes ne tsi niʼiá꞉kon ronhwanorónhkwa tánon iontewenhnaráhkwa ne raoriwaʼtá꞉tsheras,

Deuteronomy 7:9 ပူးပေါင်းရင်းမြစ်များ

Genesis 17:7

Tánon kwáh éntien nakaterihwahseronniáhtshera tsi naʼtetiátere ó꞉ni tsi nienhsathwatsí꞉rine, tánon kwáh ó꞉ni tsi wahatinekwenhsatátie né꞉ne tsi nén꞉we enká꞉take naterihwahseronniáhtshera, kwáh Í꞉i ne Saní꞉io enkénhake tánon tsi nienhsathwatsí꞉rine ó꞉ni nó꞉nen ensenhé꞉ionke.

Genesis 28:15

Saterièn꞉tarak tsi tenikwé꞉kon ní꞉se tánon kwáh enkoniatenʼnikón꞉raren kwáh tsi nón꞉we nienhénhse, tánon tentkoniaʼténhawe ne kén꞉ʼen nón꞉we niionhóntsaien; aseʼkénh iáh seʼ thakoniatewèn꞉tehte tsi niió꞉re tho néntiere tsi nikonhrharatstén꞉ni.”

Genesis 9:15

Kwáh enkehiá꞉raʼne nakaterihwahseronniáhtshera ne꞉ne tsi naʼtetiátere tánon tsi nihá꞉ti ne ronnónhnhe; tánon nohné꞉kanos iáh shé꞉kon nonwén꞉ton thaonsawenhnó꞉ton thaonsaiahkòhtonʼte ne ionnonhnhénion.

1 Kings 8:23

tánon wahaterénhnaien, “Saiá꞉ner Sewenní꞉io NʼIsraerʼrónons, kwáh iáh othènen nó꞉ia tekaniʼiosehráien tsi níse ní꞉ioht ne é꞉neken ne tsi karonhiáte khés nehthàke ne tsi ionhwenhtsáte! Sheʼiateweientónhni ne sateriwaseronhniátshera skát꞉ke ne shonkwetaʼshón꞉as tánon shenatónhnis ne sanonhronhkwáhtshera nó꞉nen thóh ní꞉ioht tsi enhonhnónh꞉nheke kwáh ronhnerhiasakwékon tsi eniesawénhnarakwe.

1 Chronicles 16:15

Tiókonte ne réhiare ne raoterihwaʼseronhniátshera, né nowenhnasónhas ne rótston tsi nisakorahratsténhni ne tewenhniawehetsherásen nío꞉re iatehiotereserá꞉ne,

2 Chronicles 6:14

Wahaterénhnaien, “Saiá꞉ner Sewenní꞉io Nisraeʼró꞉nons, orihwakwé꞉kon ne karonhiáke ó꞉ni nonwenhtsáke iáh ónhka nahonsaiesaiérenhke. Saʼtienawáston ne saʼterihwaseronhniátshera tsi nòkwahti ne shonkweʼtaʼshón꞉as tánon shenatónhni ne sanoronhkwáhtshersa nó꞉nen thóh ní꞉ioht tsi enhonhnón꞉nheke ronhneriasakwékon tsi eniesawénhnarahkwe.

Nehemiah 1:5

Waʼkí꞉ron, “O Saiá꞉ner, rahónha ne Rawenni꞉io ne tsi karonhiá꞉te, teotenonhiatí꞉ton tánon roshatstenhserowanenʼkó꞉wa Rawenni꞉io, Rahónha rateweién꞉tons naterihwaseronhniá꞉tshera ne kenténron tsi nihiá꞉kon ne ronwanorónhkwa tánon iontewenhnaráhkwa ne raorihwatátʼtshera.

Nehemiah 9:32

“Tánon nón꞉wa, ne Ní꞉io, né꞉ne teotenonhianì꞉ton tánon rashátste tánon teotenonhianitonhkó꞉wa Ní꞉io, raónha rohnóns꞉te naterihwasheronhniá꞉tshera tánon torihwaié꞉ri, tó꞉sa ne shón꞉ni ne kenk nakonhà꞉ke ne karonhiakénhsera akwé꞉kon ne karonhiakénhsera ionkwahrá꞉hon, ó꞉ni ne rotirá꞉hon nonkwahnontí꞉ios. Ó꞉ni rotitokénhses, ó꞉ni ne ionkinihó꞉kons tánon rotirá꞉hons ratikwé꞉kon ne shonkweʼtashón꞉as tsi ná꞉he tiotáhsawe shiohnhatenhniseraténionskwe ne rontinontí꞉ioskwe ne Assyria nón꞉we tsi niió꞉re nón꞉wa wenhniserá꞉te.

Psalms 103:18

né꞉ne tsi nihiákon enhiontsénawasʼte ne raoterihwaʼsehronniátshera tánon nenhiakehiárahke thóh naiéhiere tsi nihorihwaʼtháton.

Psalms 105:8

Tiókonte ne réhiare ne raoterihwaʼseronhniátshera, né nowenhnasónhas ne rótston tsi nisakorahratsténhni ne tewenhniawehetsherásen nío꞉re iatehiotereserá꞉ne,

Psalms 119:75

Wakateriénhtare, Ó Saiá꞉ner, nètho sarihwenthátsera tsi tkaiéri, tánon thóh ne iotokenskehónwe tsi ní꞉ioht tsi wahsetréwaʼte.

Psalms 146:6

tsi nikáien ró꞉son ne tsi karonhiáte ó꞉ni tsi ionhontsáte, ne kaniatarakekó꞉wa, tánon tsi nahoténhsons né thóh nón꞉we nikónhnes; rahónha ranikonhrará꞉tses ne tewetákwen tsi nénhwe enkénhake;

Psalms 36:6

Né sarihwaʼkwahrihshión꞉tsera thóh ní꞉ioht tsi ní꞉ioht ne kwáh tiotenonthatónhnion, né sarihwenhthátseras thóh ní꞉ioht tsi ní꞉ioht né kwáh tsionó꞉tes; Kwáh satéhiot tsi Í꞉se tesehiatkawénhnis nonkweʼshónha ó꞉ni ne kontitshénens, Ó Saiá꞉ner.

Exodus 20:6

Ók wakenestonʼhátie nakenoʼronhkwáhtshera né꞉ne niaʼteweniawenhehtsherásen tehioteresehrásere né꞉ne tsi niháti ne ionhkenorónhkwa ó꞉ni rontewenhnaráhkwah naʼtianerénsehras.

Isaiah 49:7

Né aoríhwa rá꞉ton ne Roiá꞉ner, né꞉ne sehsakoniaʼkénton NʼIsraerʼró꞉nons tánon né énska ne Roiatatoʼkénti í꞉ken, né꞉ne rahonháhak né kwáh í꞉ken tsi ronwahthaʼkwaswénhon, ronwashónhon ne ronhnonhontsaʼkeró꞉nons, ronwatenaskonhniá꞉ton ne ratiʼkoráhsons, “Né Rontinontí꞉ios nenhonwá꞉ken tánon kwáh kí thenhatítaʼne, né ronaterihóntons, ó꞉ni kwáh enhatiʼiatakerónhtaʼne tsenhatiʼkonsótane nonhontsáke, né enkarihónhni ne Roiá꞉ner, rahónha ne roriwatóken, Rahonháhak khók ne Roiatatokénti í꞉ken NʼIsraerʼronónke, né꞉ne rahónha iahiaʼtarákwen.”

Jeremiah 32:18

Sehnésthon ne iorihwahthó꞉ken sahnoronkwáhtshera raoʼtihénton ne tewenhniawehetseráhsen nihionkwéhtahke, ók kíʼ ó꞉ni sehrewáhtha nonhkweshón꞉a né karihónnis ne raoʼthirihwahnerahákʼtshera ne ronwahtiʼienokónha. I꞉se ne teshaʼtenonhianíton ó꞉ni sashaststenseró꞉wahnenh Ní꞉io; i꞉se ne Saiá꞉ner Sashastsʼtenserowáhnenh.

Lamentations 3:23

Ehniwáse tsi ní꞉ioht noronkéne, ehnihioriwí꞉io tsi ní꞉ioht tsi tkarakwínekens.

Daniel 9:4

Wakaterénnaien raonhá꞉ke ne Roiá꞉ner Akeʼní꞉io ó꞉ni waʼakwarihwahní꞉rate tsi niionkwarihwané꞉ren. Waʼkí꞉ron “Saiá꞉ner Ní꞉io, tesatenonhianíhton, tánon kwakweniénhstha. Iorihwatóken ne sahrharatstátshera, ó꞉ni ne sanonronhkwáhtshera tánon tsi niiá꞉kon ne iesanorónhkhwa ó꞉ni iesawennaráhkwa.

Numbers 14:18

‘Í꞉i, ne Watiá꞉ner, iáh tewatiésenh nahonkenákwen, tánon kenéstha kowánen kanoronhkwátshera ó꞉ni tokenhskeʼónwe tánon nahonshakeʼnikónhrenhse ne karihwáneren tánon ne taienenhrá꞉rihte. Ók kíʼ ó꞉ni iáh thaʼhonkerihwanóron naʼkeréwathe ne ratiksahokónhas ó꞉ni ne sakonaterehokónhas tsi nióre nasénhaton ó꞉ni kaieríhaton niaʼtehioteresehráne né rahotiʼrihwanereháktsheras ne ronhwatiʼiohʼokónhas rahotirihwaneraháktsheras ahonthakarihónhni.’

Romans 8:28

Kwáh ohriwakwékons ionkwateriéntare ne Rawenni꞉io ioʼiáneres tsi nishakotsérahse tsi niʼiákon ne ronwanorónkwa, tsi niháti ne sakhoʼnháʼon, ne entioianénhawe tsi nihoskanektseróten.

1 Corinthians 1:9

Rawenni꞉io seh ronwahniahesénhak, ne Rawenni꞉io tsi nikáien ne iehianáton taitiateriwahshónteren ne Roiénha Ié꞉sos Kerístos.

1 Corinthians 10:3

Ratikwékon ne wahónnheke ne karonhiakhéka kanátaro.

1 Corinthians 8:3

Ónk ne ónkwe ne ronkwahnorónkwah ne Rawenni꞉io tsi shakoientéri.

2 Corinthians 1:18

Rawenni꞉io iotón꞉ʼon nahonwaniáhese, í꞉ʼi ó꞉ni, nó꞉nen enkí꞉ron tsi ní꞉kon tekwarihwaserakwén꞉ni tió꞉konte “Hen niehé꞉ken iáh nowén꞉ton tóka ken ne Iáh akénhake.”

Deuteronomy 32:39

“‘Í꞉i, tánon akonhatsí꞉wa kók, ne Wakení꞉io; iáh ónhka nakò꞉ren ne Ní꞉io narónhneke. Khenonhwarià꞉kons tánon tekhehiá꞉wis natónnhets, khekarewátha tánon sehkhetsiéntha, tánon iáh ónhka thaiekwé꞉ni nahiehiotháthe tsi nakátiere.

Deuteronomy 32:4

“Ne Roiá꞉ner se ne roshatstenhserowá꞉nen thiá꞉nes, toriwaié꞉ri tánon rohiá꞉nere akwé꞉kon tsi nihaweienhnó꞉tens; Ne sewaNí꞉io roriwató꞉ken tánon orihwí꞉io í꞉ken; eʼnihaié꞉ra nahó꞉ten ne tkariwaié꞉ri ó꞉ni ioiánere.

Deuteronomy 4:35

Ne Roiá꞉ner tsi sewanathón꞉ni kí꞉ken, natsisewariwaní꞉raʼtse tsi raonhatsíwak ne Ní꞉io í꞉ken tánon kwáh iáh ónhka nakò꞉ren akénhake.

Deuteronomy 4:39

Ká꞉ti sewehiárak nón꞉wa wenhniserá꞉te tánon tó꞉sa nonhwénton sasewaʼnikónhren: Ne Roiá꞉ner tsi Rawenni꞉io ne karonhià꞉ke ó꞉ni nonhwenhtsà꞉ke. Iáh nó꞉iah teká꞉ien ne ní꞉io.

Deuteronomy 5:10

Ók wakeʼnéston nakenoronhkwátshera né꞉ne niwenhniaweheʼtsherásen natewatereʼserà꞉sere; tsi nihiá꞉kon ne ionhkenorónhkwa ó꞉ni rontewenhnaráhkwa natianerénhseras.

1 Thessalonians 5:24

Tsi nikáien ne thiénʼnonks enhakwéni neh naháiere, tioríwah tsi roriwahtóken.

2 Thessalonians 3:3

Nók kíʼ ne Roiá꞉ner rorihwahtóh꞉ken, tánon enhiashatsténseron ó꞉ni enhiaiatanónstathe tsi nòkwah ne Ranesonrónon.

2 Timothy 2:13

Tóhkaʼ iáh tehionkwariwatóken, iehiokontákwen neh tsi rohriwahtóken, tsioríwah tsi iáh neh tahónton ne rahónha ahatatonnhíhaʼse.”

Titus 1:2

Tsi ne kakenserákwen ne karahrátshera ne ionnheʼónwe. Rawenni꞉io raónha ne iáh nonhwenton tahanowénthe, sonkwarahratsʼténni kíʼ tsi tsiónnhe nohénton nakwékon sonthontásawen,

Hebrews 10:23

Ánion iorihwahnironk ionkwahtienawastonhak tsi nihionkwatʼró꞉ri ne kahrahrátshera, tioríhwah tsi ionkwahkwenion nahontatsitewéhtakwe ne Rawenni꞉io tsi nihorahrátston.

Hebrews 11:11

Tewehtákwen seh wahkakwéni ne Abraham tsi kanísera waháton, iawehrohátien tsi ónen sóhtsi shihoksténha tánon ne Sarah akahónha ó꞉ni iáh tahónton nahiakowirahiéntaʼne. Thonwetákwenhne ne Rawenni꞉io tsi rotienawáston tsi nahóten rorahrátston.

Hebrews 6:18

Né kí꞉ken ne tehiorihwáhke, káti, ne iáh tahónton tahonsakathénionke tánon ó꞉ni tsi iáh tahakwéni nahanówenhthe ne Rawenni꞉io. Káti tsi nítsion ne ionkwatʼtshénrion ne rahonháke nónwe naitewahtekwáhsen kowáhnen tsi ionkwahnikonrahníron ioníron tsi ahionkwahtienahwastónhake tsi ne ionkwáhrahre nonkwahénton ká꞉ien.

Ne꞉ne Sák Rohiaton 1:12

Ronatháskat tsi niháti enhathiháwake ne tewetákwen tsi nikaríwes tehonwanaskótanis, Asèken nónen hiatenhonʼnótkawe tsi ní꞉ioht tsi enhonwanateniénten, neh tenhonateriwaserákwase natónhnhes tsi nisakorahrastén꞉ni neh Rawenni꞉io tsi niháti ne ronwanorónkwa.

1 Sawátis 1:9

Nók tóhka entewariwanírate nonkwariwaneraháktshera rahohénton ne Rawenni꞉io, etnenháiere tsi nahóten rorahrátston tánon ne thóh nenháiere ne tkariwaiéri: ensesonkwanikónrense nonkwariwanerahákʼtsheras tánon ensesontionnakwatáko tsi nahoténsons tahionkwaterientawénreke.

Judges 2:1

Ne rahoronhiakerónon ne Roiá꞉ner Gilgal nónhwe tahaténhti tánon Bochim niaháre tánon washakawénhase Israerʼró꞉nons, “Thohʼthakwahiatínekenhwe ne Egypt tánon thohʼnónhwe takwahiaténhawe ne tsi ionhontsáien ne kheʼhiarahratsʼténhni ne ietsisotʼthonkonhkénʼen. Wakíron, ‘Iáh nonhwénhton thaʼtátiake nakaterihwasehronhniátshera tsi nòkwah ní꞉se.

Judges 5:31

Aiáwens kíʼ ratikwékon ne shasóhtar thóh ní꞉ioht tsi ahonhníheie, O Saiá꞉ner, ók aiáwens ne sateró꞉seras thóh ní꞉ioht tsi tahononhkwetátʼtheke tsi ní꞉ioht ne tahiorakwenhnikenhátie! Tánon káti skénnenk thikènʼne ne tsi ionhontsáien né꞉ne kaiéri niwásenh nihiosehráke kènhʼne.