Deuteronomy 7:8 - Ohiatonhseratokénti

⁸ Ók ki ne Roiá꞉ner tsi sewanorónhkwakwe tánon tehotonhontsóni nahakwénienste tsi nishakorahratstén꞉ni ne sewasotʼtsherahokonhkén꞉en. Ne ki tiorí꞉wa waʼtsisewanónhstate ne wà꞉ratste ne raoshatstenhserowaná꞉tshera tánon shatsisewatatewenhní꞉ioste tsi nitsisewanaskón꞉niskwe ne ronhnonhtí꞉io ne Egypt nón꞉we.

Deuteronomy 7:8 ပူးပေါင်းရင်းမြစ်များ

Genesis 19:16

Ók né Lot wahatiatakenhé꞉iaʼte; ók ne tehnironhiaʼkehró꞉non tahonwaié꞉na ráonha tánon ne ró꞉ne, tánon ne tekeniiáhse raoiaʼtaseʼtsheraʼshón꞉ʼa tahonwatinéntsha, ne Roiá꞉ner kwáh í꞉ken tsi rotanitenrahtsherowá꞉nen tsi nonkwá ne ráonha, tahonwaiatʼínekenhwe tánon thóh wahonwènʼteron nátste naʼkanàtati ne kanatowanén꞉ke.

Genesis 19:29

Tánon thóh kíʼ niiawèn꞉en nó꞉nen ne Rawenni꞉io shaháhtonʼte ne kanatowá꞉nenʼskwe naonhráhkwakon nón꞉we nikén꞉ne, ne Rawenni꞉io rawehiá꞉rahkwe Abraham tánon wahoiaʼtínekenhwe ne Lot nahaʼniá꞉kenʼne tsi nokwá ne karihwaiesáhtshera, nó꞉nen ne Rawenni꞉io shaháhtonʼte ne kanatowá꞉nenʼskwe, tsi nón꞉we nihanákerehkwe ne Lot.

2 Samuel 22:20

Wahatsniénon éhren wahatsiatenháwite tsi nón꞉we ne iótʼteron; wahakenónsthate tsioríhwa tsi rawerientí꞉ios tsi nòkwah ní꞉i.

1 Kings 10:9

Tehonwanonweráton ne Roiá꞉ner Saní꞉io íken! Warénesʼthe tsi nihawerienhtí꞉ios tsi nòkwah níse ne tsi wahianonhtí꞉iosʼthe Nisraerʼró꞉nonhke. Né wakarihónhni Nisraerʼró꞉nonke tsi né nènhwe tsi enhanorónhkwahke, í꞉se ne raotinonhtí꞉io wahiónhni ne káti nahónton ne tiókonhte nahisatienawastónhake ne kaianerénhsera ó꞉ni naʼterihwakwahrihshiónhtseras.”

1 Chronicles 16:16

né naʼterihwasehronniátshera tsi ró꞉son skát꞉ke ne Abraham, tsi niʼorahratsʼténhni ne Isaac.

2 Chronicles 9:8

Tehonwanonhweráton ne Roiá꞉ner Saní꞉io! Tsi nihawenéston tsi nihawerienhtí꞉ios tsi í꞉se wahianonhtí꞉ioste, nasatʼkóraste ne raosénhnakon. Tsioríhwa tsi nisakonorónhkwah ne rahonkwetaʼshón꞉as Israerʼró꞉nons tánon tehotonhontsóni nashakohiatanónsthaʼte tsi nénhʼwe enkénhake, í꞉se wahianonhtí꞉ioste ne raoʼtinonhtí꞉io akénhake né ká꞉ti nahónton nahontasheʼniarothárohke ne kaianerénhsera ó꞉ni ne kaiáneren.”

Psalms 105:42

Asèken rehiá꞉re ne iotokénti í꞉ken tsi nihorahratsténhni, ne Abraham, né꞉ne raonhátshera í꞉ken.

Psalms 44:3

Ne shonkwetaʼshónhas iáh teonathatsiatakweniʼióston nonhóntsa nasarekówa ahonáts꞉ton, iáh teonatkwénion ne raotishaststénhsera ahonáts꞉ton; né꞉ne sahshaststénhsera tánon tsi nisehshást꞉te waʼkarihónhni, né tsi ní꞉ioh rihwíʼiokwe tsi éhʼtho í꞉seskwe, né wahakonatónhase tsi nisehnorónkwa.

Psalms 44:4

Í꞉se nakenontí꞉io tánon akeʼNí꞉io í꞉ken. Í꞉se tesehiáwi ne atesenhniétshera ne shonkwetaʼshónhas,

Exodus 13:14

Né tsi niaʼhawenonhátie, nónen ne ehtsiénha enhariwaʼnónhton nahó꞉ten kèntons kí꞉ken wenhtaʼnóron, tsi tentseriwaʼseráhkwahʼse, ‘Né tsi rósthon ne kashatsʼtenseroʼwánen ne Roiá꞉ner tsi thon thashonʼkwahiaʼtíneʼkenhʼwe ne Egypt, tsi nónhwe niʼtewanáskwahʼkwe.

Exodus 13:3

Ne Mahís wasakawénhaʼse nonhkweshón꞉á, “Sewehiá꞉rak kí꞉ken nonhwaʼwenhniserà꞉te—tsi né wenhniserá꞉teʼkwe sehsewaʼhiákenʼne ne Egypt, tsi nónhwe niʼietʼtshiʼnaskhónhnisʼkwe. Né kíʼ wenhniserá꞉teʼkwe ne Roiá꞉ner wàʼrasthe ne rahoʼshatsʼtenseroʼwanáhtshera tsi thontatsiʼsewahiaʼtínekenhwe. Iáh ne iosherhátʼken kanátaro thaʼtahionskáhonʼkwe.

Exodus 20:2

“Í꞉i ne Watiá꞉ner Sewaní꞉io tsi nikáien ne tethiaiathinekènʼen ne Egypt, tsi nónhwe tshieʼsanaskonhníʼne.

Exodus 32:13

Sehiehiárak shonkwetashón꞉as NʼAbraham, Isaac, tánon ne Jacob. Sehiárak tsi kwáh ioriwaníron sehiarahratsʼténhni tsi enteséhʼhion tsi etʼnenhonatiókwahske tsi ní꞉ioht ne tsi iotsistokwahrónhnions ne tsi karonhiáʼte tánon enteséhion tsi nienhontwatsiríne akwékon nonhóntsa sarahrátston tsi enhonawenhkʼkónhweke tsi nénhwe.”

Exodus 6:6

Káti ietʼtsiró꞉ri lsraeró꞉nons tsi káton, ‘Í꞉i ne Watiá꞉ner; kwáh enkwahniákenʼte tánon enskwahtaʼtewenhniʼiósehron tsi niʼietsinaskónhnis ne Egyptró꞉nons. Enʼtkharahthá꞉the ne kenenshaʼshatsʼte nahontátʼkhawe ne tehioʼtenonhiaʼnhíton karewahthá꞉tshera ne roʼnonhàke tánon enskwaniákenʼte.

Isaiah 43:4

Tsioríhwa tsi nishiaʼtanóron natkénton, tánon tesehrénhsharon, tánon konhnorónhkwa, né꞉ne niaʼkahontsakeró꞉nons thenkatathaʼwístakwe ne tsi shón꞉nhe.

Isaiah 63:9

oriwakwékon ne raoʼtironhiakénsehras. Iáh rariwakaré꞉nies tèken khés ne raronhiakeró꞉non akénhake ók né tsi kwáh thóh í꞉reskwe né sahotiʼnónsthaʼte; raonoronhkwahʼtsherákon tánon raoʼthenratsherákon tsi shaʼsakoniákente; tesakohiatákwen tánon sakoʼhiathenháwiswe kwáh tsi niaʼtewenhniserá꞉keʼkwe né wahónhnise thènhne.

Jeremiah 31:3

Ne Roiá꞉ner Wahototháshiaʼse ne ne ahínonʼnióre íken. Kwáh tiókonhte tsi kwahnorónkwahkwe ne nènhʼne ne tsi nénhwe enkátahke ne kanoronhkwáhtshera. Ne꞉ne iáh tehioriwahnóronhs kanoronhkwáhtshera akonháke takonhiaʼthatihéntʼtho.

Ezekiel 36:22

“Káti nónhwa, taséhion NʼIsraeró꞉nonhs nateriwanhotátshera tsi Í꞉i, ne Wakenonhtí꞉io Watiá꞉ner, íkʼkhawe ne rahotirihwáhke: Tsi nahó꞉ten enwahtióten iáh kíʼ í꞉se tesewahríwahke nIsraeró꞉nonhs, ók né aoriwáhke natsenhnatokénti, tsi né wesehwahétkenhte ne kwáh niatekanakerahseráhke nónhwe niesehwénonh.

Micah 6:4

Asè꞉ken tetkwahiathénha ne tsi tiohontsá꞉ien ne Egypt, tánon skwahiathákwen ne tsi kanónhshote ne iakonaskón꞉nis; tánon iekheiateniéton sahén꞉ton ne ne Mahís, Aaron, tánon ne Miriam.

Micah 7:20

Kwáh enthétion norihwihioʼón꞉we ne Jacob tánon kenténrat ne Abraham, kwáh tsi nisehrihwanirá꞉ti ne iakisoʼthonkonhkén꞉en ne wahón꞉nise tsi ná꞉he tkenʼne.

Zephaniah 3:17

Né Roiá꞉ner sah Ní꞉io sewanenrí꞉hen í꞉res; roshatstenhserowá꞉nen tánon énthion natesenhniétshera; kwáh shonhà꞉ke nón꞉we nenhatonhnáren, kwáh atsenhnonhniatsherá꞉kon tsi á꞉se enshiónhni ne raonoronhkwahtsherá꞉kon, tenhohénrehte tsi nihotsenhnón꞉ni ne shonhà꞉ke tsi natehorihwákwen,

Malachi 1:2

Konnonronhkwá꞉ʼon, rá꞉ton ne Roiá꞉ner. Ók ní꞉se sá꞉ton, “Oh ní꞉ioht tsi takenoronhkhwá꞉ʼon?” Iáh kenh ne Esau Jacob tehiatateʼkén꞉ʼa? rá꞉ton ne Roiá꞉ner. Ne kiʼk shá꞉ka rinoronhkhwá꞉ʼon ne Jacob

Matthew 11:26

Eh niiot, O Rakeni, nehkitsi eh nitisanikonriiohon.

Luke 1:55

Tsikiniioh tsi sakorharaststenni nonkȣanisera, neh tohiken Abraham nok oni tsinonkati ne sakoienhokonha tsinenȣe.

Romans 11:28

Ne tsi wahathikénron ne kariwí꞉ios, ne Rawenni꞉io, wahsakoriwásten ne Sitaeró꞉nons, neh káti ahoríwah ensewaiénawaʼse níse ne iáh Tesewariwiʼióstons. Ne káti ahoríwah Rawenni꞉io sakoiatarákwen, ne iorihónʼni Rawenni꞉io sakorahrasténʼni neh ronwathinihókon tsi wahatiwahtsiratháties tiotkonʼónwe raónha enhonténrokes.

Deuteronomy 1:8

Akwé꞉kon ne kí꞉ken nohóntsa ne Í꞉i, ne Watiá꞉ner, wakarahrátston tsi entekhéion ne sewasótsheras, Abraham, Isaac, tánon ne Jacob, tánon tsi nienhontwatsirì꞉ne. Wás tánon iaʼsewaná꞉taien.’”

Deuteronomy 10:15

Ók ne Roiá꞉ner rahonoronhkwátshera tsi nikashátsteʼkwe tsi nokwáh ne sewasoʼtsheraokonhkén꞉en í꞉se watsisewahiaʼtará꞉ko tsi ní꞉ioht ne akóren nonhkweshón꞉a, tánon nón꞉wa shé꞉kon ki í꞉se rahonkweʼtashón꞉as í꞉ken.

Deuteronomy 23:6

Tsi nikarì꞉wes kentióhkwa ensewatenatónkwen, tó꞉sa nonhwénton thé꞉nen nasehwá꞉ier nahietsihié꞉nawaʼse ne niaʼteiakahontsá꞉kes tó꞉sa ó꞉ni ietsikwatiésten.

Deuteronomy 33:3

Ne Roiá꞉ner sakonorónhkwa ne rahonkweʼtashón꞉as tánon teshakónes tsi niháti ne raónha rahonkweʼtashón꞉a. Káti watiakwatsakè꞉te ne rasitákta tánon wahakwatewénhnaraʼkwe ne rahoriwatà꞉tsheras.

Deuteronomy 4:20

Ók í꞉se kíʼ ne tsónhkwe ne tsi tsiʼsewaniakénton ne Egypt nónhwe, né꞉tho tehiotonʼkwanònhiani ioté꞉kha. Thatsisewahiaʼtínekenhwe natsiʼtsiónhnien ne raónha rahonkweʼtashón꞉a ahisewá꞉ton, tsi ki nónhwa ní꞉ioht nónhwa wenhniserá꞉te.

Deuteronomy 4:34

Ónhkak kén ne ní꞉io nonhwénton roteʼniénten niá꞉re tánon iashakoʼnónhke nónhkwe ne thihononhontsá꞉te tánon raónha rahonkwè꞉ta ashakaʼón꞉ni, tsi né nihoié꞉ren ne Roiá꞉ner sewaNí꞉io ne Egypt nón꞉we? Kwáh tesewakaʼnerá꞉kwe tsi wà꞉ratste ne raoshatstenhserowaná꞉tshera ó꞉ni ne kaʼshatsʼténshera; tahá꞉hawe ne kanaratarinétsheras ó꞉ni aterihiósera, tsi wahohiò꞉ten neioriwaneraʼkwaténions ó꞉ni ne ionerákwahs, tánon wahronhniá꞉nion ne kaʼteróntsheras tsi naiawénhseron.

Deuteronomy 4:37

Tiorí꞉wa tsi shakonorónhkwa ne ietsisothonkonʼkén꞉en, í꞉se waʼtsisewahiataráko, tánon rahónʼa raoshaststenserowanáhtshera waʼrátste tsi tontatsisewahiaʼtí꞉nekenhwe ne Egypt.

Deuteronomy 5:6

‘Í꞉i ne Watiá꞉ner sewaNí꞉io, Í꞉i skwaʼniakèn꞉ton ne Egypt nón꞉we, tsi nón꞉we tisewanáskwakwe.

1 Sawátis 4:19

Ionkwáien ne kanoronkwátshera neh tsi Rawenni꞉io thotierénton sonkwanoronkwáʼon.

1 Samuel 12:22

Asèken ne Roiá꞉ner iáh kiʼ tasakokkénrate ne raonkwetashón꞉ʼahs, ne raosennakó꞉wa akarihónhni, tsioríhwa tsi ronikonriʼió꞉on ne Roiá꞉ner ne nón꞉kwe atsitiónhni ne iatehaiá꞉ti raoriwá꞉ke.