Deuteronomy 7:21 - Ohiatonhseratokénti

²¹ Káti tó꞉sa ietshiʼtshà꞉nik kí꞉ken onhkweshón꞉a. Ne Roiá꞉ner sewaNí꞉io sewakwé꞉kon ki; rashatstenserowá꞉nen Ní꞉io tánon iatehahiá꞉ti ahó꞉wenk nahonwatiaʼní꞉sheke.

Deuteronomy 7:21 ပူးပေါင်းရင်းမြစ်များ

2 Chronicles 32:8

Ónhkwe né akoshastsʼténhsera ró꞉ien, ók ní꞉i Roiá꞉ner onhkwah Ní꞉io enshonkwahiénawaʼse tánon enshonkwahterí꞉iohse.” Nonhkweshón꞉as waʼhakonikonhrahníra tsi nikawenhnoténshons ne ronnonhtí꞉io Hezekiah ne Judah waʼhenrónhnion.

Nehemiah 1:5

Waʼkí꞉ron, “O Saiá꞉ner, rahónha ne Rawenni꞉io ne tsi karonhiá꞉te, teotenonhiatí꞉ton tánon roshatstenhserowanenʼkó꞉wa Rawenni꞉io, Rahónha rateweién꞉tons naterihwaseronhniá꞉tshera ne kenténron tsi nihiá꞉kon ne ronwanorónhkwa tánon iontewenhnaráhkwa ne raorihwatátʼtshera.

Nehemiah 4:14

Eʼthó꞉ne iakatkáto tánon watettane tánon wahiién꞉hase ne rasennowá꞉nen tánon ne ratikoráhsons tánon ne ronátiaʼkes nonkweshón꞉as, “Tó꞉sa ietsittsánitsek. Tsi sewehiá꞉rak ne teotenonhianì꞉ton tánon rohiatanerákwat Roiá꞉ner, Tánon ietsiiaterí꞉ios ne sewathatekenokónhas tánon ne sewanekenteronhtsherashón꞉as tánon ne ietsiioʼokónhas tsonattonwí꞉sens tánon ne sewaniátkons tánon ne tsi sewanonshó꞉tons.”

Nehemiah 9:32

“Tánon nón꞉wa, ne Ní꞉io, né꞉ne teotenonhianì꞉ton tánon rashátste tánon teotenonhianitonhkó꞉wa Ní꞉io, raónha rohnóns꞉te naterihwasheronhniá꞉tshera tánon torihwaié꞉ri, tó꞉sa ne shón꞉ni ne kenk nakonhà꞉ke ne karonhiakénhsera akwé꞉kon ne karonhiakénhsera ionkwahrá꞉hon, ó꞉ni ne rotirá꞉hon nonkwahnontí꞉ios. Ó꞉ni rotitokénhses, ó꞉ni ne ionkinihó꞉kons tánon rotirá꞉hons ratikwé꞉kon ne shonkweʼtashón꞉as tsi ná꞉he tiotáhsawe shiohnhatenhniseraténionskwe ne rontinontí꞉ioskwe ne Assyria nón꞉we tsi niió꞉re nón꞉wa wenhniserá꞉te.

Psalms 27:1

Né Roiá꞉ner rahón꞉ha nakswatthétshera í꞉ken ó꞉ni natiatakenhátsera; ónhka ká꞉ti atkhetshánike? Né Roiá꞉ner rahón꞉ha thá꞉nes ne tsi kónnhe; ónhka ká꞉ti akhetshánike?

Psalms 46:11

Ne Roiá꞉ner Roshaststenhserowánen tewakwékonse; ne Raoní꞉io ne Jacob né nonkwatenhénra í꞉ken. Selah

Psalms 46:5

Né Rawenni꞉io kwáh satekanatíhen nón꞉we nihénteron; tánon kwáh iáh nonwéton tsakonwáʼtonte; Rawenni꞉io kwáh enhahiatakèna nó꞉nen entewénhtenhne noronhkéne.

Psalms 46:6

Nonkweshón꞉ha iakotsarokwáhton tsi natehiakonikonká꞉rion, tsi kanakerasehrakérons tehiowisónhkwa; ne Rawenni꞉io ne waʼrón꞉niate nahonwaʼwenhnáronhke, ne tsi ionwenhtsáte wakawistanáwenhne.

Psalms 46:7

Ne Roiá꞉ner Roshaststenhserowánen tewakwékonse; ne Raoní꞉io ne Jacob né nonkwatenhénra í꞉ken. Selah

Psalms 47:2

Asèken ne Roiá꞉ner, né꞉ne kwáh tót꞉te, tsi rohiatanerákwat, ohontsakwékon tsi ronontiʼiotserowánen.

Psalms 68:35

Tsi nihohiatanerá꞉kwat ne Rawenni꞉io tsi nontáre ne Raononsatokentikówaʼne, né Sakoní꞉io í꞉ken Nisraeronónke; tatkáwas ne kashasténhsera tánon sahkosastenhseráwis ne rahonkwetashón꞉has. Ronhwaʼsénhnaien ne Rawenni꞉io!

Psalms 89:8

Saiá꞉ner Sewenní꞉io Sashaststenhseroʼwanenhkówa, iáh ónhka né naʼiesahásteke tsi ní꞉se ní꞉ioht; sarihwaʼtokentítshera tesatsatáton.

Psalms 95:3

Asèken ne Roiá꞉ner tsi roshaststenhserowaʼkenkówa Rawenni꞉io í꞉ken, tánon rosasthenserowaʼnenhkówa tsi ronhnontí꞉io í꞉ken tsi nitesakoniaʼrotáron ne ronatsákes nʼiohokónhas.

Exodus 29:45

Skátke enhiakwahnákereke nonhkweshón꞉ʼas nʼIsraerʼró꞉nons, tánon kwáh Í꞉i ne raotiní꞉io enkénhake.

Daniel 9:4

Wakaterénnaien raonhá꞉ke ne Roiá꞉ner Akeʼní꞉io ó꞉ni waʼakwarihwahní꞉rate tsi niionkwarihwané꞉ren. Waʼkí꞉ron “Saiá꞉ner Ní꞉io, tesatenonhianíhton, tánon kwakweniénhstha. Iorihwatóken ne sahrharatstátshera, ó꞉ni ne sanonronhkwáhtshera tánon tsi niiá꞉kon ne iesanorónhkhwa ó꞉ni iesawennaráhkwa.

Numbers 14:14

enshaʼkotiroriánion nonhkweshón꞉ʼas ne ienákere ne kénʼen ionhóntsaien. Kí꞉ken onhkweshón꞉ʼas ónenk roʼtirihwarónhken ní꞉se, Saiá꞉ner, tsi tewakwékon, kwáh tshiewéne tsi waheshá꞉ken nó꞉nen né shaʼtsíkera èhneken watʼkátane tsi nónhwe nihiákweskwe, tánon tsi í꞉se ohénton nienhénse tsi iotsikero꞉te notsíkera ne tsi niwenhnísehres ó꞉ni tsi niʼiotsiro꞉te nótsire nokarasnéha nikaháwi.

Numbers 14:42

Tó꞉sa iahásewe. Ne Roiá꞉ner iáhʼse tesewakwékon, tánon ne tesewatáʼtshons entietshiʼsénhni.

Numbers 14:9

Tó꞉sa tsi sewatenó꞉wenht ne Roiá꞉ner tánon tó꞉sa ietsitsánik nonkweshón꞉ʼas nètho nónhwe thatinákere. Kwáh watiesenhónhwe tsi enietʼtshisénhni. Ne Roiá꞉ner tewakwékonhse tánon shaʼkosénhnion ne niʼiohokónhas ne thonwatíneskwe; káti tó꞉sa sewáteron.”

Numbers 16:3

Rahotihénton ne Mahís tánon ne Aaron wahonteró꞉rohke tánon wahonwahnénhase, “Sóhtsi ahínon niahisewáhawe! Ratiʼkwékon ne ienákere ne tsi kanakerasehráien Roiá꞉ner rahonkwetashón꞉ʼas, tánon ne Roiá꞉ner tewakwékon, Nonhtiéren, káti, Mahís, tsi é꞉neken shaʼtatónhnis tsi nó꞉kwah ne Roiá꞉ner rahonkwetashón꞉ʼas?”

Numbers 21:34

Ne Roiá꞉ner wahawénhase ne Mahís, “Tó꞉sa tshetshánik, Entkónhion natesehniétsera natsesénhni, tánon ratikwékon ne rahonkwetashón꞉ʼas, ó꞉ni ne rahonhóntsa. Thóh natshiéras tsi kíʼ niʼtshieráʼse ne Sihon, né Amorʼró꞉non ronhnonhtí꞉io ne rotʼkorasthónhne ne Heshbon nónhwe.”

Numbers 23:21

Tsi iekatkáthos nètho Isaraerʼró꞉nons tsi niahonenonhátie Kwáh iáh othènen tahonateraskwakʼsenhne khès ne tahonhnikonhráren. Ne Roiá꞉ner Raotiní꞉io tsi ratiʼkwékon; Rontró꞉ris tsi rahónha Sakonontí꞉io í꞉ken.

Numbers 9:20

Sehwatiéren notsíkera tokàra khók nónhta thóh èhneken íwes tsi nónhwe niwatóhserote; ók kíʼ tsík nahiotónhake, thóh kíʼ ratíteron khès ne tenhshonʼnátakwe, né entewanónhton tsi nenhshaʼkoróri ne Roiá꞉ner.

1 Corinthians 14:25

Tsi nahoténsons rohtiriwahshé꞉tons ne raotinikónrahkons ónenk tsi enhontʼróhri, tánon ónenk tsi tenhontentʼtsóten ó꞉ni enhonwahsénnaien ne Rawenni꞉io, rónhthon, “Oriwiʼiohónwe tsi sewahkónkon ne Rawenni꞉io kíʼ kénʼen!”

Deuteronomy 10:17

Ne Roiá꞉ner sewaNí꞉io raónha ne kwáh thóh shatstenhserowá꞉nen tsi nokwáh ne nihioʼokón꞉as ó꞉ni tsi nokwáh ne raotishatsténhseras. Tehoshatstenhseranónhiani, tánon ó꞉nenk tsi enhonwawénhnaraʼkwe. Iáh ká꞉neka teʼthariwaráhkwa, akwé꞉kon ne raoiatoreʼtá꞉tsheras tsi tkariwaié꞉ri.

Deuteronomy 20:1

“Nó꞉nen enshaterihiósera tsi nokwáh ne tetsatà꞉tsons tánon ensatkátho ne otsónhkwas ó꞉ni ne koshá꞉tens tánon ne ronterí꞉ios ne ieshentioʼkwakén꞉nion, tó꞉sa shetshà꞉nik. Ne Roiá꞉ner saNí꞉io, tsi raónha shaniakénton ne Egypt nón꞉we, kwáh ensenikwekónhake.

Deuteronomy 25:8

Ethò꞉ne ki ne rotikstenhokón꞉as iienhonwenhnónke tánon enhonwatháhraʼse. Tó꞉ka shé꞉kon roterahiatákwen nahotiniáke naónha,

Deuteronomy 31:17

Nó꞉nen ne nenhiá꞉wenhne, kwáh ki enkhenákwase; kwáh enkhehiatewenhthéte, tánon kwáh enhonwatinonhwarià꞉kon. Wé꞉so ioriwákes ne kariwaieshá꞉tsheras enhotí꞉rahne, tánon nó꞉nen enhónhthoke kí꞉ken tsi nihotihiathawénhserons ne tiorì꞉wa Ní꞉i ne Raotiní꞉io, tsi iáh ó꞉nen tetiakwakwé꞉kon.

Joshua 3:10

Tsi iensewahténhti, kwáh oriwihiohón꞉we tsi enshakotekwáhthe ne Canaanites, ne Hitró꞉nons, ne Hivró꞉nons, ne Perizró꞉nons, ne Girgashró꞉nons, ne Amorʼró꞉nons, ó꞉ni ne Jebusites. Kwáh ki ensewaterienʼtará꞉ne ne ronhnhehón꞉we Ní꞉io tsi kén꞉en í꞉res tewahiataʼtónhtie

Joshua 8:1

Ne Roiá꞉ner wahawénhase ne Joshua, “Ratikwé꞉kon ne ronhterí꞉ios iasehiaʼténhaf tánon Ai niahásewe. Tó꞉sa sewáteron tó꞉sa ó꞉ni sewaʼnikonhrók꞉ten. Enʼtsion natesenhniéntshera tsi nòkwah ne Ai ronhnonhtí꞉io; ne rahonkweʼtashón꞉as, ne rahonatowá꞉nen, tánon nonhóntsa Í꞉se sewáwenk enhwáton.

1 Samuel 4:8

Ionkwententá꞉sere! Ónka entsonkiniá꞉kenʼte tsi nó꞉kwah ne kí꞉kens raní꞉ios? Ne kí꞉kens ne ratiní꞉ios ronón꞉ha ne sakotiʼién꞉ton ne Egyptró꞉nons ne kwáh niaʼtékon í꞉ken kannratarinétsheras thóh nón꞉we iahonwenhtsiaʼthénhake.