Deuteronomy 7:2 - Ohiatonhseratokénti

² Nó꞉nen ne Roiá꞉ner saNí꞉io sashatstenhserá꞉kon nón꞉we nenhsakotkà꞉we kí꞉ken onhkweshón꞉a tánon ensheʼsén꞉ni, ó꞉nenk tsi ratikwé꞉kon ensenonhwarià꞉kon. Akwáh tó꞉sa thé꞉nen iatesewateriʼwá꞉iest ne ronónha tó꞉sa ó꞉ni thé꞉nen ietsinaʼtónhas nataniʼténron.

Deuteronomy 7:2 ပူးပေါင်းရင်းမြစ်များ

Genesis 14:20

tánon tehonwanonhwerá꞉ton né Rawenni꞉io né kwáh Thótte, ráonha tahshakoiaʼténhawe ne tesewatátswenʼs ne sahtsaʼná꞉ke!” Tánon ne Abram tahá꞉wen orihwakwé꞉kon ne oieríhaton nié꞉ken.

2 Samuel 21:2

Káti ne ronnontí꞉io iasakonónkʼkhons ne Gibeonró꞉nons tánon wathatitháren. (Nón꞉wa ne Gibeonró꞉nons iáh Israerʼró꞉nons tehatiʼiatótens, ók ne ne iatehonathaténron ne Amorʼró꞉nons; Ehʼthóhʼsane nonkweʼshón꞉ahs ne Israerʼronónke tsi ronwatiriwanirá꞉ti tsi enhonwatinónsthate, Ne Saul rotenienténhon nasakotónhte thóh rahontsá꞉ke ne raotiriwáke nonkweókons NIsraerʼronónke ó꞉ni Judah.)

1 Kings 20:34

Né Benhadad wahawénhase, “Ensetkwahthakwenháton ne kanatowanénkes né rakenikénʼen ró꞉kwen ne ianikénʼen, tánon enwáton nashathenhninonhseróten né satekanatíhen ne Damascus, kwáh kíʼ tsi nihoiéren ne rakenikénʼen ne Samaria.” Né Ahab watharihwaseráko, “Kén kíʼ kí꞉ken ní꞉ioht, ethòne khók, enskonhiátkaʼwe.” Wahiatsanerenhserónhni tsi natehiátere tánon sahó꞉kaʼwe.

Ezra 10:3

Nón꞉wa ó꞉nenk tsi kwáh iorihwaní꞉ron tsi entsitewahrahrátsten Nonhkwáh Ní꞉io tsi entsithihiathekwáhthe kí꞉ken konhnónkwe ó꞉ni nakothihiohokón꞉as. Thóh nenhiakwáhiere tsi nahó꞉nenh ní꞉se tánon ne ronátiaʼkes ne rathirihwakweniénstha ne Rawenni꞉io rahorihwatákʼtseras tsi nenskwahtenikónhron. Ánion thoniiá꞉wen tsi niwá꞉ton ne Rawenni꞉io raoianerénhsera.

Psalms 106:34

Iáh tesakonathónhton nonkweʼshónhas, tsi nisakonhá꞉hon ne Roiá꞉ner,

Exodus 22:20

“Enhonwaríwenhthe nahonwanonwarhiá꞉kon nónhka nahaʼtsatátshaʼahthe ne katshénen niaʼsakotátʼtse ne kahiaʼthonhnisónhas, ók kwáh nék khók Ní꞉i, ne Watiá꞉ner.

Numbers 21:2

Ethòne kíʼ Israerʼró꞉nons wahonwaraʼrátsten ne Roiá꞉ner: “Tó꞉ka enskwaríhon nahiakhisénhni kí꞉ken onhkweshón꞉ʼas, kwáh iáh othènen thatakenínerenke tsi sonháke nónhwe nenhiakihiatatéristhe tánon ne rahotinatowánens tánon kwáh enhiakhihiáthonte.”

Numbers 31:17

Káti ónenh nónhwa kwáh niatekaksátaʼke tánon kwáh konhtikwékon ne konnónhkwe tsi ietshinonwariákon né kén niehiotiʼiéren ne kaniák꞉tshera,

Numbers 33:52

ó꞉nenk tsi ratikwékon enietʼtsihiatínekenhwe né thóh nónhwe iohontsáien nihatinákere. Sewarihwáhtont akwékon nonénhas ó꞉ni ne karístatsis rahotihiatonhniserahsónhas tánon akwékon ne tsi nónhwe nihiokwénhrares nihonterenhnaientáhkwa.

Deuteronomy 13:8

Ók tó꞉sa ieʼtsirí꞉hon ónhka tsi nihá꞉ti naiesaʼnikonhrá꞉reke; tó꞉sa ó꞉ni shé꞉kon nek kók naieʼtsihiatahónsatate. Kwáh tó꞉sa othé꞉nen ietsinaʼtónhas nataniténron tó꞉ka ó꞉ni ne taieʼtsihiaró꞉ton, tó꞉sa othé꞉nen taieʼtshí꞉ne.

Deuteronomy 13:9

Ietsinonhwariaʼkónhnion! Í꞉se tasewatiérent naietsinenhió꞉iaʼke, tánon ethò꞉ne ieʼtsirí꞉hon nakorénhsons nahonwatinenhió꞉iaʼke.

Deuteronomy 19:13

Nataniténron iáh taiesanatónhase. Sasesenhnaserón꞉ni nonhkweshón꞉a ne Israerʼró꞉nonke ne iáh othé꞉nen tehiakoní꞉kon tsi hionhthatenonhwarià꞉kon, ne káti nahónton orihwakwé꞉kon ahishaianerásten.

Deuteronomy 2:33

ók ki ne Roiá꞉ner ónhkwa Ní꞉io onkwashatstenserá꞉kon nónhwe nahotkà꞉we, tánon washakwanonhwarià꞉kon, ne shakoioʼokónhas, ó꞉ni ratikwé꞉kon ne rahonkweʼtashón꞉as.

Deuteronomy 2:34

Tánon iaʼtsiakwariwaiéstaʼkwe wahakwaiéna ó꞉ni wahakwanaʼtèn꞉ton há꞉ton kwáh tsi niatekaná꞉takes, tánon kwáh niateionkwè꞉take tsi wahakhihiawénhtho, ronhnónhkwe, konhnónhkwe, ó꞉ni ratikshaʼokónhas. Kwáh iáh othé꞉nen tsiaʼtehionkwénhron.

Deuteronomy 23:14

Shakwenienstónhak ne tsi satená꞉taien, tiorì꞉wa ne Roiá꞉ner saNí꞉io tsi senikwé꞉kon ne tsi satená꞉taien ne nahonthahiane tánon ahontáhion naʼteseniéntshera tsi nokwáh ne tetsatà꞉tsons. Tó꞉sa othé꞉nen ne shateriwaténtiat ne iáh tehiotkwé꞉niens né꞉ne akarihón꞉ni ne Roiá꞉ner ahiatswaʼténien.

Deuteronomy 25:12

tó꞉sa sehnésten nataniténron; shatiániak.

Deuteronomy 3:3

“Káti ne Roiá꞉ner ne ronhnonhtí꞉io Og ó꞉ni ne rahonkweʼtashón꞉as onhkwashatstenserá꞉kon nónhwe nashakótkaʼwe, tánon ratikwé꞉kon wahakhihiawénhtho.

Deuteronomy 31:5

Ne Roiá꞉ner kwáh énthion nathesenhnié꞉tshera tsi nokwáh ne ronónha, tánon kwáh é꞉tho nahitsihié꞉ras tsi nikwahró꞉ri.

Deuteronomy 33:27

Ne Rawenni꞉io kwáh tsi tió꞉konhte raónha thiá꞉nes; ne ionheón꞉we ranenhtià꞉kes ne tiahánes. Washakotekwáhthe ne ieshá꞉sons tsi niahí꞉sewe, tánon watsisewahró꞉ri ne ratikwé꞉kon aieʼtsihiatónhthe.

Deuteronomy 7:16

Ieʼtsihiátont ratikwé꞉kon ne niatehononhontsá꞉kes ne sewashatstenhserá꞉kon nónhwe ne Roiá꞉ner nenshakotʼkà꞉we, tánon tó꞉sa othé꞉nen ietshinaʼtónhas nataniténron. Tó꞉sa ietshisén꞉naien ne rahotiní꞉ios, asè꞉ken ne ensewáriote.

Deuteronomy 9:3

Ók nón꞉wa akwáh í꞉se ensewatkátho né꞉tho Roiá꞉ner sewaNí꞉io kwáh sewahénton niénre tsi ní꞉ioht ne kwáh tehiotenonhianì꞉ton iotè꞉kha. Akwáh enshakosén꞉ni tsi nienhénsewe, ne káti ne kwáh ahieʼtsihiatínekenhwe tánon naieʼtsihiatónthe iostó꞉re, tsi ki nihorahrátston.

Joshua 10:28

Ne Joshua iashakotiaʼtónti tánon washakoié꞉na ne Makkedah ó꞉ni ne ronhwanonhtí꞉io ne wenhniserá꞉teʼkwe. Kwáh onhkweʼtakwé꞉kon ne tsi kanatowanénhke washakononhwariaʼkónhnion; iáh ónhka tiathetiothaténhron nahiakónhneke. Thóh nahoié꞉raʼse ne ronhnontí꞉io ne Makkedah tsi ni nihoié꞉raʼse ne ronhnonhtí꞉io ne Jericho.

Joshua 10:30

Ne Roiá꞉ner thashaká꞉wen nónhne natesenhniéntshera Nisraerʼró꞉nons kí꞉ken kanatowanénhke ó꞉ni ne nahonhnonhtihió꞉tshera. Iáh ónhka tiatehiothaténron, ók kwáh niatehionkwè꞉thake tsi wahonwatinonhwariaʼkónhnion. Thóh nahonwaié꞉raʼse ne ronhnonhtí꞉io tsi ki nihonwaié꞉raʼse ne ronhnontí꞉io ne Jericho.

Joshua 10:32

Ne Roiá꞉ner tasakáwenh ne atesenhniétshera ne Israerʼró꞉nons tsi nòkwah ne Lachish né꞉ne tewenhniserakéhaton ne sihonaterí꞉io. Kwáh ki tsi nihothiié꞉ren ne Libnah nón꞉we, iáh ónhka teshakotiniakénton, ók onhkweʼtakwé꞉kon washakotinonhwariaʼkónhnion ne kanatowanénhke.

Joshua 10:40

Ne Joshua washakosenhniónko nonhontsakwé꞉kon. Wahosénhni ne ronhnonhtí꞉io ne tsi iononhténion kanakerahserá꞉ien, ne tsitkarahkwí꞉nekens nokwá꞉ti iononhtakarenhrénions, tánon ne tsi iaʼtewatsénhtos iononhthaientáserons, kwáh ó꞉ni tsi niká꞉iens ne ionakeraserà꞉iens ne entieʼné꞉sons nokwahtí꞉son. Iáh ónhka tesakohiaʼthanonstá꞉ton; kwáh onkweʼtakwé꞉kon wahontatenonhwariaʼkónhnion. Thóh ki ní꞉ioht ne Roiá꞉ner Raní꞉io ne Israerʼró꞉nonke tsi rotenhnàhon.

Joshua 10:42

Ne Joshua washakoshén꞉ni ratikwé꞉kon ne ronhtinonhtí꞉ios ó꞉ni ne rahotinakeráseras né꞉ne énskak khók iahontarátsthe tiorì꞉wa ne Roiá꞉ner, Israerʼró꞉non Shá꞉koní꞉io, raónha washakoterí꞉iose Nisraerʼró꞉nons.

Joshua 11:8

Ne Roiá꞉ner thasaká꞉wen natesehniéntshera Nisraerʼró꞉nons tsi wahonwatishén꞉ni ne tehontaʼtsons; Nisraerʼró꞉nons iahonwanatiaʼtón꞉ti tánon sahonwatisehréson tsi nió꞉re ne othorè꞉ke nokwá꞉ti ne Misrephoth Maim tánon ne Sidon, tánon tsi nió꞉re ne nà꞉kon nokwá꞉ti nahonráhkwakon ne Mizpah. Nateriiósera iahontkónhthakwe tsi nió꞉re ne iáh ónhka tesrónhnhekwe ne tehontaʼtsons.

Joshua 2:14

Ne tenónhkwe wakonhwénhase, “Aiá꞉wens ne Rawenni꞉io ieháhaf ne tsi iakenónhne tó꞉ka thóh nenhiakení꞉hiere tsi nenhiakení꞉ron! Tó꞉ka iáh ónhka thaieʼtsirohriáhne tsi nihiatiatiérahkwe, kwáh ki entsiarahrátsten nó꞉nen ne Roiá꞉ner enteshón꞉tion kí꞉ken ionhontsá꞉ien, kwáh ki enhioianeréhake tsi tenhkwarihwasniése.”

Joshua 21:44

Ne Roiá꞉ner thashaká꞉wen ne skén꞉non kwáh tsi niwatenáskwa ne tsi ionhontsá꞉ien, kwáh ki tsi nishakorahratstén꞉ni ne shakotisoʼthonkonhkén꞉en. Iáh ne shahiátha ne tehontaʼtsons tehothikwénion nahonthahonwanatiaʼthóntion, tiorì꞉wa ne Roiá꞉ner tsi thashakáwe Nisraerʼró꞉nons natesenhnié꞉tsheras tsi nòkwah ne tehontaʼtsons.

Joshua 8:24

Ne Israerʼró꞉nons kwáh onhkweʼtakwé꞉kon shakotinonhwariaʼkhón꞉nion ne tehontaʼtsons ne tsi ionhontsakwénhrare ne kanakerahserá꞉kon tsi nón꞉we niahonwatísehre. Ethò꞉ne Ai nonhshahónhne tánon kwáh kanenrakwénhkon tsi washakotinonhwariaʼkhón꞉nion ne nón꞉we.

Joshua 9:24

Tsi wathatirihwaʼserá꞉ko, “Thóh nahakwáiere, shén꞉shion, tiorì꞉wa tsi wahakwarihwà꞉ronke tsi kwáh tósken í꞉ken né꞉tho Roiá꞉ner Saní꞉io tsi rohró꞉ri ne raonhátsera Mahís tsi ohontsakwé꞉kon ahontáhion tánon nashakononhwariaʼkónhnion nonhkweshón꞉as tsi nihatinakeré꞉nions tsi nienhénse. Thóh nahakwáiere tiorì꞉wa tsi kwaʼtsá꞉nis; hionkwatéronskwe tsi nihiatsionhnhiénion.

Joshua 9:7

Ók ki ne Israerʼró꞉nons wahonhní꞉ron, “Onhnonhtié꞉ren tsi í꞉se atewatsanerenhserón꞉ni? Tó꞉ka nón꞉wa ákta sewénhteron.”

Judges 1:24

Wahonwáken rónhkwe sohʼhiakenhenhátie ne kanatowakénke tánon wahonwénhase, “Takwahnatónhas onhʼní꞉ioht tsi iahiákwahwe ne kanatowanénhke, tánon iáh kíʼ thaʼkwahkaréwathe.”

Judges 1:4

tánon ne Judah skát꞉ne niahónhne wahonteriʼiósehra. Né Roiá꞉ner thaʼsakáwenh naʼtesenhniétshera tsi nòkwah ne Canaanró꞉nons ó꞉ni ne Perizró꞉nons, tánon oiéri tewenhniawehetserásen niháti ronhnónh꞉kwe washakotisénhni ne Bezek nónhwe.

Judges 2:2

Kwáh tó꞉sa thènen sewatsianerenhserónhni kí꞉ken ronhnónhkwe né kénʼen ionhontsáien ratinákere. Ónenk tsi entsisewarísi ne rahonáwenk ietsienharákwahs.’ Ók iáh kíʼ éhtho tesewaiéren tsi nikwahró꞉ri. Khék ó꞉ia nesewáiere!