Deuteronomy 7:18 - Ohiatonhseratokénti

¹⁸ Tó꞉sa ietshiʼtshà꞉nisek; sewehiá꞉rak nahó꞉ten ne Roiá꞉ner sewaNí꞉io tsi nihoié꞉raʼse ne ronhnonhtí꞉io ne Egypt nónhwe tánon ratikwé꞉kon ne rahonkweʼtashón꞉a

Deuteronomy 7:18 ပူးပေါင်းရင်းမြစ်များ

Psalms 105:5

Sewakwe Abraham nón꞉we niʼtisewatwatsiríhnon ne ne Rawenni꞉io raʼonhatshera kenʼne, Jacob nón꞉we nitisewatwatsiríhnon, rahónʼa ne Rawenni꞉io etʼtsisewaʼiataráhkwen, seweiárak ne iorihwanerahkwahthénions ne Rawenni꞉io tsi nihoieráhnion tánon ne karihwenhthá꞉tsheras tsi nithotkáwen.

Psalms 77:11

Kwáh ienskanontón꞉nionʼwe ne iorihwanerakwahténions, nètho Roiá꞉ner tsi nihoieránion ne tsiotohesthánion.

Psalms 77:12

Kwáh akwékon enskanontónhnionwe tsi nihotieránion.

Psalms 78:11

Rotinikonhrénhen tsi nahoténsons roioténhen, tánon ne iorihwanerakwahténions sakonatón꞉ni.

Numbers 21:34

Ne Roiá꞉ner wahawénhase ne Mahís, “Tó꞉sa tshetshánik, Entkónhion natesehniétsera natsesénhni, tánon ratikwékon ne rahonkwetashón꞉ʼas, ó꞉ni ne rahonhóntsa. Thóh natshiéras tsi kíʼ niʼtshieráʼse ne Sihon, né Amorʼró꞉non ronhnonhtí꞉io ne rotʼkorasthónhne ne Heshbon nónhwe.”

Deuteronomy 1:29

“Ók ki wakwahró꞉ri, ‘Tó꞉sa ietsitsaʼnísek thí꞉ken ronhnónkwes.

Deuteronomy 1:30

Ne Roiá꞉ner sewaNí꞉io entsisewahéntenhse, tánon raónha entsisewaterí꞉iose, kwáh ki tsi ní꞉ioht tsi eʼtsisewá꞉ken tsi nihoié꞉ren ne Egypt

Deuteronomy 20:1

“Nó꞉nen enshaterihiósera tsi nokwáh ne tetsatà꞉tsons tánon ensatkátho ne otsónhkwas ó꞉ni ne koshá꞉tens tánon ne ronterí꞉ios ne ieshentioʼkwakén꞉nion, tó꞉sa shetshà꞉nik. Ne Roiá꞉ner saNí꞉io, tsi raónha shaniakénton ne Egypt nón꞉we, kwáh ensenikwekónhake.

Deuteronomy 3:6

Akwé꞉kon wahakwariwenʼtósehron ne tsi kanatowá꞉nens tánon wahakhinonwariaʼkhón꞉nion ne ronhnónhkwe, konhnónhkwe, ó꞉ni ne ratikshaʼokónhas, kwáh ki tsi nihionkwaié꞉ren ne tsi kanatowá꞉nens ne ronhnonhtí꞉io Sihon raonataʼshón꞉as né꞉ne Heshbon nón꞉we.

Deuteronomy 31:5

Ne Roiá꞉ner kwáh énthion nathesenhnié꞉tshera tsi nokwáh ne ronónha, tánon kwáh é꞉tho nahitsihié꞉ras tsi nikwahró꞉ri.

Deuteronomy 31:6

Kwáh iasewanikonhrakónhtat tánon sewaʼnikonhranirón꞉hak. Tó꞉sa ietshitshà꞉nisek. Ne sewaNí꞉io, ne Roiá꞉ner rahonhatsí꞉wa, ensewakwekónhake. Iáh thatsisewaʼnikonráhthe iáh ó꞉ni thatsisewatiaʼthonthakwáse.”

Joshua 8:1

Ne Roiá꞉ner wahawénhase ne Joshua, “Ratikwé꞉kon ne ronhterí꞉ios iasehiaʼténhaf tánon Ai niahásewe. Tó꞉sa sewáteron tó꞉sa ó꞉ni sewaʼnikonhrók꞉ten. Enʼtsion natesenhniéntshera tsi nòkwah ne Ai ronhnonhtí꞉io; ne rahonkweʼtashón꞉as, ne rahonatowá꞉nen, tánon nonhóntsa Í꞉se sewáwenk enhwáton.

Judges 6:13

Ne Gideon wahawénhase, “Tó꞉ka ahónton nakonhrihwanónhtonhse, sénhshie, onh nihiotséren tsi kí꞉ken akwékon éhtho nihionkwahiáthawens tó꞉ka ne Roiá꞉ner iakwahkwékon? Onh nihiawénhon nakwékon tí꞉ken iorihwanerakwahthénions né iakhinihokonhkénʼen hionkhiró꞉ri tsi nihaiérakwe ne Roiá꞉ner—tsi ní꞉ioht tsi tetheshakohiatinekénʼen ne Egypt nónhwe? Né Roiá꞉ner shonkwahtewenhthéton tánon thóh waʼshonhkwátkhaʼwe kwáh tsi nenhthatinónhwene ne Midianró꞉nons.”