Deuteronomy 7:12 - Ohiatonhseratokénti

¹² “Tó꞉ka enshatahónshatate kí꞉ken kariwatà꞉tsheras tánon ensatewén꞉narahkwe naioriwatokénhake, ethò꞉ne ki ne Roiá꞉ner saNí꞉io ienhakón꞉taʼkwe enhateweién꞉ton ne ateriwaʼseronhniá꞉tshera tsi naʼtetiátere tánon enhianatónhase ne ioriwató꞉ken rahononronhkwá꞉tshera, tsi ki nishakorahratstén꞉ni ne ietsisoʼthonkonhkén꞉en.

Deuteronomy 7:12 ပူးပေါင်းရင်းမြစ်များ

1 Kings 8:23

tánon wahaterénhnaien, “Saiá꞉ner Sewenní꞉io NʼIsraerʼrónons, kwáh iáh othènen nó꞉ia tekaniʼiosehráien tsi níse ní꞉ioht ne é꞉neken ne tsi karonhiáte khés nehthàke ne tsi ionhwenhtsáte! Sheʼiateweientónhni ne sateriwaseronhniátshera skát꞉ke ne shonkwetaʼshón꞉as tánon shenatónhnis ne sanonhronhkwáhtshera nó꞉nen thóh ní꞉ioht tsi enhonhnónh꞉nheke kwáh ronhnerhiasakwékon tsi eniesawénhnarakwe.

Nehemiah 1:5

Waʼkí꞉ron, “O Saiá꞉ner, rahónha ne Rawenni꞉io ne tsi karonhiá꞉te, teotenonhiatí꞉ton tánon roshatstenhserowanenʼkó꞉wa Rawenni꞉io, Rahónha rateweién꞉tons naterihwaseronhniá꞉tshera ne kenténron tsi nihiá꞉kon ne ronwanorónhkwa tánon iontewenhnaráhkwa ne raorihwatátʼtshera.

Nehemiah 9:32

“Tánon nón꞉wa, ne Ní꞉io, né꞉ne teotenonhianì꞉ton tánon rashátste tánon teotenonhianitonhkó꞉wa Ní꞉io, raónha rohnóns꞉te naterihwasheronhniá꞉tshera tánon torihwaié꞉ri, tó꞉sa ne shón꞉ni ne kenk nakonhà꞉ke ne karonhiakénhsera akwé꞉kon ne karonhiakénhsera ionkwahrá꞉hon, ó꞉ni ne rotirá꞉hon nonkwahnontí꞉ios. Ó꞉ni rotitokénhses, ó꞉ni ne ionkinihó꞉kons tánon rotirá꞉hons ratikwé꞉kon ne shonkweʼtashón꞉as tsi ná꞉he tiotáhsawe shiohnhatenhniseraténionskwe ne rontinontí꞉ioskwe ne Assyria nón꞉we tsi niió꞉re nón꞉wa wenhniserá꞉te.

Psalms 103:18

né꞉ne tsi nihiákon enhiontsénawasʼte ne raoterihwaʼsehronniátshera tánon nenhiakehiárahke thóh naiéhiere tsi nihorihwaʼtháton.

Psalms 149:9

ne nahonwatiréwaʼte tsi nikariwénton ne kaianerénhsera. Né kí ken ne raotiiatanerakwáhtsheras ratikwékon ne rahonkwetaʼshónhas ne iakorihwaʼtókens. Tehonwanonweráton ne Roiá꞉ner!

Exodus 15:26

Wahénron, “Tó꞉ka kwáh tohʼkènʼen enskwahʼwén꞉narahkwe tsi thóh nenhsewáiere tsi nahó꞉ten íkere ne tkariwaiéri tánon ensewateweiénton nakeriwaʼtáʼtseras, Iáh kíʼ thènnenh thaʼkwahréwaʼhte ne kannrahʼtariné꞉tsheras tsi né niʼkhehiérahse ne Egyptró꞉nons. Í꞉i, ne Watiá꞉ner, tsi nikáien né tsi skwatsiéntha.”

Jeremiah 11:5

Ethóhʼne enkwé꞉ienste tsi nikhehiarahratsʼténni ne sakotisotʼthonkonkénʼen tsi entekhéhion ne ionhontsáresen ó꞉ni ne iohontsí꞉io tsi ónen ne ratíhawe.” Wakíron, “Hen, Saiá꞉ner.”

Daniel 9:4

Wakaterénnaien raonhá꞉ke ne Roiá꞉ner Akeʼní꞉io ó꞉ni waʼakwarihwahní꞉rate tsi niionkwarihwané꞉ren. Waʼkí꞉ron “Saiá꞉ner Ní꞉io, tesatenonhianíhton, tánon kwakweniénhstha. Iorihwatóken ne sahrharatstátshera, ó꞉ni ne sanonronhkwáhtshera tánon tsi niiá꞉kon ne iesanorónhkhwa ó꞉ni iesawennaráhkwa.

Micah 7:20

Kwáh enthétion norihwihioʼón꞉we ne Jacob tánon kenténrat ne Abraham, kwáh tsi nisehrihwanirá꞉ti ne iakisoʼthonkonhkén꞉en ne wahón꞉nise tsi ná꞉he tkenʼne.

Luke 1:55

Tsikiniioh tsi sakorharaststenni nonkȣanisera, neh tohiken Abraham nok oni tsinonkati ne sakoienhokonha tsinenȣe.

Deuteronomy 1:8

Akwé꞉kon ne kí꞉ken nohóntsa ne Í꞉i, ne Watiá꞉ner, wakarahrátston tsi entekhéion ne sewasótsheras, Abraham, Isaac, tánon ne Jacob, tánon tsi nienhontwatsirì꞉ne. Wás tánon iaʼsewaná꞉taien.’”

Deuteronomy 11:13

“É꞉tho káti, sewatewénhnarak kí꞉ken kariwatà꞉tsheras ne thakwawí꞉hon nón꞉wa wenhniserá꞉te; tsi sewanorónhkwak ne Roiá꞉ner sewaNí꞉io tánon seweriasakwé꞉kon tsi tsisewahiò꞉tens.

Deuteronomy 5:10

Ók wakeʼnéston nakenoronhkwátshera né꞉ne niwenhniaweheʼtsherásen natewatereʼserà꞉sere; tsi nihiá꞉kon ne ionhkenorónhkwa ó꞉ni rontewenhnaráhkwa natianerénhseras.

Deuteronomy 7:11

É꞉tho káti, sewatewénhnarak tsi nahó꞉ten ietsirihonhnién꞉ni; sewatewénhnarak akwé꞉kon ne kaianerénhseras né꞉tho takwawí꞉hon nón꞉wa wenhniserá꞉te.

Deuteronomy 7:9

Sewehiá꞉rak né꞉tho Roiá꞉ner sewaNí꞉io tsi rahonhatsí꞉wak kók ne Ní꞉io tánon tsi roriwató꞉ken. Enhateweiénton ne raohianerénhsera tánon enrè꞉neste ne ioriwató꞉ken raonoronhkwátshera ne tewenhniaweheʼtseráhsen natewaterehsehránes ne tsi niʼiá꞉kon ronhwanorónhkwa tánon iontewenhnaráhkwa ne raoriwaʼtá꞉tsheras,