Deuteronomy 6:7 - Ohiatonhseratokénti

⁷ Tánon sewatsteniáron ne ietsirihón꞉nien ne ietsihienokónha. Ne sewathará꞉kwak ne sewanonskónhsons ó꞉ni nó꞉nen kák nón꞉we niesewè꞉non, ó꞉ni nó꞉nen sewatorí꞉shen ó꞉ni nó꞉nen sewahiò꞉te.

Deuteronomy 6:7 ပူးပေါင်းရင်းမြစ်များ

Genesis 18:19

Iáh, asèken ráonha riiaʼtarákwen, né katí nahshakorihónnien ne shakoioʼokón꞉ahs tánon tsi nienhathwatsí꞉rine ne nahonteweién꞉ton tsi nihorihó꞉ten ne Roiá꞉ner thóh níʼhatí꞉iehr nahó꞉ten né tkarihwaié꞉ri tánon né kaiánerenʼn; né ká꞉ti naón꞉ton né Roiá꞉ner naontaháhawe tsi nahó꞉ten rohrharatstén꞉ni nʼAbraham.”

Job Tánon ne Raoronhiakensera 8:10

Kwáh ken iáh tahiesarihón꞉nien tánon ahiesaró꞉ri kwáh orihwí꞉io tsi enhiesarihón꞉nien ne raonathotkátshera?

Psalms 119:13

Tentkatnanétha enhiorahkareníhake akwékon ne kaianerénhseras ne tisatkáwen.

Psalms 119:46

Kwáh enkherihowahhnáten ne sahtsiawenhráhtseras ne rontinonhtí꞉ios, tánon iáh kíʼtahonkatéhaʼte.

Psalms 129:8

Iáh ónhka né nónhwe nihiontohéstha ne kwáh aiaiéron, “Aiáwenhs ne Roiá꞉ner ahiaiatatérisʼthe! Wakwahiatatéristhe thóh raosénhnakon ne Roiá꞉ner.”

Psalms 37:30

Ne raotiʼwennahókons ne tionkwetaiéri kwáh íken tsi ronthokhatsherí꞉io; tánon kwáh tiókonthe tsi tkariwahiéri í꞉ken.

Psalms 71:17

Ó Sewenní꞉io kwáh siʼkeksʼsáha teskerihonhniénhni, tánon shé꞉kon nikherohrhiánions nonkweshón꞉ha ne iorihwanerakwaténions tsi nisatieránion.

Proverbs 10:21

Tiakorihwaié꞉ri akowennaʼshón꞉ʼa wé꞉so eniakoiaʼtakéhnha nón꞉kwe, ók ní꞉se enhskwé꞉ni enhsatatenonhwarhiakon tsi nisanonhwaró꞉ri.

Proverbs 15:2

Nó꞉nen ne ronttokhahtsherí꞉io nón꞉kwe enthontá꞉ti, entisaʼnikonhratihéntho tsi nahò꞉ten ronaterién꞉tare. Nok ne iáh tehonttókha nek ne thontà꞉tis nahò꞉ten iáh orí꞉wa té꞉ken.

Proverbs 15:7

Nón꞉kwe tehotiʼnikonhráthe, attokháhtshera tehonrenià꞉tha, iáh kiʼ nen né꞉ʼe ne rotinonhwaró꞉ri.

Proverbs 6:22

Tsi nahò꞉ten iesarihonnién꞉ni ensaianénhawe tsi tesatstikafenhátieʼs tánon ensanónhstate tsi niwahsón꞉tes tánon ensateʼnikòn꞉ron tsi niwenhnísereʼs.

Isaiah 38:19

Né꞉ne iakonnheónwe, né iakonnheónwe, né teiesanonwerátons, tsi kí nikatiéra nón꞉wa wenhniseràte; kaníseras enhonwatiʼtokáhten ne ratiksaʼokónhas ne sarihwatokentítsheras.

Malachi 3:16

Eʼthó꞉ne ne ronwakweniénhstha ne Roiá꞉ner waʼthatihtharónnion. Ne Roiá꞉ner kwáh ákta tsi wahatenʼnikón꞉raren tánon wahatahónhsatate, tánon iaʼthahiatónhserahkwe ne iehsennarónnionʼs ne raohén꞉ton tsi niiá꞉kon ne ronwarihwakweniènhstha ne Roiá꞉ner tánon ronwahsennakará꞉tats.

Matthew 12:35

Tronkȣetaieri akȣaki neok tatakȣas tsini tioianere tkananon ne raȣeriane; nok ne ronkȣetaksen neh ki tatakȣas tsini teȣahetken ne raȣeriane.

Luke 6:45

Raȣeriane tatakȣas kariȣiios ne tronkȣetaieri, tsiki niiot ne ronkȣetaksen ne kiok ne kariȣaksen tatakȣas ne raȣeriane; aseken tsiniiot tsi iteȣat naȣeriane eh ki niiot tsi ieȣatatis naȣennasa.

Ephesians 4:29

Tóhsa ne íhsas nowénna naiakonikonráksate, nók nek khók nowénna ne iakonikonrahnírats, tsi nikáien ne iakokétskwas ó꞉ni tsakówis nahóten tehiothonwentióʼon, neh káti tsi nahóten ensíron eniakohiénawase tsi niháti nen iesatʼthóntene.

Ephesians 6:4

Sewawiraiéntons, tóhsa thènen seiatewehienaksáten ne ietʼtsiʼienhokónha nehne akarihónʼni aietʼtsinákwase. Khék, teietʼtsihiaróthon tsi enietʼtsihieiáron tsi nòkwa ne kariwihiosthontserákon ó꞉ni ahontewéienste nahontahonwethákwen ne Ié꞉sos Kerístos.

Deuteronomy 11:19

Ietshihienʼokónhas ietsirihonnienhní꞉tak. Sewatharákwak nó꞉nen sewanonskónhsons sewenhterón꞉ton tánon nó꞉nen sewahiakén꞉en, nó꞉nen sewatorí꞉shen tánon nó꞉nen sewahioʼténion.

Deuteronomy 6:2

Tsiniʼkarì꞉wes enshón꞉nheke, ní꞉se tánon tsi nienhsatwatsí꞉rine natsisewakweniénstake ne Roiá꞉ner sewaNí꞉io tánon akwé꞉kon sewatewénhnarak ne raoianerénhseras né꞉tho tkwáwis, ne naónton ne karí꞉wes ne thóh nón꞉we niʼionwénhtsaien nahitiónheke.

Colossians 4:6

Nensewahtá꞉ti tehiotonwentió꞉on ne tió꞉konte aionwesénhake ó꞉ni aiontaiakonikonratihéntʼto, tánon tesatonwentió꞉ni naisaterientá꞉rake tsi ní꞉ioht tsi tenseriwaserákwase.

1 Tiér 3:15

Nók tsi sewasénnaien ne Kerístos ne seweriáne, tánon tsi sewakwéniens tsi Roiá꞉ner. Kwáh tiókonte tsi sewatateweiennentahónhak ne ónhka taientʼtsiriwaserákwaʼse tánon naietʼtsinikonraientáten tsi rahonháke nónwe nikáien ne sewarahrátʼtsera.

Ruth 2:12

Aiá꞉wens ne Roiá꞉ner tahiariʼwaserakwáhse tsi nisatié꞉ren. Aiá꞉wens káti ó꞉ni kwáh otokén꞉en tahiariʼwaserakwáhse ne Roiá꞉ner Rawenni꞉io ne Israel tsi kén꞉en nontáhse nahiaiaʼtanónhstate!”

Ruth 2:4

Ohnakénhkha ó꞉nen sárawe ne Boaz, tsi tkanátaien ne Bethlehem natontá꞉re, waʼtehsakononhwerá꞉ton ne rotiióʼtenion, wahèn꞉ron, “Roiá꞉ner aiesewakwekónhake!” Tontahonnì꞉ron, “Roiá꞉ner ahiaiaʼtatériste!”

Ruth 4:11

Ne káti kí꞉ken ohén꞉ton rónnete tánon ronátiaʼke eh tho rónnes wahonnì꞉ron, “Hen, í꞉ʼi kiʼ eniakwarì꞉wenhte. Aiá꞉wens káti Roiá꞉ner ahsakoiaʼtaté꞉rihste eh tho naieiaʼtoʼtén꞉hake seniniáhkhe tsi natekeniiaʼtoʼténhne ne Rachel tánon Leah, é꞉so iotiwiraientá꞉ʼon Jacob raoriwá꞉ke. Aiá꞉wens aiesakwáhtsheʼne kenʼtàrakon ne Ephrath tánon atshennowá꞉na tsi nón꞉ ne Bethlehem.