Deuteronomy 6:24 - Ohiatonhseratokénti

²⁴ Ethò꞉ne ne Roiá꞉ner Onhkwaní꞉io washonkwahró꞉ri nahiakwatewén꞉naraʼkwe kí꞉ken kaianerénhseras tánon nashakwakwénienste. Tó꞉ka thóh neniakwá꞉iere, akwáh ki tió꞉konte tsi enshonkwaʼnikónhrahrake nonkwentióhkwa tánon ienkakónhtaʼkwe tsi enhionkwaianerásten.

Deuteronomy 6:24 ပူးပေါင်းရင်းမြစ်များ

Psalms 41:2

Ne Roiá꞉ner tesahkó꞉nes tánon sakahonnhétie; ronatʼtsenhnónhni ne tsi iohontsáien. Iáh tsiasakót꞉kaʼwe thóh raotishaststenhserákon ne ronwaʼtíshons.

Psalms 41:3

Né Roiá꞉ner ensakosniénon nó꞉nen rotinonwákʼtani; né tsi nihotinonwákʼtani akwé꞉kon niesehsetiéntha ne raotinraókons.

Psalms 66:9

Iáh tehothontháton naʼitewénheie, tánon iáh tehothontháton nahionkhisénhni.

Exodus 20:20

Ne Mahís wathariʼwaserako, “Tó꞉sa sewá꞉teronhk; ne Rawenni꞉io nèkse aoríwa tá꞉hre natsiʼsewateniénten tánon natsiʼtsiónhnien nahtsiʼsewawenhnaráhkwahʼke, ne káti ne tó꞉sa ahisewariwá꞉nerahke.”

Proverbs 22:4

Tshewén꞉narak ne Roiá꞉ner, saní꞉tenht, tánon enhshié꞉na kakwahtshéhsera, kakwenienhstáhtshera tánon enhsonhnhé꞉son.

Proverbs 9:12

Í꞉se sonhá꞉ʼa enhsatshennonniátahkwe tókaʼ sá꞉ien ne attokháhtshera, tánon tókaʼ iáh thahshié꞉na, í꞉se kiʼ enhsatatkarón꞉ni.

Isaiah 3:10

Ietsiró꞉ri ne iakoiáneren tsi enhotiʼianerásten, asèken ne enhónhneke tsi nahó꞉ten rotiʼioténhen.

Jeremiah 32:39

Kwáh énskat khók tsi nahorihóten tsi entekhéhion ne tsi ronnónhnhe: ne ne kwáh tiókonhte tsi ahiontkweniénsthaʼke, asèken ronónha rahotiʼhiathakeʼnhátshera ó꞉ni tsi wahatiʼwahtsirahtátie.

Matthew 6:33

Neh tanon taseȣatierent seȣesak ne Niio rahonakerasera, nok ne kenh iohaȣiton aksekon nehne ok tentkonne.

Luke 10:28

Tontahenron ne Iesos: Akȣa tasierite, eh kati natsier nok Karonhiake ensatsennonni.

Romans 10:5

Mahís kíʼ thoní꞉ioht tsi rohiáton tsi nikarihóten nahonsaiakoteriwaserónʼnien tsi natehóntere ne Rawenni꞉io ne tsi iontewennarákwa ne kaianerénsera; “Ónkaʼkiʼ enhontewénnaraʼkwe nahotsiawenrétsera ne kaianerénsera eniakónʼnheke.”

Deuteronomy 4:1

Ethò꞉ne ne Mahís wasakawénhase nonhkweshón꞉ʼa, “Sewatewenhnaráhkwak akwé꞉kon ne kaianerénseras ne kwarihonhnién꞉nis, tánon enhtsónhnheke ó꞉ni ensewatié꞉nawatste nonhóntsa tsi niká꞉ien ne Roiá꞉ner, ne SakoʼNí꞉io ne ietsisothokonhkén꞉en, ne tetsisewá꞉wis.

Deuteronomy 4:4

ók tsi nítsion ne sewariwató꞉ken rahonhà꞉ke ne Roiá꞉ner sewaNí꞉io shé꞉kon nitsónhnhe nónhwa wenhniserá꞉te.

Deuteronomy 6:2

Tsiniʼkarì꞉wes enshón꞉nheke, ní꞉se tánon tsi nienhsatwatsí꞉rine natsisewakweniénstake ne Roiá꞉ner sewaNí꞉io tánon akwé꞉kon sewatewénhnarak ne raoianerénhseras né꞉tho tkwáwis, ne naónton ne karí꞉wes ne thóh nón꞉we niʼionwénhtsaien nahitiónheke.

Deuteronomy 6:23

Shasonhkwaʼniá꞉kenhte ne Egypt nón꞉we né꞉ne kén꞉en ahontasonhkwahiaʼténhawe tánon nahontashón꞉kwahion kí꞉ken iohontsá꞉ien, tsi nishakorahratstén꞉ni ne onhkwasó꞉tsheras tsi thóh nenhá꞉iere.

Deuteronomy 8:1

“Iaʼtesewatatsáhat tsi sewatewénhnarak norihwakwé꞉kon ne kaianerénhseras né꞉tho takwahion nón꞉wa wenhniserá꞉te, ne káti nahitsónhnheke, nahisewentiohkowáhna, ó꞉ni nahisewatié꞉nawatste nohóntsa ne Roiá꞉ner shakorahratstén꞉ni ne ietsisoʼthonkonhkén꞉en.

Deuteronomy 8:3

Tsi nió꞉re tsi waʼtsitionhkarià꞉the, tánon ethò꞉ne kákhwa thatsí꞉tson nahí꞉sewake, né꞉ne kákhwa ne ietsisoʼthonkonhkén꞉en iáh nonhwénton tehoné꞉kon ne tiotierénhton. Ne ki aorí꞉wa thóh nahá꞉iere ne naʼtsisewarihón꞉nien né꞉ne tó꞉sa ki kákhwa kók sewaniahesénhak nahitsónhetste, ók né꞉ne kwáh orihwakwé꞉kon tsi nahoʼténhsons ne Roiá꞉ner ratón꞉nions.