Deuteronomy 6:18 - Ohiatonhseratokénti

¹⁸ Tóh naʼsewáier tsi nahoʼténhsons ne Roiá꞉ner ratónhnions asè꞉ken tkaié꞉ri ó꞉ni ioiá꞉nere, tánon orihwakwé꞉kon tshiensewaianerásten. Ensehwateriwaʼténtiase nahisewatié꞉nawatste ne iohontsí꞉io né꞉tho Roiá꞉ner shakorahratstén꞉ni ne sewasótsheras,

Deuteronomy 6:18 ပူးပေါင်းရင်းမြစ်များ

Psalms 19:11

Ronónha ó꞉ni ne iorihonhníhon ne sanhátseras ronwatitokaténhni; nenhontiénawaste kowánen tsi tenhonaterihwasehrákwahse.

Exodus 15:26

Wahénron, “Tó꞉ka kwáh tohʼkènʼen enskwahʼwén꞉narahkwe tsi thóh nenhsewáiere tsi nahó꞉ten íkere ne tkariwaiéri tánon ensewateweiénton nakeriwaʼtáʼtseras, Iáh kíʼ thènnenh thaʼkwahréwaʼhte ne kannrahʼtariné꞉tsheras tsi né niʼkhehiérahse ne Egyptró꞉nons. Í꞉i, ne Watiá꞉ner, tsi nikáien né tsi skwatsiéntha.”

Isaiah 3:10

Ietsiró꞉ri ne iakoiáneren tsi enhotiʼianerásten, asèken ne enhónhneke tsi nahó꞉ten rotiʼioténhen.

Isaiah 38:3

“Sasehiá꞉ran ó꞉nen Saiá꞉ner, wakonhianiténhten, tsi ní꞉ioht tsi tewakatekhaʼhákwen ne sahénton né꞉ne aóskon tewetákwen tsi kerhiasakwékon í꞉ken, tánon thóh niwatiéren nahó꞉ten ne ioiánere ne sahénton.” Tánon ne Hezekiah otsitówa tsi waʼthaséntʼtho.

Ezekiel 18:19

“Ók sehriwahnónhtons, ‘Onhnonhtséren ne roiénha tsi iáh taharonhiáken ne꞉ne akarihónhni ne roníha rahoriwahneraháktsheras?’ Ne tekariwahseráhkwen nètho roiénha ne rohioténhen ne tkariwahiéri ó꞉ni ioiánereh. Rotienawáston natianerénsehras tánon kwáh ioianerehónwe tsi ró꞉sehron, tánon káti kwáh tohkénʼen tsi enrónhnheke.

Ezekiel 18:21

“Tó꞉ka ónhka enhióntkaʼwe tsi iakoriwahnerenháties tánon enhiontiénawasthe natianerénhsehra, tó꞉ka ne enhohióten ne tkariwahiéri ó꞉ni ne ioiánereh, kwáh iáh tharénheʼie; kwáh tohkénʼen tsi enrónhnheke.

Ezekiel 18:27

Nónenh nónhka ionhkwetahétken enhátkaʼwe tsi roriwanerahatkhonháties tánon ne enhohióten ne tkariwaiéri ó꞉ni ne ioiánereh, enhanónhsthate ne tsi rónhnhene.

Ezekiel 18:5

“Tó꞉ka shí꞉ken kwáh tokénʼen tronkwetaiéri, rohiánereh ó꞉ni rothonkwethakwahríshion.

Ezekiel 33:14

Ahónton nakhehiaronhkáten ónhkak ne iakonhkwetahétken tsi enhiaiéheie, ók tó꞉ka enhióntkaʼwe tsi iakoriwahnerenháties tánon né entiakohióten ne tkariwahiéri ó꞉ni ne iohiánereh—

Ezekiel 33:16

Kwáh enshinikónhrenhse ne kariwáhneren tsi nahotiérenhke, ók enhrónnheke tsioríwa tsi ne rohióthe ne tkariwahiéri ó꞉ni ne iohiánere.

Ezekiel 33:19

Nónenh ónhkak ne onhkwetahétken enhióntkaʼwe iakoriwahnerenháties tánon ne enhtsakohióten ne tkariwahiéri ó꞉ni ne ioiánere, wahanónhsthate tsi rónhnhe.

Hosea 14:9

Tsi nihiá꞉kon ne iontenikonraʼthókha iakonikonraiéntas kí nahorihothénsons; tsi nihiá꞉kon ne ieierihwákens iakoteriènhtare. Asè꞉ken ne raoweiénhnas ne Roiá꞉ner tkariwaié꞉ri í꞉ken, tánon ne tionkweʼtaié꞉ri thóh nón꞉we nihiakothaí꞉take, ók ne rotiriwanerahátskon né꞉ne tonasitsiátstha.

John 8:29

Aseken iakenikȣekonhaties ne thakatorion: iah tehakateȣenteton ne Rakeniha; aseken tiotkon tahonikonriiohonhatie tsini ȣakierenhatie.

Romans 12:2

Tóhsa senakéren tsi nihiotirenʼnáhons ne tsi ionwentisáte, nók tsi sewaríhon ne Rawenni꞉io tahonshatsiseweriasaténi ne kwáh iahiotkontákwen tahonshatsisewanikonraténi. Ehʼthóhʼne ensewakwéni nahisewanikonraiéntaʼne tsi nihoskanektseróten ne Rawenni꞉io—nehʼne nahiaiéron, nètho kénthons nahontahonwanikonraiériʼte tánon kwáh tsi naiothónhon.

Deuteronomy 12:25

Tó꞉ka enshatewénhnaraʼkwe kí꞉ken kariwatà꞉tshera, ne Roiá꞉ner enhawerientí꞉io, tánon akwé꞉kon tshienioiánerenhne ne sariwáhke ó꞉ni tsi nenhsatwatsirì꞉ne.

Deuteronomy 12:28

Tasethakwénhak tsi satewénhnarak orihwakwé꞉kon tsi nikonhró꞉ri, tánon akwé꞉kon tshienhioiánereʼke ne sarihwá꞉ke ó꞉ni tsi niensatwatsirì꞉ne ne tsi nénhwe, tiorí꞉wa tsi thóh nénhshiere tsi nahó꞉ten ne tkariwaié꞉ri ó꞉ni rahwerientiióstha ne Roiá꞉ner saNí꞉io.

Deuteronomy 13:18

Tó꞉ka akwé꞉kon enshatewénhnaraʼkwe ne rahoriwatà꞉tsheras ne tkwá꞉wis nón꞉wa wenhniserá꞉te, tánon thóh naʼsewá꞉iere tsi nihariwanónhtons.

Deuteronomy 4:40

Sewatewén꞉narak akwé꞉kon ne raoianerénseras tsi nonhtà꞉tion nón꞉wa wenhniserá꞉te, tánon akwé꞉kon tshienioiánerenhne ne sewarihwà꞉ke ó꞉ni tsi nenhsewatwaʼtsí꞉rine. Iensewakonhtà꞉kwe tsi thóh ensewanákereke ne tsi ionhontsá꞉ien ne Roiá꞉ner sewaNí꞉io tsisewawì꞉re nahisewawenkónhweke tsi nénhwe.”

Deuteronomy 5:29

Tó꞉ka shí꞉ken tió꞉konte ki é꞉tho nahonhnonhoténhseke! Tó꞉ka shí꞉ken tió꞉konte aiontkweniénstake tánon akwé꞉kon ahontewenhnaráhkwake nakeriwatà꞉tsheras, káti norihwakwé꞉kon tsiahioiánerenhne ne raotirì꞉wake ó꞉ni tsi nienhontwatsí꞉rine tsi nénhwe.

Deuteronomy 5:33

Akwé꞉kon sewatewénhnarak, ne káti norihwakwé꞉kon tsiahioiánerenke ne sewarihwà꞉ke tánon káti kwáh niahisewakónhtà꞉kwe thóh ahisewenhterónhtake ne tsi iohontsá꞉ien nenhsewatié꞉nawatste.

Deuteronomy 6:10

“Akwáh ki ne Roiá꞉ner sewaNí꞉io tsi nishakorahratstén꞉ni ne sewasoʼtsheraokonhkén꞉en, nʼAbraham, Isaac, tánon ne Jacob, entsitsonhóntson skátke ne iókwats kanatowá꞉nens ne tsi niká꞉ien ne iáh í꞉se tesewatenatón꞉ni.

Deuteronomy 6:19

tánon enietsihiaʼtínekenhwe ne tesewatà꞉tsons, akwáh ki tsi nihorahrátston.

Deuteronomy 8:11

“Orihwí꞉io sónhni ne tó꞉sa ahtsataʼnikónhren ne Roiá꞉ner saNí꞉io; tó꞉sa sariwanó꞉ron nasatewenhnaráhkwe ne thé꞉nen raoianerenhseraʼsónhas ne tkwá꞉wis nón꞉wa wenhniserá꞉te.