Deuteronomy 6:10 - Ohiatonhseratokénti

¹⁰ “Akwáh ki ne Roiá꞉ner sewaNí꞉io tsi nishakorahratstén꞉ni ne sewasoʼtsheraokonhkén꞉en, nʼAbraham, Isaac, tánon ne Jacob, entsitsonhóntson skátke ne iókwats kanatowá꞉nens ne tsi niká꞉ien ne iáh í꞉se tesewatenatón꞉ni.

Deuteronomy 6:10 ပူးပေါင်းရင်းမြစ်များ

Genesis 15:18

Né eʼthó tewenhniserá꞉tehkwe ne Roiá꞉ner wahaianerenhserón꞉ni skát꞉ne ne Abram, rá꞉ton tsi “Nienhsathwatsí꞉rine takhé꞉ion kí꞉ken ohóntsa, thóh entewatáhsawen tsitkaniataratátie ne Egypt ièn꞉wawe ne kaniataraʼkehkowanén꞉ke, ne ne tsi kaniataratátie Euphrates,

Genesis 26:3

Nikarihwésha kén꞉ʼen tsi ionhwentsá꞉ien tsiʼ terón꞉tak, entenikwekónhake ó꞉ni enkoniaʼtaté꞉rihste; ní꞉se tánon tsi nienhsathwatsí꞉rine kwáh énttion akwé꞉kon kí꞉ken ionhwentsá꞉ienʼs, kwáh kíʼ énkenahne tsi niwakerihwahnirá꞉ton tsi nihihrharatstén꞉ni ne Abraham iaʼníha.

Genesis 28:13

Tánon ne Roiá꞉ner raiaʼtákta í꞉rate tánon wahén꞉ron, “Í꞉i ne Watiá꞉ner, ne ne Abraham iaʼníha Raoní꞉io í꞉ken ó꞉ni Raoní꞉io ne Isaac; né nonhwentsà꞉ke tsi nón꞉we nihshiaʼtión꞉nikwe kwáh í꞉se enkón꞉ion tánon tsi nienhsathwatsí꞉rine;

Nehemiah 9:25

Tánon wahontiaʼtakweʼní꞉ioste ne tsi kanatowá꞉nens tánon ne tekenstenró꞉tons watenhenráien kwáh tiohontsí꞉ios tánon wahontiaʼtakweʼní꞉ioste ne tsi kanónshote ne titkáhere ioiá꞉neres tánon skátne nonawerashón꞉as, tsi kanenharaientóhseron tánon ne iakeiewátha karontaʼshón꞉as tánon ne wahiaienthóhserons tsi nihiawetowá꞉nen. Tánon wahón꞉neke tánon kwáh wahoná꞉tahne tánon wahonréhsen tánon tsi nahonerienhtí꞉io thóh tsi nateiotenonhianí꞉ton tisarihwaié꞉ri.

Psalms 105:44

Né waʼsakahonhtsawí꞉hon nakorénshons raononhontsashón꞉has, tánon né waʼhatiʼientʼwakwenháton nakorénhshons rotiʼientʼthó꞉serons,

Psalms 78:55

Waʼsakohiatínekenhwe nonkweshónha né nón꞉we nihatiterónhtaʼkwe nó꞉hen thóh shahónhne; waʼtesakohiakónhase nonhóntsa nahontsénawasʼte tánon thóh nón꞉we nasakóteron Israerʼró꞉nons ne tsi rotinonshó꞉tonkwe ne nón꞉we nihatiʼterónhtaʼkwe.

Deuteronomy 1:8

Akwé꞉kon ne kí꞉ken nohóntsa ne Í꞉i, ne Watiá꞉ner, wakarahrátston tsi entekhéion ne sewasótsheras, Abraham, Isaac, tánon ne Jacob, tánon tsi nienhontwatsirì꞉ne. Wás tánon iaʼsewaná꞉taien.’”

Deuteronomy 19:1

“Nó꞉nen ne Roiá꞉ner sewaNí꞉io sakothónton nonhkweshón꞉as tsi niká꞉ien ne rahononhóntsas tetshisewá꞉wi tánon nó꞉nen shisewaiéhnen ne rahotinatowá꞉nens ó꞉ni ne tsi rotinónhsotons tánon thóh nón꞉we nesewatená꞉taien,

Deuteronomy 31:20

Kwáh ki ienkhehiaʼténhawe ne tsi tiohontsarénhse ó꞉ni iohontsí꞉io, tsi ki nikhehiararatstén꞉ni ne shakotisoʼthonkonhkén꞉en. Thóh nón꞉we kwáh tsi ní꞉kon tehonathonhontsó꞉ni tsi enhothikwahiéntake, tánon ionhwénhsen tsi ní꞉ioht tsi enhonhnón꞉neke. Ók ki tenhontkaraté꞉ni nó꞉ia nihioʼokón꞉as enkonhwatishén꞉naien. Kwáh enhiontkénron tánon tenhatihiáke nakateriwaʼseronhniá꞉tshera,

Deuteronomy 6:18

Tóh naʼsewáier tsi nahoʼténhsons ne Roiá꞉ner ratónhnions asè꞉ken tkaié꞉ri ó꞉ni ioiá꞉nere, tánon orihwakwé꞉kon tshiensewaianerásten. Ensehwateriwaʼténtiase nahisewatié꞉nawatste ne iohontsí꞉io né꞉tho Roiá꞉ner shakorahratstén꞉ni ne sewasótsheras,

Deuteronomy 6:23

Shasonhkwaʼniá꞉kenhte ne Egypt nón꞉we né꞉ne kén꞉en ahontasonhkwahiaʼténhawe tánon nahontashón꞉kwahion kí꞉ken iohontsá꞉ien, tsi nishakorahratstén꞉ni ne onhkwasó꞉tsheras tsi thóh nenhá꞉iere.

Deuteronomy 8:12

Nó꞉nen nakwé꞉kon sá꞉ien tsi nahoʼténhson iséhre nasé꞉ke tánon satenonsonhniá꞉nions ne kanonsí꞉ios ne thóh ashiʼterónhtake

Deuteronomy 9:1

“Sewatahónsatat, Israerʼró꞉nons! Ónhwa wenhniserá꞉te onenhthó꞉wa iatahisewahiá꞉iake ne Jordan Kaniataratátie tánon ne iahisewatiaʼtakwehní꞉ioste nonhóntsa ne nonhkweshón꞉a rahonáwenk ne sénha ronatiohkowá꞉nen ó꞉ni ratiʼshátstes tsi ní꞉se ní꞉ioht. Rotinatowá꞉nens, ne watenhenró꞉tons ne tehiokwataséhton ne rahotinátas iéwas ne tsi tkaronhiá꞉te.

Joshua 24:13

Thakwahion nohontsa ne iáh nonhwénhton thènen thóh tesewahiotenhen ó꞉ni ne kanató꞉wanens ne iáh nonhwénhton i꞉se tesewatenatonhni. Tánon ónenh é꞉tho nónhwe nisehwanakere sehwanenharakons né꞉ne iáh i꞉se tesewahietʼthon, tánon ne iakeniewátha karonhthasonhas iáh i꞉se tesewaronhthaietʼthon.’