Deuteronomy 6:1 - Ohiatonhseratokénti

¹ “Ne kí꞉ken nakwé꞉kon ne kaianerénhseras ne Roiá꞉ner sewaNí꞉io rakró꞉ri nakwarihón꞉nien. Sewatewénhnarak ne tsi tiohontsá꞉ien ne ó꞉nen thó꞉wa thóh niahísewe tánon nahisewatiaʼtakwehní꞉ioste.

Deuteronomy 6:1 ပူးပေါင်းရင်းမြစ်များ

Exodus 21:1

“Taʼietʼtshí꞉ion ne lsraerʼró꞉nons ne kenhiotiéton kaianerénsheras:

Exodus 23:13

“Shaʼthahónshatat oriwakwékon tsi Í꞉i, ne Watiá꞉ner, wakonró꞉ri. Tó꞉sa roʼnonháke nónhwe nasaterenhnaiénsek ne thiʼkaniʼiosehrátes; akwékon tó꞉sa sehnáhton.

Ezekiel 20:19

Í꞉i ne Watiá꞉ner sewah Ní꞉io. Sewatewénhnarak natianerénsehras ó꞉ni nakeriwahtátʼtsheras.

Ezekiel 37:24

Né Ronhnontí꞉io tsi ní꞉ioht nakenhátshera Táwit né raotinonhí꞉io enkénhake. Kwáh ratikwékon sahotiríhwa enkénhake saiáta khók ensakotʼkórasthe tánon kwáh enhioriwahtokénhake tsi enhontewénhnarahkwe natianerénseras.

Leviticus 27:34

Ne kí꞉ken ne atsiawenhráseras nètho Roiá꞉ner thó꞉wi ne Mahís ne tsi tsonónhte ne Sinai né꞉ne onhkweshón꞉as Nisraerʼró꞉nonhke akorihwáke.

Numbers 36:13

Ne kí꞉ken ne kaianerénhseras ó꞉ni tsi nikarihoténsons nètho Roiá꞉ner theshaʼkówi NʼIsraerʼró꞉nons rahonháke ne Mahís né꞉ne tsi iohentaʼkwénhrare ne Moab nónhwe níseh nakaniataráti ne Jordan tsi nitsiawénon ne Jericho.

Deuteronomy 12:1

“Ne kí꞉ken ne kaianerénhseras nahisewatewenhnarákwake né꞉ne kwáh tsi nitsónhnhes ne tsi ionhontsá꞉ien né꞉tho Roiá꞉ner, ne Sakoní꞉io ne sewasoʼtsheraó꞉kons, ne tetsisewá꞉wis. Ietsihiaʼtahónsatat!

Deuteronomy 3:18

“Tánon óksak, Wakheró꞉ri ne ronhnónkwes ne Reubenʼró꞉nonhs, Gadró꞉nonhs, tánon ne shaʼtehotitiohkwí꞉hen ne Manasseh: ‘Ne Roiá꞉ner ónhkwa Ní꞉io thaʼtsisewáwi kí꞉ken ohóntsa ne nà꞉kon nokwá꞉ti iotohetstákwen ne Jordan nahisewatié꞉nawatste. O꞉nen taieʼtsí꞉ion ne ionterihiostákwas ne tionkweʼtashón꞉as ronhterí꞉ios tánon iaihtsihiaté꞉niet tehatihiáiak ne Jordan ohén꞉ton ne otià꞉kes kentió꞉kwas ne Israerʼró꞉nons, naieʼtsisnié꞉non nahontié꞉nawatste nohóntsa.

Deuteronomy 33:3

Ne Roiá꞉ner sakonorónhkwa ne rahonkweʼtashón꞉as tánon teshakónes tsi niháti ne raónha rahonkweʼtashón꞉a. Káti watiakwatsakè꞉te ne rasitákta tánon wahakwatewénhnaraʼkwe ne rahoriwatà꞉tsheras.

Deuteronomy 4:1

Ethò꞉ne ne Mahís wasakawénhase nonhkweshón꞉ʼa, “Sewatewenhnaráhkwak akwé꞉kon ne kaianerénseras ne kwarihonhnién꞉nis, tánon enhtsónhnheke ó꞉ni ensewatié꞉nawatste nonhóntsa tsi niká꞉ien ne Roiá꞉ner, ne SakoʼNí꞉io ne ietsisothokonhkén꞉en, ne tetsisewá꞉wis.

Deuteronomy 4:14

Ne Roiá꞉ner wahakró꞉ri nakwarihón꞉nien akwé꞉kon ne kaianerénseras ne nahisewatewénhnarahkwe ne tionhontsá꞉ien ne ó꞉nenh thó꞉wa iahisewatiaʼtónhti tánon nahisewatié꞉nawatste.

Deuteronomy 4:45

Ne nó꞉nen satethotihiaʼkén꞉en ne Egypt tánon thóh nón꞉we nihón꞉neskwe nà꞉kon nokwá꞉ti nahonráhkwakon ne Jordan Kaniataratátie, tehiotiná꞉ta ne Bethpeor, ne tashaká꞉wen kí꞉ken kaianerénseras. Thóh ki nón꞉we ne kanakeraserá꞉ien né꞉ne ronhnonhtí꞉io Sihon rahowenhkén꞉en né꞉ne Amorʼró꞉nons nahaiaʼtó꞉ten, raónha rakó꞉raʼkwe ne tsi kaná꞉taien ne Heshbon. Mahís tánon Israerʼró꞉nons ronhwasénhnion sathontahatihiaʼkén꞉en ne Egypt.

Deuteronomy 4:5

“Akwé꞉kon ne kaianerénseras kwarihonhnién꞉ni, ne tsi nihatró꞉ri ne Roiá꞉ner AkeʼNí꞉io thóh nátiere. Sewaioʼténst ne tsi tiohontsá꞉ien ne ó꞉nen kwáh thóhwa iaietsihiatiaʼtónti tánon nahisewatié꞉nawatste.

Deuteronomy 5:31

Ók ní꞉se, Mahís, kén꞉en shé꞉sek skátke nʼi꞉i, tánon akwé꞉kon entkónion natianerénhseras ó꞉ni nakerihonhnienhnítsheras. Serihón꞉nien nonhkweshón꞉a, ne káti ne kwáh ahontewénhnaraʼkwe ne tsi nón꞉we tiohontsá꞉ien ne tekhehiawì꞉re.’

Deuteronomy 5:33

Akwé꞉kon sewatewénhnarak, ne káti norihwakwé꞉kon tsiahioiánerenke ne sewarihwà꞉ke tánon káti kwáh niahisewakónhtà꞉kwe thóh ahisewenhterónhtake ne tsi iohontsá꞉ien nenhsewatié꞉nawatste.

Deuteronomy 6:2

Tsiniʼkarì꞉wes enshón꞉nheke, ní꞉se tánon tsi nienhsatwatsí꞉rine natsisewakweniénstake ne Roiá꞉ner sewaNí꞉io tánon akwé꞉kon sewatewénhnarak ne raoianerénhseras né꞉tho tkwáwis, ne naónton ne karí꞉wes ne thóh nón꞉we niʼionwénhtsaien nahitiónheke.