Deuteronomy 5:4 - Ohiatonhseratokénti

⁴ Thóh tsi tionónhte ne Roiá꞉ner waʼtsisewatháhraʼse kwáh tsi nitisewatierà꞉ton tsi iotòn꞉kote nón꞉we nonhtá꞉we.

Deuteronomy 5:4 ပူးပေါင်းရင်းမြစ်များ

Exodus 19:9

Ne Roiá꞉ner wahawénhaʼse ne Mahís, “Iotsikeráhtens nónhwe nènhtke tsi enkonhiatóʼrenhne, ne káti nonhkweshón꞉ʼas nahionkewenhnáronhke tsi tehionkeníthare tánon entiésehtaʼkwe ne kénʼen enhiotiéthe.” Ne Mahís wahó꞉rori ne Roiá꞉ner nahó꞉ten nonhkweshónʼ꞉as tsi wathatiriwaʼsehráhko,

Exodus 20:1

Ne Rawenni꞉io wahatáti tánon né kíʼ ken ne rahowenhnahó꞉kons:

Exodus 33:11

Ne Roiá꞉ner tehiatatkonhsakánere tsi tenhnitháre ne Mahís, kwáh kíʼ tsi ní꞉ioht nónhkak ronaténro tehothíthare. Ethòne ne Mahís tsi ronatenátaien niénsre. Ók ne kèn nithoʼhiónha ne rohienawáse, né꞉ne Joshua né roiénha né꞉ne Nun, eknènhne thénteron.

Numbers 12:8

Káti ne tenhiakenithá꞉ren kwáh kíʼ tehiatsiaʼtatkonhsakánere, tshiehióken tánon iáh tekarihwaséhton; kwáh ó꞉ni rotʼkháton tsi nitieronhtó꞉ten! Tsi nishaʼnikonhraʼtsháni tsi nitsiatkónte nakenáhtsera Mahís!”

Numbers 14:14

enshaʼkotiroriánion nonhkweshón꞉ʼas ne ienákere ne kénʼen ionhóntsaien. Kí꞉ken onhkweshón꞉ʼas ónenk roʼtirihwarónhken ní꞉se, Saiá꞉ner, tsi tewakwékon, kwáh tshiewéne tsi waheshá꞉ken nó꞉nen né shaʼtsíkera èhneken watʼkátane tsi nónhwe nihiákweskwe, tánon tsi í꞉se ohénton nienhénse tsi iotsikero꞉te notsíkera ne tsi niwenhnísehres ó꞉ni tsi niʼiotsiro꞉te nótsire nokarasnéha nikaháwi.

Deuteronomy 34:10

Kwáh iáh nonhwénton ne ónhka akénhake ne rotokénhse thóh nahahiatoténhake tsi ní꞉ioht ne Mahís; ne Roiá꞉ner tenhitháren kwáh tehiatatkonhsakánere.

Deuteronomy 4:12

Ieʼtshiró꞉ri tsi ní꞉ioht ne Roiá꞉ner waʼtsisewathà꞉rahse ne tsi tiotè꞉kha, tsi ní꞉ioht tsi waʼtsisewawenhnà꞉ronhke ók iáh ki theʼtsisewá꞉ken ne kwáh tsiknahontahiotón꞉hake.

Deuteronomy 4:15

“Nó꞉nen ne Roiá꞉ner shaʼtsisewathárahse ne tsi ioʼtónkote ne tsi ionónhte ne Sinai, iáh tetsisewá꞉ken ne raónha. Asè꞉ken ní꞉se sewariʼwà꞉ke, káti, orihwihioʼtsón꞉ni

Deuteronomy 4:33

Ónhkak ken nónhkwe ahiakónhneke nó꞉nen sahonathónhteʼne ne Rawenni꞉io tsi teshakothará꞉ni notsenhó꞉kon, tsi ní꞉se ní꞉ioht?

Deuteronomy 4:36

Wahtsisewaríhon naʼtsisewawenhnáronhke tsi karonhiá꞉ke nonhtá꞉we ne ká꞉ti natsisewarihón꞉nien; tánon kén꞉en ohontsà꞉ke waʼtsisewarí꞉hon nahisewatká꞉tho ne iotokénhti raotónhkwa, tánon thóh nón꞉we nonhtá꞉we tsi watsisewatháhraʼse.

Deuteronomy 5:22

“Ne kí꞉ken natiawenhrátseras ne Roiá꞉ner sewakwé꞉kon thetsisewá꞉wi ne shisewatiaʼtaró꞉ronhne ne tsi tionónhte. Nó꞉nen sahatá꞉ti ne kwáh kawenhnowá꞉nen tsi iotòn꞉kote nón꞉we nonhtá꞉we ó꞉ni katsiʼkerá꞉tens nón꞉we nonhtá꞉we, tahatkà꞉we kí꞉ken owenhnaʼsónhas tánon iáh nó꞉ia tè꞉ken. Ethò꞉ne ó꞉nen tekenstèn꞉rake nón꞉we nahaiatón꞉nion ó꞉ni tahá꞉kon.