Deuteronomy 5:29 - Ohiatonhseratokénti

²⁹ Tó꞉ka shí꞉ken tió꞉konte ki é꞉tho nahonhnonhoténhseke! Tó꞉ka shí꞉ken tió꞉konte aiontkweniénstake tánon akwé꞉kon ahontewenhnaráhkwake nakeriwatà꞉tsheras, káti norihwakwé꞉kon tsiahioiánerenhne ne raotirì꞉wake ó꞉ni tsi nienhontwatsí꞉rine tsi nénhwe.

Deuteronomy 5:29 ပူးပေါင်းရင်းမြစ်များ

1 Chronicles 29:18

Saiá꞉ner Sewenní꞉io nón꞉kwah sotʼtsheraʼokonhkénʼen né Abraham, Isaac, tánon Jacob, sheʼiateweientónhas tsi nénhwe akénhake akashástsʼteke né nikarihótens ó꞉ni nahnonthonhniónhtsheras né rahoneriahné꞉sons ne shonkweʼtashón꞉as, tánon tiotkonhónwe sheʼhiónhnien nahotirihwatoʼkénhake ní꞉seke.

Psalms 106:3

Iakotáskats tsi niʼiákon ne tkarihwaʼiéri tsi niʼionhtséra, tiókonte né꞉ne karihwaʼkwahrishiontsherákon tsi nihiontséra.

Psalms 19:11

Ronónha ó꞉ni ne iorihonhníhon ne sanhátseras ronwatitokaténhni; nenhontiénawaste kowánen tsi tenhonaterihwasehrákwahse.

Psalms 19:12

Ók ónka naieriwattsénhri ne raonaterientawenhriétsera? Sastiatorahrísi tsi nòkwah ne kariwaséhton ahiakonhíkon.

Psalms 78:7

Thóh ká꞉ti kí kén ní꞉ioht ne ronónha tsi entonwéthakwe ne Rawenni꞉io, tánon iáh tahotiʼnikónhren tsi nahó꞉ten rohiothénhen, ók enhontiénawasthe ne raorihwatátsheras;

Psalms 81:16

Ók kwáh kíʼ né enkwanón꞉te né kwáh tkanatsí꞉io, tánon né ensewaʼiatáheste ne otsinakontaʼkwáne raotiʼtsikhéta.”

Isaiah 3:10

Ietsiró꞉ri ne iakoiáneren tsi enhotiʼianerásten, asèken ne enhónhneke tsi nahó꞉ten rotiʼioténhen.

Isaiah 48:18

Ó ní꞉se nahiʼsathahonsatá꞉tonhke naʼkwatsawenhrátsheras! Eʼthó꞉ne ne sahiataterítshera thóh nahiotón꞉hake tsi ní꞉ioht né nakaniaʼtaratátie, tánon tsi niʼsaterihwathentiáton kwáh né꞉ne tsi ionontakwarontátses kaniatarakhekówaʼne;

Jeremiah 42:6

Ahionhkwerientí꞉io tó꞉ka ó꞉ni iáh, enshakwahwénhnarahkwe ne Roiá꞉ner onhkwahNí꞉io, tsi nikáien ne kwahrihwahnonhtónhni asahterénnahien. Akwékon tienhiohiánerenhne nonhkwahriwáhke tó꞉ka enshakwahwénhnahrahkwe.”

Jeremiah 44:4

Iewatʼkhontáhkwenh ieʼkhehiateniéthaʼkwe nahkenhatsherahókons ne rotitokénʼse, ronónha ietʼtsiró꞉ri ne tó꞉sa éhtho nahisehwá꞉iereh kí꞉ken tehioriwahnónhiani ne íksons.

Matthew 23:37

Jerusalem, Jerusalem, ise ne Sherios ne Rotitokense nok ietsinenhioiaks ne tekheiatories! Toh niioriȣake ȣakatenienten aonsakheiataroroke ne Sheienhokonha tsiniiot ne kitkit kaneraontsokon iakoiatasetha nakoienhokonha, nok iah teseȣathontaton.

Luke 11:28

Tontahenron: neh tanon naha iakotaskasts niakotaonsate ne Niio raoȣenna nok ronȣaȣennarakȣa.

Luke 19:42

Aiaȣens kenhas oni nise, arahona oni onȣa kenh ȣenniserate aesariȣaientereon, tsini karihotens tsi oni nonȣe aontakaientakȣe asetsenri ne skennen! Iah ki oh taonsaiaȣenne onense tesateronȣekon.

John 15:14

Onkȣatenro enkenhake neh nenseȣaiere tsini kȣannhas.

2 Corinthians 5:20

Tionkhiiatenniéhton ne ahshakwatatiá꞉se ne Kerístos, ó꞉ni ne Rawenni꞉io tshisewanitén꞉taʼse ne ahskwatahónhsatate nonkwaterihwahnotáhtshera. Kerístos shakwatatiá꞉se, ó꞉ni kwáh tionkwaʼnikonhrahsaʼáhton tsi kwariʼwanontón꞉nis sasewarihwahserón꞉ni tsi naʼtesewátere ne Rawenni꞉io.

2 Corinthians 6:1

Skátne ionkwaióʼte ne Rawenni꞉io, kwaʼnekén꞉nis káti naisewaniáhese ne raotennitenráhtsera.

Ephesians 6:3

“ne kwáh ahioianeréhake ne sarihwà꞉ke tánon káti nahónton karí꞉wes ashón꞉nheke tsi ionhontsá꞉te.”

Deuteronomy 10:12

“Ó꞉nen, ne tsónhkwes ne Israerʼró꞉nonhke, sewatahónshatat tsi nahó꞉ten ne Roiá꞉ner sewaNí꞉io tsi sewariwanonhtón꞉nis: Tsi sewasénhnaien ne Roiá꞉ner tánon thóh naʼsewá꞉ier tsi nihatró꞉ris. Tsi sewanó꞉ronk, tsi sewahiótenhs kwáh seweriaʼsakwé꞉kon,

Deuteronomy 10:20

Skweniénstak ne Roiá꞉ner saNí꞉io tanon rahonhatsí꞉wak kók entsenhnaiénseke. Sariwatokénhak ne raonhà꞉ke tánon nensaráhratste rahoshén꞉nakon kók kénhak.

Deuteronomy 11:1

“Tsenó꞉ronk ne Roiá꞉ner saNí꞉io tánon tió꞉konte akwé꞉kon satewénhnarakwak ne raoianerénhseras.

Deuteronomy 12:25

Tó꞉ka enshatewénhnaraʼkwe kí꞉ken kariwatà꞉tshera, ne Roiá꞉ner enhawerientí꞉io, tánon akwé꞉kon tshienioiánerenhne ne sariwáhke ó꞉ni tsi nenhsatwatsirì꞉ne.

Deuteronomy 12:28

Tasethakwénhak tsi satewénhnarak orihwakwé꞉kon tsi nikonhró꞉ri, tánon akwé꞉kon tshienhioiánereʼke ne sarihwá꞉ke ó꞉ni tsi niensatwatsirì꞉ne ne tsi nénhwe, tiorí꞉wa tsi thóh nénhshiere tsi nahó꞉ten ne tkariwaié꞉ri ó꞉ni rahwerientiióstha ne Roiá꞉ner saNí꞉io.

Deuteronomy 19:13

Nataniténron iáh taiesanatónhase. Sasesenhnaserón꞉ni nonhkweshón꞉a ne Israerʼró꞉nonke ne iáh othé꞉nen tehiakoní꞉kon tsi hionhthatenonhwarià꞉kon, ne káti nahónton orihwakwé꞉kon ahishaianerásten.

Deuteronomy 22:7

Ahónton ne iasehiaʼténhaf ne owiraʼsónhas, ók shasátkaf nén꞉ne ne konhwaʼnisténha, ne káti nahónton nahión꞉nise asónhnheke tánon ahiokwástonke.

Deuteronomy 4:10

tsi nihioʼtónhne ne tewenhniserá꞉teʼkwe raohénton ne Roiá꞉ner waʼtesewá꞉taʼne ne sewaNí꞉io ne tsi tionónhte ne Sinai nó꞉nen sahá꞉kenhse, ‘Ietsihiaʼtaró꞉rok nonhkweshón꞉a naʼkénton. Tewakatonhontsóni nahonaʼthontè꞉ne tsi nahó꞉ten wá꞉tien nakí꞉ron, ne ká꞉ti ne kwáh ahatiweientéʼtaʼne naionkewenhnaráhkwe kwáh tsi nikarí꞉wes enhonʼnónhneke tánon ká꞉ti kwáh ashakotirihón꞉nien ne sakotihioʼonkónhas ne thóh nónhne nahatí꞉iere.’

Deuteronomy 4:2

Tó꞉sa othé꞉nen iaʼsewáiest tsi nahoʼténsonhs kwaroriánions, tánon tó꞉sa othé꞉nen tatsónhnek. Sewatewénhnarat ne Roiá꞉ner raowenhnaʼsónhas ne sewaNí꞉io né꞉tho tkwá꞉wi.

Deuteronomy 4:40

Sewatewén꞉narak akwé꞉kon ne raoianerénseras tsi nonhtà꞉tion nón꞉wa wenhniserá꞉te, tánon akwé꞉kon tshienioiánerenhne ne sewarihwà꞉ke ó꞉ni tsi nenhsewatwaʼtsí꞉rine. Iensewakonhtà꞉kwe tsi thóh ensewanákereke ne tsi ionhontsá꞉ien ne Roiá꞉ner sewaNí꞉io tsisewawì꞉re nahisewawenkónhweke tsi nénhwe.”

Deuteronomy 5:16

“‘Sheʼkwénienst ne iaʼníha ó꞉ni ne sanisténha, tsi Í꞉i, ne Watiá꞉ner sewaNí꞉io wakwahró꞉ri, ne kwáh ahioianeréhake ne sarihwà꞉ke tánon káti nahónton karí꞉wes ashón꞉nheke tsi ionhontsá꞉te ne tkonhiawí꞉re.

Deuteronomy 5:30

Wás tánon sehró꞉ri raonaʼtosehrá꞉kon nieshón꞉ne.

Deuteronomy 5:33

Akwé꞉kon sewatewénhnarak, ne káti norihwakwé꞉kon tsiahioiánerenke ne sewarihwà꞉ke tánon káti kwáh niahisewakónhtà꞉kwe thóh ahisewenhterónhtake ne tsi iohontsá꞉ien nenhsewatié꞉nawatste.

Deuteronomy 6:17

Orihwí꞉io tsón꞉ni akwáh sewatewénhnarak akwé꞉kon ne kaianerénhseras ne tetshisewawíhon.

Deuteronomy 6:18

Tóh naʼsewáier tsi nahoʼténhsons ne Roiá꞉ner ratónhnions asè꞉ken tkaié꞉ri ó꞉ni ioiá꞉nere, tánon orihwakwé꞉kon tshiensewaianerásten. Ensehwateriwaʼténtiase nahisewatié꞉nawatste ne iohontsí꞉io né꞉tho Roiá꞉ner shakorahratstén꞉ni ne sewasótsheras,

Deuteronomy 6:3

Sewatʼthónthe, O Israerʼró꞉nons, tánon sewatewénhnarak! Ethò꞉ne ki akwé꞉kon tsiensewaianerásten, tánon ensewenhtiokwashátsteke tánon thó꞉nonhwe nenhtiónheke ne ionhontsá꞉ien ne tentkonhtì꞉rake ne kontiʼtshé꞉nens ó꞉ni ne iaweʼtowá꞉nen kaienʼthó꞉tsheras, kwáh ki tsi ní꞉ioht ne Roiá꞉ner ne Sakoní꞉io nonkwasoʼtsheraokonhkén꞉en, tsi rorahrátston.

Deuteronomy 8:6

É꞉tho káti, thóh naʼsewá꞉ier tsi nitsisewahró꞉ri ne Roiá꞉ner: thóh nón꞉we nashahténti ne tsi iohatátie ne Rawenni꞉io iahahonién꞉ni tánon tsewén꞉narak.

Hebrews 12:25

Shatatenhnikónrahʼrak, káti, tóh꞉sa shatarónti natiatahónsatathe tsi nikáien ne róthaʼre. Tsi niháti nenhontarónti nahonwahtahónsatathe tsi nithohtkáwenh ne Rawenni꞉io raoteriwahnotáhtshera ne tsi ionwentsiáte iáh tehothiniakén꞉en. Thóh ní꞉ioht tsi sénha káron nahitewahniákenʼne, káti, tóhkaʼ entsitewahtaróntiense tsi nikáien ne karonhiáke nónwe thathá꞉re!

Ne꞉ne Sák Rohiaton 1:25

Nók tóh꞉ka kwáh ákta tsi enskenhénhion ne kahianerenserí꞉io ne tsi nikáien tiakotatewennihiósta nónkwe, tánon nètho kwáh áktha tsi ensatennikonráren, tánon kwáh iáh tasathahónsatatʼte tánon ó꞉ni entsisanikónren, nók tóh꞉ka enshiótenste—Rawenni꞉io enhiaʼiatatériste tsi nensátiere.

Revelation 22:14

Iakotaskáts ne tsi niiakon ne ienó꞉hares nakotewehiá꞉ra, ne káti ne kwáh enhó꞉tiianerenhserá꞉ièn꞉take nahón꞉hiake tsi iorón꞉tote natón꞉nhets tánon enwá꞉ton niahontá꞉weiate ne kanaʼtowá꞉nenhke thóh enhón꞉toheste tsi iotenhenrá꞉karonhtes.

Ruth 3:1

Ohnakénhkha káti Naomi iaontatharháhse ne Ruth, “Ó꞉nenk tsi enkonnahkwahtshenriá꞉se ó꞉nen kiʼ nen né꞉ʼe ensanonhsó꞉taʼne.