Deuteronomy 5:27 - Ohiatonhseratokénti

²⁷ Wás thóh nionhshá꞉se, Mahís, tánon shatahónsatat orihwakwé꞉kon né꞉tho Roiá꞉ner Onhkwaní꞉io rathónhnions. Ethò꞉ne tontáhse tánon saskwaró꞉ri tsi nahó꞉ten wahiaró꞉ri. Kwáh eniakwatahónshatate tánon enhiakwatewénhnaraʼkwe.’

Deuteronomy 5:27 ပူးပေါင်းရင်းမြစ်များ

Exodus 18:20

Ónenk tsi sherihónhnien ne Rawenni꞉io rahoriwaʼtátʼtsheras tánon shenikonhʼraientàten tsi ní꞉ioht tsi ahonʼnónʼnheke tánon tsi nahontiére.

Exodus 19:8

Ethòne ratikwékon nonhkweshón꞉ʼa tehaʼtiwenhnasehrátie tsi waʼthatiriwahseráko, “Kwáh ohriwaʼkwékon thóh nenhiakwáhiere tsi niháwenh ne Roiá꞉ner,” tánon ne Mahís hionsahoʼróhri ne Roiá꞉ner.

Exodus 20:18

Nónen nonhkweshón꞉ha sahakothónteʼne tsi iowèren ó꞉ni ne iehonrawátstha tsi nihiorahkaréni tánon wahontkátho tsi natewanineʼkarahwánions tánon tsi natehioienkwaráhien ne tsi iononhtáhere, wahakohiatíshonhkwe tsi nahakóteronhne tánon ahʼínon nióre thontahatítaʼne.

Exodus 20:19

Wahonwénhase ne Mahís, “Tó꞉ka enskwathárahse, enhiakwataʼhónsahthate; ók hionkwáterons tó꞉ka ne Rawenni꞉io ashonkwaʼthárahse, enhiakwénheie.”

Exodus 24:3

Ne Mahís iashaʼkoró꞉ri nonhkweshón꞉ʼa akwékon tsi nahó꞉ten wenhénron ne Roiá꞉ner tánon oriwakwékon ne kaianerenserasónhas, tánon ratikwékon nonhkweshón꞉ʼa tsi wathatiriwasehráko, “Kwáh akwékon thóh nenhiakwáhiere tsi nahó꞉ten ne Roiá꞉ner wahénron.”

Jeremiah 42:5

Ethóhʼne wahonkwénhase, “Aiáwens ne Roiá꞉ner kwáh tóhske tánon oriwiʼiohónwe tsi asonkwahriwahníratʼtshe tó꞉ka iáh thaʼhiakwahtewénhnahrahkwe nowenhnahkwékon nètho Roiá꞉ner onhkwahʼNí꞉io tsi nénhtʼnion nonhkwahrihwáhke.

Jeremiah 42:6

Ahionhkwerientí꞉io tó꞉ka ó꞉ni iáh, enshakwahwénhnarahkwe ne Roiá꞉ner onhkwahNí꞉io, tsi nikáien ne kwahrihwahnonhtónhni asahterénnahien. Akwékon tienhiohiánerenhne nonhkwahriwáhke tó꞉ka enshakwahwénhnahrahkwe.”

Deuteronomy 5:26

Ónhka kén nónhkwe nonhwén꞉ton shé꞉kon ahiakónhnheke nó꞉nen iakothontè꞉hon ne rónhnhe Rawenni꞉io ahontahatá꞉ti ne tsi ioʼtékha?

Deuteronomy 5:28

“Nó꞉nen ne Roiá꞉ner shahothónteʼne kí꞉ken, wahakénhase, ‘Onkathónteʼne tsi nahó꞉ten nonhkweshón꞉as wahonhní꞉ron, tánon thatiʼié꞉rits.

Hebrews 12:19

Tsi nenwahtewennóten ne iehonrahwátsta ó꞉ni tsi nenhiakothóntene nowennasónha. Nónen nónkwe iakothonthéʼon nowénna, waheʼnéken ne tóh꞉sa shé꞉kon ahonsaiakothón꞉teʼne,

Joshua 24:24

Ethòne nonhkweshón꞉ʼa wahonwenhase ne Joshua, “Enshá꞉kwahiotense ne Roiá꞉ner onhkwa Ní꞉io. Enhiakwathewenhnarahkwe ne rahoriwahtatʼtseras.”