Deuteronomy 5:26 - Ohiatonhseratokénti

²⁶ Ónhka kén nónhkwe nonhwén꞉ton shé꞉kon ahiakónhnheke nó꞉nen iakothontè꞉hon ne rónhnhe Rawenni꞉io ahontahatá꞉ti ne tsi ioʼtékha?

Deuteronomy 5:26 ပူးပေါင်းရင်းမြစ်များ

Genesis 32:31

Taiorahkwinekenʼenhátie tsi nihotohetstonhátie ne Peniel, ratsinoʼkahtà꞉ne rahiʼià꞉ke tkarihón꞉nis.

Genesis 6:12

Tanon ne Rawenni꞉io waʼhatkáhtho ne tsi ionhwentsà꞉te tánon wahatkáhtho, tsi niió꞉re tsi karihwahétken iaʼkotón꞉on nonkweʼshónʼa ratikwé꞉kon thó꞉non nihonnonhnhétie ne karihwaksèn꞉ke.

Psalms 42:2

Kwáh tsi ní꞉ioht ne rónhkwe tsi nihoniatátʼtens nahanekíra nonékanos kwáh thóh natekonhiatonhontsóni Sewenní꞉io, né꞉ne ronnhehónwe Ní꞉io. Kátʼke ahontáke nakatkáto ne tsi rakonshón꞉te ne Rawenni꞉io?

Psalms 42:3

Natkháseri thó꞉khok ní꞉ioht tsi waʼkeniatanawésthaʼkwe ne tsi niwenhnísehres tánon ne tsi niwasónhtes, thóh ná꞉he ne iónkswenhs ionkerihwanontónhnis, “Kaʼníres ne Saní꞉io?”

Psalms 84:2

Nakatónnhets wasʼkáneks, kwáh í꞉ken tsi wakaskanetʼthennis ne raononsaʼtokentiʼkówa ne Roiá꞉ner; kwáh akatonnhetʼtserakwékon tsi tenhirihwákwahse natʼtsenhnonhniátshera ne ronnhehónwe Rawenni꞉io.

Exodus 20:22

Ne Roiá꞉ner wahorihónten ne Mahís nasakoró꞉ri nʼIsraerʼró꞉nons: “Wesewakʼká꞉tho tsi ní꞉ioht Ní꞉i, ne Watiá꞉ner, waʼkwahthárahʼse ne karonhiáke nonhtáwe.

Isaiah 40:6

Nowénhna watón꞉nions, “Tesahénret!” Tánon wakí꞉ron, “Onhnahó꞉ten aoriwàke tsi takaséntho?” Onkwetaʼkwékon seh óhonte nahatiʼiatótens, iáh sénha tatehatiwiʼshatsʼte tsi ní꞉ioht tsi iotsítsionte ne kahentàke.

Jeremiah 10:10

Ók í꞉se, Saiá꞉ner, ne kwáh oriwiʼiohónwe Ní꞉io, Í꞉se ne shonnhehónwe Ní꞉io tánon tsi nénhwe Sanontí꞉io. Nónen shaʼnakwénʼen, ne tsi ionwenhtsiáte tenhiowísonʼkwe; nonkweshón꞉a iáh tahiekwéni nahiontahkátsthaʼte ne sahnahkwáhtshera. (

Daniel 6:26

Waʼtianerenhserón꞉ni kwáh tsik nonwéhshon né akeʼshatsténshera iekaníharaʼs tánon né tiaʼtakweʼní꞉io kwáh ioterihwí꞉son tsi niaʼteionkwè꞉take ahonwakwenién꞉stake ó꞉ni tahonwarenhsarónhsheke ne Daniel Raoʼní꞉io. Raónha ne Rawenni꞉io né ronhnheʼónʼwe, iáh ó꞉ni nonwén꞉ton thiaontókten. Iáh nonhka nonwén꞉ton thaiekwé꞉ni né aiónhtonʼte né raonakeráhsera, tánon iáh ó꞉ni nonwén꞉ton ne raoʼshatsténhsera thiaonʼtókten.

Matthew 26:63

Iah oh tahenron ne Iesos Nok ne Ratsihenstoȣanen tontahenron: ȣakonriȣaneken raosennakon ne Niio, naskȣarori ise kenh ne Keristos, Niio Roienha.

Acts 14:15

“Onhnontiéren tsi éhʼtho naisewáiere? Í꞉i kwáh thóh naʼtehiakénonwe tsi kíʼ niseni꞉ióht! Kén꞉en hiákenes nahiakenirihówanaʼte ne kariwí꞉ios, nehne tahonsakwakaraténi tsi nisewasénnaiens ne iáh thènen tekariwástas nók kíʼ neh nahónton neh ahonsahtsisewasénnaien ne ronnhehónwe Ní꞉io, tsi nikáien ne rosahánion ne tsi karonhiátes ó꞉ni tsi ionwentsiáte, kaniatarakekówa, tánon kwáh tsi nahoténsons neh non nikonónnhes.

Romans 3:20

Asèken iáh ónhka ne rónkwe neh tahotakwarísi rahohénton ne Rawenni꞉io neh naháiere tsi nikarihwanóntons ne kaianerénsera; tsi nikaiérha ne kaianerénsera nahahónnien ne rónkwe nahaiénterene tsi roriwáneren.

2 Corinthians 6:16

Thó: ónhte kenʼ tiónakte ne Rawenni꞉io raononhsatokenhtí꞉ke ne kaiaʼtonniʼshón꞉ʼa? Onnonhsatokénhti ne wáhi tsi tiónhnhe ó꞉ni otionhà꞉ke nón꞉we nihèn꞉teron ne ronhnheʼón꞉we Rawenni꞉io. Ne seʼ aorì꞉wa rá꞉ton: “Eniakwakwekonhatié꞉sheke Iʼi ne raotiní꞉io enkénhake tánon akwé꞉kon I꞉ʼí akonkwé꞉ta enkénhake.”

Deuteronomy 4:33

Ónhkak ken nónhkwe ahiakónhneke nó꞉nen sahonathónhteʼne ne Rawenni꞉io tsi teshakothará꞉ni notsenhó꞉kon, tsi ní꞉se ní꞉ioht?

Deuteronomy 5:27

Wás thóh nionhshá꞉se, Mahís, tánon shatahónsatat orihwakwé꞉kon né꞉tho Roiá꞉ner Onhkwaní꞉io rathónhnions. Ethò꞉ne tontáhse tánon saskwaró꞉ri tsi nahó꞉ten wahiaró꞉ri. Kwáh eniakwatahónshatate tánon enhiakwatewénhnaraʼkwe.’

1 Thessalonians 1:9

Kwá onkwetakwékon iakotarákwen tsi ní꞉ioht tsi wahteskwaróton ne siakwanatarénase, tánon tsi ní꞉ioht tsi thonsehsewatkaraténi tsi nòkwa ne kahiatonnisónhas tánon Rawenní꞉ioke ionséhsewe, nasisewahiótense ne oriwiʼiohónwe ó꞉ni ne ronnhehónwe Ní꞉io

Joshua 3:10

Tsi iensewahténhti, kwáh oriwihiohón꞉we tsi enshakotekwáhthe ne Canaanites, ne Hitró꞉nons, ne Hivró꞉nons, ne Perizró꞉nons, ne Girgashró꞉nons, ne Amorʼró꞉nons, ó꞉ni ne Jebusites. Kwáh ki ensewaterienʼtará꞉ne ne ronhnhehón꞉we Ní꞉io tsi kén꞉en í꞉res tewahiataʼtónhtie

Judges 13:22

Manoah wasakawénhase ne ró꞉ne, “Kwáh siʼhiorihwí꞉io tsi thenteníheie, tsioríhwa tsi watsitení꞉ken ne Rawenni꞉io!”

1 Samuel 17:26

Ne Táwit wahawénhase ne rón꞉kwe ne raiaták꞉ta rátahkwe, “Ónh nahonwatiérase ne rón꞉kwe nón꞉ka ahononhwarhiákhon kí꞉ken Philistiaró꞉non, tánon éhren ahaháwite natehénsera NÍsraerʼronónke? Asèken ónhka kí꞉ken ne iáh tehotewarahkwétaron Philistiaró꞉non ne ne rahón꞉ʼa asakonenrók꞉thaʼse ne ronwaterí꞉iose ne ronnheʼónwe Ní꞉io?”