Deuteronomy 5:1 - Ohiatonhseratokénti

¹ Mahís ratikwé꞉kon washakohiaʼtaró꞉rohke Israerʼró꞉nons tánon washakawénhase, “SewaʼIsraerʼró꞉nonhs, sewatahónshatat akwé꞉kon ne kaianerénseras nentkwawíhon nón꞉wa wenhniserá꞉te. Sewatéweienst tánon ioriwihióhak tsi sewatewén꞉narak.

Deuteronomy 5:1 ပူးပေါင်းရင်းမြစ်များ

Psalms 78:7

Thóh ká꞉ti kí kén ní꞉ioht ne ronónha tsi entonwéthakwe ne Rawenni꞉io, tánon iáh tahotiʼnikónhren tsi nahó꞉ten rohiothénhen, ók enhontiénawasthe ne raorihwatátsheras;

Exodus 15:26

Wahénron, “Tó꞉ka kwáh tohʼkènʼen enskwahʼwén꞉narahkwe tsi thóh nenhsewáiere tsi nahó꞉ten íkere ne tkariwaiéri tánon ensewateweiénton nakeriwaʼtáʼtseras, Iáh kíʼ thènnenh thaʼkwahréwaʼhte ne kannrahʼtariné꞉tsheras tsi né niʼkhehiérahse ne Egyptró꞉nons. Í꞉i, ne Watiá꞉ner, tsi nikáien né tsi skwatsiéntha.”

Exodus 18:20

Ónenk tsi sherihónhnien ne Rawenni꞉io rahoriwaʼtátʼtsheras tánon shenikonhʼraientàten tsi ní꞉ioht tsi ahonʼnónʼnheke tánon tsi nahontiére.

Matthew 23:3

Tsikati nahoten enhietsiriȣatatse naeseȣariȣanoronkȣe, seȣariȣanoronk eh oni naseȣaier; tosa ki tanon teietsiiateȣeiennak, aseken neok ne ronton, iah ki eh tehatiierha.

Deuteronomy 1:1

Né kén꞉en kahiatónhsera né rowenhnasónhas ne Mahís shakotharáhni nonkweʼshón꞉a ne Israerʼró꞉nonhke nó꞉nen ionwenhtsiathèn꞉ke shehónhnes né꞉ne tsitkarahkwí꞉nekens nokwá꞉ti ne Jordan kaniatarahtátie. Ahonráhkwakon ne Jordan ákta ne Suph rónhneskwe, tsi naʼtetiátere ne tsi kanátaien ne Paran né꞉ne skáti nó꞉kwah ne tsi kanátaien ne Tophel, Laban, Hazeroth, tánon ne Dizahab né nakʼtenókwah. (

Deuteronomy 11:1

“Tsenó꞉ronk ne Roiá꞉ner saNí꞉io tánon tió꞉konte akwé꞉kon satewénhnarakwak ne raoianerénhseras.

Deuteronomy 12:1

“Ne kí꞉ken ne kaianerénhseras nahisewatewenhnarákwake né꞉ne kwáh tsi nitsónhnhes ne tsi ionhontsá꞉ien né꞉tho Roiá꞉ner, ne Sakoní꞉io ne sewasoʼtsheraó꞉kons, ne tetsisewá꞉wis. Ietsihiaʼtahónsatat!

Deuteronomy 17:19

Kí꞉ken kahiatónhsera rahiatákta nón꞉we tió꞉konhte nakénhake tánon nahawenhnanót꞉thake kwáh tsi nirónhnes, ne káti nahaweientè꞉taʼne nahokweniénsthake ne Roiá꞉ner tánon nahatewenhnarákwahke ahoriwatokénhake orihwakwé꞉kon tsi niwakró꞉ris né꞉tho.

Deuteronomy 28:15

“Ók Tó꞉ka iáh thatiewénhnaraʼkwe ne Roiá꞉ner saNí꞉io tánon iáh tewethakwenhtserá꞉kon tsi ashateweiénton akwé꞉kon ne rahoriwatà꞉tsheras ó꞉ni ne raoianerénhseras né꞉tho tkwawí꞉hons nón꞉wa wenhniserá꞉te, niaʼtékon kí꞉ken kariwahétkens tsi nenhsaiathawénhseron:

Deuteronomy 29:10

“Nón꞉wa wenhniserá꞉te rahohénton ne Roiá꞉ner sewaNí꞉io isehwá꞉te, sehwakwé꞉kon—ietsihéntenhse ó꞉ni ne ronaterihóntons, tionhkweʼtashón꞉as,

Deuteronomy 29:2

Ne Mahís washakohiaʼtaró꞉roke ratikwé꞉kon ne Israerʼró꞉nons tánon washakawénhase, “Kwáh í꞉se sewatkáton ne Roiá꞉ner tsi nihoierà꞉se ne ronhnontí꞉io ne Egypt nón꞉we, ó꞉ni ne rahonkweʼtashón꞉as ne ronaterihóntons, tánon ne tsi nihonakeráhsera.

Deuteronomy 4:1

Ethò꞉ne ne Mahís wasakawénhase nonhkweshón꞉ʼa, “Sewatewenhnaráhkwak akwé꞉kon ne kaianerénseras ne kwarihonhnién꞉nis, tánon enhtsónhnheke ó꞉ni ensewatié꞉nawatste nonhóntsa tsi niká꞉ien ne Roiá꞉ner, ne SakoʼNí꞉io ne ietsisothokonhkén꞉en, ne tetsisewá꞉wis.

Deuteronomy 4:49

Káti ó꞉ni thóh í꞉kare kanakeraserakwé꞉kon ne nà꞉kon nokwá꞉ti ne Jordan Kaniataratátie kwáh tsi nió꞉re ne entiè꞉ne nokwá꞉ti né꞉ne Dead Sea tánon ne nà꞉kon nokwá꞉ti tsi iaʼtewashì꞉taien ne ionhnónte Pisgah.

Deuteronomy 4:5

“Akwé꞉kon ne kaianerénseras kwarihonhnién꞉ni, ne tsi nihatró꞉ri ne Roiá꞉ner AkeʼNí꞉io thóh nátiere. Sewaioʼténst ne tsi tiohontsá꞉ien ne ó꞉nen kwáh thóhwa iaietsihiatiaʼtónti tánon nahisewatié꞉nawatste.

Deuteronomy 5:2

Ne tsi tionón꞉te ne Roiá꞉ner Onhkwaní꞉io wahaianerenhserón꞉ni,

Deuteronomy 6:17

Orihwí꞉io tsón꞉ni akwáh sewatewénhnarak akwé꞉kon ne kaianerénhseras ne tetshisewawíhon.

Joshua 1:8

Iorihwiióhak né꞉tho kahiatónhsera ne kaianerénhsera tsi tió꞉konte enwatewenhnanót꞉thake nenhshaterén꞉naien. Shatéweiest tsi niwenhniseréhsons ó꞉ni noʼkarasnéha, tánon orihwí꞉io sónhni tsi enshatewénhnaraʼkwe akwé꞉kon tsi nikahiatónhnion. Ethò꞉ne ki kwáh enshahianerásten tánon enshaterihwaténtiaʼse.