Deuteronomy 4:6 - Ohiatonhseratokénti

⁶ Ioriwatokénhak tsi sewatewénhnarak, tánon ne kí꞉ken eniakaweʼnésten nonhkweshón꞉ʼa ne thihononhontsà꞉tes tsi nió꞉re tsi satenikonhraʼtókha. Nó꞉nen akwé꞉kon enhòn꞉ronhke kí꞉ken kaianerénseras, enhonhní꞉ron, ‘Tsi nió꞉re tsi ronhtenikonhraʼtókha tánon rotiʼnikonhraientátskon kí꞉ken rahtiʼshátste kentió꞉kwaien!’

Deuteronomy 4:6 ပူးပေါင်းရင်းမြစ်များ

1 Kings 4:34

Ne ronhtinonhtí꞉ios ohontsaʼkwékon wahonwasénhnaronhke tsi nihatenikonhratʼthókha tánon ónhkwe iahonwanathénienthe nahonwathahónsathaʼte.

Job Tánon ne Raoronhiakensera 28:28

Tánon wasakawénhase nonkweshón꞉as, ‘Orihwiiohón꞉we, ne raoteronhkwátshera ne Roiá꞉ner tsi né nathokhátsera í꞉ken; tánon né꞉ren ahiénte ne karihwahetkénhsera né꞉ne kaʼnikonhraientátshera í꞉ken.’”

Psalms 111:10

Nón꞉kwe nenhonwaʼkwénienste ne Roiá꞉ner né꞉ne tsotasawáʼkwen nahiontenikonratʼtókhaʼne; nakwékon ne thóh nenhiéhiere kwáh ioiánere tsi iakonikonhraiéntas. Kwáh kíʼ ioterihwí꞉son ne tiókonte tahonwaʼnonhweratónsheʼke.

Psalms 19:7

Né raoianerénsera ne Rawenni꞉io tsi nihiorihwatóken, á꞉se tioshaststenseráwis natónnhets; ne raoianerénhseras ne Roiá꞉ner oriwí꞉io í꞉ken. Tiakó꞉wis atʼthokhátsera tsi niʼiákon ne tsakototʼtáni;

Psalms 19:8

ne raotsiawenhrá꞉tseras ne Roiá꞉ner tsi tkarihwaiéri í꞉ken, Iotsenhnonniaténhnis nawéri; ne raorihwá꞉tatʼtseras ne Roiá꞉ner teioswát꞉te í꞉ken, tánon tiówis ne kanikonhraienthátsera nonikónra;

Proverbs 1:4

Enkakwé꞉ni aiakorihónnion nónhka iáh teiakoterién꞉tare teniakohswathé꞉ten tánon eniakorihónnien ne kenʼnithotiién꞉sa nahotiʼnikonhrowanénhake.

Proverbs 1:5

Kí꞉ken karihonnienníhtshera enká꞉nahne attokháhtshera sénha enhotiʼnikonhrowáhnha ne rotiʼnikonhrowá꞉nenʼs enhshakotiʼnikòn꞉ron ne ronateweiénhston.

Proverbs 1:7

Tókaʼ íhsehre aiesaʼnikonhrowanénhake teiotonhwentsóhon atskweniénhsthake ne Roiá꞉ner. Kí꞉ken ronátiaʼke tehonatenonhwarorí꞉tonte tánon iáh tehatikweniénhstha ne raottokháhtshera tánon iáh tehonthón꞉tats nahontéweienhste.

Proverbs 14:34

Nón꞉kwe tiakorihwaié꞉ri ne ión꞉nis ne kanakerahserá꞉kon enkanakerahseriióhake kiʼ; karihwanéren tkáhas atehénhsera ne kanakerahserá꞉kon.

Proverbs 14:8

Oh nontié꞉ren ne rattókha tsi teiakoʼnikonhráthe? Ne tsi roterién꞉tare tsi nihatiéhrha. Oh nontié꞉ren ne iáh thaʼtehoʼnikonhráthe tsi tehotenonhwarorí꞉tonte? Ne tsi í꞉rehre raonhá꞉ʼak roterién꞉tare.

Isaiah 42:21

Né Roiá꞉ner rawerienhtí꞉ios, asèken né aorihwàke ne raoʼrihwakwahrihshióntsheras, né nahakówanate ne raorihonhnienhnítsera tánon ne enrónhniaʼte nahiorihwanerakwáhtonke.

Jeremiah 8:9

Ne tionkwetahshón꞉a ne rontenikonhratʼthókha kwáh enhonwanahtéhaʼte; tehonahnithonniénni tánon rothihiathotaréhon. Rothikenronníhon nakewenhnaʼsónhas; nahó꞉ten ónenh rothí꞉ien ne kanikonhrowahnáhtshera?

Ezekiel 5:5

Kén nahó꞉ten ne Ronhnontí꞉io Roiá꞉ner ráton, Ne kí꞉ken ne tekariwahkenthónkwen tsi nenhiohiátawenh ne Jerusalem. Shaʼtehothinenhríhen nonhkweshón꞉ʼa nónhwe nakíteron.

Daniel 1:20

Iáh tewatsterístha oh nahò꞉ten ne ronnontí꞉io enhariʼwanónton tókaʼ ó꞉ni nahò꞉ten tahoʼnikonhrhá꞉rake, kí kaié꞉ri nihá꞉ti oié꞉ri naʼtekaiá꞉sere sénha ratirihwaienté꞉ris tsi ní꞉ioht ne shakonathiatonhseratkénse, tókaʼ ó꞉ni né kwáh rotiʼnikonhrowá꞉nens ne kwáh tsi nikanakeráhsera.

Daniel 4:9

Belteshazzar, shekowá꞉nen ne shakonathiatonhseratkénʼse, konhró꞉rihs nakatetshénhsera né tsi wakaterién꞉tare né raoʼnikòn꞉ra ne Rotokénhti Rawenni꞉io tsi senikwé꞉kon tánon ó꞉ni saʼnikonhraién꞉taʼs akwé꞉kon né ioteriʼwahséhton. Takró꞉ri nahò꞉ten kéntonhs ne wakatetshén꞉en.

Hosea 8:12

Eʼthó꞉sane wé꞉so khehiatón꞉ni nakerihonhnienhní꞉tsheras, thóh ní꞉ioht tsi tehatiká꞉nere tsi shí꞉ken ní꞉ioht ne taiotseronniónke.

Malachi 3:12

Eʼthó꞉ne kiʼ ne iakaontsaʼkehró꞉nonʼs eniesanaʼtónhkhwake satáhskats, aseʼkénh ní꞉se ne sonhontsà꞉ke kwáh enwatenatí꞉ioke neʼthó nón꞉we naienákereke, rá꞉ton ne Sakoiá꞉ner ne ronterí꞉ios ratironhiaʼkehró꞉nonʼs.

Deuteronomy 29:9

Iorihwatokénhak tsi sewatewénhnarak kí꞉ken owenhnaʼshón꞉as ne kí꞉ken ateriwaʼseronhniá꞉tshera, ne káti noriwakwé꞉kon ahisahianerásten tsi nenhshá꞉tiere.

Deuteronomy 32:46

wahèn꞉ron, “Iorihwí꞉iot tsi sewatewénhnarak akwé꞉kon kí꞉ken kariwatà꞉tsheras ne tkwawí꞉hons nón꞉wa wenhniserá꞉te. Ne ieʼtsirihón꞉nien ne ietsiienhokón꞉as, ne káti naónton nahiorihwatokénhak tsi ahontewénhnaraʼkwe akwé꞉kon ne Rawenni꞉io rahorihonhnienhní꞉tsheras.

Deuteronomy 32:47

Kí꞉ken karihonnienhní꞉tsheras iáh owenhnóskon kók té꞉ken; né꞉ne kwáh sehwathonnétstha. Sewatewénhnarak tánon enhión꞉nise entsónnheke ne tsi ionhontsá꞉ien ní꞉se nakaniatharáti ne Jordan ne ó꞉nen thówa iahisewatiaʼtakwehní꞉ioste.”

2 Timothy 3:15

tánon iehiárak kwáh siseksáhak, sisateriéntare ne Orihwatokéntis, neh kakwénies tisáwis natʼthokát꞉tseras tsi nithewétha ne kahiatakenátsera ne tewetákwen rahonháke ne Kerístos Ié꞉sos.

Ne꞉ne Sák Rohiaton 3:13

Ónhka kén tsi nítion naihsewatʼthókake ó꞉ni ahisewanikonraientáseke? Né seriwanírat tsi niʼioiánere tsi nishón꞉ne, tsi nikahiotenserí꞉io sahiotén꞉en né tsi nithisariwaiéri ó꞉ni sanikonraientáskon.