Deuteronomy 4:5 - Ohiatonhseratokénti

⁵ “Akwé꞉kon ne kaianerénseras kwarihonhnién꞉ni, ne tsi nihatró꞉ri ne Roiá꞉ner AkeʼNí꞉io thóh nátiere. Sewaioʼténst ne tsi tiohontsá꞉ien ne ó꞉nen kwáh thóhwa iaietsihiatiaʼtónti tánon nahisewatié꞉nawatste.

Deuteronomy 4:5 ပူးပေါင်းရင်းမြစ်များ

Psalms 71:17

Ó Sewenní꞉io kwáh siʼkeksʼsáha teskerihonhniénhni, tánon shé꞉kon nikherohrhiánions nonkweshón꞉ha ne iorihwanerakwaténions tsi nisatieránion.

Exodus 18:20

Ónenk tsi sherihónhnien ne Rawenni꞉io rahoriwaʼtátʼtsheras tánon shenikonhʼraientàten tsi ní꞉ioht tsi ahonʼnónʼnheke tánon tsi nahontiére.

Jeremiah 11:6

Ethóhʼne ne Roiá꞉ner wahakénhase, “Wáhs tsi khanatowáhnen ne Judah niaháse tánon ne kanathakónsons ne Jerusalem. Thóh nónhwe iaserihówanat nakateriwanhotátshera tánon sehró꞉ri nonhkweshón꞉a nahontahónsahtaʼte tsi nikawenhnhóten ne ateriwahsehronniátshera tánon nahontewénhnarahkwe.

Ezekiel 20:11

Thakhéhion nakatiawenhráhtsera tánon wakherihónhnien natianerénhsehras, né꞉ne tkáhas natónnhets nónhka enhiontewénhnahrahkwe.

Leviticus 19:19

“Sewatewénhnarak nakerihwatatʼtiéras. Tó꞉sa iaʼtesheʼnón꞉naiest ne senás꞉kwahiens konhtiʼtshénens. Tó꞉sa né thiʼkanénhate ashiéntʼtho né꞉ne sakahéttatʼke. Tó꞉sa né satʼtsherónhniat né thaʼtekeʼníthe tsi ní꞉ioht tsi ká꞉son ne ionhkwenonhniaʼthákwah.

Leviticus 26:46

Akwékon kí꞉ken kaianerénhseras ó꞉ni ne karihwatátʼtsheras nètho Roiá꞉ner thó꞉wi ne Mahís ne tsi ionónhte ne Sinai né꞉ne onhkweshón꞉as akorihwáke ne Israerʼró꞉nonke.

Leviticus 27:34

Ne kí꞉ken ne atsiawenhráseras nètho Roiá꞉ner thó꞉wi ne Mahís ne tsi tsonónhte ne Sinai né꞉ne onhkweshón꞉as Nisraerʼró꞉nonhke akorihwáke.

Leviticus 7:38

Thóh nónhwe tsi ionón꞉the ne Sinai né꞉ne iahontsiaʼthénhke íken, ne Roiá꞉ner tahonwíhon ne Mahís né꞉ne siwenhnisehrátheʼkwe shaʼsakoró꞉ri nonhkweshón꞉as ne Israerʼró꞉nonhke nahonthahatiʼiesthánion.

Matthew 28:20

Ietsirihonnien naieriȣanoronkȣake, aionteȣeienton oni tsinikon Kȣarihonte, nok tiotkon enteȣakȣekonhatie tsiniiore ienȣatonȣentsiokton. Amen!

Acts 20:27

Asèken iáh thènen theʼtewakathotʼtákwen tsi wakerihowanhá꞉thon noriwakwékon tsi nihotenikonrónni ne Rawenni꞉io.

1 Corinthians 11:28

Ne káti, kwáh teiotonwenhtióhon ne tasewahtiérent tsi sehwahiatátʼtion sewahtatkenhénion, éthone shewahnátarak ó꞉ni sehnanekírat ne kátshe.

1 Corinthians 15:3

Wahtiohétsthen tsi nahóten wahtienáhon, ne nahonháʼa tsorihowáhnen: nètho Kerístos tsi rahwenhéion né iorihónni nonkwahriwanerahákʼtshera, tsi nikahiáton Noriwatokentíke;

Deuteronomy 11:32

iorihwihióhak tsi sewatewénhnarak akwé꞉kon ne kaianerénhseras né꞉tho tkwawì꞉re nón꞉wa wenhniserá꞉te.

Deuteronomy 4:1

Ethò꞉ne ne Mahís wasakawénhase nonhkweshón꞉ʼa, “Sewatewenhnaráhkwak akwé꞉kon ne kaianerénseras ne kwarihonhnién꞉nis, tánon enhtsónhnheke ó꞉ni ensewatié꞉nawatste nonhóntsa tsi niká꞉ien ne Roiá꞉ner, ne SakoʼNí꞉io ne ietsisothokonhkén꞉en, ne tetsisewá꞉wis.

Deuteronomy 4:2

Tó꞉sa othé꞉nen iaʼsewáiest tsi nahoʼténsonhs kwaroriánions, tánon tó꞉sa othé꞉nen tatsónhnek. Sewatewénhnarat ne Roiá꞉ner raowenhnaʼsónhas ne sewaNí꞉io né꞉tho tkwá꞉wi.

Deuteronomy 4:4

ók tsi nítsion ne sewariwató꞉ken rahonhà꞉ke ne Roiá꞉ner sewaNí꞉io shé꞉kon nitsónhnhe nónhwa wenhniserá꞉te.

Deuteronomy 4:40

Sewatewén꞉narak akwé꞉kon ne raoianerénseras tsi nonhtà꞉tion nón꞉wa wenhniserá꞉te, tánon akwé꞉kon tshienioiánerenhne ne sewarihwà꞉ke ó꞉ni tsi nenhsewatwaʼtsí꞉rine. Iensewakonhtà꞉kwe tsi thóh ensewanákereke ne tsi ionhontsá꞉ien ne Roiá꞉ner sewaNí꞉io tsisewawì꞉re nahisewawenkónhweke tsi nénhwe.”

Deuteronomy 5:1

Mahís ratikwé꞉kon washakohiaʼtaró꞉rohke Israerʼró꞉nons tánon washakawénhase, “SewaʼIsraerʼró꞉nonhs, sewatahónshatat akwé꞉kon ne kaianerénseras nentkwawíhon nón꞉wa wenhniserá꞉te. Sewatéweienst tánon ioriwihióhak tsi sewatewén꞉narak.

Deuteronomy 6:1

“Ne kí꞉ken nakwé꞉kon ne kaianerénhseras ne Roiá꞉ner sewaNí꞉io rakró꞉ri nakwarihón꞉nien. Sewatewénhnarak ne tsi tiohontsá꞉ien ne ó꞉nen thó꞉wa thóh niahísewe tánon nahisewatiaʼtakwehní꞉ioste.

Deuteronomy 7:11

É꞉tho káti, sewatewénhnarak tsi nahó꞉ten ietsirihonhnién꞉ni; sewatewénhnarak akwé꞉kon ne kaianerénhseras né꞉tho takwawí꞉hon nón꞉wa wenhniserá꞉te.

Deuteronomy 8:11

“Orihwí꞉io sónhni ne tó꞉sa ahtsataʼnikónhren ne Roiá꞉ner saNí꞉io; tó꞉sa sariwanó꞉ron nasatewenhnaráhkwe ne thé꞉nen raoianerenhseraʼsónhas ne tkwá꞉wis nón꞉wa wenhniserá꞉te.

Hebrews 3:5

Mahís rorihwahtókenʼne ne Rawenni꞉io raonónskon tsi ranhátsheraʼkwe, tánon né rotarákwen tsi nahorihoténsonsʼkwe ne Rawenni꞉io enhénron tsi niahawenonháti.