Deuteronomy 4:45 - Ohiatonhseratokénti

^45-46 Ne nó꞉nen satethotihiaʼkén꞉en ne Egypt tánon thóh nón꞉we nihón꞉neskwe nà꞉kon nokwá꞉ti nahonráhkwakon ne Jordan Kaniataratátie, tehiotiná꞉ta ne Bethpeor, ne tashaká꞉wen kí꞉ken kaianerénseras. Thóh ki nón꞉we ne kanakeraserá꞉ien né꞉ne ronhnonhtí꞉io Sihon rahowenhkén꞉en né꞉ne Amorʼró꞉nons nahaiaʼtó꞉ten, raónha rakó꞉raʼkwe ne tsi kaná꞉taien ne Heshbon. Mahís tánon Israerʼró꞉nons ronhwasénhnion sathontahatihiaʼkén꞉en ne Egypt.

Deuteronomy 4:45 ပူးပေါင်းရင်းမြစ်များ

1 Kings 2:3

tánon thóh nátser tsi nahó꞉ten ne Roiá꞉ner Saní꞉io enhiarihhónhten. Orihwaʼkwékon satewánhnarak ne rahohianerénhseras ó꞉ni ne rahorihwatátʼtseras, tsi nikahiatónhnions ne Mahís rahohianerenserákon, né káti ne kwáh tsikʼnonhwésons niáse tsi ensahianerásthen tsi nenhshá꞉tiere.

Psalms 119:111

Né saianerénhseras wakerihonhniénhnis tsi nahoténsons enkerihwanorónhsthake né꞉ne tsi nénhwe enkénhake; ne wakerienhtiʼióstha nakwerhiá꞉ne.

Psalms 119:14

Wakerientí꞉ios tsi ítʼsehre ne sahianerénhseras sénha tsi ní꞉ioht nahontkwatséhake.

Psalms 119:2

Iakotaskáts tsi niʼiákon ne iontewénhnaraʼkwe tsi nihorihwawahtáton, tánon tsiakaweriahsakontákwen tsi ronwahiatísaks,

Psalms 119:22

Tó꞉sa sehríhon nahionkenikonhraʼkaréwaʼte tánon ne thahiontiéron, asèken wahkatienawástone saianerénhsera.

Psalms 119:24

Né sarihonhnienhnítseras tewakáwis nahonkerienhtí꞉iosʼte; ne wakatenikonhraʼsonhteránis.

Psalms 119:5

Ó tánon tsi nikeweienhnótens aiáwens aiorihwatokenháken ahonkatienawastónhake ne sarihonnienhnítseras!

Psalms 119:7

Kwáh akeriasóskon tsi tenkonnonhweráton, tsi nenskerihónhnien ne iohterihwakwahríhshion sahiatorethatsera.

Deuteronomy 4:1

Ethò꞉ne ne Mahís wasakawénhase nonhkweshón꞉ʼa, “Sewatewenhnaráhkwak akwé꞉kon ne kaianerénseras ne kwarihonhnién꞉nis, tánon enhtsónhnheke ó꞉ni ensewatié꞉nawatste nonhóntsa tsi niká꞉ien ne Roiá꞉ner, ne SakoʼNí꞉io ne ietsisothokonhkén꞉en, ne tetsisewá꞉wis.

Deuteronomy 4:44

Mahís tasaká꞉wen ne Rawenni꞉io raoʼianerénseras ó꞉ni ne karihonnienhní꞉tsheras ne Israerʼró꞉nons.

Deuteronomy 6:17

Orihwí꞉io tsón꞉ni akwáh sewatewénhnarak akwé꞉kon ne kaianerénhseras ne tetshisewawíhon.

Deuteronomy 6:20

“Tsi niénhenwe ne ieʼtshihienʼokónhas enietshiriwanóntonhse, ‘Ohnontié꞉ren ne Roiá꞉ner Onhkwaní꞉io sonhkwaró꞉ri nahitewatewénhnaraʼkwe kí꞉ken kaianerénhseras?’