Deuteronomy 4:43 - Ohiatonhseratokénti

⁴³ Nétsi ratiʼtá꞉raien ne Reuben thóh né kaná꞉takon ne Bezer, né꞉ne iahonwentsathèn꞉ke tiotonhontsá꞉tes nónhwe; ne tsi ratiʼtá꞉raien ne Gad thóh ne nón꞉we Ramoth, né꞉ne tsi kanakeraserá꞉ien ne Gilead; tánon ne tsi ratiʼtá꞉raien ne Manasseh thóh ne nón꞉we Golan, ne tsi kanakeraserá꞉ien ne Bashan.

Deuteronomy 4:43 ပူးပေါင်းရင်းမြစ်များ

1 Kings 4:13

Bengeber: né꞉ne kanatowanénhke Ramoth né Gilead nónhwe, tánon tsi kanataiéntons ne Gilead nónhwe neʼnènhne rahotinátas ne tsi ratitáraien ne Jair, eh nónhwe nithonatʼwatsiríhnon ne Manasseh, tánon ne tsi kanakerasehráien ne Argob né꞉ne Bashan nónhwe, iá-iak niwásenh nikanátakes ne kanatowánens tiokwékton, tekanatanákʼtons wathenhénroʼte tánon otsínekwar nikaristhó꞉tens tekarenhwénhnions ne tsi iotenhenrakáronhtes

1 Chronicles 6:63

Kwáh né sáka, ne tékeni-iawénhre nikanátakes ne tsi kanakeraseráien ne Reuben, Gad, tánon ne Zebulun tsi tahonwanawíhons ne tsi ratitáraiens ne Merari, ne satiwatsirátʼtsions.

1 Chronicles 6:66

Otiákes ne tsi ratiwatsíraiens tsi rahtitárahiens ne Kohath tahonwénhnon ne kanatasónhas ó꞉ni ne tsi konwatiʼteronhtákwas ionhontsaiéntons ne tsi kanakeraseraʼkérons ne Ephraim:

1 Chronicles 6:71

Né kawátsires tsi ratiʼtáraiens ne Gershon né꞉ne tahonwanawíhon né kén iotséton kanatasónhas, ó꞉ni ne ionhontsaiéntons tsi konwatiʼteronhtákwas: Né꞉ne tsi kanakeraseráien né tsit-karakwínekens nòkwahti ne Manasseh: Golan, né Bashan nón꞉we, tánon ne Ashtaroth.

1 Chronicles 6:80

Né tsi kanakeraseráien ne Gad: Ramoth né꞉ne Gilead, Mahanaim,

Deuteronomy 4:42

thóh nón꞉we naónton ne ónhkwe iahionteʼkwásen tánon kwáh skennenʼkó꞉wak thakénhake tó꞉ka iáh tehoʼnikonhrón꞉ni ónhkak washakononhwarià꞉kon né꞉ne iáh thaʼtehiatà꞉tsons. Aónton ne kák niká꞉ien ne kí꞉ken áhsen nikaná꞉take nón꞉we iahateʼkwásen tánon iáh tahonwanonhwarià꞉kon.

Deuteronomy 4:44

Mahís tasaká꞉wen ne Rawenni꞉io raoʼianerénseras ó꞉ni ne karihonnienhní꞉tsheras ne Israerʼró꞉nons.

Joshua 20:8

Tánon áhsen nikaná꞉thakes né꞉ne tsitkarahkwí꞉nekens nòkwah ne Jordan Kaniataratátie, né꞉ne Bezer né꞉ne tsi kanakerahserá꞉ien ne Reuben; Ramoth né꞉ne Gilead nón꞉we, né꞉ne tsi kanakerahserá꞉ien ne Gad nón꞉we, tánon ne Golan né꞉ne Bashan nón꞉we, né꞉ne tsi kanakerahserá꞉ien ne Manasseh.

Joshua 21:27

Nó꞉ia kentióhkwas ne Levites, né꞉ne Gershon nahothiʼtaró꞉ten, tekaná꞉takes kanatowá꞉nens rotiienàhon né꞉ne tsi kanakerahserá꞉ien ne tsitkarahkwí꞉nekens nòkwah ne Manasseh: tánon ne Golan né꞉ne Bashan nón꞉we (ne ná꞉re nénska kanatowanénhke ronthasetáhkwakwe ne sohnaterihwatewá꞉tons) tánon ne Beeshterah, eʼí꞉kare ne tsi watenhenrowá꞉nens ne konwatiʼteronhtáhkwa rahotiʼtshenenhó꞉kons.

Joshua 21:36

Ne tsi kanakerahserá꞉ien ne Reuben kaié꞉ri nikaná꞉thakes kanatowá꞉nens wahatiié꞉na: né꞉ne Bezer, Jahaz,

Joshua 21:38

Ne tsi ratiʼtá꞉raiens ne Gad kaié꞉ri nikaná꞉thakes wahatiienà꞉seron: né꞉ne Ramoth ne Gilead nón꞉we, thóh í꞉kare ne watenhenrowá꞉nen ne tsi konhwatiʼteronhtáhkwa ne rahotiʼtshé꞉nens (ne nénskat ne kanatowá꞉nens ne ronthasetáhkwakwe ne sohnateriwatewá꞉tons), né꞉ne Mahanaim,