Deuteronomy 4:4 - Ohiatonhseratokénti

⁴ ók tsi nítsion ne sewariwató꞉ken rahonhà꞉ke ne Roiá꞉ner sewaNí꞉io shé꞉kon nitsónhnhe nónhwa wenhniserá꞉te.

Deuteronomy 4:4 ပူးပေါင်းရင်းမြစ်များ

Psalms 63:8

Kwáh akesastenhserakwékon tsi í꞉se koniatienawáston; tsi nikashásts꞉te ne sahtshanáke ne tewaʼkénes.

Isaiah 26:20

Káts, akonkwetaʼshón꞉has, iaʼsewatáwahiat ne sewáhwenk kahnaktaiéntons, tánon thontasewanhó꞉ton ne tsi sewatenonhkáronʼte ne sewásonhne; sewatáset niʼkarihwésha tsi nió꞉re ienwatohetste ne kanakwáhtshera.

Ezekiel 9:4

“Wáhs akwékon nonhtáset ne kanatowahnénhne ne Jerusalem tánon rahtikenkwaráhke teshehiáton tsi nihiákon tiakonikonhrénʼen tánon ne tehiakonikónhrareh tioríhwa tsi nihioriwáke ne ioteriwahtéhas tsi kahieráhnion ne kanatowakénke.”

Acts 11:23

Siahárawe ó꞉ni wahatʼkátho tsi ní꞉ioht ne Rawenni꞉io sakohiatateríston nonkwesónha, wahatʼtsenónni tánon wasakoretsiáron rathikwékon tsi ahotiriwathokénhake ó꞉ni kwáh roneriasakwékon tsi ahontahonwetakwénhake ne Roia꞉ner.

Romans 12:9

Kanoronkwátsera ónenk tsi ienhiokontákwen enhioriwatokénhake. Sewáson ne kariwáksen, neh sewatienawasthónhak ne iohiánere.

Deuteronomy 10:20

Skweniénstak ne Roiá꞉ner saNí꞉io tanon rahonhatsí꞉wak kók entsenhnaiénseke. Sariwatokénhak ne raonhà꞉ke tánon nensaráhratste rahoshén꞉nakon kók kénhak.

Deuteronomy 13:4

Tsi sewáser ne Roiá꞉ner tánon tsisewakwénienst; tsi sewawénhnarak ó꞉ni sewateweiénton ne rahoriwatà꞉tsheras; tsi sewasenhnaiénsek tánon sewariwatokénhak ne rahonhà꞉ke.

Deuteronomy 30:20

Tsi sewanorónhkwak ne Roiá꞉ner sewaNí꞉io, tsi sewawénhnarak tánon sewariwatokénhak ne rahonhà꞉ke, tánon ethò꞉ne ní꞉se tánon tsi niensatwatsí꞉rine kwáh entionhnhésonhke ne tsi tiohontsá꞉ien né꞉tho tsi sewarahratstén꞉ni nahontashaká꞉wen ne ietsisoʼthonkonhkén꞉en, Abraham, Isaac, tánon ne Jacob.”

Deuteronomy 4:3

Iatesewahià꞉ti wesewatká꞉tho tsi nahá꞉iere ne Roiá꞉ner ne tsi Tionónhte ne Peor. Kanenrahkwé꞉kon washakononhwarià꞉kon tsi konwasénhnaiens ne Baal ne nónhwe,

Deuteronomy 4:5

“Akwé꞉kon ne kaianerénseras kwarihonhnién꞉ni, ne tsi nihatró꞉ri ne Roiá꞉ner AkeʼNí꞉io thóh nátiere. Sewaioʼténst ne tsi tiohontsá꞉ien ne ó꞉nen kwáh thóhwa iaietsihiatiaʼtónti tánon nahisewatié꞉nawatste.

Joshua 22:5

Iorihwiióhak sewatewénhnarak ne kaianerénhsera né꞉tho Mahís tsi sewarihwatháti: tsi sewanorónhkwak ne Roiá꞉ner Sewaní꞉io, tatsisewaʼnikonhraié꞉rit, sewatewénhnarak ne rahorihwataʼtsheras, sewarihwatokénhak ne rahonhà꞉ke, tánon tsi sewahiò꞉tens kwáh seweriasakwé꞉kon ó꞉ni sewatonnheʼtsherakwé꞉kon.”

Joshua 23:8

Khé꞉kok, sewarihwatokénhak rahonhà꞉ke ne Roiá꞉ner, tsi niiohʼthonhátie tsi nió꞉re nón꞉wa.

Revelation 14:4

Ne tsi ronón꞉ha iáh tateonatatsiatastónston skátne ne konhnón꞉kwe, asè꞉ken iáh teotiniá꞉kon; ronón꞉ha ronwahnonterátses ne teonakarontón꞉ha owí꞉ra kwáh tsik nón꞉we nienhénre. Ronón꞉ha ne shonwatiiatákwen tsi nokwáh ne onkweshón꞉as kwáh né꞉ne entewatsetrénhte kaientwákwen ne enthón꞉ion ne Ní꞉io tánon ne teotinakarontónha owí꞉ra,

Revelation 20:4

Eʼthó꞉ne wakatkáto anitskwáras, tánon tsi niká꞉ien né꞉tho ratitskó꞉tons thonwaná꞉wi ne kakweniá꞉tsera ne tahatiiatórehte. Kwáh ó꞉ni waʼkéken tsi nihá꞉ti ne ronwaʼtiniaʼrhiát꞉khon ne tsi nihonwariwanirá꞉ti ne Ié꞉sos tánon ne raowenhnaó꞉kons ne Ní꞉io. Ne ronón꞉ha iáh ne tekonwashén꞉naien ne kaʼtsi noniowá꞉nen raohiatónhni tánon iáh teotiiená꞉on ne tahonwatikenkwaraiá꞉tonhke khóks ó꞉ni ne rontsá꞉nakes. Sahontonnhéte tánon waontkoráste tsi ní꞉iot ne ronhnontí꞉io skátne ne Kerístos ne énska tewenniawehetseráhsen niioserá꞉ke niká꞉ris.