Deuteronomy 4:39 - Ohiatonhseratokénti

³⁹ Ká꞉ti sewehiárak nón꞉wa wenhniserá꞉te tánon tó꞉sa nonhwénton sasewaʼnikónhren: Ne Roiá꞉ner tsi Rawenni꞉io ne karonhià꞉ke ó꞉ni nonhwenhtsà꞉ke. Iáh nó꞉iah teká꞉ien ne ní꞉io.

Deuteronomy 4:39 ပူးပေါင်းရင်းမြစ်များ

2 Samuel 7:22

Asèken oriwiʼiohónwe ní꞉se tsi tiennowáhnen, O Saiá꞉ner Ní꞉io; asèken iáh ónka naonsaiesaiérenhke, tánon oriwiʼiohónwe tsi shonháhak khók ne Ní꞉io í꞉ken, ne taioiawénhawe akwé꞉kon tsi nihionkwarón꞉ken ne karihwanírats.

1 Chronicles 17:20

Saiá꞉ner kwáh iáh ónh꞉ka nahonsahieshaiérenke; kwáh tsiókonte tsi ionkwateriénhtaraʼkwe tsi kwáh sonhatsíwa tsi Saní꞉io í꞉ken.

1 Chronicles 28:9

Tánon tsi nòkwah ne Solomon wahawénhase nenhʼné꞉e, “Riʼiénha, Waʼkonrihónten natserihwaníratse ne ianíha raoní꞉io tánon natsiótenhse né kwáh seweriásak akénhake tánon né nahisanikonhroténhake. Akwé꞉kon roteriéntare nónkwah nonthonhniónhtsheras ó꞉ni nón kwahskanéktsheras. Tó꞉ka rahonháke nòkwah nienhénse, kwáh enthiaiéna; ók tó꞉ka entsiatsatonhtákwahse, kwáh kíʼ tsi nénhwe tsi enhiatewénhtheʼte.

1 Chronicles 29:11

Í꞉se ne sesátsʼte ó꞉ni shaʼsatsʼtenhserowánen í꞉ken, sahiatanerákwat, iorá꞉se, tánon sanontí꞉io í꞉ken. Orihwaʼkwé꞉kon ne karonhiáke ó꞉ni nonwenhtsáke tsi í꞉se sáwenk, tánon í꞉se ne sanontí꞉io í꞉ken, né kwáh tishaʼsastenserowánen orihwaʼkwé꞉kon í꞉se tisaniaró꞉taron.

2 Chronicles 20:6

tánon iorahkaré꞉ni tsi wahaterénhnaien, “O Saiá꞉ner Sewenní꞉iokwe kénʼne nonhkwasotʼtseraʼokonhkénʼen, í꞉se tiathakweʼní꞉io ne karonhiáke tsewakónhkon nonhkweʼshón꞉as tsi ionhwenhtsáte. Í꞉se ne sheʼshástste ó꞉ni shaʼshastsʼtenserowánen, tánon iáh ónhka tahiekwé꞉ni nahiesahiotátʼtie.

Psalms 100:3

Sehrihwanírat nètho Roiá꞉ner rahónha ne Rawenni꞉io í꞉ken. Kwáh rahónha sonkwahiatíshon, tánon rahónha shonkwaienhokónha; tánon né꞉ne tiónkwe ne teshonkwariwásnieʼse.

Psalms 115:3

Nón꞉kwah Ní꞉io karonhiáke nón꞉we thénteron; thóh nihaiéra kwáh tsi nenhthanón꞉wehne.

Psalms 135:6

Tsi nenhthawerientí꞉io ne Roiá꞉ner thóh nenháiere, thóh karonhiáke tánon nonhontsáke, ne kaniatarakhekówaʼne tánon akwékon tsi nón꞉we nihiohnotésons.

Exodus 8:10

Ne Ronhnonhtí꞉io wathariwaseráko, “Takaterenhnaienhas nenhiorenhne.” Mahís wahénron, “Thóh nentiére tsiʼníseriwanóntonhs, etʼthone ensateriéntaraʼne tsi iáh nó꞉ia tekaʼNiiotsheráne ne thóh naʼiotónhake tsi ní꞉ioht ne Roiá꞉ner, onkwaʼNí꞉io.

Isaiah 1:3

Né tehonákares tionhnónskwahron rátsinn roienhtérih né raotshénen, ne tewahón꞉tes roteriénhtare tsi nón꞉we nihatekwahtahástha tsi nón꞉we nihonóntens ne rahiatakwení꞉io; ók né Israel iáh né tehioteriéntare, nakonkwetaʼshón꞉ʼas iáh tehotiʼnikonhraiéntas.

Isaiah 43:10

Í꞉se nakerihwanirátshera í꞉ken, rá꞉ton ne Roiá꞉ner, tánon nakenhá꞉tsera tsi nikáien rihiatarákwen, né ká꞉ti nahisateriéntaraʼne tánon nahontaskétaʼkwe tánon nahiʼsanikonhraiéntaʼne tsi í꞉i seh ne rahónha í꞉ken. Nohénton ní꞉i iáh ónhka nakóren ne ní꞉io akénhake tehonwahiaʼtónhni, iáh ó꞉ni nón꞉ka nonàken ahonwahiaʼtónhni tsi ní꞉ioht ní꞉i.

Isaiah 44:8

Tó꞉sa sewáteron, khés nahiʼsewatʼtsániʼke; iáh ken tekwahrorihánions tsi nahó꞉tens noriwakáions tánon tewakerihwakwát꞉ton? Í꞉se nakerihwanirát꞉tshera í꞉ken! Ónhka kén ne thiʼkaniʼioseràte ahatàke ne tiaták꞉ta? Iáh kén nó꞉ia tekensténhraien; kwáh iáh nénska tewakateriéntaʼre.

Isaiah 5:12

Rotinowahién꞉tons ne ne, kén nikanakwá꞉as, ó꞉ni né ohoró꞉ta ionhterenhnotákwah tánon ne otsítsa, ók sanontonhniónko nètho ne raohioténseras ne Roiá꞉ner, khés nasatʼkátho naohioténhseras ne ratsanákes ioriwakanonhníhon!

Daniel 4:35

Ne ronnonhwentsakehró꞉non kwáh iáh thé꞉nen karí꞉wa té꞉ken tsi tehshakoká꞉nere; ratironhiaʼkehró꞉non tánon ne ronnonhwentsaʼkehró꞉non kwáh ratikwé꞉kon raónha tehshakoniarotárhon. Iáh ónhka thaiekwé꞉ni ne tahonwátahste, tókaʼ ó꞉ni ahonwariʼwanóntonhse onhnihatiérha.

Hosea 7:2

Ók iáh kí tsatehonhnontónhnions né꞉tho kwáh akwé꞉kon ké꞉iare ne rahotiriwaneraháktseras. Ó꞉nen kí nón꞉wa tsi nihatiweienó꞉tens ne tehonatsatháton, kwáh akʼkénton rónhnes.

1 Corinthians 8:4

Ne káti, ne í꞉ieks ne kákhwa ne kahiatónni konwahtitátʼtie; ionkwahteriéntare ne kahiatónni né kéntons né knahótenk ne kwáh oriwí꞉io iáh tehiónnhe; ionkwahteriéntare tsi saiátak khók ne kwáh oriwiʼioʼónwe Rawenni꞉io.

1 Corinthians 8:6

kwáh kíʼ nonkwahriwáhke saiátak khók kíʼ ne Ní꞉io, rahónha ne Kanísera, rahónha Rohshahánion noriwahkwáhkons tánon rahonháke nónwe niʼtsiónnhe; tánon saiátak khók ne Roiá꞉ner, né꞉ne Ié꞉sos Kerístos, rahonháke non niʼtiawénon tsi kashahánion noriwahkwékon tánon rahonháke nónwe nitsiónnhe.

Deuteronomy 32:12

Ne Roiá꞉ner raonhatsí꞉wa washakohéntenhse ne rahonkweʼtashón꞉as iáh othé꞉nen tehonwaié꞉nawaʼse nakó꞉renh ne ní꞉io akénhake.

Deuteronomy 32:29

Iáh tehathikwénies nahontkátho nonhtié꞉ren tsi ronhwathishén꞉nion; iáh tehathikwénies nahotinikonhraiéntaʼne tsi nihiá꞉wenhen.

Deuteronomy 4:35

Ne Roiá꞉ner tsi sewanathón꞉ni kí꞉ken, natsisewariwaní꞉raʼtse tsi raonhatsíwak ne Ní꞉io í꞉ken tánon kwáh iáh ónhka nakò꞉ren akénhake.

Deuteronomy 6:4

“Israerʼró꞉nons, Sewehiárak kí꞉ken! Kénh ká꞉ien tkonwakowá꞉nen: Ne Roiá꞉ner nene Okwaní꞉io íken, ne Roiá꞉ner rahonhatsíwa khók íken.

Deuteronomy 7:9

Sewehiá꞉rak né꞉tho Roiá꞉ner sewaNí꞉io tsi rahonhatsí꞉wak kók ne Ní꞉io tánon tsi roriwató꞉ken. Enhateweiénton ne raohianerénhsera tánon enrè꞉neste ne ioriwató꞉ken raonoronhkwátshera ne tewenhniaweheʼtseráhsen natewaterehsehránes ne tsi niʼiá꞉kon ronhwanorónhkwa tánon iontewenhnaráhkwa ne raoriwaʼtá꞉tsheras,

Joshua 2:11

Hionkwáteronskwe tsi nihiostó꞉re sahakwarihwà꞉ronhke; hiakwakwé꞉kon wahakwaʼnikonhrókten tsi í꞉se sewaríhwa. Ne Roiá꞉ner Sewaní꞉io ne karonhià꞉ke ténhteron ó꞉ni ne kén꞉en ohontsà꞉ke.

1 Samuel 2:2

“Iáh ónka teiakoiatatokénti tsi ní꞉iot ne Roiá꞉ner, iáh ónka téiete ne tsaʼtákʼta; iáh nóiah tekensténhraien thóh nahiotónhake tsi ní꞉iot nonkwahʼNí꞉io.