Deuteronomy 4:35 - Ohiatonhseratokénti

³⁵ Ne Roiá꞉ner tsi sewanathón꞉ni kí꞉ken, natsisewariwaní꞉raʼtse tsi raonhatsíwak ne Ní꞉io í꞉ken tánon kwáh iáh ónhka nakò꞉ren akénhake.

Deuteronomy 4:35 ပူးပေါင်းရင်းမြစ်များ

2 Samuel 22:32

Asèken ónka nènhne ne Ní꞉io í꞉ken, nék khók ne Roiá꞉ner í꞉ken? Tánon ónka nènhne ne osténra í꞉ken, nek ki ne onkwaNí꞉io í꞉ken?

2 Samuel 7:22

Asèken oriwiʼiohónwe ní꞉se tsi tiennowáhnen, O Saiá꞉ner Ní꞉io; asèken iáh ónka naonsaiesaiérenhke, tánon oriwiʼiohónwe tsi shonháhak khók ne Ní꞉io í꞉ken, ne taioiawénhawe akwé꞉kon tsi nihionkwarón꞉ken ne karihwanírats.

1 Kings 8:60

Né káti nonhkwetaʼkwékon ne tsi nihiohóntsa ahiakoteriénhtaraʼne nètho Roiá꞉ner iatehahiáti khók tsi Ní꞉io í꞉ken—iáh ónhka nakóren tekáien.

2 Kings 19:19

Ó꞉nen kíʼ, Saiá꞉ner nonhkwah Ní꞉io, saskwahniá꞉kent tsi nòkwah ne Assyriaró꞉nons, né ká꞉ti niakahontsakwékons kwáh ahiakoterientátraʼne nètho tsi í꞉sek khók, O Saiá꞉ner, tsi Sewenhní꞉io í꞉ken.”

1 Chronicles 17:20

Saiá꞉ner kwáh iáh ónh꞉ka nahonsahieshaiérenke; kwáh tsiókonte tsi ionkwateriénhtaraʼkwe tsi kwáh sonhatsíwa tsi Saní꞉io í꞉ken.

Psalms 100:3

Sehrihwanírat nètho Roiá꞉ner rahónha ne Rawenni꞉io í꞉ken. Kwáh rahónha sonkwahiatíshon, tánon rahónha shonkwaienhokónha; tánon né꞉ne tiónkwe ne teshonkwariwásnieʼse.

Psalms 58:11

Nonkweshón꞉has enhiaiéron, “Oriwiʼiohónwe tsi teshonateriwasehrakwénhnis ne tionkwetaiéris; oriwiʼiohónwe tsi káien ne Rawenni꞉io tsi rahónha rarihwénhtha ne tsi ionwenhtsáte.”

Psalms 83:18

Tánon sehtokáhten tsi kwáh séh shonháhak khók í꞉ken, né sasénhna né꞉ne Roiá꞉ner í꞉ken, né꞉ne kwáh ohontsakwékon tisaʼshaststenhserowánen.

Exodus 15:11

“Saiá꞉ner, ónhka nó꞉ia ne niʼiohokónhas tahontahieʼsateʼnienténhste? Ónhka ahonsaʼhiesahié꞉renke, ioriwanerákwat iotoʼkénti? Ónhka ahiekwéni nahiakohióten ne ioriwanerákwat ó꞉ni ne kashatsʼtenseroʼwánens tsi nahiéʼiere tsi níse nishié꞉ra?

Exodus 8:10

Ne Ronhnonhtí꞉io wathariwaseráko, “Takaterenhnaienhas nenhiorenhne.” Mahís wahénron, “Thóh nentiére tsiʼníseriwanóntonhs, etʼthone ensateriéntaraʼne tsi iáh nó꞉ia tekaʼNiiotsheráne ne thóh naʼiotónhake tsi ní꞉ioht ne Roiá꞉ner, onkwaʼNí꞉io.

Exodus 8:6

Káti ne Aaron iahátaʼte ne rahoʼténnhits èhnekens ne tsi kaniaʼtarénions, tánon notskwà꞉rhe tahatiʼhiá꞉kenʼne tánon wahatiró꞉rokʼte ne tsi ionhwenhʼtsáien.

Exodus 9:14

Ók kíʼ ó꞉nenh ih nek khók ne akennhrhaʼtsherahó꞉kon tatʼkherèwahthe tánon ne shonʼkwetashónʼas, ók kíʼ kwáh ó꞉ni í꞉se enkonréwahthe, né káti nahisateriéntaʼrane tsi kwáh iáh ónhka ètho tehieiató꞉ten tsi nihiohóntsa tsi nih níʼioht.

Isaiah 43:10

Í꞉se nakerihwanirátshera í꞉ken, rá꞉ton ne Roiá꞉ner, tánon nakenhá꞉tsera tsi nikáien rihiatarákwen, né ká꞉ti nahisateriéntaraʼne tánon nahontaskétaʼkwe tánon nahiʼsanikonhraiéntaʼne tsi í꞉i seh ne rahónha í꞉ken. Nohénton ní꞉i iáh ónhka nakóren ne ní꞉io akénhake tehonwahiaʼtónhni, iáh ó꞉ni nón꞉ka nonàken ahonwahiaʼtónhni tsi ní꞉ioht ní꞉i.

Isaiah 44:6

Né kí aoríhwa rá꞉ton ne Roiá꞉ner, né Ronnontí꞉io NʼIsraerʼronónke, tánon né shoiatákwen, né꞉ne Sakoiáner ne ratironhiakeró꞉nons: I꞉i ne tiotierénhton ó꞉ni nonàken í꞉ken; Né tiaták꞉ta kwáh iáh tekaniʼioseráien nó꞉ia Rawenni꞉io akénhake.

Isaiah 44:8

Tó꞉sa sewáteron, khés nahiʼsewatʼtsániʼke; iáh ken tekwahrorihánions tsi nahó꞉tens noriwakáions tánon tewakerihwakwát꞉ton? Í꞉se nakerihwanirát꞉tshera í꞉ken! Ónhka kén ne thiʼkaniʼioseràte ahatàke ne tiaták꞉ta? Iáh kén nó꞉ia tekensténhraien; kwáh iáh nénska tewakateriéntaʼre.

Isaiah 45:18

Asèken ne aoríhwa rá꞉ton ne Roiá꞉ner, tsi rahónha ró꞉son ne tsi karonhiá꞉tes (rahónha ne Ní꞉io í꞉ken!) rahónha raieronhtón꞉ni ne tsi ionwenhtsáte tánon rahónhni (rorihwanirá꞉ton; iáh né teosahá꞉ton ne tsikʼtsaiawénhon, né rahonhniá꞉ton naienákereke!): I꞉i ne Watiá꞉ner, tánon iáh ónhka nakó꞉ren né꞉ne akénhake.

Isaiah 45:22

Akonhàke nontashátserat tánon enshaʼtatenónsthate, tsewakwé꞉kon ne tsi iehiotonhontsioktaníhon! Asèken I꞉i ne Ní꞉io í꞉ken, tánon iáh tekáien nakó꞉ren akénhake.

Isaiah 45:5

I꞉i ne Watiá꞉ner, tánon iah ónhka nakó꞉ren né꞉ne akénhake; né tsiaʼtákʼta iáh nó꞉ia tekáien ne Ní꞉io akénhake. I꞉i konshatstenhseráwi, iawerohátsien tsi iáh testsientérihkwe,

St. Mark 12:29

Tontahenron ne Iesos, kenh kaien tkonȣakoȣanen: Saiatat ok ne Niio hetseȣenniiostak rahonhatsiȣa ne Niio Sonkȣaȣenniio.

St. Mark 12:32

Tontahenron ne raiatons: Saianer: Akȣa tasierite tsi neh ȣasiron, saiatat ok ne Niio iah oni tekaien sekon noiah neok ne Raonha,

1 Corinthians 8:4

Ne káti, ne í꞉ieks ne kákhwa ne kahiatónni konwahtitátʼtie; ionkwahteriéntare ne kahiatónni né kéntons né knahótenk ne kwáh oriwí꞉io iáh tehiónnhe; ionkwahteriéntare tsi saiátak khók ne kwáh oriwiʼioʼónwe Rawenni꞉io.

1 Corinthians 8:6

kwáh kíʼ nonkwahriwáhke saiátak khók kíʼ ne Ní꞉io, rahónha ne Kanísera, rahónha Rohshahánion noriwahkwáhkons tánon rahonháke nónwe niʼtsiónnhe; tánon saiátak khók ne Roiá꞉ner, né꞉ne Ié꞉sos Kerístos, rahonháke non niʼtiawénon tsi kashahánion noriwahkwékon tánon rahonháke nónwe nitsiónnhe.

Deuteronomy 32:12

Ne Roiá꞉ner raonhatsí꞉wa washakohéntenhse ne rahonkweʼtashón꞉as iáh othé꞉nen tehonwaié꞉nawaʼse nakó꞉renh ne ní꞉io akénhake.

Deuteronomy 32:23

“‘Kwáh enkheiénhase ne iáh tsehiótok꞉the ne kariwaieshá꞉tsheras tánon akwé꞉kon enkhehiásthen natsienkwí꞉res.

Deuteronomy 32:39

“‘Í꞉i, tánon akonhatsí꞉wa kók, ne Wakení꞉io; iáh ónhka nakò꞉ren ne Ní꞉io narónhneke. Khenonhwarià꞉kons tánon tekhehiá꞉wis natónnhets, khekarewátha tánon sehkhetsiéntha, tánon iáh ónhka thaiekwé꞉ni nahiehiotháthe tsi nakátiere.

Deuteronomy 33:26

Tsónhkwe ne Israerʼró꞉nonhke sewanákere, iáh nó꞉ia ne ní꞉io teká꞉ien ne thóh nahahiatoténhake tsi ní꞉ioht ne sewaNí꞉io, kwáh iorá꞉se tsi ní꞉ioht tsi rohonwí꞉seres ne tsi karonhiá꞉te, tsi iotsikerarón꞉nions nón꞉we nenhthonhonwí꞉sere nahonthahiaiathakenásera.

Deuteronomy 4:39

Ká꞉ti sewehiárak nón꞉wa wenhniserá꞉te tánon tó꞉sa nonhwénton sasewaʼnikónhren: Ne Roiá꞉ner tsi Rawenni꞉io ne karonhià꞉ke ó꞉ni nonhwenhtsà꞉ke. Iáh nó꞉iah teká꞉ien ne ní꞉io.

Deuteronomy 6:4

“Israerʼró꞉nons, Sewehiárak kí꞉ken! Kénh ká꞉ien tkonwakowá꞉nen: Ne Roiá꞉ner nene Okwaní꞉io íken, ne Roiá꞉ner rahonhatsíwa khók íken.

Deuteronomy 7:9

Sewehiá꞉rak né꞉tho Roiá꞉ner sewaNí꞉io tsi rahonhatsí꞉wak kók ne Ní꞉io tánon tsi roriwató꞉ken. Enhateweiénton ne raohianerénhsera tánon enrè꞉neste ne ioriwató꞉ken raonoronhkwátshera ne tewenhniaweheʼtseráhsen natewaterehsehránes ne tsi niʼiá꞉kon ronhwanorónhkwa tánon iontewenhnaráhkwa ne raoriwaʼtá꞉tsheras,

1 Samuel 2:2

“Iáh ónka teiakoiatatokénti tsi ní꞉iot ne Roiá꞉ner, iáh ónka téiete ne tsaʼtákʼta; iáh nóiah tekensténhraien thóh nahiotónhake tsi ní꞉iot nonkwahʼNí꞉io.