Deuteronomy 4:34 - Ohiatonhseratokénti

³⁴ Ónhkak kén ne ní꞉io nonhwénton roteʼniénten niá꞉re tánon iashakoʼnónhke nónhkwe ne thihononhontsá꞉te tánon raónha rahonkwè꞉ta ashakaʼón꞉ni, tsi né nihoié꞉ren ne Roiá꞉ner sewaNí꞉io ne Egypt nón꞉we? Kwáh tesewakaʼnerá꞉kwe tsi wà꞉ratste ne raoshatstenhserowaná꞉tshera ó꞉ni ne kaʼshatsʼténshera; tahá꞉hawe ne kanaratarinétsheras ó꞉ni aterihiósera, tsi wahohiò꞉ten neioriwaneraʼkwaténions ó꞉ni ne ionerákwahs, tánon wahronhniá꞉nion ne kaʼteróntsheras tsi naiawénhseron.

Deuteronomy 4:34 ပူးပေါင်းရင်းမြစ်များ

Psalms 136:12

né tsi nihanentʼtsashástste tánon iatehonéntʼtsaʼte, asèken ne iorihwatóken raonoronhkwáhtshera tsi nénhwe enkátake;

Psalms 24:8

Ónhka nenhné꞉e ne Ronhnontí꞉io ne roiatanerákwat í꞉ken? Né꞉ne Roiá꞉ner, rashástste tánon roshaststenhseroʼwánen, ne Roiá꞉ner, tehotenonhianíton nateriʼioseráke.

Psalms 78:12

Rahotihéntons ne sakotisotʼthonhkonkénʼen rohioténhen ne iorihwanerákwat thóh tsi ionhontsáien ne Egypt, thóh kahentáke ne Zoan.

Exodus 1:9

Washakawénhase ne rahonkwetashón꞉ʼa, “Kí꞉ken lsraeró꞉nonhs tsi nihonahʼtsiokowáhnen tánon rotiʼtsiokwahníron iótʼteron nonhkwahriwàhke.

Exodus 10:21

Ne Roiá꞉ner ethòne wahawénhaʼse ne Mahís, “Iashanenhtsakétsko tsi tkaronhiáthe, tánon ne tetsiokaraskówa iatekaiéri tsi nenkaténsonhke naiakoseronko kwáh entkarohró꞉ke ne tsi ionhóntsaien ne Egypt.”

Exodus 10:7

Ne ronhnonhtí꞉io rahoʼnhatsherashónhas wahonwénhase, “Tóh nikaríwes kí꞉ken rónhkwe tenshón꞉kwah nikonhráhrake? Iasehiátkaf ne lsraeró꞉nons ronhnónhkwe, ne káti nahónton nahonwasénhnaien ne Roiá꞉ner raotiʼNí꞉io. Iáh kènh tesatʼtó꞉kas ne Egypt tsi ioriwaʼiesàhon?”

Exodus 13:3

Ne Mahís wasakawénhaʼse nonhkweshón꞉á, “Sewehiá꞉rak kí꞉ken nonhwaʼwenhniserà꞉te—tsi né wenhniserá꞉teʼkwe sehsewaʼhiákenʼne ne Egypt, tsi nónhwe niʼietʼtshiʼnaskhónhnisʼkwe. Né kíʼ wenhniserá꞉teʼkwe ne Roiá꞉ner wàʼrasthe ne rahoʼshatsʼtenseroʼwanáhtshera tsi thontatsiʼsewahiaʼtínekenhwe. Iáh ne iosherhátʼken kanátaro thaʼtahionskáhonʼkwe.

Exodus 14:30

Né wenhniseráhʼtekwe ne Roiá꞉ner waʼsakonónhsʼtaʼte nʼIsraerʼró꞉nons tsi nʼòkwah ne Egyptró꞉nons, tánon káti ne lsraerʼró꞉nons waʼsakotíken tehatiʼhiaʼtótaron roʼienheiónhseron nʼatsaktónʼtie.

Exodus 15:11

“Saiá꞉ner, ónhka nó꞉ia ne niʼiohokónhas tahontahieʼsateʼnienténhste? Ónhka ahonsaʼhiesahié꞉renke, ioriwanerákwat iotoʼkénti? Ónhka ahiekwéni nahiakohióten ne ioriwanerákwat ó꞉ni ne kashatsʼtenseroʼwánens tsi nahiéʼiere tsi níse nishié꞉ra?

Exodus 19:4

“Satʼkhaton tsi nahó꞉ten nʼí꞉i, ne Watiá꞉ner, tsi nikhehiéraʼse ne Egyptró꞉nons tánon tsi ní꞉ioht tsi wákʼkhonhiátaʼkwe tsi ní꞉ioht nokwèsen tsi iakohiaʼténhas nakoiohoʼkónhas ne kanerahontʼtsàkes, tánon kénʼen takonhiaténhaʼwe akonhàke.

Exodus 3:10

Káti ó꞉nen wahkonhiaʼteniéte ne tsitʼthénhteron ne Ronhnonhtí꞉io ne Egypt nónhwe né káti nʼaskwéni nahsehhéntenhse nakonhkwetashón꞉ʼa tahontasehiatíʼnekenhwe ne raoʼnakerahserákon.”

Exodus 6:6

Káti ietʼtsiró꞉ri lsraeró꞉nons tsi káton, ‘Í꞉i ne Watiá꞉ner; kwáh enkwahniákenʼte tánon enskwahtaʼtewenhniʼiósehron tsi niʼietsinaskónhnis ne Egyptró꞉nons. Enʼtkharahthá꞉the ne kenenshaʼshatsʼte nahontátʼkhawe ne tehioʼtenonhiaʼnhíton karewahthá꞉tshera ne roʼnonhàke tánon enskwaniákenʼte.

Exodus 7:3

Ók kíʼ kwáh enhihiónhnien ne Ronhnonhtí꞉io nahatenontsisthaʼniráhthe, tánon kwáh kíʼ iáh thahiatahónsahthate, iáh tewasterístha tohʼníkon ne ioteriwákʼtherons tsi naihshaʼtieráhnion ne Egypt. Ethòne kíʼ èntsien ne kwáh tehiothenonhianí꞉ton karewahtátshera ne Egypt nonwe tánon enkhehéntenhse tsi ratiʼtarahiéntons nakonkwetashón꞉ʼa nahatihiákenʼne tsi ionhwénhtsaien.

Isaiah 51:9

Í꞉tie, í꞉tie, Saiá꞉ner kashatsʼténhsera tesatewehiáren, Ó tsi nihashátste ne Roiá꞉ner! Í꞉tie, kwáh tsi nitiotón꞉ne ne shiʼtsiotenhniserakáionskwe, tsi nontaienekwenhsatátie ne wahón꞉nise tkènhne! Í꞉se tèken tsi natetsiaʼtiákon ne Rahab, í꞉se tetsiaʼtawehéston ne iononwaronhtsiétha.

Jeremiah 21:5

Kwáh keshastsʼtenserahkwékon tsi entiaterí꞉io, naʼkaterhiatitkhóntshera, naʼkenahkwáhtshera, tánon tsi waʼkatenahkwahwenhráhti.

Jeremiah 32:21

Iorihwahʼnerahkwahténions wáhsasʼte tsi thonʼthasehiatínekenʼwe ne shonkwetahshón꞉a ne Egypt nónwe. Hén ne kashastsʼténsera ó꞉ni ne kashástsʼte wáhsaste wahotiʼterónkwen ne tehontátʼtions.

Numbers 20:16

tánon iatsionhkwahénrete rahonháke ne Roiá꞉ner nasonhkwahiénawase. Wasonhkwatʼthóntene tánon raronhiakeró꞉nonh tahoténiete, rahón꞉ʼa wasonhkwahéntense tsi thonhtahiakwahiákenhne ne Egypt. Ónenh kíʼ nónhwa Kadesh nónhwe nitsákwes, ne tsi kanatowaʼnénhke ákta ne tsi sateristatátie.

Deuteronomy 1:30

Ne Roiá꞉ner sewaNí꞉io entsisewahéntenhse, tánon raónha entsisewaterí꞉iose, kwáh ki tsi ní꞉ioht tsi eʼtsisewá꞉ken tsi nihoié꞉ren ne Egypt

Deuteronomy 10:21

Teʼtsenonhweratónsek—raónha ne Ianí꞉io, tánon kwáh í꞉se sewakárake sewatkáton ne tehiotenonhianiʼténions ó꞉ni iorihwanerakwaʼténions tsi nihoieránion ne sewarihwà꞉ke.

Deuteronomy 11:2

Sehiárak nón꞉wa wenhniserá꞉te tsi nahó꞉ten waseweienʼtehtà꞉ne tsi nokwáh ne Roiá꞉ner tsi raonhà꞉ke nón꞉we nahesarihón꞉nien. Kwáh í꞉se, iáh ne ietsihioʼokónhas, wesewaié꞉na kí꞉ken karihonnienhní꞉tsheras. Wesewatkátho ne Roiá꞉ner tsi natehotenonhianì꞉ton, ne raoshatsténhsera, tánon tsi naʼtehotewehiá꞉te,

Deuteronomy 26:8

Ne tsi nihoshatstenhserowá꞉nen ó꞉ni kaʼshátste shashonkwaniá꞉kenhte ne Egypt nón꞉we. Ioriwanerakwahté꞉nions tsi nahaieránion ó꞉ni ioriwanerákwat, tánon waharihonhniá꞉nion ne ioteriwaʼtérons tsi nahiawénhseron.

Deuteronomy 29:3

Sewatkáton ne tehiotenonhianì꞉tons kannratarihnétsheras, ne iorihwanerakwahténions, tánon ne kowá꞉nens ionerákwas ne Roiá꞉ner tsi nihoieránion.

Deuteronomy 33:29

Israel, tsi nisaʼtsenhnón꞉ni! Iáh nó꞉ia teká꞉ien nahonsaieshaiérenhke, ne nonhkweshón꞉as ne Roiá꞉ner shakoniakénthon. Rahonhatsí꞉wa ne Roiá꞉ner ne satrenhosthákwa ó꞉ni ne shasarekó꞉wa, ne nahonthaniáhne ó꞉ni nahontháhion natesenhniéntshera. Ne tesewatà꞉tsons kwáh enʼthónhne naieshanéken nataniténron, tánon kwáh tensenenstsiáke.

Deuteronomy 34:12

Iáh ónhka ne rotokénhse nonhwénton tehokwénion ne iorihowá꞉nen tsi nahá꞉iere ó꞉ni ne ioteronhthénions né꞉tho tsi nihoié꞉ren ne Mahís rahotihéntons ne Israerʼró꞉nons.

Deuteronomy 5:15

Sewehiárak tsi sewanáskwa kenʼne ne Egypt nónhwe, tánon Í꞉i ne Watiá꞉ner sewaNí꞉io, shakwahniá꞉kente ne wá꞉katste nakeshatstenserowaná꞉tshera ó꞉ni kaʼshatsténshera. Ne ki tiorí꞉wa tsi kwahró꞉ris iahisewehiá꞉rake ne tsatákhaton nónhta.

Deuteronomy 6:21

Ethò꞉ne ietshiró꞉ri, ‘Shonkwanaskón꞉niskwe ne ronhnonhtí꞉io ne Egypt nón꞉we, tánon ne Roiá꞉ner shasonhkwaniákente ne wà꞉ratste ne raosatstenhserowaná꞉tshera.

Deuteronomy 7:19

Sewehiárak akwé꞉kon thí꞉ken tehiotenonhianì꞉tons kannratarinétsheras né꞉tho sewatkathó꞉serons ne kwáh í꞉se sewakahrà꞉kes, ne ioriwanerakwahténions, tánon ne kaʼshatstenhserowá꞉nen ó꞉ni kaʼshatsténhseras tsi nihótston ne Roiá꞉ner tsi tsisewanerénhshion. Kwáh thóh ní꞉ioht tsi shakoʼtòn꞉ton ne Egyptró꞉nons, akwáh enshakothón꞉te kí꞉ken onhkweshón꞉as ne nónhwa ietshiʼtshà꞉nis.

Deuteronomy 9:29

Asè꞉ken ronónha ne kwáh í꞉se shonkweʼtashón꞉as, ronónha ne teteseiaʼtinekénhen ne shátston ne kaʼshatstenhserowá꞉nen ó꞉ni ne sashatstenhserowaná꞉tshera tánon tsi nateshatewehiakaráhwen.’

Joshua 24:7

akonhake iató꞉tihenrenthe nakehiathakena, tánon thakakarasthe tsi natehóntere ne ró꞉nonha tánon ne Egyptró꞉nons tánon wakheskothe. Sewaterienthare tsi niktierase ne Egypt. “‘Karíhwes iahontsiatʼthenke sewenhteronhthakwe.

1 Tiér 5:6

Ehtáke sewatatónhni, káti, rahohénton ne Rawenni꞉io rahosatsʼténsera, neh꞉ne ahiaiatakarátate nónen iatenhoriwaiéntase.