Deuteronomy 4:32 - Ohiatonhseratokénti

³² “Sewariʼrísak tsi nitiawè꞉non, nohénton sehsewanakerà꞉te, thonió꞉re onà꞉ken shá꞉sewet né nó꞉nen ne Rawenni꞉io shasakohiaʼtón꞉ni nonhkweshón꞉as ne tsi ionwentsá꞉te. Kwáh ohontsakwé꞉kon tsi sewariwísak. Nonwenhtónken neknahò꞉tenk né nihiorihowánen nahiawénhon ne tiotierénhton? Nonwenhtónken nónhkak ahiakoriwarónhkenke né nataiotenonhianiʼtónhake tsi ní꞉ioht kí꞉ken?

Deuteronomy 4:32 ပူးပေါင်းရင်းမြစ်များ

Genesis 1:27

Káti ne Rawenni꞉io waʼhoiatísa rón꞉kwe kwáh tsi nihatkahtsherò꞉ten, kwáh tsi nihaiatò꞉ten ne Rawenni꞉io wahshakoiaʼtísa: rohskenrakéhte tánon tsothonwí꞉sen, wahshakoiatísa.

2 Samuel 7:23

Ónka nahonsahonwatiʼiéren ne shonkwetashónʼahs, tsi ní꞉ioht Israerʼronónke? Ónka kén nakóren akénhake nón꞉kwe ne tsi ionwenhtsá꞉te tsi niká꞉ien ne Ní꞉io sakohiatanónsthaton ne raonkwetashón꞉ha ahónton, tánon ní꞉se atsenhná꞉tatse, ioriowáhnen tsi nishé꞉ra ó꞉ni ioriwanerakwahténions ne raotirihwáhke, ne tsi shaseiatínekenwe raotihénton ne shonkwetaʼshón꞉ʼahs,

Job Tánon ne Raoronhiakensera 8:8

“Asè꞉ken sasherihwí꞉sak ó꞉nen tsi nistsotón꞉ne ne wahón꞉nise tkénhne, tánon tetsató꞉ret nahó꞉ten iatehioné꞉non ne kasótsheras tsi niotiweientetá꞉hon;

Psalms 44:1

Kwáh í꞉i ionkwatthontéhon, Ó Sewenní꞉io, ionkhisotʼthonkonhkénʼen iontkhiró꞉ri, tsi nikahiothenhsehró꞉tens sahiothénhen ne shiʼhonathenhniseraténionskwe, né꞉ne waʼhónhnise tkènhne:

Exodus 34:10

Ne Roiá꞉ner wahawénhase ne Mahís, “Ó꞉nen kíʼ watsianerensehrónhni tsi nó꞉kwah ne Israerʼró꞉nons. Ne rahotihénton iorihowánens tsi nenhtieránion né꞉ne kwáh iáh kaʼnèka nonhwénhton ne tsi ionhwenhtsáte thóh teiawénhʼen nonhkwéhʼne. Onhkwetakwékon enhiontkátho nahó꞉ten ne iorihowánens Ní꞉i, ne Watiá꞉ner, nenkʼkwéni, tsioríwa tsi natehiotenonhiaʼníton tsi nénhtiere ne sariwá꞉ke.

Isaiah 45:12

I꞉i wakonhontsíshon, tánon kehiatíson nonkweʼshónhas thóh khéteron; né꞉ne katsanákes tehiotakwahríhton ne tsi karonhiátes, tánon I꞉i kheriwáwi ratikwé꞉kon ne ratironhiakeró꞉nons.

Joel 1:2

Sewatʼthóntet kí꞉ken, ne titionhkweʼtáhions, sewatahónshatat, sekwakwé꞉kon ne thóh sewaná꞉kere ne tsi watonhontsá꞉ien! Ne nikarihó꞉ten nonhwén꞉ton ken thóh nitsawénhon ne tsi nihsewatenhniseraténions, kesʼne ne tsi nihonathenhniseraténionskwe ne ietsisotʼthonkonhkén꞉en?

Amos 3:2

Tsonhá꞉ʼa khok kwaienterí꞉ne ne tsi niiehwatsí꞉ra tsi ionhontsá꞉te; kwáh ká꞉ti enkwahré꞉wahte tho í꞉kare akwé꞉kon ne sarihwaneraʼáktsheras.

Matthew 24:31

Nok entesakotori ne raoronhiakorononokon, neok nenthatihonraȣate tsi ensakotiiataroroke ne Sakoiataȣen tetsiaronkȣen tsi ieiotonȣentsiokta nihon.

St. Mark 13:27

Entesakotori ne raoronhiakerononokon ensesakotiiataroroke ne raonkȣeta onȣentsiakȣekon teiakorenion.

Deuteronomy 28:64

“Ne Roiá꞉ner kwáh tenhtsisewaréniate tsi ienakerénion nonhkweshón꞉as, ne tsi iehiotonhontioktaníhons, tánon tho nón꞉we nenieʼtsiió꞉tenhse ne nihiohokón꞉as né꞉ne oiénte tánon onénhia ionhniátons, né꞉ne nihiohokón꞉as ní꞉se tánon ne ietsisoʼthonkonhkén꞉en iáh nonhwénton tethiʼtsishén꞉naien.

Deuteronomy 30:4

Iekaní꞉hare tó꞉ka thóh nón꞉we iatetsisewareniáton ne kwáh í꞉non ítken ne tsi iatekahiosáien ne tsi ionhwentsáte, ne Roiá꞉ner SewaNí꞉io enhsehtsisewahiaʼtaró꞉roke ne tahonthatsisewahiaʼténhawe.

Deuteronomy 32:7

“Hionhsasewanonhthón꞉nionf, ne wahón꞉nise tkénhne; ientsihienhokón꞉a ietsiriwanónhtons naieʼtshiró꞉ri tsi nihiawénhen, ietshiriwanónhtons ne rotikstenhokón꞉as naieʼtshiró꞉ri ne tiotohétston.

Deuteronomy 33:29

Israel, tsi nisaʼtsenhnón꞉ni! Iáh nó꞉ia teká꞉ien nahonsaieshaiérenhke, ne nonhkweshón꞉as ne Roiá꞉ner shakoniakénthon. Rahonhatsí꞉wa ne Roiá꞉ner ne satrenhosthákwa ó꞉ni ne shasarekó꞉wa, ne nahonthaniáhne ó꞉ni nahontháhion natesenhniéntshera. Ne tesewatà꞉tsons kwáh enʼthónhne naieshanéken nataniténron, tánon kwáh tensenenstsiáke.

Deuteronomy 4:7

“Iáh nó꞉ia ne thihononhontsá꞉tes, iawerohá꞉tien tohnahatiʼshátsteke, tehotiniʼioserá꞉ien ne thóh nió꞉re tsi ákta aʼrè꞉sehke nó꞉nen tehonwatonhontsó꞉ni tsi ní꞉ioht ne Roiá꞉ner OnhkwaʼNí꞉io nonhkwarihwà꞉ke. Theshonhkwariwaʼsehrakwén꞉nis ne kátke iaʼtsitewanà꞉ton nashonkwahié꞉nawaʼse.