Deuteronomy 4:29 - Ohiatonhseratokénti

²⁹ Thóh nón꞉we entsisewahiaʼtí꞉sake ne sewaNí꞉io, tánon tó꞉ka seweriaʼsakwé꞉kon sewatonhneʼtserakwé꞉kon tsi entsisewahiaʼtí꞉sake, entsisewahiataʼtshénri.

Deuteronomy 4:29 ပူးပေါင်းရင်းမြစ်များ

2 Kings 10:31

Ók kíʼ ne Jehu iáh raweriasakwékon tehotewenhnarákwen ne Roiá꞉ner raʼoianerénseras, né꞉ne Sakoní꞉io Nisraeʼró꞉nonke; khèkok, né wahá꞉sere tsi thontahotenákeraste ne Jeroboam, tsi rahónha iesakosaríhnon Nisraeʼro꞉nons ne karihwanerahakʼtsherákon.

2 Kings 23:3

Né Ronnontí꞉io ákta waʼthá꞉taʼne ne kanontiʼió꞉tshera tsi ronatenahwaháthoʼte tánon waʼiatsanerenhserónhni ne Roiá꞉ner né tsi enhowenhnaʼráhkwahke, tsi enhaʼtiénawasʼte ne raʼoianerén꞉sehras ó꞉ni ne raʼorihwathátsheras kwáh kíʼ raʼwehriasakwé꞉kon ó꞉ni raʼotonnhetsheraʼkwé꞉kon, tánon naʼaiótenste ne karihwaʼnontónhtsheras tsi naʼtekhá꞉ken naʼterihwaseronhniátshera, tsi kíʼ nikahiáton ne kaiatonhserákon. Tánon kwáh kíʼ onhkweʼtakwé꞉kon waʼonráhratsʼte tsi enhiontsénawasʼte naterihwaʼseronniátshera.

2 Chronicles 15:12

Wahontsanerenhserónhni tsi iathotirihwaiéntaʼse tsi enhonwasenhnaiénseke ne Roiá꞉ner, ne sá꞉ko Ní꞉iokwe ne sakotisokthonkonhkénʼens, né꞉ne kwáh roneriasakwékon ó꞉ni ronhnonhnhetserakwékon.

2 Chronicles 15:15

Ratikwékon ne Judahró꞉nons ronatʼtsenhnónhni tsioríhwa tsi kí꞉ken wahontianerenhserónhni né꞉ne kwáh ronerhiasakwékon í꞉ken. Kwáh rohnathonhnáhere tsi ronwasénhnaiens ne Roiá꞉ner, tánon shasahkoiénhna tánon ó꞉ni tashakáwenh ne skénnon ne kwáh tsitnahontahiotserátonhke.

2 Chronicles 15:2

tánon thóh niaháre ne tahiatátʼken ne Asa. Iahonáton, “Takwahtahónsatat, Sanontí꞉io Asa, tánon sewakwáhkon ne Judahró꞉nons ó꞉ni ne Benjaminró꞉nons! Ne Roiá꞉ner ensewakwekónhake ki tsi nikaríhwes ní꞉se ensewé꞉rehke nahisewakwekónhake. Tó꞉ka entsisewahiatíshaʼke, iáh thatsisewaríhon natsisewahiatatʼtsénhri, ók kíʼ tó꞉ka entsisewatswathénien, kwáh kíʼ entsisewatewénhtheʼte.

2 Chronicles 15:4

Ók kíʼ nó꞉nen ne kanikonhrahrá꞉tshera énwaʼwe, thóh nienhontsérahte rahonháke ne Roiá꞉ner, né꞉ne Raní꞉io í꞉ken Nisraeʼró꞉nonke. Wahonwahiatíshaʼke tánon wahonwahiatatʼtsénhri.

2 Chronicles 31:21

Kwáh í꞉ken tsi roianerasténhnisʼkwe, tsioríhwa kwáh tsi nenhá꞉hiotenhse Nononsatokentiʼkówa khés tsi niohtewenhnaráhkwen ne kaianerénhsera, kwáh kí raweriasakwékon thasahá꞉thaʼkwe tsi nihorihwatókenʼne ó꞉ni rosénhnaiensʼkwe ne Raoní꞉io.

Nehemiah 1:9

Ók tó꞉ka akonhá꞉ke nathétese tánon ensenónsthate nakatsawenhráhtsheras tánon thóh nenhséren, é꞉thoʼne kíʼ iawerohátien shé꞉kon ne taiesarehniátonke ne tsi iehioteronhiáte, kwáh ki skátne tsi ensekhehiaʼtaró꞉roke, tánon thóh nienkhehiaʼthénhawe ne tsi tewatenataièn ne wakeráhkwen tsi nón꞉we nakaiénhtake natsénhna.’

Nehemiah 9:27

Ne kíʼwakarihón꞉ni ní꞉se iashehiatsakwaríhsi rononhà꞉ke ne ronwatí꞉shons tánon wahonwatironhiá꞉kente. Tánon thóh tsi tahonhnikónhraren, iathonséntho shonhà꞉ke tánon ní꞉se washehiathón꞉teʼne thóh nón꞉we ne tsi karonhiá꞉tes; tánon ne tahiohianénhawe ne sáwenk atahniténhron ní꞉se tsahshé꞉ion ne sakohiatáhkwas raónha sakonónstahton thóh ronhtsá꞉nakes ne ronwatí꞉shons.

Psalms 119:10

Né꞉ne kwáh akehriasakwékon tsi enkonhiatisáke; tó꞉sa takeríhon nakatewénhthete tsi nisahtsiawenhráton.

Psalms 119:145

Kwáh akerhiasakwékon tsi iakonhnáton; teskerihwasehrákwas, Ó Saiá꞉ner tánon kí enkatewénhnarakwe ne sahtsiawenhráseras!

Psalms 119:2

Iakotaskáts tsi niʼiákon ne iontewénhnaraʼkwe tsi nihorihwawahtáton, tánon tsiakaweriahsakontákwen tsi ronwahiatísaks,

Psalms 119:58

Konrihwanonhtónh꞉nis kwáh kerhiasakwékon naskítenhre tsi kíʼnisarahráts꞉ton!

Jeremiah 3:10

Tánon káti kíʼ norihwahkwékon, Judah, Israel ne iáh tehiorihwahthóken tiathatekénʼa, nék nakénhake í꞉ih nòkwah nahthontha꞉keʼne; iáh tehiorihwahtó꞉ken. Í꞉i, ne Watiá꞉ner, wahkatháti.”

Jeremiah 51:50

“Wáhs tsi nítion ne tsi sehwahniákenʼse nasarehkówa! Tó꞉sa sehwáhtak tánon nahisehwahteró꞉rohke—sehwatèhko tsík sénhak shé꞉kon sewahkwénion! Tsi sehwehiárak ne Roiá꞉ner, iawerohátien tsi aínonh nióre tsohontsáien tisewahnáhkere, tánon tsi sehwanónhshoʼthe ne Jerusalem sewahnonhthonʼniónhet.”

Ezekiel 6:9

Ethòne nónenh ienhonwahnahnakerahkwáhthon tsi ienahkerénions nonhkweshón꞉ʼa ne tsi ionwenhtsáte, kwáh entionkehiárahne. Kwáh enhatiʼiénterehne tsi niwahkenikonhráksens tsi iáh tehonerhiashaʼtóken tánon titkáhere natehénsera ne ratikaráhkes ne tsi nikonhwahnaskáneks nakorénsons kahiathonnisónhas. Ethòne nonàken enhiahónniaʼte kwáh enhontátstion tsewahkwékon ne rahotiriwahnerahháktshera.

Joel 2:12

Iehió꞉he shé꞉kon nón꞉wa, ráton ne Roiá꞉ner, kwáh sewerhiasakwé꞉kon akonhá꞉ke natontásewe, sewenhthón꞉tiet, tánon tesewasénhtho, tánon shewatsiónhnion;

Amos 5:4

Asè꞉ken ne kí aorì꞉wa ne Roiá꞉ner shakohró꞉ris nonhkweshón꞉a ne Israerró꞉nonhke: Takwahiatí꞉sak tánon tiónhnhek;

Deuteronomy 10:12

“Ó꞉nen, ne tsónhkwes ne Israerʼró꞉nonhke, sewatahónshatat tsi nahó꞉ten ne Roiá꞉ner sewaNí꞉io tsi sewariwanonhtón꞉nis: Tsi sewasénhnaien ne Roiá꞉ner tánon thóh naʼsewá꞉ier tsi nihatró꞉ris. Tsi sewanó꞉ronk, tsi sewahiótenhs kwáh seweriaʼsakwé꞉kon,

Deuteronomy 11:13

“É꞉tho káti, sewatewénhnarak kí꞉ken kariwatà꞉tsheras ne thakwawí꞉hon nón꞉wa wenhniserá꞉te; tsi sewanorónhkwak ne Roiá꞉ner sewaNí꞉io tánon seweriasakwé꞉kon tsi tsisewahiò꞉tens.

Deuteronomy 26:16

“Nón꞉wa wenhniserá꞉te ne Roiá꞉ner sewaNí꞉io tsi sewahró꞉ris nahisewatewénhnaraʼkwe akwé꞉kons ne raohianerénhseras; káti sewatewénhnarak tewethakwenhtsérakon kwáh seweriasakwé꞉kon kénhak.

Deuteronomy 30:10

ók ó꞉nenk ki tsi entsisewawénhnaraʼkwe ó꞉ni ensewateweiénton ne rahorihwatà꞉tsheras ne kén꞉en kahiatónhnion ki kahiatonhserá꞉kon ne rahorihonnienhní꞉tsheras. Ó꞉nenk tsi rahonhà꞉ke nienhtsí꞉sewe kwáh seweriashakwé꞉kon kénhak.

Deuteronomy 6:5

Hentsenorónhkwake ne Roiá꞉ner Rawení꞉io tsi sónnhe, akwáh seriasakwé꞉kon, satonhnetsherakwé꞉kon, ó꞉ni sasatstenhserakwé꞉kon.

Joshua 22:5

Iorihwiióhak sewatewénhnarak ne kaianerénhsera né꞉tho Mahís tsi sewarihwatháti: tsi sewanorónhkwak ne Roiá꞉ner Sewaní꞉io, tatsisewaʼnikonhraié꞉rit, sewatewénhnarak ne rahorihwataʼtsheras, sewarihwatokénhak ne rahonhà꞉ke, tánon tsi sewahiò꞉tens kwáh seweriasakwé꞉kon ó꞉ni sewatonnheʼtsherakwé꞉kon.”

1 Samuel 7:3

Eʼthóhʼne ne Samuel waʼsakawénhase kwáh tsi niaʼtekanonsákes NʼIsraerʼronónke, “Tó꞉ka thóh nionshesewenonhátie raʼhonháke ne Roiá꞉ner kwáh tisewerhiasáhaton, kwáh káti í꞉se iasewá꞉ti ne thiʼkaniʼioseráte í꞉ken ó꞉ni ne Astartes ne tsionhá꞉ke. Tesewatókenk ne sawé꞉ri raonháke ne Roiá꞉ner, tánon tsi sewaiótens rahón꞉ha khók kénhak, tánon rahón꞉ha kwáh entsetsisewaʼiatotarísi ne rontsaʼnákes ne Philistine.”