Deuteronomy 4:28 - Ohiatonhseratokénti

²⁸ Thóh nón꞉we kwáh ienietsisén꞉naien ne nihioʼokónhas né꞉ne ónhkwe akotsána ioshahánion, ne nihioʼokónhas né꞉ne ó꞉iente nahó꞉tens ó꞉ni nonénhias nahoʼténsons, ne nihioʼokónhas né꞉ne iáh tekonhtí꞉kens iáh ó꞉ni teionathónhte, iáh thaʼtekonhská꞉hons iáh ó꞉ni tehiotíswahs.

Deuteronomy 4:28 ပူးပေါင်းရင်းမြစ်များ

2 Kings 17:40

Ók kíʼ thí꞉ken onhkweshón꞉as iáh tehontahónsatats, tánon iehothikonthákwen ne ratísehre ne rahotirihwakáions.

Isaiah 26:14

Ne ronenʼhéion iáh tehonónhnhe; ne tsi iothasátahreh iáh thatahonthontkétsko— tsioríhwa tsi sherewáton tánon shehiatónhton, tánon akwékon sarakéwenh ne nahonwenehiarastáhkwahke.

Isaiah 44:11

Satkátho, ratikwé꞉kon ne tonhwanatsʼwanónhne tsi enhonwanatéhaʼte; né rahiaʼtonhnisheʼrónhnis ónkwe khók non꞉néʼe í꞉ken. Ánion kwáh ratikwé꞉kon rontsiaʼtaró꞉rok, ánion tehatítan; kwáh kí enhonateronhniénten, kwáh kí ratiʼkwé꞉kon tsi enhonwanatéhaʼte.

Isaiah 44:12

Né rawistónhni raierontónhnis tánon tehaswenhtawénhres, iehnekonréstha ráts꞉tha tsi raierontónhnis, tánon né tsi nihanenshá꞉saste né ráts꞉tha tsi raristatharihátha; wahathonkárhiaʼke tánon tahioserón꞉nenhte tsi nihasátste, iáh tehanekíra nonékanos tánon waʼthawisénheʼie.

Isaiah 44:9

Ratikwé꞉kon ne ratiʼiatonniseronhniánions kwáh iáh othènon tekariwástha, tánon tsi nahoténsons né꞉ne ronhtsenhnonhniatákwa iáh othènon thaʼtehontentsáhas; né ronwatiriwanirátis iáh tehonkáthos khés nahonateriéntarake. Tánon ká꞉ti kwáh enhonwanatéhaʼte.

Isaiah 45:20

Tesewatatsataʼrórok tánon skát꞉ne sewáton, ákta í꞉sewet, í꞉se ne iatesewataténron tionhontsakeró꞉nons! Iáh teotí꞉ien naʼtokhátshera— né꞉ne tsi niháti ratihawinóntses nó꞉iente raoʼtihiatonhnisónhas, tánon thoʼtikontákwen konwaterenhnaiénhni ne raotiní꞉io né꞉ne iáh thaʼkakwéni naʼhiakonónsthaʼte.

Isaiah 46:7

Wahonhnénhsaren, wahatihawíson, wahatiʼkwahtáko tsi nón꞉we nihionát꞉te, tánon thóh nón꞉we natʼkonwákaste; iáh thaʼónton nahontorhiá꞉neron tsi nón꞉we natʼkonwátaste. Ónhka shí꞉ken iatakonwaséntʼthoʼse, iáh kí tatekarihwasehrá꞉kwas khés nahiaʼkonónsthate ne thénhne tahonanikonhrárahke.

Jeremiah 10:3

Ne rahothiriwiʼiostóntshera kí꞉ken onhkweshon꞉a iáh thènen tehioríhonte. Ne keríhthaʼkwe karontsiákon ne karhákon; né wátston tsi wahkarahtáhkwen tsi nihatstashón꞉a ne óiente rohiótens

Jeremiah 10:5

Nètho kahiatónnis ne tesontiéren ne hionthetorhiátha ne wahiáris kahéthaien; iáh thakontiʼkwéni nahkontáhti; ónenk tsi tenkonwahnaskwénhaʼwe tioríhwa tsi iáh takonthikwéni nahkonténni. Tó꞉sa sektsanísek: iáh thaʼkontikwéni nahieshakaréwahte, tánon iáh thakontiʼkwéni ne thènen ioiánere tsi naheshaʼtiérahse.”

Jeremiah 10:9

Ne raotiʼhiatónnis kwáh thitioróh꞉ron ne kawistaráhken ne ne Spain nónwe nitsawénon tánon ne owistanóron Uphaz né nónhwe nitsawénon, akwékon ne raothihioténseras ne rathirástha; ne kasehronniáton ne tehioterónhionte ne arihwakonnéha ó꞉ni ne arihwakonnéha oniatahrá꞉a ne rothíson ne rohthirennáhon tehatiʼserihiétarons.

Jeremiah 16:13

Éhthoh káti, enkwahiatínekenweh kí꞉ken nónhwe nihionhontsáien thóh ienskwahiaténhaʼwe tsi tionhontsáien ne ní꞉se tánon ó꞉ni ne ietʼtsisotʼthokonhkénʼen kwáh iáh othènen tetionhontsaʼientériʼkwe. Tánon éhtho nónhwe niaʼtekaniʼiosehráhke enietʼtsihiótenseh ne niaʼtewenhnisehráhke ó꞉ni tsi niwahsontésons, tánon kwáh iáh othènen thatiotháshiaʼse nathaniténron.’”

Ezekiel 20:32

Sawatenikonhríson né꞉ne thóh nahisewahiathoténhake tsi ní꞉ioht ne ronátiakes nonhkweshón꞉ʼa, tsi ní꞉ioht nonhkweshón꞉ʼa ne ákte nónhwe tatinahkerahseráien tánon ne rahtisénhnaiens ne karonhtasónhas ó꞉ni nonénhias. Ók iáh kíʼ nonhwénhton éhtho taiáwenhne.

Ezekiel 20:39

Ne Ronhnontí꞉io Roiá꞉ner ráton, “Tánon nónhwa, sehwahkwékon kíʼ Israerʼró꞉nons, Tó꞉ka thóh nisewaskanekseró꞉ten! Wáhs kíʼ ietʼtsihiótens ne sewahiatonhnishónhas! Ók kíʼ wahkwahronhkáten nónhwa kénʼen ienwatásahwenh tó꞉ka iáh taskwahwénhnarahkwe; ók kíʼ naksenhnatokénti iáh shé꞉kon nonhwénhton tahonsehsewahsenhnaiésate ne tsi iaietʼtsítaʼtshe ne sewahiatonhnisónhas.

Acts 19:26

Ónen, káti kwáh iatesewahiáti wesewatʼkátho ó꞉ni wesewatʼthóntene, iáh kén꞉en khók Ephesus tèken nók kwáh thóh wáhtsik nonwéson ne Asia, kí꞉ken rónkwe Kór, tasakonóntonse ó꞉ni iakotsiokowánen wasakoriwaténi tsi nihariwáhsaste nahóten nosnónsa iohiathonniseríson iáh kíʼ niʼioʼokónhas tèken.

Acts 7:42

Káti ne Rawení꞉io ahéren wárete tsi non nihónnes tánon iasakótkaʼwe neh꞉ne ahonsakonwasén꞉naien ne tsi iotsistokwarónnions ó꞉ni ne tsi karonhiáte, kwáh tsi ní꞉ioht tsi kahiáton ne kahiatonserákon ne rotitokénses: ‘Tionkwe Nisraero꞉nons! Iáh i꞉i takenhake nètho í꞉se ietsiʼiateskonte katʼtsenen ne kaiéri-niwásen niʼioseráke tho nón꞉we iahontsiaʼthenhake.

Deuteronomy 28:36

“Ne Roiá꞉ner ieniahiaʼténhawe ó꞉ni ne sanonhtihiótshera nákte nón꞉we tionhontsá꞉ien, ne nón꞉we ní꞉se tánon ne sesoʼthonkonhkén꞉en iáh nonhwénton tsesewanákereʼkwe; tho nón꞉we ne tensehriwásniese ne niʼiohokón꞉as ne oiénte tánon onénhia nahó꞉tens ionhniáton.

Deuteronomy 28:64

“Ne Roiá꞉ner kwáh tenhtsisewaréniate tsi ienakerénion nonhkweshón꞉as, ne tsi iehiotonhontioktaníhons, tánon tho nón꞉we nenieʼtsiió꞉tenhse ne nihiohokón꞉as né꞉ne oiénte tánon onénhia ionhniátons, né꞉ne nihiohokón꞉as ní꞉se tánon ne ietsisoʼthonkonhkén꞉en iáh nonhwénton tethiʼtsishén꞉naien.

Deuteronomy 29:17

Wesewatkató꞉serons ne ioteriwatehashón꞉as rahotihiatonhniʼshón꞉as né꞉ne ó꞉iente ó꞉ni onén꞉ia ionhniátons, kawistará꞉kens, tánon nowistanoronhshón꞉as.

Revelation 9:20

Ne ken iotsétons nonkwehó꞉kons, iáh nenhné꞉e ne teiakononhwarià꞉khon kí꞉kens kariwaiesátsheras, iáh teshonatatrewáton naoioʼténhseras ne ratitsá꞉nakes khéks nahonatsakwahrí꞉shion tsi konwasenhnaiénskwe ranikonra꞉sen ó꞉ni kaiatonhnishón꞉as ó꞉ni owistanó꞉rons tánon kawistará꞉kens ó꞉ni nowásas ó꞉ni nonénhias ó꞉ni noién꞉te, né꞉ne iáh tekontí꞉kens iáh ó꞉ni teionathón꞉te khéks takontekhá꞉hakwe.

1 Samuel 26:19

Ónenh kiʼ nón꞉wa tserí꞉hon natiá꞉ner ne ronnontí꞉io nahothónhte ne raowenhnasónhas ne raonhá꞉tsera. Tó꞉ka raón꞉ha ne Roiá꞉ner wahiónhnien naskatʼkónten, aiá꞉wenhs ahoienkwaráswoh; ók tó꞉kaʼ ónkwe, aiá꞉wenhs ahatiriwaiésha raohén꞉ton ne Roiá꞉ner, asèken wahontiatinékenhwe ne kén wenhniseráte ne ne tó꞉sa othènon ahontiatáhetste ne rahohóntsa ne Roiá꞉ner, ‘rontón꞉nions wáhs, neh teseriwásnies ne thiʼhátite ní꞉ios.’