Deuteronomy 4:27 - Ohiatonhseratokénti

²⁷ Ne Roiá꞉ner kwáh ki tenhtsisewaréniate tsi nihatinakerénions ne tihononhontsà꞉tes, thóh nónhwe toʼkárat kók nítson iaʼtensewatá꞉tere.

Deuteronomy 4:27 ပူးပေါင်းရင်းမြစ်များ

Genesis 11:4

Eʼthó꞉ne wahonní꞉ron, “Ánion kiʼ ó꞉nen kanatowá꞉nen tewatenatón꞉ni, ó꞉ni noʼnikáhtha, ne ne iaón꞉we tsitʼkaronhiá꞉te, ne ne aetewahsennowanénhake ó꞉ni ne ne tóhsa ohontsakwé꞉kon taetewaré꞉ni.”

Genesis 34:30

Eʼthó꞉ne ne Jacob wahshakawènhahse ne Simeon tánon ne Levi, “Taskenihawíhtaʼse ne taonkeʼnikonhrá꞉re ne tsi wahskenónnien naiónkswen ne ratinakerénion tsi ionhontsá꞉te, ne Canaanró꞉nons tánon ne Perizró꞉nons; iáh tewakitiohkowá꞉nen, tánon tó꞉ka enhonnitiohkwaró꞉roke naionkatkón꞉ten tánon aontaionhkatiaʼtón꞉ti, kwáh kíʼ enionkáhtonʼte, tetsá꞉ron Í꞉i tánon nakhwá꞉tsire.”

Nehemiah 1:3

Tánon wahonkénhase, “Tsi nihá꞉ti ne ieteshonathaténron tsi ronwatiiatinekénhen tánon thóh ratì꞉teron ne tsi kanakerahserá꞉ien ne ne kowá꞉nen tsi watkanikónraren tánon atehénsera. Ne tsi tewashón꞉thote nosténra ne tehiokwahtaséhton ne Jerusalem ne tsi tehiorí꞉hon tánon ne tsi iotenhenrentónhnion ioté꞉ken.”

Psalms 106:27

Tánon waʼtesakotiokwahríhten tsi nithonatwaʼtsiríhnon tsi nónhwe nihatinákere nonkweshón꞉has, waʼtesakoré꞉niate ne tsi iohontsakérons.

Psalms 44:11

Thóh naskwahiatóthenhste tsi ní꞉ioht ne teiotinakaronhtónha konwanawentʼthósere, tánon iateskwaréniate natʼtéshon nón꞉we tionhontsaiénton.

Psalms 44:12

Waʼsehiathenhnínon ne shonkwetaʼshónhas skanóskwat tsi níkon iahát꞉kene, iáh tekakarhiakʼtserówane tesarihwaʼnónton.

Isaiah 17:6

Ne ioién꞉en kwáh thóh tewahió꞉taron ohontsá꞉ke, tsi kí ní꞉ioht ne iakeniewátha ne tsi kèhrite ne iakahowákon— tékeni khés ne áhsen niwáhiakes ne kwáh èhʼneken ionátonhte, kaiéri khés wísk niwáhiake shé꞉kon hioienhtón꞉nion ne kwáh tiotenáthate, rá꞉ton ne Roiá꞉ner ne SakoNí꞉io Isareró꞉nonke.

Jeremiah 16:13

Éhthoh káti, enkwahiatínekenweh kí꞉ken nónhwe nihionhontsáien thóh ienskwahiaténhaʼwe tsi tionhontsáien ne ní꞉se tánon ó꞉ni ne ietʼtsisotʼthokonhkénʼen kwáh iáh othènen tetionhontsaʼientériʼkwe. Tánon éhtho nónhwe niaʼtekaniʼiosehráhke enietʼtsihiótenseh ne niaʼtewenhnisehráhke ó꞉ni tsi niwahsontésons, tánon kwáh iáh othènen thatiotháshiaʼse nathaniténron.’”

Ezekiel 11:16

“Káti sehró꞉ri ne sewahthatekenhokónhas ne ronahnakeráhkwen tsi nahó꞉ten kahtónnions. Í꞉i ne iekhehiateniéthon niahatináhkerehke nahínonhʼnióre thatinahnekeréhnion nonhkweshón꞉ʼas tánon iathekhehiareniáthon naktésons tkanahkerahserahkérons. Ethosáne, nónhwa nikaháwis skátke enhiakwésehke ne ionhontsaiéntons tsi nonhwésons niehonénonh.

Ezekiel 12:15

“Nónenh iaʼtekhehiaréniate tsi ratinahkeréhnion nakorénsons nonhkweshón꞉ʼas tánon nakʼthéson nónhwe tkanakerahserahkérons, enhonahteriéntarahne tsi Í꞉i ne Watiá꞉ner.

Ezekiel 20:23

Sók kíʼ ó꞉ia sakaráhratste ne kahentakekówa nónhwe. Wakaráhratste tsi kwáh ohontsakwékonh tsi tenkhehiaréniate.

Ezekiel 22:15

Kwáh tenkhehiaréniaʼte ne shonkwetaʼshón꞉ʼa ne tsi niaʼtekanahkerahsehrákes tánon nonhkweshón꞉ʼa kwáh enhathíhiake tsi niseweienhnáksenhs.

Ezekiel 32:26

“Meshech tánon ne Tubal thóh ronhnes, skátke ne rahonatʼtsathónkwas ne rahononhkwetashón꞉as ronhterí꞉ios tehiokwahtaséhton. Rahthikwékon iakʼtshehonwathiwahrahkwétaron, ratikwékon tsi wahterí꞉io ronhwahthiʼnonhwahrhiakónhnion. Iehioterátston kíʼ sahkothiteronhkwenhníhakwe ne iakónhnhekwe.

Daniel 9:7

Í꞉se Saiá꞉ner ne kaiá꞉neren, ók nonkwatiaʼkéshon tió꞉konte ne ionkwaró꞉ron ne iáh teiotkwéniens. Ne ki ne kwáh eʼtho ní꞉ioht tsi niiátion ne Judah tánon ne Jerusalem nón꞉we niiakwanákere tánon ratikwé꞉kon ne Israerʼró꞉nons tsi niká꞉ien ne aktéshon nón꞉we tionhontsaké꞉rons iaʼtehsheiareniá꞉ton, aktatiéʼshón꞉ʼa ó꞉ni ahinónhshons niió꞉re, ne tsi iáh tehotirihwatokén꞉ne ne sonhá꞉ke.

Hosea 9:17

Tiorì꞉wa tsi iáh tehonwawenhnarákwen, nakeʼNí꞉io ensakokenron kí; kwáh kí enhotinathenhawí꞉son tsi ienakeré꞉nion nonkweshón꞉a.

Leviticus 26:33

Éntsien naterihiósera ne sonháke tánon iatenhkonhiaréniaʼte naktéhson nónhwe tsionhontsaiéntons. Ne sonhontsákes iáh ónhka tahonsaienákereke, tánon ne sanatowánens kwáh enkarihwéntʼthonke.

Zechariah 7:14

Ne teskaieróntahre ne tehioweratá꞉se tahkherahthakwáhte tsi nón꞉we ionhshahathinahkérahte ne thitionhontsá꞉te. Kí꞉ken ne iowenhtsí꞉io kwáh ontkénsthe kwáh iáh ónhka tetienahkeréhkwe.”

Deuteronomy 28:36

“Ne Roiá꞉ner ieniahiaʼténhawe ó꞉ni ne sanonhtihiótshera nákte nón꞉we tionhontsá꞉ien, ne nón꞉we ní꞉se tánon ne sesoʼthonkonhkén꞉en iáh nonhwénton tsesewanákereʼkwe; tho nón꞉we ne tensehriwásniese ne niʼiohokón꞉as ne oiénte tánon onénhia nahó꞉tens ionhniáton.

Deuteronomy 29:28

Tánon káti ne Roiá꞉ner wahotenakwawenhráʼtse, tánon ne kowá꞉nen rahonakwáhtshera é꞉ren washakohiaʼtenhá꞉wite ne rahononhontsá꞉kes tánon thihiohontsá꞉te nón꞉we iashakohiatón꞉ti, tánon tho nón꞉we nihatinákere nón꞉wa wenhniserá꞉te.’

Deuteronomy 30:3

ethò꞉ne ne Roiá꞉ner sewaNí꞉io kwáh entsisewéntenhre. Thentetsisewahiaʼténhawe ne tsi tienakeré꞉nion nonhkweshón꞉a tsi nón꞉we niatetsisewareniáton, tánon kwáh shé꞉kon ensehtsisewakwahtsésten.

Deuteronomy 32:26

Ne Rawenni꞉io wahèn꞉ron, “Kwáh ratikwé꞉kon akhehiatónhtonke, ne káti ne kwáh iáh ónhka tahonsahonwenehiá꞉rake.”