Deuteronomy 4:24 - Ohiatonhseratokénti

²⁴ asè꞉ken ne Roiá꞉ner sewaNí꞉io thóh nihaiaʼtò꞉ten tsi ní꞉ioht ne iotòn꞉kote ne karihwahthontha; iáh teshakoteʼnikonrihióstha ne ronwáhsons.

Deuteronomy 4:24 ပူးပေါင်းရင်းမြစ်များ

2 Kings 24:20

Né Roiá꞉ner tsi nióre tsi wahotenakwawénhratʼtse tsi nòkwah ne Jerusalemró꞉nons ó꞉ni ne Judahró꞉nons kwáh éhʼren washakoiatenháwite ne rahohénton.

Psalms 21:9

Kwáh éhʼtho ní꞉ioht tsi ensahkó꞉thonte tsi ní꞉ioht ne kwáh tehiotsienhanón꞉hiani ne nakwé꞉kon waʼtsahátha nó꞉nenh enhathotási. Né Roiá꞉ner raonakwatierákon tsi iensakotiatanékwane, tánon ótsire enhiakotsatátʼtsahate.

Psalms 78:58

Waʼsakoʼnhákwahse ne Rawenni꞉io ne tsi waʼhonnonniánion ne ietsienharákwas ne thikaniʼiosehrátes áhontste; waʼsakotekhétfase né꞉ne raotiʼhiatonhnisónhas waʼkonhtirihónhni.

Exodus 15:7

Sonwehsenhʼtsheràkon tsi waʼsheʼsénhni ne iesháʼsons ó꞉ni waʼshehiathónte; kwáh íken tsi enshanákwen kwáh tsi ní꞉ioht ne ioʼtsirahtharíhen, tánon ensehiaʼtsiatatʼtsahá꞉te ne iesháson tsi ní꞉ioht ne kawá꞉he.

Exodus 20:5

Tó꞉sa tesewaʼtiáket ahohénton ne kahiatónhni ó꞉ni ieʼtsishén꞉naien, tsioríwa tsi Í꞉i ne Watiá꞉ner Sewaní꞉io wakatekéffen, kherewá꞉tha tsi niháti ne hiónkswens ó꞉ni tsi nienʼhontwaʼtsiríne tsi nióre ne asénhaton ó꞉ni kaieriʼháton niaʼtewateresehráhseʼre.

Exodus 33:3

Thóh nónhwe niahisenonhátie ne iohontsárehsen ó꞉ni iohontsí꞉io. Ók iáh kíʼ Í꞉i tahítene, tsioríwa tsi sewanonhtsistanírons tsónhkwe, tánon nonhtiérenk tsi nihioháses enkwáhthonte.”

Exodus 34:14

“Kwáh tó꞉sa tsénhnaien ne ó꞉ia niʼiohokónhas, asèken ne Roiá꞉ner, raosénhna iotekéffen, kwáh rotekéffen Ní꞉io.

Isaiah 10:17

Naʼoswaʼthétshera ne Israel ótsire ienhwáton, tánon ne Roiataʼtó꞉kenti Í꞉ken otón꞉kwah nènhneʼe; tánon kwáh enhiotéke tánon enwáhtonte ne raohiktaʼshón꞉has ó꞉ni ne raonionhwáhras sewenhnísera khók enkénhake.

Isaiah 30:27

Satkátho, ne raosénhna ne Roiá꞉ner ahí꞉non nió꞉re nitewètha, iotekenhátie ne raonakwáhtshera, tánon kátens tsi nihioienkwáhrote; né rasàke kwáh ne kanánon naterhiatitkóntshera, tánon ne rawenhnáson kwáh né꞉ne watʼtsahátha ótsire;

Isaiah 30:33

Asèken ne iotékha kanátaien wahónhnise tkaweienhnenhtáhon; oriwiʼiohónhwe tsi ne kasahathákwen tsi niʼkaweienhnenhtáhon ne ronnontí꞉io raorihwàke, tanon tsi iontsahatákwah iosónhwes í꞉ken tánon tewatakáron, né ótsire tánon nóiente wé꞉so káien; ne rahonhnísera ne Roiá꞉ner, kwáh né꞉ne iontenatentástha í꞉ken, ne enwatekátakwe.

Isaiah 33:14

Né rotirihwaneraháts꞉kon ne Zion nón꞉we kwáh rotíterons; ne iakohiatiʼshiónkwah ne wahakoiéna ne iáh teotiniʼioseráien: “Ónhka tsi nítsion ahitewakwéni né kénʼen ahitiónnheke ne iakotónhtha ótsire? Ónhka tsi nítsion ahitewakwéni thóh nahiʼtiónnheke ne tsi nénhwe í꞉ken notonhkókon?”

Isaiah 42:8

Í꞉i ne Watiá꞉ner, né naksénhna í꞉ken; natiatanerakwáhtshera kwáh iáh nónka nakóren tethekheʼiáwis, khès naʼkerenhsarónhtshera né satahionkwáhwenhke ne kaiatonhnisónhas.

Amos 5:6

Tsi sewahiatí꞉sak ne Roiá꞉ner ne nahónton ahí꞉tionnheke, khés kwáh é꞉tho nienhénre iensakotsatónhti nonkweshón꞉as tsi ronhnónhshote ne Só꞉se tsi ní꞉ioht notsí꞉re, tánon kwáh enwatsáhate ne Bethel, tánon iáh ónhka taiekwé꞉ni nahonsahiónswate.

Nahum 1:2

Rotekéf꞉fen tánon shakorehwátha Ní꞉io ne ne Roiá꞉ner, ne Roiá꞉ner sakorewátha tánon rotenakwawenhráti; ne Roiá꞉ner sakorewátha ne ronwáhsons sakonákwahse ne ronwáhsons.

Nahum 1:6

Ónhka aiekwé꞉ni taietá꞉ne ohén꞉ton ne ranakwáhtshersa? Ónhka aiekwé꞉ni naionthá꞉katstate ne ioʼtarí꞉hen raonakwá꞉tshera? Ne raoterhiatitkhóntshera tewawéron tsi ní꞉iot ne ótsire, tánon raónha nosténras teorí꞉tons kenk ní꞉was.

Zephaniah 1:18

Sénha í꞉si nón꞉we ne raotiwístas kawistará꞉kens khés ne owistanó꞉rons iáh tkakakwé꞉ni nahiakonónsthate né꞉tho tewenhniséronhte ne Roiá꞉ner raonakwáhtshera; ók onhontsakwé꞉kon ótsire enwatsáhate ne tsi nihotekéfen, asè꞉ken ne enronhniáte ne tsi iehiotókte tenhiotenonhianí꞉tonhke kwáh ratikwé꞉kon tsi nihiákon ienákere ne tsi ionhontsá꞉te.

Zephaniah 3:8

“Ne káti aorí꞉wa, takwahteráhrat” ráton ne Roiá꞉ner, “asè꞉ken ne thóh enwenhniserá꞉teke kwáh thentekʼtane tsi ní꞉ioht ne ronwathonkwetawenhtháton; asè꞉ken tsi natewatiatoréton ne nakheiataró꞉roke nonkweshón꞉as, nakeró꞉roke tsi nionakeráhsera ne ronnontí꞉io ne nahontakawé꞉ron nakenakwáhtshera rohnonhà꞉ke; akwé꞉kon tsi niiotarí꞉hen nakenakwáhtshera kwáh ohontsakwé꞉kon otsiráhke enwát꞉tsa ne tsi niwakatekéffen.

Numbers 25:11

“Ne aoríhwa tsi nahátiere ne Phinehas, iáh kíʼ ónenh tesehkhenakwáhse nonhkweshón꞉ʼas NÍsraerʼronónke. Iáh tehá꞉weron nahothakatsʼtátonke tsi konhwasénhnaien ne thiʼkaniʼioseráte tsi ní꞉ioht ní꞉i, tánon né kíʼ aoríhwa tsi iáh tekhehiathónton nakenakwahtsherákon.

1 Corinthians 10:22

Kahtònʼken ítewehre atsitewahtekéfʼfathe ne Roiá꞉ner? Ítewehre kén sénha í꞉i tewahshásthe tsi ní꞉ioht ne rahónʼa?

Deuteronomy 29:20

Ne Roiá꞉ner kwáh iáh tahonsahonikónhrenhse ne nihionkwetó꞉ten. Khékok, ne Roiá꞉ner ne iotékha rahonakwáhtshera kwáh enkenhtonhkowanáthe ne raonhà꞉ke, tánon akwé꞉kon ne karihwaiesáhtsheras ne kahiatónhnion ne kén꞉en kahiatonhserá꞉kon kwáh enhosénhne tsi nió꞉re ne Roiá꞉ner kwáh thokén꞉en enhothón꞉te.

Deuteronomy 32:16

Ne rahotihiatonhniʼshón꞉as wakarihón꞉ni ne Roiá꞉ner tsi wahathekéfa; ne kariwahétkens tsi nihonatieránion wahonakonhniáthe.

Deuteronomy 5:9

Tó꞉sa tesewaʼtiáket nahotihén꞉tons ne kahiatonhniʼsónhas tó꞉sa ó꞉ni ieʼtsishén꞉naien, asè꞉ken ne Roiá꞉ner sewaNí꞉io roteʼkéfen iáh teshakoteʼnikonrihióstha ne ronwáhsons. Tánon kherewá꞉tha tsi nihiá꞉kon ne iónkswenhs kwáh tsi nió꞉re ne áhsen tánon kaié꞉ri niaʼtewateresehráhseʼre.

Deuteronomy 6:15

Tó꞉ka ensehsén꞉naien nakorénhsons nihioʼokónhas, ne Roiá꞉ner raonakwátshera enthishatiaʼtónhti tsi ní꞉iot nó꞉tsire tánon kwáh thokén꞉en tsi enshathónhte, tiorí꞉wa ne Roiá꞉ner saNí꞉io, ne senikwé꞉kon, iáh teshakoteʼnikonhrihióstha ne ronwáhsons.

Deuteronomy 9:3

Ók nón꞉wa akwáh í꞉se ensewatkátho né꞉tho Roiá꞉ner sewaNí꞉io kwáh sewahénton niénre tsi ní꞉ioht ne kwáh tehiotenonhianì꞉ton iotè꞉kha. Akwáh enshakosén꞉ni tsi nienhénsewe, ne káti ne kwáh ahieʼtsihiatínekenhwe tánon naieʼtsihiatónthe iostó꞉re, tsi ki nihorahrátston.

Hebrews 12:29

tsoríhwa nonkwaʼNí꞉io kwahʼse rahónha ne iotónkoʼte ne karihwahthóntha.