Deuteronomy 4:12 - Ohiatonhseratokénti

¹² Ieʼtshiró꞉ri tsi ní꞉ioht ne Roiá꞉ner waʼtsisewathà꞉rahse ne tsi tiotè꞉kha, tsi ní꞉ioht tsi waʼtsisewawenhnà꞉ronhke ók iáh ki theʼtsisewá꞉ken ne kwáh tsiknahontahiotón꞉hake.

Deuteronomy 4:12 ပူးပေါင်းရင်းမြစ်များ

Exodus 19:9

Ne Roiá꞉ner wahawénhaʼse ne Mahís, “Iotsikeráhtens nónhwe nènhtke tsi enkonhiatóʼrenhne, ne káti nonhkweshón꞉ʼas nahionkewenhnáronhke tsi tehionkeníthare tánon entiésehtaʼkwe ne kénʼen enhiotiéthe.” Ne Mahís wahó꞉rori ne Roiá꞉ner nahó꞉ten nonhkweshónʼ꞉as tsi wathatiriwaʼsehráhko,

Exodus 20:22

Ne Roiá꞉ner wahorihónten ne Mahís nasakoró꞉ri nʼIsraerʼró꞉nons: “Wesewakʼká꞉tho tsi ní꞉ioht Ní꞉i, ne Watiá꞉ner, waʼkwahthárahʼse ne karonhiáke nonhtáwe.

Isaiah 30:21

Nó꞉nenh sehseweientetákwen nòkwahti nienhése khés ne sehsenokwáhti, tsi tesahontakáronhte enkawenhnáronhke ne sahnáken, watónhnions, “Kén nónh꞉we nihiohá꞉te; ne sathahíta.”

Isaiah 40:18

Ónhka ká꞉ti tahontatsiaʼteniénhtenste ne Rawenni꞉io, khés onhnahiotón꞉hake tsi tashé꞉ron ne rahónha?

Isaiah 40:3

Nowénhna tonʼtahiohénrete: “Thóh nahonwetsiaʼthénhake tsi sewahahaʼserónhnien ne Roiá꞉ner, sewatakwahríhsi thóh nahonwentsiaʼthénhake né iohahowánen né raorihwàke nón꞉kwah Ní꞉io.

Isaiah 40:6

Nowénhna watón꞉nions, “Tesahénret!” Tánon wakí꞉ron, “Onhnahó꞉ten aoriwàke tsi takaséntho?” Onkwetaʼkwékon seh óhonte nahatiʼiatótens, iáh sénha tatehatiwiʼshatsʼte tsi ní꞉ioht tsi iotsítsionte ne kahentàke.

Numbers 12:8

Káti ne tenhiakenithá꞉ren kwáh kíʼ tehiatsiaʼtatkonhsakánere, tshiehióken tánon iáh tekarihwaséhton; kwáh ó꞉ni rotʼkháton tsi nitieronhtó꞉ten! Tsi nishaʼnikonhraʼtsháni tsi nitsiatkónte nakenáhtsera Mahís!”

Matthew 17:5

Sekon ok nihotaratie teiotsikerathe ȣahakorhoroke nok eh takaȣenninekenne, ȣaton: neh kehikenne Riienha Rinoronkȣa onȣe hetsiseȣataonsatat kati.

Matthew 3:17

Nok Karonhiake oni tahaȣenninekenne, ȣahenron: nehne Riienha rinoronkȣakoȣa, rahonhake ȣakien nakenoronkȣasera.

Matthew 3:3

Aseken onen ȣaraȣe; ne rotonhakȣe tsi raȣen ne Rotokensehakȣe Isai: Kenhni haȣennoten ne karhakonson raȣennotaties, ratonnes: hetsiseȣahaaseronnien ne Roianer, tsionniarakȣenhaton tsi rohatenion

Deuteronomy 10:4

Ethò꞉ne ne Roiá꞉ner é꞉tho ostèn꞉rakes wahahiatón꞉nion kwáh ne sakawénhnas tsi nitiotónhne ne tiotierénhton, ne oié꞉ri nikaianerenserákes tetsisewá꞉wi nó꞉nen shatsisewathá꞉rase ne tsi tiotè꞉kha ne sonhtontié꞉renhte sehsewatiaʼtaró꞉roke ne tsi iononhtáhere. Ne Roiá꞉ner tahá꞉kon nostèn꞉ras,

Deuteronomy 4:11

“Ieʼtsiró꞉ri ne ieʼtshihienʼokónhas tsi ní꞉ioht tsi iahí꞉sewe tánon iaʼtisewá꞉taʼne ne tsi iononhtaientà꞉on né꞉ne ioterorokstòn꞉ne ne ká꞉tens oʼtsá꞉tas ne kaienkwaraʼhóntsi tánon iotsiró꞉te tsi nióre ne tsiʼtkaronhiá꞉te.

Deuteronomy 4:13

Waʼtsisewahró꞉ri tsi ní꞉ioht tsi ó꞉nenk tsi ensewateweiénton ne ateriwaʼseronhniá꞉tshera ne tsi sewasenhén꞉ni—ó꞉nenk tsi ensewatewenhnarà꞉kwe ne oié꞉ri nikaianerenserakes, tsi nónhwe nihohiatónhnion ne tekentstèn꞉rake.

Deuteronomy 4:15

“Nó꞉nen ne Roiá꞉ner shaʼtsisewathárahse ne tsi ioʼtónkote ne tsi ionónhte ne Sinai, iáh tetsisewá꞉ken ne raónha. Asè꞉ken ní꞉se sewariʼwà꞉ke, káti, orihwihioʼtsón꞉ni

Deuteronomy 4:33

Ónhkak ken nónhkwe ahiakónhneke nó꞉nen sahonathónhteʼne ne Rawenni꞉io tsi teshakothará꞉ni notsenhó꞉kon, tsi ní꞉se ní꞉ioht?

Deuteronomy 4:36

Wahtsisewaríhon naʼtsisewawenhnáronhke tsi karonhiá꞉ke nonhtá꞉we ne ká꞉ti natsisewarihón꞉nien; tánon kén꞉en ohontsà꞉ke waʼtsisewarí꞉hon nahisewatká꞉tho ne iotokénhti raotónhkwa, tánon thóh nón꞉we nonhtá꞉we tsi watsisewatháhraʼse.

Deuteronomy 5:22

“Ne kí꞉ken natiawenhrátseras ne Roiá꞉ner sewakwé꞉kon thetsisewá꞉wi ne shisewatiaʼtaró꞉ronhne ne tsi tionónhte. Nó꞉nen sahatá꞉ti ne kwáh kawenhnowá꞉nen tsi iotòn꞉kote nón꞉we nonhtá꞉we ó꞉ni katsiʼkerá꞉tens nón꞉we nonhtá꞉we, tahatkà꞉we kí꞉ken owenhnaʼsónhas tánon iáh nó꞉ia tè꞉ken. Ethò꞉ne ó꞉nen tekenstèn꞉rake nón꞉we nahaiatón꞉nion ó꞉ni tahá꞉kon.

Deuteronomy 5:4

Thóh tsi tionónhte ne Roiá꞉ner waʼtsisewatháhraʼse kwáh tsi nitisewatierà꞉ton tsi iotòn꞉kote nón꞉we nonhtá꞉we.

Deuteronomy 9:10

Ethò꞉ne ne Roiá꞉ner tahá꞉kon ne tekenstèn꞉rakes róston né꞉ne thóh nónh nihohiaʼtón꞉nion ne kwáh raónha ratsaʼnáke né꞉ne tsi nahó꞉ten tsisewahró꞉ri ne tsi iotè꞉kha nitsawé꞉non né꞉ne tewenhniserá꞉tehkwe ne sehsewatiaʼtaró꞉roke ne tsi tionónhte.

Colossians 1:15

Kerístos ne kwáh rohiatáken teskaierontáre ne iáh tehohiatáken Ní꞉io. Raónha ne tohenton rawenhnakeraton tsi nahoʼténsons kasahánion.

Hebrews 12:19

Tsi nenwahtewennóten ne iehonrahwátsta ó꞉ni tsi nenhiakothóntene nowennasónha. Nónen nónkwe iakothonthéʼon nowénna, waheʼnéken ne tóh꞉sa shé꞉kon ahonsaiakothón꞉teʼne,