Deuteronomy 4:10 - Ohiatonhseratokénti

¹⁰ tsi nihioʼtónhne ne tewenhniserá꞉teʼkwe raohénton ne Roiá꞉ner waʼtesewá꞉taʼne ne sewaNí꞉io ne tsi tionónhte ne Sinai nó꞉nen sahá꞉kenhse, ‘Ietsihiaʼtaró꞉rok nonhkweshón꞉a naʼkénton. Tewakatonhontsóni nahonaʼthontè꞉ne tsi nahó꞉ten wá꞉tien nakí꞉ron, ne ká꞉ti ne kwáh ahatiweientéʼtaʼne naionkewenhnaráhkwe kwáh tsi nikarí꞉wes enhonʼnónhneke tánon ká꞉ti kwáh ashakotirihón꞉nien ne sakotihioʼonkónhas ne thóh nónhne nahatí꞉iere.’

Deuteronomy 4:10 ပူးပေါင်းရင်းမြစ်များ

Genesis 18:19

Iáh, asèken ráonha riiaʼtarákwen, né katí nahshakorihónnien ne shakoioʼokón꞉ahs tánon tsi nienhathwatsí꞉rine ne nahonteweién꞉ton tsi nihorihó꞉ten ne Roiá꞉ner thóh níʼhatí꞉iehr nahó꞉ten né tkarihwaié꞉ri tánon né kaiánerenʼn; né ká꞉ti naón꞉ton né Roiá꞉ner naontaháhawe tsi nahó꞉ten rohrharatstén꞉ni nʼAbraham.”

Psalms 145:4

Ne tsi ratiwatsiratátie kwáh tehontenonhweráton ne sahiothénseras tanon nonàken tahatiwatsiratátie, tánon enhontʼró꞉ri ne iorihowánen sahiothénhsera.

Exodus 19:1

NIsraerʼró꞉nons èhren sahonhnéthe ne Rephidim nónhwe, tánon sonthontenhniseratiéʼrente ne asenháton siwenhnitaʼkéhaton né nónen sathethotihiakénʼen ne Egypt iahónhneʼwe ne kahentaʼkekowàhne ne Sinai. Thóh nónhwe nahonthatoʼsehróten tsi iononhthaientáhon ne tsi ionónhte ne Sinai,

Exodus 19:11

tánon sewathateʼweienhnentaʼhónhak nó꞉ia ientsiórenhne. Né wenhniseráhthe tsi ionónhthe ne Sinai tenkaʼtàsenhthe, tsi nónhwe ratiʼkwékon nonhkweshón꞉ás enhiónkʼken.

Exodus 19:16

Noʼronhkené꞉ha ne asenháton niwenhniserakéhaton iowéren ó꞉ni tewanineʼkarahwánions, katsiʼkeráhtens wahoʼkètoʼthe ne tsi iononhtáhere, tánon kwáh íken tsi iorahkaréni ne iehonrawátstha onhteʼwenhnóten. Kanenhrakwékon ne ronahthatoʼsehrótons wahoʼtihiatísonhʼkwe tsi nahonateronhiénten.

Exodus 19:9

Ne Roiá꞉ner wahawénhaʼse ne Mahís, “Iotsikeráhtens nónhwe nènhtke tsi enkonhiatóʼrenhne, ne káti nonhkweshón꞉ʼas nahionkewenhnáronhke tsi tehionkeníthare tánon entiésehtaʼkwe ne kénʼen enhiotiéthe.” Ne Mahís wahó꞉rori ne Roiá꞉ner nahó꞉ten nonhkweshónʼ꞉as tsi wathatiriwaʼsehráhko,

Exodus 20:18

Nónen nonhkweshón꞉ha sahakothónteʼne tsi iowèren ó꞉ni ne iehonrawátstha tsi nihiorahkaréni tánon wahontkátho tsi natewanineʼkarahwánions tánon tsi natehioienkwaráhien ne tsi iononhtáhere, wahakohiatíshonhkwe tsi nahakóteronhne tánon ahʼínon nióre thontahatítaʼne.

Exodus 20:20

Ne Mahís wathariʼwaserako, “Tó꞉sa sewá꞉teronhk; ne Rawenni꞉io nèkse aoríwa tá꞉hre natsiʼsewateniénten tánon natsiʼtsiónhnien nahtsiʼsewawenhnaráhkwahʼke, ne káti ne tó꞉sa ahisewariwá꞉nerahke.”

Ecclesiastes 12:13

Ethohʼsáne, énskak khók tsi nahó꞉ten aiaiéron: Etsenhnaiénsek ne Rawenni꞉io, tánon satewénhnarak ne raoriwahtátʼtsheras, tsioríhwa tsi né ahoríwah hionkhihiatishaháton.

Isaiah 38:19

Né꞉ne iakonnheónwe, né iakonnheónwe, né teiesanonwerátons, tsi kí nikatiéra nón꞉wa wenhniseràte; kaníseras enhonwatiʼtokáhten ne ratiksaʼokónhas ne sarihwatokentítsheras.

Luke 1:50

Nok ne Raotanitenrasera enȣatatie tsi nenȣe enhieȣatsiratatie ne ronȣatsanise.

Deuteronomy 11:19

Ietshihienʼokónhas ietsirihonnienhní꞉tak. Sewatharákwak nó꞉nen sewanonskónhsons sewenhterón꞉ton tánon nó꞉nen sewahiakén꞉en, nó꞉nen sewatorí꞉shen tánon nó꞉nen sewahioʼténion.

Deuteronomy 12:1

“Ne kí꞉ken ne kaianerénhseras nahisewatewenhnarákwake né꞉ne kwáh tsi nitsónhnhes ne tsi ionhontsá꞉ien né꞉tho Roiá꞉ner, ne Sakoní꞉io ne sewasoʼtsheraó꞉kons, ne tetsisewá꞉wis. Ietsihiaʼtahónsatat!

Deuteronomy 14:23

Ethò꞉ne iaʼsewáhaf noierí꞉haton ié꞉ken ne sewanátsias, nonenharaʼtasehontsherá꞉keri, tánon ne iakeniewátha kén꞉ie, tánon ne tiotierénhton ionatewì꞉raien ne tionónhskwarons, teiotinaʼkarontón꞉a, tánon ne kaiaʼtákeras, Ísewak kí꞉ken kákhwa ó꞉ni noʼwá꞉rons ne tsi nihietsiʼiawénhton ne katshénens ne nón꞉we. Ne kí꞉ken ensewarihónhnien ne tió꞉konte atsisewakweniénstake ne Roiá꞉ner sewaNí꞉io.

Deuteronomy 17:19

Kí꞉ken kahiatónhsera rahiatákta nón꞉we tió꞉konhte nakénhake tánon nahawenhnanót꞉thake kwáh tsi nirónhnes, ne káti nahaweientè꞉taʼne nahokweniénsthake ne Roiá꞉ner tánon nahatewenhnarákwahke ahoriwatokénhake orihwakwé꞉kon tsi niwakró꞉ris né꞉tho.

Deuteronomy 4:9

Sewatatenʼnikónhraren! Oriwí꞉io tsónhni tsi iáh thahonsesehwaʼnikónhren, kwáh tsi nikarí꞉wes entsónhnheke, tsi nahó꞉ten wesewatkátho ne kwáh í꞉se sewakarà꞉ke. Ieʼtshiró꞉ri ne ietshiʼienhokón꞉as ó꞉ni ne ietsihiatereʼokónha

Deuteronomy 5:2

Ne tsi tionón꞉te ne Roiá꞉ner Onhkwaní꞉io wahaianerenhserón꞉ni,

Deuteronomy 5:29

Tó꞉ka shí꞉ken tió꞉konte ki é꞉tho nahonhnonhoténhseke! Tó꞉ka shí꞉ken tió꞉konte aiontkweniénstake tánon akwé꞉kon ahontewenhnaráhkwake nakeriwatà꞉tsheras, káti norihwakwé꞉kon tsiahioiánerenhne ne raotirì꞉wake ó꞉ni tsi nienhontwatsí꞉rine tsi nénhwe.

Deuteronomy 6:2

Tsiniʼkarì꞉wes enshón꞉nheke, ní꞉se tánon tsi nienhsatwatsí꞉rine natsisewakweniénstake ne Roiá꞉ner sewaNí꞉io tánon akwé꞉kon sewatewénhnarak ne raoianerénhseras né꞉tho tkwáwis, ne naónton ne karí꞉wes ne thóh nón꞉we niʼionwénhtsaien nahitiónheke.

Deuteronomy 6:7

Tánon sewatsteniáron ne ietsirihón꞉nien ne ietsihienokónha. Ne sewathará꞉kwak ne sewanonskónhsons ó꞉ni nó꞉nen kák nón꞉we niesewè꞉non, ó꞉ni nó꞉nen sewatorí꞉shen ó꞉ni nó꞉nen sewahiò꞉te.

Hebrews 12:25

Shatatenhnikónrahʼrak, káti, tóh꞉sa shatarónti natiatahónsatathe tsi nikáien ne róthaʼre. Tsi niháti nenhontarónti nahonwahtahónsatathe tsi nithohtkáwenh ne Rawenni꞉io raoteriwahnotáhtshera ne tsi ionwentsiáte iáh tehothiniakén꞉en. Thóh ní꞉ioht tsi sénha káron nahitewahniákenʼne, káti, tóhkaʼ entsitewahtaróntiense tsi nikáien ne karonhiáke nónwe thathá꞉re!

Revelation 19:5

Tánon thóh anitskwárahne nontontewenhní꞉ne watónnions, “Teonwanonwerá꞉ton nón꞉kwa Ní꞉io, shewakwé꞉kon ne raonhatsherashón꞉as, tánon ratikwé꞉kon ne ronwatsánis, kénk nahiesenhnáske ó꞉ni nahiesennhowá꞉nenhake.”

1 Samuel 12:24

Nek khók tsi tskweniénsták ne Roiá꞉ner, tánon tetieriwásnies sariwatokénhak kwáh serhiasakwékon kénhak; asèken tetiatóret tsi nahoténsons ne iorihowá꞉nens tsi niʼiatieráse.