Deuteronomy 34:3 - Ohiatonhseratokénti

³ nenhtiené꞉sons nokwá꞉ti ne Judah; ó꞉ni ne tsi kahenthakwénhrare ne iéwas tsi nió꞉re ne Zoar ó꞉ni ne Jericho, né꞉ne tsi kanatowanèn꞉ke ne ioneratésons ioteronhthón꞉ni.

Deuteronomy 34:3 ပူးပေါင်းရင်းမြစ်များ

Genesis 13:10

Tánon né Lot wahatahrakétsko, tánon wahatkáhto né Jordan aonhráhkwakon tsi niwé꞉so iohné꞉kaien né kwáh tsiʼk nonwéhson tsi kíʼ ní꞉ioht ne tsi kahéhtaien ne Eden né Roiá꞉ner róhson, tsi kíʼ ní꞉ioht ne tsi tiohontsá꞉ien né Egypt, ne tsi nieiawé꞉non ne Zoar; né kíʼ nohén꞉ton ne Roiá꞉ner saháhtonʼte ne Sodom tánon ne Gomorrah.

Genesis 14:2

Kí꞉ken ronhtinontí꞉ioʼs wahonterihiosehrón꞉ni skátne ne ronhnontí꞉io Bera né Sodomró꞉non, né ronnontí꞉io Birsha né Gomorrahró꞉non, né ronnontí꞉io Shinab né Admahró꞉non, né ronnontí꞉io Shemeber né Zeboiimró꞉non, tánon ne ronnontí꞉io ne Bela nónhwe (né shahotihsén꞉na ne Zoar).

Genesis 14:8

Ethó꞉ne ne rontinontí꞉io ne Sodom, ne ronnontí꞉io ne Gomorrah, ne ronnontí꞉io ne Admah, ne ronnontí꞉io ne Zeboiim, ó꞉ni ne ronnontí꞉io ne Bela (né꞉ne, Zoar) iahatiiá꞉kenʼne tánon wahonwatinenhrahserón꞉ni ne raononkweʼtaʼshón꞉ʼa ronterí꞉iohs ne nahonterí꞉io thóh aonhráhkwakon ne Siddim

Genesis 19:22

Ók tesasteríhen! Satèko! Iáh thaón꞉ton ne ohthé꞉nen nátiere tsi niió꞉re iénhsewe neh nónwe.” Tiorí꞉wa ne Lot tsi kenʼk nikanà꞉ta ronaʼtónhkwen, neʼthó kaná꞉taien ne konwanaʼtónhkwa Zoar.

2 Chronicles 28:15

tánon ká꞉ti kí꞉ken kaiéri nihá꞉ti né wahonwatihiatará꞉ko ne tashakotiriwásnieʼse ne ratinó꞉tonhkwe né nahonwaʼnatʼtsheronhniákon ne kanénhskwen. Waʼhonwanathakwénion ká꞉ti ó꞉ni ne hionrashithorókstha náhonste, iatekaiéri tsi nahonwatínonte ó꞉ni wahonwatinekánonte, tánon iakeniekwáhtha kénhie wahonwenhneienáro tsi nón꞉we nihotikarewátons. Tsi nihá꞉ti ne sóh꞉tsi rotikára ne takhésons niahónhne tewahón꞉tes né wahontishá꞉ten, tánon kíʼ ratikwé꞉kon ne ratinó꞉tonkwe Judean nón꞉we nionsahonwatiʼiaténhaʼwe né꞉ne Jericho kanakerahserákon, né꞉ne kanatowanénhke nón꞉we nikaronhtó꞉tonskwe ne ioneratésons. Ethòne kíʼ ne Israerʼró꞉nons sahonténhti Samaria nionhsahónhne.

Numbers 34:3

Nenhtiéne nokwáhti nienhénwe thóh tenhtewaténhti ne karakonhkó꞉wa ne Zin nónhwe enhiósehre tsi karistatátie ne Edom. Thóh entewatáhsawenh tsi tkarakwínekens nokwáhti né꞉ne entiéne tsi iehiótʼte ne Dead Sea.

Judges 1:16

Ne tsi tahawatsiratátie ne Mahís né rawenón꞉sa, né꞉ne Kenró꞉non, wahonteró꞉sen nonhkweshón꞉as ne Judah ratinákere tánon Jericho niahónhne, né꞉ne tsi kanatowanénke ne ioteronhtónhnis ioneratesons, iathonʼnót꞉kaʼwe nʼonakerasheróskon nenhtiéne nokwáhti ne Arad né Judah nónhwe. Thohʼnónhwe iahontená꞉thaien skát꞉ke ne Amalekró꞉nons.

Judges 3:13

Ne Eglon ne washakotsiátarase ne Ammonró꞉nons tánon ne Amalekró꞉nons; wakonhwasénhni ne Israel tánon wahontsénawasʼthe ne Jericho, né꞉ne tsi kanatowanénhke ne ioneratésons karonhtó꞉tons.