Deuteronomy 33:2 - Ohiatonhseratokénti

² Ne Roiá꞉ner tsi ionónhte ne Sinai nón꞉we nonhtá꞉re; thóh ní꞉ioht tsi tahoké꞉tote tsi ní꞉ioht ne tahiorakwinekenhenhátie é꞉neken ne tsi ionónhte ne Edom tánon tsi tionónhte ne Paran nón꞉we thontashakoswaʼthé꞉ten ne rahonkweʼtashón꞉as. Oié꞉ri tewenhniaweheʼtseráhsen niháti ratironhiakeró꞉non ratikwekonhátie, iotsiró꞉te ne saweienthethákwen.

Deuteronomy 33:2 ပူးပေါင်းရင်းမြစ်များ

1 Kings 11:18

Midian nónhwe tahonthénhti Paran niahónhne, thóh nónhwe thó꞉ka niháti ronónhkwe wahonhwanatsátarahse. Ethòne Egypt niahónhne tánon ronhnonhtí꞉ioʼke niahónhne, rahónha wahahóntsion ne Hadad tánon ó꞉ni kanónhsa tánon wahoiéritʼtse ne ká꞉khwah.

Psalms 50:2

Zion nón꞉we nitewétha, né꞉ne iekaiataiéri ioràse, Né Rawenni꞉io thóh natehoswát꞉te tsi ní꞉ioht ne karákwah.

Psalms 68:17

Né꞉ne sóh꞉tsi iawetowánen nahiónsehte nontsiónkwas kásehres, né꞉ne tó꞉ka natewenhniawehetserásens nikasehrétakes, ne Roiá꞉ner Sinai nón꞉we nontare tsi iahatáwehiaʼte ne Raononsatokentíke,

Psalms 68:18

Onotoharakénhiaʼte niahá꞉re, ronatsokowánen sakohiatenháwi ne ratinótonkwe; waʼhaienásehron nathatawítseras tsi nahonwahwí꞉hon ne ronhnerhiasanírons, né nahónton nètho Roiá꞉ner Rawenni꞉io thóh nón꞉we nahenterónhtake.

Exodus 23:20

“Kwáh enthihiaténienthe rahronhiakeró꞉non naiahéntense nahontaʼhiáʼne tsi natensatʼtháhakwe tánon tsi ienʼiaʼiaténhawe tsi nónhwe tsi niwatenátaien ne wakeweienentáon.

Daniel 4:13

“Tsi náhe né kanonhtonniónkwas, tsi nahò꞉ten waʼkatkáhtho, raronhiaʼkehró꞉non wahí꞉ken tahoʼtsnenhtonhátie karonhiá꞉ke, kwáh rotateweiennentáʼonʼ ó꞉ni tehatkahthónnions.

Habakkuk 3:3

Ne Rawenni꞉io tsi tiohontsá꞉ien ne Edom nón꞉we nitawè꞉non, né Roiatatokénti Rawenni꞉io tsi ionontahrónhnion ne Paran nón꞉we nonhtahawenonhátie. Raohiatanerakwáhtshera iororókston ne tsi karonhiá꞉tes, né iakahonhnién꞉nis niakahontsakwé꞉kon nonkweshón꞉a tahonwanonwerá꞉ton. Selah

Numbers 10:12

tánon Nisraerʼró꞉nons tahontáshawen waʼthontʼtháhakwe èhren shaʼhónhnete ne iahonwenhtsaʼthènke ne Sinai. Notsíkere thóh iatʼkátane né kaʼrakonhkówa ítken ne Paran nónhwe.

Acts 7:53

I꞉se tionháhas sewaienáhon ne Rawení꞉io rahoʼianerénsera, tsi nithonakʼkáwen ne ratironhiakerónons—sékon kíʼ nòn꞉ne iáh tesewatewennarákwen!”

2 Corinthians 3:7

Ne Mahís raoianerénhsera ne khók nen né꞉ʼe tkaháskwe, tánon karihwahnirátskwe ne kenhé꞉ion, iaweronhátien tsi otstenhrà꞉ke nón꞉we ni kahiá꞉ton tánon tsi ionkwaiená꞉ʼon kwáh í꞉ken tsi iohnéhrakwat. Shé꞉kon kiʼ nen né꞉ʼe ne kaianerénhsera waʼkakwé꞉ni ne Mahís tahokonhsastarathé꞉te. Sótsi teioswáthe, ne Israerʼró꞉non iáh tehotikwénion ne iahonwatkáhtho, iaweronhátien tsi iahontahsò꞉ko ne kaiaʼtanehrakwáhtshera.

2 Corinthians 3:9

Tóka kaianerenhserí꞉io ne oianerenhseraká꞉ion iaweronhátien tsi tkáhas ne kenhé꞉ion nok ne á꞉se aterihwahseronniáhtshera sénha ioiá꞉nere ne tsi sénha watié꞉sen tsi enhshonkwaié꞉na ne Rawenni꞉io.

Galatians 3:10

Nók tsi niʼiákon neh ieniahésen ne kaianerénsera ahonsahiakokwatákwaʼse tsi natehóntere ne Rawenni꞉io neh sakorewatákwa, asèken tsi niwáton noriwatokénti, “Rawenni꞉io shakorewátha nónhka ne iáh orihwakwé꞉kon tehiontewenhnaráhkwa ne Rawenni꞉io raoianerénhseras ó꞉ni ne rahorihonhnienʼní꞉tsheras.”

Galatians 3:19

Nahóten káti, iorihontákwen ne Kaianerénsera? Iekaiéston neh nakakwatáko tsi awénesthe nahóten nenne naʼterientawenrhétsera, tánon neh iekentónʼon tsi enkátake tsi níóre nètho Kerístos, ne tsi nithotʼwatsirínon ne Abraham énrawe, tsi nikáien ne rahonháke nón nihiónni tsi niwarahrátston. Rawenni꞉io rathironhiakerónons tasakáwen ne rahohianerénseras nahontahónhion ne Mahís, neh tsi rahónha tehariwákʼkhaskwe tsi natehónteron ne Rawenni꞉io tánon ne onkwesónhas.

Galatians 4:24

Kíʼ oriwasónhas naʼiakonikonraiéntaʼne tsi kwáh neh saoríwa: nók tethewatenienténston teioriwákes ne Rawenni꞉io rahoteriwaseronniátseras. Hagar, neh iakotátiase ne tionontáhere Sinai thoʼnónwe tiotásawe nónkwe ienáskwa wahónton tsi nòkwa ne kaianerénsera.

Deuteronomy 5:22

“Ne kí꞉ken natiawenhrátseras ne Roiá꞉ner sewakwé꞉kon thetsisewá꞉wi ne shisewatiaʼtaró꞉ronhne ne tsi tionónhte. Nó꞉nen sahatá꞉ti ne kwáh kawenhnowá꞉nen tsi iotòn꞉kote nón꞉we nonhtá꞉we ó꞉ni katsiʼkerá꞉tens nón꞉we nonhtá꞉we, tahatkà꞉we kí꞉ken owenhnaʼsónhas tánon iáh nó꞉ia tè꞉ken. Ethò꞉ne ó꞉nen tekenstèn꞉rake nón꞉we nahaiatón꞉nion ó꞉ni tahá꞉kon.

2 Thessalonians 1:7

tánon ént꞉hion naisatʼrákwase tsi nítion ne sewahronhiáken ó꞉ni nonkwahtiakhéson. Thó꞉ne kíʼ thóh nenháiere nónen ne Roiá꞉ner Ié꞉sos éntʼtho kéh꞉thote tsi karonhiáte skát꞉ke ne rotisatsʼtenserowáhnen raoroniakerononʼókons,

Hebrews 12:20

tsoríwah tahonthónhneke tsi naiáwenhne ne rotennáhʼon, “Tóhka ne kário tsi tionontáhere niénwe, ónenk tsi enkonwahnenʼhióiake tsi ienkénheie.”

Hebrews 2:2

Naʼterihwahnotátshera tonwahnáwi ne ietʼtisoʼthonkonhkén꞉en iawené꞉on norihwí꞉io akénhake, tánon tsi niháti ne iáh tehotísheron tóhka ó꞉ni ahonatewennarákwen rotiʼiená꞉on ne karewahtátshera tsi naʼtehonathéntion.

Jude 1:14

Raónha ne Enoch, ne tsatákhaton nierate tsi nitotʼwahtsirínon ne Á꞉ton, raʼonha ki iehoriwáken tsi nenhothiʼiatawe: “Ne Roiá꞉ner entesakoʼiaténhawe ne kwáh thó꞉ka niwenʼniawehetsheráhsen ne ronatiokowánen rahoronhiakerónons

Revelation 5:11

Ethò꞉ne watkatkathón꞉nionwe, tanon wakhewenhnáronke ne ronatiohkowá꞉nen ratironhiakeró꞉nons tehotihonwarón꞉ni tsi wanitskwaratseróte tánon ne ronhnonhé꞉nion kários tanon ne rotitstenokónhas; thóh niʼonatiohkwá tsi ní꞉iot ne mirihons tánon thóka natekaiáhseres ne tewenhniaweheʼtseráhsens,