Deuteronomy 32:8 - Ohiatonhseratokénti

⁸ Nó꞉nen ne Rawenni꞉io ne naonhà꞉a tháshatste tsi ní꞉ioht nakorénhson nihiohokón꞉as, wasakahontsawí꞉hons ne niaʼteiakahontsà꞉kes. Waharakwenhá꞉ton tsi nonwéhson nahienákereʼke. Thasakowí꞉hon ne sohthitiokwà꞉tsons nahotinihioseraién꞉take,

Deuteronomy 32:8 ပူးပေါင်းရင်းမြစ်များ

Genesis 10:15

Ne Canaan ráonha kaʼníhsera wahá꞉ton tsi nonkwá né Sidon ne ne thakowá꞉nen roién꞉ʼa, tánon ne Heth,

Genesis 10:25

Ne Eber tékeni tehonekenhteronʼtsheraién꞉takwe: shaiá꞉ta ne roién꞉ʼa Peleg ronwá꞉iatskwe, aseʼkénh ne sihotenhniseraténionʼskwe teiakonitiohkwakkháhshion ne tsi ionhwentsá꞉te; ne iatateʼkén꞉ʼa Joktan neʼ ronwá꞉iatskwe.

Genesis 10:5

Japheth kíʼ nón꞉we nithonathwatsirí꞉non ne ne kawehnohkwaktóntie ionhwentsaké꞉ronʼs ratinakerénion nonkwehshón꞉ʼas. Ne raononwentsaké꞉shónʼs, ne rontá꞉tis tsi nihonronkhahttsheró꞉tenʼs, ne tsi ratiʼtaraién꞉tons, ne raotitióhkwakons.

1 Chronicles 16:18

“Entʼkónhion non꞉ontsa ne Canaan nón꞉we,” wahénron. “Kwáh í꞉se ensakwenhkónweʼke.”

Job Tánon ne Raoronhiakensera 15:19

rononhatsí꞉wak khók nohóntsa thonwaná꞉wi, tánon iáh ónhka ne thí꞉iete nohénton ahonwanatohestákwen.

Psalms 115:16

Né tsi karonhiáte né꞉ne Roiá꞉ner raówenk í꞉ken ne tsi karonhiátes, ók ne tsi ionhontsáte ónhkwe nenhné꞉e tesakówi.

Psalms 50:14

Ítstats ne Rawenni꞉io ne kariwiʼioseokónhas ne tehionhtenonweratónhkwa, tánon thá꞉tion ne Roshaststenhserowanenkówa akwékon tsi nisararátston.

Psalms 7:17

Kwáh entíhion ne Roiá꞉ner ne kanonhweratónhtsera nahontakaiérihke tsi nòkwah ne raorihwaʼkwahrishión꞉tsera, tánon tenhkeríhwakwe ne kanonweratónhtsera raosénhnakon ne Roiá꞉ner né kwáh éʼneken tót꞉te.

Psalms 74:17

í꞉se tisahnontónhon tsi náhonske ne tsi ionwenhtsáte; í꞉se sáhshon nakenhnáke tánon ne kosehráke.

Psalms 82:6

“Ní꞉io nesewaiatótens,” káton, “kwáh akwékon ne tsi sewaʼhiohokónhas né kwáh thoshaststenhserowánen;

Psalms 91:1

Ónka kí꞉ken akénhake thóh nón꞉we nihiakonnhétie tsi niteshakónes ne kwáh éhʼneken tót꞉te ónhka kí꞉ken akénhake tsi nisakohiatanónstats ne roshaststenhseroʼwánen,

Psalms 92:8

ók ní꞉se Saiá꞉ner kwáh kíʼ tsi nénhwe tsi entesehniaró꞉taronh nakorénhshons.

Isaiah 14:14

Ienkatʼtharáthate sénha èhʼneken ne tsi niʼiotʼtsatarónhnions, Kwáh ne enkatatónhniaʼte tsi ní꞉ioht ne Kwáh Eʼnekéntotʼte.”

Daniel 4:17

Né kiʼ tsi nihonohétston nowennaʼshón꞉ʼa ne ratironhiaʼkehró꞉non tsi nihonatateweiennentáʼon tánon ratiʼnikón꞉rare. Ne iorihón꞉ni akwé꞉kon nonkwehshón꞉ʼa aiakoterién꞉taraʼne ne Roʼshatstenhserowá꞉nen Rawenni꞉io kwáh thishakowenní꞉io ne tsi kanontiiotsherakè꞉ron tsi ionhwentsá꞉te tánon ó꞉ni kwáh thenhanónhton nónhka aontahshakáwen ne kaʼshatsténhsera kwáh tsi nenthanón꞉weʼne—shé꞉kon ó꞉ni ne kwáh kenʼ naontaiehsennáhska.’”

Daniel 5:18

“Ne Roʼshatstenhserowá꞉nen Rawenni꞉io taháon ne iaʼníha Nebuchadnezzar ki kanakeráhsera tshiewakwé꞉kon naoʼshatsténhsera ó꞉ni ne kaiaʼtanehrakwáhtshera tánon ne nahahsennowánnha.

Micah 2:5

Ne káti aorì꞉wa ní꞉se iáh taeshonkweʼtaién꞉take nón꞉ka aesanenhiontsiénhse nonwenhtsá꞉ke ne kanenhiatokéntons thóh tsi ronatsiataró꞉ron ne Roiá꞉ner rahonkweʼtashón꞉as.

Numbers 23:9

Tsi nitsiotenitsténhrate wátons nakhénen; Entkwéni nakhehiatenhnikonhráren ne tsi ionhniarónhnions nónhwe. Né nonhkweshón꞉ʼas thiʼhononhwáhak khók thíʼken tsi ní꞉ioht tsi ronhnónhnhe; Ronateriéntare tsi sènha ronhwatiʼhiatateríston tsi ní꞉ioht nakorénhsons nonhkweshón꞉ʼas.

Numbers 24:16

Ónhka aiekwéni nahiakothóntene tsi nahó꞉ten rathónhnions ne Rawenni꞉io Tánon nahieiéna natohkhátshera tsi nitewé꞉tha ne kwáh éhneken nónhwe. Tiatewaʼtkarotáhon atetʼtshenhserákon Thiʼhiothasátare tsi ríhkens ne Roshatstenserowánen Rawenni꞉io.

Acts 17:26

Tsi thoʼhiatíson ne saiátat rónkwe thóh nitsiaʼwénon tsi niaʼteienekwénsakes nónkwe tánon kwáh tsiknonwéson ne tsi ionwentsiáte nisakóteron. Kwáh rahonhatsíwa ohénton thóh kwahʼtákwen tsi nienkáhewe tsi ni kawistáheks ó꞉ni kwáh kathóʼkenk tsi nónweh nahathinákereke.

Acts 7:48

“Nók kíʼ ne kwáh rosastenserowánen Rawení꞉io iáh nen né꞉e tsi kanonsóton non tehnteron neh oʼónkwe akosnónsa akanonshonʼniáton; tsi nihónen ne rothithokenséhaʼkwe,

Deuteronomy 33:28

Káti tsi nienhatwatsí꞉rine ne Jacob skén꞉nenk tsi ronhnónhnhek, ioriwí꞉iot ne rahononhontsà꞉kes ne ahiotón꞉nike ne kwáh wé꞉so onátsa ó꞉ni ne onenharataʼsehontsherákeri, ne tsi iohaweieiástha né꞉ne tsi karonhiá꞉te ionekanóntens nonhóntsa.