Deuteronomy 32:7 - Ohiatonhseratokénti

⁷ “Hionhsasewanonhthón꞉nionf, ne wahón꞉nise tkénhne; ientsihienhokón꞉a ietsiriwanónhtons naieʼtshiró꞉ri tsi nihiawénhen, ietshiriwanónhtons ne rotikstenhokón꞉as naieʼtshiró꞉ri ne tiotohétston.

Deuteronomy 32:7 ပူးပေါင်းရင်းမြစ်များ

Psalms 10:6

Í꞉rehre, “Iáh seh nonwénhton tahoriwaʼnó꞉ron; kwáh tiókonte tsi nihanekwensatátse iáh sèh nonwénhton tsiatahonhnikónrare.”

Psalms 119:52

Keiá꞉re ne sarihwenhthátsera ne wahónnise tkènhne, tánon tewakhawiténhnis nahonhkenikonhrahníraʼte, Ó Saiá꞉ner.

Psalms 44:1

Kwáh í꞉i ionkwatthontéhon, Ó Sewenní꞉io, ionkhisotʼthonkonhkénʼen iontkhiró꞉ri, tsi nikahiothenhsehró꞉tens sahiothénhen ne shiʼhonathenhniseraténionskwe, né꞉ne waʼhónhnise tkènhne:

Psalms 44:2

Í꞉se kwáh sahtshanáke khók wásaste tsi waʼsehiatínekenhwe nonkweshón꞉has, ók í꞉se sheséhteron nonkweshón꞉has ne raʼononhontsáke; í꞉se waʼserihwahetkénten nonkweshónhas, í꞉se waʼsehiawí꞉hon ne ioiáneres athatahwí꞉tsheras ne shonkwetaʼshónhas;

Psalms 77:8

Né iorihwaʼtó꞉ken raonoronhkwáhtshera iehiotsiákstsi ken? Tsi nihorahráts꞉ton iehiotokʼtáhon kén ne tsi nénhwe í꞉ken?

Psalms 78:5

Tasahkáwen ne kaianerénhseras nonkweshón꞉ha Nisraeronónke tánon natiawenhrátseras tsi wahawatsiratátse ne Jacob, wasakó꞉nhane ne ietisotʼthonhkonkénʼen nahonwatirihónhnien ne sakotiʼiohokónha ne raoʼianerénhseras.

Exodus 12:26

Nó꞉nen ne ietʼtsiʼienʼokónha enietʼtsiriwanón꞉tonse, ‘Nahó꞉ten kéntons kí꞉ken oriwakáion?’

Exodus 13:14

Né tsi niaʼhawenonhátie, nónen ne ehtsiénha enhariwaʼnónhton nahó꞉ten kèntons kí꞉ken wenhtaʼnóron, tsi tentseriwaʼseráhkwahʼse, ‘Né tsi rósthon ne kashatsʼtenseroʼwánen ne Roiá꞉ner tsi thon thashonʼkwahiaʼtíneʼkenhʼwe ne Egypt, tsi nónhwe niʼtewanáskwahʼkwe.

Isaiah 46:9

sewehiá꞉re ne tsiotserenhtánions norihwakáions; asèken I꞉i ne Ní꞉io í꞉ken, tánon iáh tekáien nó꞉ia akénhake; I꞉i ne Ní꞉io í꞉ken, tánon iáh tekáien nón꞉ka tahonsahiatsatiérenhke,

Isaiah 63:11

Eʼthóhne sahonhnehiáraʼne né tsi niʼtewenhniseraʼté꞉nionskwe né wahónhnise tkènhne, né꞉ne Mahís raonhá꞉tshera. Kaʼniehawénon tsi niká꞉ien né shesakosʼkókwen né kaniatarakheʼkówahne ratiʼkwekónkwe ne sakotiʼnikonhráraʼkwe né raoʼtiókwah? Kaniehawénon tsi niká꞉ien né rothen rononháke né raoʼnikonratokentítshera,

Deuteronomy 4:32

“Sewariʼrísak tsi nitiawè꞉non, nohénton sehsewanakerà꞉te, thonió꞉re onà꞉ken shá꞉sewet né nó꞉nen ne Rawenni꞉io shasakohiaʼtón꞉ni nonhkweshón꞉as ne tsi ionwentsá꞉te. Kwáh ohontsakwé꞉kon tsi sewariwísak. Nonwenhtónken neknahò꞉tenk né nihiorihowánen nahiawénhon ne tiotierénhton? Nonwenhtónken nónhkak ahiakoriwarónhkenke né nataiotenonhianiʼtónhake tsi ní꞉ioht kí꞉ken?

Deuteronomy 8:2

Sewehiárak tsi ní꞉ioht ne Roiá꞉ner sewaNí꞉io tsi waʼtsisewahéntenhse ne kí꞉ken iohá꞉hes ne iathitsótkaʼwe ne iahonwentsathèn꞉ke ki ne kaié꞉ri niwáhsen nihioserá꞉ke iotohétston, iatsisewateniéhten nahisewariʼwanorónhsten ne natsisewateʼniénte, ne nahónton nahoterienʼtarà꞉ne onhnahisewátiere tánon kaʼshí꞉ken ensewatewén꞉naraʼkwe kén ne rahoriwatà꞉tsheras.

Judges 6:13

Ne Gideon wahawénhase, “Tó꞉ka ahónton nakonhrihwanónhtonhse, sénhshie, onh nihiotséren tsi kí꞉ken akwékon éhtho nihionkwahiáthawens tó꞉ka ne Roiá꞉ner iakwahkwékon? Onh nihiawénhon nakwékon tí꞉ken iorihwanerakwahthénions né iakhinihokonhkénʼen hionkhiró꞉ri tsi nihaiérakwe ne Roiá꞉ner—tsi ní꞉ioht tsi tetheshakohiatinekénʼen ne Egypt nónhwe? Né Roiá꞉ner shonkwahtewenhthéton tánon thóh waʼshonhkwátkhaʼwe kwáh tsi nenhthatinónhwene ne Midianró꞉nons.”