Deuteronomy 32:5 - Ohiatonhseratokénti

⁵ Ók ní꞉se iáh tesewariwató꞉ken, iáh shatekéna théken ne raónha rahonkweʼtashón꞉a akénhake, sewariwanerahákson tánon sewanekonhrátha tsónhkwes.

Deuteronomy 32:5 ပူးပေါင်းရင်းမြစ်များ

Genesis 6:12

Tanon ne Rawenni꞉io waʼhatkáhtho ne tsi ionhwentsà꞉te tánon wahatkáhtho, tsi niió꞉re tsi karihwahétken iaʼkotón꞉on nonkweʼshónʼa ratikwé꞉kon thó꞉non nihonnonhnhétie ne karihwaksèn꞉ke.

Psalms 78:8

tánon iáh tehiówenk ne thóh nahatihiathoténhake tsi ní꞉ioht ne sakotisotʼthonhkonkénʼen, rotiʼnontsistaníron tánon ratirihwaʼnónhwe ronhnónkwe, né꞉ne ónhkwe nakaweriáne iáh tehiorihwatóken, tsi thonwetákwen ne Rawenni꞉io iáh tehiorihwatóken.

Exodus 32:7

Ne Roiá꞉ner wahawénhase ne Mahís, “Tesasteríhen tánon thóh hionsáse, tsioríwa ne shonkwetashón꞉has, tsi nikáien ne thetesehiatinekénʼen ne Egypt, wahatiriwánerake tánon wahontkénron.

Proverbs 8:8

Akwé꞉kon tsi nahò꞉ten entkatá꞉ti tó꞉kenhske; iáh tekaʼnikonhrhá꞉ton iáh oni thaʼiakoianáksaʼte.

Isaiah 1:4

Ah, sewarihwaneraháts꞉kon tsiónkwe, nonkweʼókons ne iakorieniakétes ne kariwanerahák꞉tsheras, ne ratiksaokónhas ne rotiʼióte ne karihwahétken, ne sakotiʼiohokónhas ronón꞉ha ne ronaterihwathentsatonhátie ne karihwahetkénsera, ronónha ronhwahiatanikonhrénhen ne Roiá꞉ner, ronónha kwáh ronhwakenronhníhon ne Rohiatatokénti ne NÍsraerʼronónke, ronónha kí kwáh ronatsiatontákwen ne rahonháke!

Isaiah 63:8

Asèken ráwen, “Oriwiʼiohónwe né kí꞉ken nakonkwetaʼshón꞉has í꞉ken, ratiksaʼokónha ronón꞉ha né iáh tahonnó꞉wenhte”; tánon né wahá꞉ton rahónha ensesakoskontáko

Hosea 9:9

Kwáh í꞉ken tsi tehionó꞉tes tsi nihonatatʼtetkentén꞉ni tsi kí niiotónhne shiotenhniseraténionkwe ne Gibeah; kwáh kí enrehiárake ne raotirihwaneraháktshera, kwáh kí ensakoréwate ne raotiriwaneraháktsheras.

Zephaniah 3:7

Waʼken, “Orihwiiohón꞉we tsi kwáh ensetkweniénstake tánon enshéna naká꞉wenk ne tiakohaharáhtha. Káti iáh tahonatsiatʼse tsi nón꞉we nihatinákere akwé꞉kon nienhatiié꞉na tsi nahoʼténhsons káhi ne rononhà꞉ke.” Ók iostó꞉re tsi wathatí꞉taʼne tánon iahontashónteren wahatirihwahetkénte akwé꞉kon tsi nihonatiéren.

Numbers 23:21

Tsi iekatkáthos nètho Isaraerʼró꞉nons tsi niahonenonhátie Kwáh iáh othènen tahonateraskwakʼsenhne khès ne tahonhnikonhráren. Ne Roiá꞉ner Raotiní꞉io tsi ratiʼkwékon; Rontró꞉ris tsi rahónha Sakonontí꞉io í꞉ken.

Matthew 16:4

Kaȣatsiraksenskȣa oni kanakȣaiesen, kariȣanontons ne kariȣanoron. Iah ki tanon noiah takonȣanatonhase neok ne tsinihoiataȣenhon ne Rotokensehakȣe Jonas, nok sasakotkenrate ehren oni ȣarehte.

Matthew 17:17

Ȣahenron ne Iesos tsi tontahoȣennaȣeron: Ise ne seȣatennoȣentastskon oni seȣanikonraksen? tohnekenh nenȣe enteȣakȣekonhatieseke? oni ok tenȣakeron iaȣeronhatie? kenh kinioh nontatsiatenhaf.

Matthew 3:7

Nok tanon ȣasakoken Kentiokoȣanen, ne Pharisien, oni Sadusean ratiriȣanontons aontenekȣaeste, ȣasakaȣenhase: Kaȣatsiraksenskȣa! Onka ietsirori naeseȣatekȣase ne Niio raonakȣensera?

Luke 9:41

Tontahenron ne Iesos: kanoron ki oni ne iakotennoȣentastskon oni niakaȣeriasaksen! Toh nekenh akȣa nenȣe enteȣakȣekonhatieseke ok oni tenȣakeron iaȣeronhatien: karo nontastsiatenhaf ne hetsienha.

John 8:41

Neh ki hetsiseȣaȣeiennasere ne etsiseȣaniha. Tontahonniron: iah se ok tiionkhiiateȣeton: enskat ionkȣanisen, neh nakȣa nehne Niio.

Acts 2:40

Tiér wasakoretiáron, tánon wéso oʼiáshon nikawenʼnótens wárasʼte tsi wasakóreʼke, rathonhákwe, “Sasewathateniákent tsi nòkwa ne karewathátshera neh rothirásere kí꞉ken ionkwetahétkens!”

Acts 7:51

“Tsi nisanontsistaníron!” ne Stephen hiahatasónteren tsi róhtare. “Tsi niseweriasák꞉sens, tsi naʼtesewahontakwékon tsi nòkwa ne Rawení꞉io rahoteriwanothátsera! Kwáh tsietʼtsiʼiéren ne ietʼtsisottonkonkén꞉ens: í꞉se ó꞉ni iáh nonwénton thetsisewawenʼnarhákwen ne Ronikonratokénti!

2 Corinthians 11:3

Wákterons tsi niioiá꞉tawenʼen ne Eve nontié꞉renk tho ní꞉ioht tsi teniehtshiʼnikonhrakén꞉ni. Ne ó꞉niare kaʼnikonhrá꞉tha, tánon waharihwakwé꞉ni ne Eve nakarihwanerá꞉ke. Ne nen ne shá꞉ka ne sewanonhtonniónhtshera nontié꞉renk eniehtshiʼnikonhrotá꞉ko, tánon ne enkarihón꞉ni iáh thieskaié꞉ri tsi naonsesewarihwatokénhake tsi nonkwa ne Kerístos.

Deuteronomy 31:29

Wakaterien꞉tare nó꞉nen enwakihé꞉ionhke nonhkweshón꞉as kwáh enhatiriwanérake tánon enhatiriwáhson tsi nahoʼténhsons kherihonhnién꞉ni. Tánon ienkáhewe ne enhatihié꞉na ne kariwaieshá꞉tsheras, tiorì꞉wa tsi wahonwanaʼkón꞉ni ne Roiá꞉ner tsi ne kenh niahatí꞉iere tsi nahó꞉ten ne roriwáston.”

Deuteronomy 32:20

‘Kwáh ó꞉nen iáh nonhwénton tahonshakheié꞉nawaʼse; éhtho ki enkatkátho tsi nenhothihiatá꞉wen, thí꞉ken rotinonhtsistaʼní꞉rons, iáh tehothiriwató꞉ken onhkweshón꞉as.

Deuteronomy 4:16

né tó꞉sa sewariwá꞉nerak nahisewatsiaʼtonhniserón꞉ni ne tsiknahioʼthónhake—tó꞉ka rónhkwe tó꞉ka ó꞉ni iónhkwe akénhake,

Deuteronomy 4:25

“Iawerohátien tsi ó꞉nen karí꞉wes thóh tsi iohontsá꞉ien sewanakerè꞉kwe tánon wesewawiraientà꞉seron ó꞉ni wesewatereʼsenhá꞉ton, tó꞉sa sewariwánerak tsi ahisewatatiaʼthonhniserón꞉nien ne kwák tsi naioʼthónhake. Kariwáksen kí꞉ken í꞉ken raohénton ne Roiá꞉ner, tánon enhonaʼkonhniá꞉te.

Deuteronomy 9:24

Wesewateraiá꞉takwe tsi nokwáh ne Roiá꞉ner né꞉ne kwáh sonhtakwaienteráhne tsi thóh sisewahiató꞉ten.

Philippians 2:15

Neh enkarihón꞉ni ensewariwathokénhake tánon ne ensewatenaʼthónkwen iáh othènen tehothinhíkon ne Rawenni꞉io sakoienʼokónha, Neh skátne sewanákere ne tehonatsiákʼton tánon rathiweniennákʼsens, nók tóhsa khiʼthènen neh saióhten onh nahiawénʼne ne ahathikweni nahonníron thesaterientawénries. Sateniénten éhʼtho ní꞉ioht tsi tesaswhátʼtek nonkwéne tsi ní꞉ioht ne kén ronʼnonwentsiakerónon,

Judges 2:19

Ók nó꞉nen enhrénheie ne sakohéntenhse, nonhkweshón꞉as né enshonterihwathénhtsaʼte norihwakáions tánon sénha wahétken tsi nenhsatiʼieránion tsi ní꞉ioht ne thatiwatsiráthakwe. Né enkonhwatiʼiótenhse ó꞉ni enkonhwatisénhnaien nóia niʼiohokónhas, tánon ronatenonhtsistaniráton iehothikonhthákwen ne rahotirihwahetkenhserákons.