Deuteronomy 32:47 - Ohiatonhseratokénti

⁴⁷ Kí꞉ken karihonnienhní꞉tsheras iáh owenhnóskon kók té꞉ken; né꞉ne kwáh sehwathonnétstha. Sewatewénhnarak tánon enhión꞉nise entsónnheke ne tsi ionhontsá꞉ien ní꞉se nakaniatharáti ne Jordan ne ó꞉nen thówa iahisewatiaʼtakwehní꞉ioste.”

Deuteronomy 32:47 ပူးပေါင်းရင်းမြစ်များ

Proverbs 3:18

Nónhka aieié꞉na attokháhtshera ronatonhnháhere; attokháhtshera entiaka꞉wen natónhnhets.

Proverbs 3:22

Ne entiesá꞉ion ne satónhnhets naionʼwesénhake tánon aiesatonhnhá꞉rake.

Proverbs 4:13

Tiótkon sehià꞉rak tsi nahò꞉ten wahseweientéhtaʼne. Kaweientehtáhtshera né꞉ʼe ensonhnhéhkwen—senónhstat ká꞉ti.

Proverbs 4:22

Akewennaʼshón꞉ʼa entkáhawe natónhnhets tánon ataʼkaritéhtshera ne ónhka eniakoʼnikonhraién꞉taʼne.

Isaiah 45:19

Iáh othènon tewakatatíhon notsahonskwáhkon, thóh tsi ionhontsáien ne tetsiókaras; Iáh tekheiénhni tsi nitotʼwatsiríhnon ne Jacob, “Takwahiaʼtísak ne tsikʼtshiewátion nón꞉we.” I꞉i ne Watiá꞉ner né katróris norihwí꞉io í꞉ken, Né kenéstha tsi nahó꞉ten ne tkarihwaiéri í꞉ken.

Leviticus 18:5

Sehwásier ne sewatéweienst ó꞉ni ne kaianerénhseras nètho entkwáhhion; kwáh kíʼ ensewanónsthate tsi tiónhnhe tsi etʼnenhsewáiere. Í꞉i ne Watiá꞉ner.”

Amos 5:4

Asè꞉ken ne kí aorì꞉wa ne Roiá꞉ner shakohró꞉ris nonhkweshón꞉a ne Israerró꞉nonhke: Takwahiatí꞉sak tánon tiónhnhek;

Matthew 6:33

Neh tanon taseȣatierent seȣesak ne Niio rahonakerasera, nok ne kenh iohaȣiton aksekon nehne ok tentkonne.

Acts 7:38

Rahónha rathikweʼkón꞉ne ne Israerʼró꞉nons ne kahentakekówa; thóh í꞉reskwe skátne nonkwasótʼtseras ó꞉ni ne raronhiakerónon tsi nikáien ne watʼnitháren tsi ionónte ne Sinai, tánon wahaiéna ne ionʼnheónwe ne Rawení꞉io rahoteriwanothátseras nahonsashonʼtsiohétsʼtase.

Deuteronomy 30:16

Tó꞉ka ensewatewénhnaraʼkwe ne rahoriwatà꞉tshera ne Roiá꞉ner sewaNí꞉io, tsi niká꞉ien ne tkwá꞉wis nón꞉wa wenhniserá꞉te, Tó꞉ka tsi sewanorónhkwa, tsi sewawénhnarak ki, tánon orihwakwé꞉kon sewateweiénton ne raoianerénhseras, ethò꞉ne káti ensewahianerásten tánon ne ensewá꞉ton nonhkweshón꞉as ne ronatiohkowá꞉nen. Ne Roiá꞉ner SewaNí꞉io kwáh entsisewahiaʼtaté꞉riste ne tsi ionhwenhtsá꞉ien né꞉tho ó꞉nen thó꞉wa iahisewatié꞉nawatste.

Deuteronomy 31:13

Thóh ki ní꞉ioht ne tsi iensatwatsí꞉rine ne iáh nonhwénton tehiakothonté꞉hon ne Roiá꞉ner sewaNí꞉io raoianerénhsera enhiakothóntheʼne. Tánon káti kwáh enhatiweientéhtaʼne nahonwawénhnaraʼkwe né꞉ne tsi nikarí꞉wes enhatinákereʼke ne tsi ionwenhtsá꞉ien ne ó꞉nen thó꞉wa iahisewatié꞉nawatste né꞉ne í꞉se nokwá꞉ti ne Jordan.”

Deuteronomy 33:25

Aiáwens ne rahothinathákons ne ahioiatanónsthate ne karistátsis iotenhenrenthón꞉nions, Aiáwens tió꞉konte tsi ahiorihwí꞉ioke tsi ahotenhniserathénionhke.”

Deuteronomy 4:40

Sewatewén꞉narak akwé꞉kon ne raoianerénseras tsi nonhtà꞉tion nón꞉wa wenhniserá꞉te, tánon akwé꞉kon tshienioiánerenhne ne sewarihwà꞉ke ó꞉ni tsi nenhsewatwaʼtsí꞉rine. Iensewakonhtà꞉kwe tsi thóh ensewanákereke ne tsi ionhontsá꞉ien ne Roiá꞉ner sewaNí꞉io tsisewawì꞉re nahisewawenkónhweke tsi nénhwe.”

Deuteronomy 4:6

Ioriwatokénhak tsi sewatewénhnarak, tánon ne kí꞉ken eniakaweʼnésten nonhkweshón꞉ʼa ne thihononhontsà꞉tes tsi nió꞉re tsi satenikonhraʼtókha. Nó꞉nen akwé꞉kon enhòn꞉ronhke kí꞉ken kaianerénseras, enhonhní꞉ron, ‘Tsi nió꞉re tsi ronhtenikonhraʼtókha tánon rotiʼnikonhraientátskon kí꞉ken rahtiʼshátste kentió꞉kwaien!’

Deuteronomy 8:3

Tsi nió꞉re tsi waʼtsitionhkarià꞉the, tánon ethò꞉ne kákhwa thatsí꞉tson nahí꞉sewake, né꞉ne kákhwa ne ietsisoʼthonkonhkén꞉en iáh nonhwénton tehoné꞉kon ne tiotierénhton. Ne ki aorí꞉wa thóh nahá꞉iere ne naʼtsisewarihón꞉nien né꞉ne tó꞉sa ki kákhwa kók sewaniahesénhak nahitsónhetste, ók né꞉ne kwáh orihwakwé꞉kon tsi nahoʼténhsons ne Roiá꞉ner ratón꞉nions.

1 Timothy 4:8

Tasatatiatasaráhnie ostónha karihwástha, nók ne karihwiʼiosthóntshera kén náshiere kwáh nèn꞉ne tsík nitiotseráton tsi satèkenah íken, tioríhwa tsi tetsáron tsi ní꞉ioht tsi wahrahrátstha neh꞉ne nónwa tánon ne tsi niahawenonhátie.

2 Tiér 1:16

Iáh neh teiakwaniahésenʼne ne watkaríson nakwaronkáten ne rosatsʼtenserowánen táreh neh꞉ne Sonkwaiáner Ié꞉sos Kerístos. Kwá í꞉i iakwakaráke hionkwakʼkáton tsi nihosastenserowáhnen.

2 Tiér 1:3

Ne ionnheʼónwe rahosatsʼténsera Rawenni꞉io tesonkwáwi neh꞉ne kwá tsi nahóten tahionkwatonwentiónike tsi aitiónnheke ne oriwiʼioʼónwe kariwiʼiostóntsera ne tsi tesonkwáwi nonkwatʼthotʼkhátshera tsi nikáien ne iesonkwanáton naitewatiátaren ne rahohiatanerakwatserákon ó꞉ni tsi nihohiánere.

Revelation 22:14

Iakotaskáts ne tsi niiakon ne ienó꞉hares nakotewehiá꞉ra, ne káti ne kwáh enhó꞉tiianerenhserá꞉ièn꞉take nahón꞉hiake tsi iorón꞉tote natón꞉nhets tánon enwá꞉ton niahontá꞉weiate ne kanaʼtowá꞉nenhke thóh enhón꞉toheste tsi iotenhenrá꞉karonhtes.