Deuteronomy 32:43 - Ohiatonhseratokénti

⁴³ “Tsónhkwes, ó꞉nenk tsi thenieʼtsinonhwerá꞉ton ne Rawenni꞉io rahonkweʼtashón꞉a— shakorewátha ratikwé꞉kon nónhka enhonwatinonhwarià꞉kon. Shakháriks tsi nokwáh ne ronhwáshons tánon shesakorikonhrénhse ne raotirihwanerahà꞉tsheras ne rahonkweʼtashón꞉a.”

Deuteronomy 32:43 ပူးပေါင်းရင်းမြစ်များ

Genesis 12:3

Enkheiaʼtaté꞉rihste, nónhka eniesaiaʼtaté꞉rihste, ók enkhehré꞉wahte nónhka aiesahré꞉wahteʼ; tánon sonhá꞉ke non néntewe ne tsi iehwatsiraién꞉ton nonkwehshón꞉ha naiakoiaʼtaté꞉rihsteʼ tsi ionhwentsáte.”

1 Kings 8:43

satʼthóntek ne rahonaterénhnaient. Thóh karonhiáke nónhwe, tsi nónhwe teshí꞉teron, tsiatʼthóntet tánon thóh nátser tsi nihiarihwaʼnonhtónhnis, né káti nonhkwetaʼkwékon tsi nihiohóntsa ahiakoteriéntaraʼne tánon naʼiesawenhnarákwaʼke, tsi né nihatiʼiéra ne shonkwetaʼshón꞉as Nisraerʼró꞉nonke. Ethòne kíʼ enhonateriéntarahne kí꞉ken Ononsatokentiʼkówa ne wakenonhshí꞉son tsi thóh nónhwe nenhieshasenhnaiénthakwahke.

2 Kings 9:7

Ó꞉nenk tsi entsenonwariákon ne iánas ronnontí꞉io, né꞉ne Ahab roʼiénha, né ká꞉ti nahónton natréwate Jezebel tsi iakosé꞉ton nakonkweʼtashón꞉ʼas rotitokenséhakwe tánon nó꞉ia nakenatserahókons.

Job Tánon ne Raoronhiakensera 13:24

Onh nihiotié꞉ren tsi satasehtonhatiéses, tánon é꞉tho nithesét꞉the tsi shí꞉ken ní꞉ioht nakonshón꞉sheke?

Psalms 22:27

Akwé꞉kon ne tsi iehiotonhontiokʼtaníhon kwáh enhiakehiá꞉rahke tánon Roiá꞉ner nokwáhti nienshón꞉ne; tánon iewaʼtsirakwékon nonkweshón꞉ha tsi enhonwasenhnaien rahó꞉henton.

Psalms 58:10

Né tiokwetaiéris enhontonhnáren nó꞉nen enhontkátho skakarhiákon; kwáh thóh enhonrashitóhare raotinekwenhsáke ne hionkwetahét꞉kens.

Psalms 65:3

Eʼthohʼsáne nonkweriaʼnéshon titkáhere ne rarihwáʼneren, Í꞉se tsiʼsahrá꞉kewe nonhkwaʼrihwanerahák꞉tsheras.

Psalms 79:10

Onhniʼiohtséren ne thiʼiakahontsátes nahionkhirihwanón꞉tonhse, “Kanón꞉we níres ne tsi Sewawenní꞉io?” Takwaríhon nahiakhíken nonkweshón꞉has nahatironhiáken ne karewathátshersa tsi ronhwatinekʼkwáhton ne sanhatsheraókon Kwáh nekénhnis naiakwatkátho.

Psalms 79:9

Takwasniénon, Ó Sewenní꞉io, tánon takwaiatanónstat, asèken ne ahohiatanerakwáhtshera ne sasénhna; saskwahiatáko, tánon saskwahnikónhrenhs nonkwarihwanerahát꞉tsheras, ne ká꞉ti nakorénhshons naʼiesakwénienste.

Psalms 85:1

Saiá꞉nehr, kwáh í꞉ken tsi tisáwehron ne kaiataterítsera ne shonhonhtsáke; sahʼsónhnien ne Israel nahonsahiokwáhtshene shé꞉kon.

Psalms 85:3

Tethisatihéntʼton akwékon ne sanakwáhtshera; tánon watéstaste tsi nisanakwénhenhne.

Isaiah 1:24

Né Ká꞉ti aoríhwa rá꞉ton ne roʼshatstenhserowánen ne Sakoiá꞉ner ne ratiʼronhiakeró꞉nons, ne rahonhaha tashatstekówa ne Israerʼronónke: Ók, kwáh kí entkáweron nakenakwáhtshera rononháke ne ióntsions, tánon kwáh Í꞉i enkheronʼhiákente ne iónkʼshons!

Isaiah 1:25

Kwáh kíʼ tentkatiaʼnónhneke tsi konhiatʼkónten; Kwáh enskonhionhnakanónhni tsi ní꞉ioht ne karístatsi tsi áse tsakónhnis, tánon akwékon éʼren entʼkháwite ne karístatsis ne teiotsestáhon shonháke.

Isaiah 11:10

Nétho enwenhniseráteʼke ne raoterá ne Jesse kwáh enkátake tsi ní꞉ióth noniatará꞉ha ne nahiontkátho nonkweshón꞉has; niaʼkahontsakeró꞉nons kwáh enhonwahiatísake, tánon tsi nón꞉we nihotorí꞉sen kwáh enhioiatanerakwáts꞉tonʼke.

Isaiah 19:23

Né thóh enwenhniseráteke iohahowánen enhiohathátsheke Egypt nón꞉we nitsawénon tánon Assyria nieʼiawénon, tánon ne Assyriaró꞉nons Egypt nienhónhne, tánon ne Egyptró꞉nons Assyria ne nienhónhne, tánon ne Egyptró꞉nons kwáh skátne tsi enhonterénhnaien ne Assyriaró꞉nons.

Isaiah 19:25

tsi nikáien ne Sakoiá꞉ner ne ratiʼronhiakeró꞉nons sakohiatateríston, ratónhnions, “Rotihiatatérists ne Egyptró꞉nons nakonkwetaʼshón꞉has, tánon ne Assyriaró꞉nons ne tsi niwatsioténʼen ne katsanàkes, tánon ne Israel né nakawenhkón꞉we í꞉ken.”

Isaiah 44:22

Wakonhèwen éhʼren watʼkhawíton ne sarihwanerahát꞉tshera tsi ní꞉nioht ne tsi iotsatarónh꞉nion, tánon ne sarihwaneraháktsheras kwáh né꞉ne iahonhaʼwínon í꞉ken; akonhá꞉ke natonhtáse, asèken I꞉i skhonʼhiatákwen.

Isaiah 60:6

Ronaʼtiokwatsáni rotiʼniakwáher entiesaróroʼke, né꞉ne kennithontiʼiónha rotiʼniakwáher né꞉ne Midian tánon Ephah nón꞉we nenhtónh꞉ne; ratiʼkwé꞉kon ne Sheba nón꞉we kwáh enthón꞉ne. Kwáh né enthaʼtíhawe nowistanórons tánon ne kanetanóron, tánon enhatiʼrihówanaʼte ne raononweratón꞉tsheras ne Roiá꞉ner.

Isaiah 66:10

Sewatonnháren skát꞉ne ne Jerusalem, tánon sewatʼtsenhnónhnias nahónha, sewakwé꞉kon né sewanorónhkwah; sewatonnháren skát꞉ne nahónha atsenhnonhniatsherákon, sewakwé꞉kon né sewatʼtiónhnion nahonháke—

Jeremiah 13:14

Ethóhʼne tenkhehiatáriʼthe tsi ní꞉ioht ne katʼtsheshón꞉a thakatʼtsheténseron, ahonthahiakóhionke tó꞉ka ó꞉ni kenknahonthahiakohiónhake akénhake kwáh kíʼ ne skáka enkénhake. Iáh thahóten ne kenténron, iáh thatahkhehiaróh꞉thon, iáh ó꞉ni ne kenténrat thatahóntʼtaste nahkhenonwahrhiákon.”

Jeremiah 51:36

Ne Roiá꞉ner warénhase ne Jerusalem, “Kwáh Í꞉i tenkonhriwahkénahse ne sariwahshón꞉a, tánon kwáh Í꞉i ensetʼkhárhiaʼke ne shaʼrihwáhke. Enstátʼthaʼte nahoniatharáhshona, ó꞉ni nahonehkanos.

Lamentations 2:5

Tsi ní꞉ioht ne tehiakwatátʼtions, ne Roiá꞉ner wahariwéntʼtho ne Israel; Wahariwenthóseron ne watenhenrótaʼkwe ó꞉ni tsi kanonthiʼhiotseráherhe. Iáh tsehiótokʼte ne kanikonrakʼséntsera tasakáwen nonkwesónha ne Judah.

Ezekiel 16:63

Kwáh enskonhnikónhrense akwékon tsi nateshaterientawénhrie, ók kíʼ kwáh ensehiárahke tánon sóhtsi enshatehénsehke ne thasaskwéksi.” Ne Ronhnontiio Roiá꞉ner wahatáti.

Ezekiel 25:14

Nakonhkwetashón꞉ʼa Israerʼró꞉nons enskonhwahkárhiakse ne Edom nakeriwáhke, tánon enkhonhiónnien ne Edom nahóntʼtoʼke nakenahkwahwenhráhtshera. Edom enhioteriéntarahne tsi nahó꞉ten kéntons noriwahsónhas tsi ensetkárhiake.” Ne Ronhnontí꞉io Roiá꞉ner wahatáti.

Luke 19:27

Nok kenh kaien ne ionksȣens oni iah tehonathontaton akheiaststeriston karo nontaietsiiatenhaf nok akkenton ietsiiaȣentho.

Luke 2:32

Ne taiakosȣathetakȣe nonkȣeokon, nok Akonentonsera akenhake ne sentiokȣa Israerronon.

Romans 12:19

Tóhsa nonwénton kanhakwatserákon tsi ahonsaskáriake, tewatenrosónhas, nók kek tseríhon Rawenni꞉io rahonhakwátsera írats. Asèken noriwatokénti wáton, “I꞉i kwáh se enshekáriaʼke tánon enshekeréwaʼthe, ráton ne Roiá꞉ner.”

Deuteronomy 32:35

Ne Roiá꞉ner kwáh se enshakarià꞉ke tánon enshakorewáthe; ienkáhewe nó꞉nen enhatihiatiénenhne; ne raonenhnísera táwe nahonnateraswáksenʼne.

Revelation 15:2

Tánon tsi nakatkáto tsi nahó꞉ten onhtotá꞉si kwáh né꞉ne kaniatarakeʼkó꞉wa otsishé꞉ra í꞉ken tekaiéston ótsire, tánon tsi niiá꞉kon ne ronwashén꞉nion ne katsinoniowá꞉nen tánon ne raoiatonhnishón꞉as tánon tsi niiothiáton ne raoshén꞉na, thóh rónhnete kaniatarák꞉ta ne kaniatarakeʼkó꞉wa ne otsí꞉sera í꞉ken ne ratihawáhions ne raonhowakó꞉wa ne karenshotaróʼkhons ne Ní꞉io.

Revelation 15:4

Saiá꞉ner í꞉se ne iáh teshaterónhni tánon aieshasenhnowánate? Asénke iateshiá꞉ti ne sahiatatokénhti. Akahontsakwé꞉kon kwáh éntsien tánon enieshasénhnaien sahén꞉ton, asè꞉ken ne sariwenhtá꞉tsera kwáh kíʼ iotehrihó꞉tashion.”

Revelation 18:2

Tontahohénrehte kwáh tsi nihawén꞉na, “Teioréhnion, teioréhnion seh ne Babylon né꞉ne kashennowá꞉nen! Ne iehiotónhon thóh nón꞉we nihathiʼterón꞉ton ne rontʼkonserát꞉sens, thóh nón꞉we nihontsientáhkwa ne ratnikonrahétkens, thóh nón꞉we nikontsientáhkwa ne katsitenserátsens, thóh nón꞉we nihontsientáhkwa notsitenokónhas ó꞉ni ne tsonewárat katsinonwáksens.

Revelation 18:20

Satonhná꞉heras, o karonhiá꞉ke, í꞉se ne sewaiatatokéntis tánon ne sewateriwanhótha tánon ne iesewahriwákens! Asè꞉ken ne Ní꞉io thokáwen ne kariwenhthátsera ní꞉se ahisewatʼkónten naón꞉ha.”

Revelation 19:2

asè꞉ken ne raoriwenhtá꞉tshera orihwí꞉io í꞉ken tánon tkariwaié꞉ri; raónha rariwénhton ne kashennowá꞉nen wathokótha aónha iohetkénton tsi ionwenhtsá꞉te ne ióston naówenk kentétsera, tánon ne rarehwathákwen tsi iakokonwarhakhónhnion ne raonnhatseraó꞉kons.”

Revelation 6:10

tsiathotihén꞉rehte tsi nihatiwén꞉na, “Shasatstenhserowanenhkó꞉wa Saiá꞉ner, saiatatokénhti ó꞉ni oriwihioʼón꞉we í꞉ken, thóh nenhkariwé꞉shonke tsi nió꞉re ní꞉se ienseriwénhte tsi enserewá꞉te ne ronhnonhontsakeró꞉nons tsi ionkhinonwariatkhónnion?”