Deuteronomy 32:41 - Ohiatonhseratokénti

⁴¹ káti kwáh enthiotí꞉ie ne tehiokaráiat akasharekó꞉wa tánon enkatkátho né꞉tho karihwakwahrishiónhtshera tsi thóh nenhiá꞉wenhne. Kwáh Í꞉i enshekhekarià꞉se ne iónkshions tánon enkheré꞉wahte ne iónhkshions.

Deuteronomy 32:41 ပူးပေါင်းရင်းမြစ်များ

Psalms 149:9

ne nahonwatiréwaʼte tsi nikariwénton ne kaianerénhsera. Né kí ken ne raotiiatanerakwáhtsheras ratikwékon ne rahonkwetaʼshónhas ne iakorihwaʼtókens. Tehonwanonweráton ne Roiá꞉ner!

Psalms 31:23

Tsi sewaʼnó꞉ronk ne Roiá꞉ner, sewaʼkwékon ne sewaʼrihwatóken tiónkwe. Né Roiá꞉ner tesahkó꞉nes ne iakorihwaʼtóken, ók sahkorehwátha ne ionthatónhni tsi natehiakothénhtion.

Psalms 7:12

Tó꞉ka né ónkwe ne iáh tahonsahiontatréwataʼne, Ne Rawenni꞉io kwáh kíʼ enhahiothí꞉ie ne raosarekówa; tehosák꞉ton ne raohénhna ne niaharónhthate;

Psalms 7:13

roweienhnenhtáhon náraste ne iakoriótha ionterihiosthákwah, tsi nòkwah né iáh tetiontatrewátha,

Exodus 20:5

Tó꞉sa tesewaʼtiáket ahohénton ne kahiatónhni ó꞉ni ieʼtsishén꞉naien, tsioríwa tsi Í꞉i ne Watiá꞉ner Sewaní꞉io wakatekéffen, kherewá꞉tha tsi niháti ne hiónkswens ó꞉ni tsi nienʼhontwaʼtsiríne tsi nióre ne asénhaton ó꞉ni kaieriʼháton niaʼtewateresehráhseʼre.

Isaiah 1:24

Né Ká꞉ti aoríhwa rá꞉ton ne roʼshatstenhserowánen ne Sakoiá꞉ner ne ratiʼronhiakeró꞉nons, ne rahonhaha tashatstekówa ne Israerʼronónke: Ók, kwáh kí entkáweron nakenakwáhtshera rononháke ne ióntsions, tánon kwáh Í꞉i enkheronʼhiákente ne iónkʼshons!

Isaiah 27:1

Ne eʼtho entewennhniserateke ne Roiá꞉ner skát꞉ne ne raoniakátstensera tánon ne teotenonhianiton washá꞉rowahne kwáh enhá꞉rewate ne katsinón꞉iowanen ne iotekwenhá꞉tse oniá꞉re, ne ne katsinón꞉iowahnen tewatsiá꞉thatatseons oniá꞉re, tánon kwáh enhanonwa꞉riákon ne ionnonhwarón꞉tietha ne kaniatarakekó꞉wane í꞉wes.

Isaiah 59:18

Né entsoianénhaʼwe tsi nihotiʼiothenseró꞉tens, ne ká꞉ti nahonsahaká꞉riaʼke; tsi sakonákwaʼse ne ronhwásons, iensheʼsakotiatónhti ne ronwáswenhs; tsi nó꞉kwah ne kawenó꞉tons ionhontsaʼkérons kwáh kí ensheʼsakokáriakʼse tsi iensakotsatón꞉ti.

Isaiah 66:16

Asèken né nó꞉tsire énraste né Roiá꞉ner tsi ensakorihwénhtakwe, tánon né꞉ne raosarekó꞉wa, ensakótsthen nonkwetaʼkwékon; tánon tsi niʼiákon né sakotónhton né Roiá꞉ner enhonatiokowanénhke.

Isaiah 66:6

Satahónsatat, tsi nitiorístare né kanatowanénhke! Tkaʼwenhninékens nononsatokentikówaʼne! Né꞉ne raowénhna Roiá꞉ner, né roterihwatsʼteríston karewatátshera tsi nòkwah né ronwáswenhs!

Jeremiah 44:26

Ók kíʼ nónhwa sehwahthaʼhónshaʼtat tsi niʼwahkeriwahniʼráhton ne Í꞉i, ne Watiá꞉ner, tsi niwákʼson thóh nahoshastsʼtenseráhkon naksénhnakon ne sehwahkwékon ne Israerʼró꞉nons ne Egypt nónhwe nisewahnáhkere: Iáh shé꞉kon nonhwénhton tahonsehséwatsʼte naksénnha ne thènen ahisewahriwahníratsʼte nahisehwénhron, ‘Wakeriwahníraʼte tsi nòkwah ne ronnhehónwe Ronnonhtí꞉io Roiá꞉ner!’

Jeremiah 50:18

Ne kí꞉ken enkarihónhni, Í꞉ih, ne Watiá꞉ner Keshastsʼtenseroʼwáhnen, ne kheʼNí꞉io ne Israerʼró꞉non, kwáh kíʼ enhiréwahte ne Ronhnonhtí꞉io Nebuchadnezzar tánon ne raonahkeráhsera, kwáh tsi ní꞉ioht tsi rirehwáhton ne ne Ronhnonhtí꞉io ne Assyria nónhwe.

Jeremiah 50:28

Ietsihiatahónsahtat nonhkweshón꞉a ne tethohthiniakénʼen ne Babylonia nónhwe, tsi nahontʼró꞉ri ne Jerusalem nónhwe tsi ní꞉ioht ne Roiá꞉ner onhkwahʼNí꞉io shaʼhakáhrhiaʼte tsi nihiákon ne rohthiriwahthónton ne Raononhsatokentikówah.

Jeremiah 50:29

Iahetsihiaterihwahniéten ne ronhennénhaʼwe Babylonia nahonthaʼhónʼne. Tehathinahthá꞉nak ne꞉ne tó꞉sa ónhka ahieniákenʼne. Thoʼnahsewahiéras tsi né nihiakoiérahse nakorénhsons, asèken iáh tehowenhnahráhkwen ne Roiá꞉ner, ne Rohtokénti ne Israeronónhke.

Ezekiel 21:20

Ne tiohá꞉ʼa ne nawéneste ne Ronhnontí꞉io tsi nieiawénonh tsitʼkanatowáhne ne Ammonró꞉non né꞉ne Rabbah, tánon nó꞉ia né: nènhne tsi nieiawénon ne Judah, tsi tekanathá꞉nen nosténra watenhénroʼthe ne kanatowahnénhne ne Jerusalem.

Ezekiel 25:14

Nakonhkwetashón꞉ʼa Israerʼró꞉nons enskonhwahkárhiakse ne Edom nakeriwáhke, tánon enkhonhiónnien ne Edom nahóntʼtoʼke nakenahkwahwenhráhtshera. Edom enhioteriéntarahne tsi nahó꞉ten kéntons noriwahsónhas tsi ensetkárhiake.” Ne Ronhnontí꞉io Roiá꞉ner wahatáti.

Ezekiel 32:10

Tsi nenhkonhiérahse iakotiokowáhnen entiontónnheke. Nónenh tentʼteníhon nakasarekówah, ne Ronhtinonhtí꞉ios enhotihiathísonhkwe tsi nenhonahteronhiénten. Nenhtewenhniseráhteke nónenh enteshá꞉tenhne, kwáh ratikwékon enhothihiatísonhkwe tsi nenhonateronhiénten ne iatehathihiáti tsi ronhnònhʼnhe.”

Nahum 1:2

Rotekéf꞉fen tánon shakorehwátha Ní꞉io ne ne Roiá꞉ner, ne Roiá꞉ner sakorewátha tánon rotenakwawenhráti; ne Roiá꞉ner sakorewátha ne ronwáhsons sakonákwahse ne ronwáhsons.

Zephaniah 2:12

Kwáh ó꞉ni í꞉se Cushró꞉nons kwáh ne ensawénhto nakasareʼkó꞉wa.

Numbers 10:35

Ne nó꞉nen Naʼterihwasehrionhniátshera Oneró꞉kwah thentewatásawen tsi nienhénsewe, ne Mahís enhénron, “Tesehwátann, ne Roiá꞉ner; wateshaʼkoréniaʼte ne tesewatáʼtshons tánon washaʼkotékwahte tsi niháti ne ietshísons!”

St. Mark 1:2

Ronen ne Rotitokensehakȣe: iahiiatori ne rakeriȣenhaȣe, raonha enhiahaaseronnien.

Romans 1:30

tánon tehontathanowenténis; ronwásons neh Rawenni꞉io, rothiʼianerenseráksen, rontatónni, tánon rathináie; sénha ne é꞉so rononthonniónkwa onhnahatíʼiere ne wahétken; iáh tesakothiwenʼnarákwa neh ronwathiʼienhokónhas;

Romans 8:7

Asèken tòhka nonikónra tiókonte owarón꞉ne non iewanontónʼnions ronikonratsátha ne Rawenni꞉io; áseh kén iáh tehontewennarákwa ne Rawenni꞉io rahoianerénsera, tánon ó꞉ni kwáh oriwí꞉io tsi iáh tahatikwéni nahontewénnaraʼkwe.

Deuteronomy 32:35

Ne Roiá꞉ner kwáh se enshakarià꞉ke tánon enshakorewáthe; ienkáhewe nó꞉nen enhatihiatiénenhne; ne raonenhnísera táwe nahonnateraswáksenʼne.

Deuteronomy 5:9

Tó꞉sa tesewaʼtiáket nahotihén꞉tons ne kahiatonhniʼsónhas tó꞉sa ó꞉ni ieʼtsishén꞉naien, asè꞉ken ne Roiá꞉ner sewaNí꞉io roteʼkéfen iáh teshakoteʼnikonrihióstha ne ronwáhsons. Tánon kherewá꞉tha tsi nihiá꞉kon ne iónkswenhs kwáh tsi nió꞉re ne áhsen tánon kaié꞉ri niaʼtewateresehráhseʼre.

Deuteronomy 7:10

ók iáh tahatiaʼtakenhé꞉iate nasakoré꞉wahte ne ronwáhsonhs.

2 Timothy 3:4

kwáh enhonnonkwetaʼhetkéntake, iáh tiatahonnonthónnionwe, kwáh enhontathonníheʼke; enhatinorónkwahke natenikonroriátsera tsi ní꞉ioht ne Rawenni꞉io.