Deuteronomy 32:40 - Ohiatonhseratokénti

⁴⁰ Kwáh tsi nihiorihwí꞉io tsi konhnhehónwe Ní꞉io, kanenʼtsakará꞉tats tánon karahrátstha

Deuteronomy 32:40 ပူးပေါင်းရင်းမြစ်များ

Genesis 14:22

Ók ne Abram wahawénhahse ne ronnontí꞉io ne Sodom, “Kwáh wakanentshakaratá꞉ton tánon wakerihwanirá꞉ton raohén꞉ton ne Kwáh É꞉neken Thótte Rawenni꞉io, ne ne Róhson ne tsi karonhiá꞉te ó꞉ni ne tsi ionwentsá꞉te,

Genesis 21:33

Abraham tamarisk naʼkarontó꞉ten waharontaièntho thóh non ne Beersheba, tánon thóh nón꞉we nahohsén꞉naien ne Roiá꞉ner, ne ne Ronhnheʼón꞉we Ní꞉io.

2 Samuel 22:47

Ne Roiá꞉ner ronnhéʼse! Tehonwanonweráton nakitsténra, tánon ronwasenhnakará꞉tat nakeNí꞉io, ne nosténra natiá꞉takenatshera,

Psalms 144:11

Saskeniákent tsi nòkwah ne kaniákaste asarekówa, tánon sastsatonhtáko ne ratisnonhsáke ne thiʼononhontsátes, ne tsi ratisakáronhte tsi ronhtátis ronhnowénhtha, tánon ne satinekwáhti iáh nenhné꞉e teiorihwatóken.

Psalms 144:8

Tsi ronhtátis tsi ratisakáronhte ronhnowenhtánions, tánon ne satiweientethákwen iáh nenhné꞉e tehiorihwató꞉ken.

Exodus 6:8

Ienkwahiaʼténhawe ne tsi tsohóntsaien né kwáh khehiaʼrahratsʼténhni tsi entekhéhion ne Abraham, lsaac, ó꞉ni ne Jacob; tánon kíʼ í꞉se èntʼtsion tsi kwáh í꞉se ensehwahwenhkónhweʼke. Í꞉i ne Watiá꞉ner.’”

Jeremiah 4:2

tánon tó꞉ka ensehwarihwaníraʼte natsénnakon; ó꞉ni thisehwethákwen, tionkwetaiéris, ó꞉ni sehwahiánere, eʼthóhne káti akahonwenhtsiakwékon enhionkerihwahnónhtonseh nakhehiathatérisʼthe.”

Jeremiah 44:26

Ók kíʼ nónhwa sehwahthaʼhónshaʼtat tsi niʼwahkeriwahniʼráhton ne Í꞉i, ne Watiá꞉ner, tsi niwákʼson thóh nahoshastsʼtenseráhkon naksénhnakon ne sehwahkwékon ne Israerʼró꞉nons ne Egypt nónhwe nisewahnáhkere: Iáh shé꞉kon nonhwénhton tahonsehséwatsʼte naksénnha ne thènen ahisewahriwahníratsʼte nahisehwénhron, ‘Wakeriwahníraʼte tsi nòkwah ne ronnhehónwe Ronnonhtí꞉io Roiá꞉ner!’

Ezekiel 20:5

Sehró꞉ri tsi nahoténson katónhnions. Nónenh shakhehiataráhko ne Israerʼró꞉nons, Wakhehiarahrátsʼten. Wakhehiatothá꞉shen ne Egypt nónhwe tánon wahkheró꞉ri: Í꞉i ne Watiá꞉ner sewahNí꞉io.

Ezekiel 20:6

Ethòne káti wakhehiarahrátsten tsi entekhehiatínekenhwe ne Egypt tánon ienkhehiasárihne tsi tsiohontsáien ne kherahkwénhni, iohontsaréhsen ó꞉ni ionhontsí꞉io, né꞉ne kwáh tsiohontsí꞉io.

Ezekiel 21:4

Kwáh énkatsʼte nakasahrekówa tsi enhkhehiatkónhten nonhkwetakwékon entiéne entewahthásawenh tsi nióre ne othoréke ienkanihárahne.

Ezekiel 21:5

Kwáh onhkwetakwékonh enhiakotheriéntarahne tsi Í꞉i, ne Watiá꞉ner, wahkasharóhtsion nakasahrekówa tánon iáh tahonsakatewehiénthon.

Daniel 12:7

Ne raronhiaʼkehró꞉non tetsá꞉ron tsi wahanentshakétsko tánon karonhiá꞉ke niahaié꞉raʼte tánon kwáh orihwiioʼón꞉we waharháratste eʼtho raosén꞉nakon ne ronhnheʼón꞉we Rawenni꞉io. Onkathón꞉teʼne tsi wahén꞉ron, “Áhsen niiohserá꞉ke tánon tsiaʼtewasén꞉nen. Né nó꞉nen ienwatókten tsi nihonwatironhiakéntha ne Rawenni꞉io raotióhkwa, kwáh kiʼ orihwakwé꞉kon ó꞉nenk tsi tho neniá꞉wenʼne.”

Numbers 14:21

Ók kíʼ wakaráhratsʼte tsi nihiorihwiʼiohónwe tsi kónnhe tánon tsi nihiorihwiʼiohónwe ne tsi hiohontsáte né kananónkʼtha ne Roiá꞉ner rahoiatanerakwáhtshera,

Revelation 4:10

ne tewáhsen kaiéri nihá꞉ti ratirehtsá꞉ron wahatiiataién꞉taʼne raohén꞉ton tsi niká꞉ien né꞉tho renskó꞉te anitskwará꞉ne, tánon wahonwashén꞉naien tsi niká꞉ien ne raónha enrónhneke tsi nén꞉we tánon tsi nén꞉we enkénhake; thóh wahatí꞉ien ne raonanonwaró꞉re ohén꞉ton tsi wanitskwaráhserote, tehothiriwákwen, nónen thoh nenhotí꞉iere,

Revelation 4:9

Tánon ne nó꞉nen ne ronónhne entontkáwe ne kaiatahnerakwáhtshera ó꞉ni ne tekarénhsaron ó꞉ni kanonweratón꞉tsheras tsi niká꞉ien ne renskó꞉te nanitskwará꞉ne, raónha ne ronhneón꞉we ne tsi nén꞉we ó꞉ni tsi nienhen꞉we,