Deuteronomy 32:4 - Ohiatonhseratokénti

⁴ “Ne Roiá꞉ner se ne roshatstenhserowá꞉nen thiá꞉nes, toriwaié꞉ri tánon rohiá꞉nere akwé꞉kon tsi nihaweienhnó꞉tens; Ne sewaNí꞉io roriwató꞉ken tánon orihwí꞉io í꞉ken; eʼnihaié꞉ra nahó꞉ten ne tkariwaié꞉ri ó꞉ni ioiánere.

Deuteronomy 32:4 ပူးပေါင်းရင်းမြစ်များ

Genesis 1:31

Rawenni꞉io wahatkáhtho orihwakwé꞉kon ne rohsaʼánion, tánon kwáh í꞉ken tsi ioiánere. Tánon tho iaʼókarahwe tánon iaʼóhrenʼne, né꞉ne iaiákhaton niwenhniserakéhaton.

Genesis 18:25

Oriwiioʼón꞉we tsi iáh thahsheiáhtonʼte ne iáh teiakohnhí꞉kon skátne ne rotihnhí꞉kon, tshieiorí꞉wakon nenʼné꞉eh! Iáh thahskwé꞉ni neh náhshiere. Tókaʼ thóh nénhshiere, ne iáh tehotihnhí꞉kon skátne enhontré꞉wahte ne rotihnhí꞉kon tsheiorí꞉wakon nenʼ né꞉eʼh. Ne Shakorihwènhtha nohontsakwé꞉kon ó꞉nenk tsi thóh nenhá꞉iere tsi nitkarihwaié꞉riʼs.”

2 Samuel 22:47

Ne Roiá꞉ner ronnhéʼse! Tehonwanonweráton nakitsténra, tánon ronwasenhnakará꞉tat nakeNí꞉io, ne nosténra natiá꞉takenatshera,

2 Samuel 23:3

Ne raNí꞉io NIsraerʼronónke rotatíhon, Naosténra ne Israerʼronónke onkenhá꞉se: Ne ne tsi niká꞉ien sakokkoráston nonkweʼókons nahontakariwaiérike, tsi rokkoráston ne tsi rokweniénstha ne Ní꞉io,

2 Chronicles 19:7

Tsi sheʼwakwé꞉niensts ne Roiá꞉ner tánon sewathatenhnikonhrá꞉ren, tsioríhwa ne Roiá꞉ner onhkwahʼNí꞉io iáh tehatenikonhriʼióstha ne kanikonhráton shé꞉kon ne kenknakónhake khés né tahiontatwistároʼse.”

Nehemiah 9:8

Tánon wasetsénri ne rawé꞉ri ne sahénton tánon ní꞉se skátne wetsateriwasherón꞉ni nahontashátʼkawe ne rahononhóntsa ne Canaanró꞉nons, ne Hitró꞉nons, ne Amorʼró꞉nons, ne Perizró꞉nons, ne Jebusró꞉nons, tánon ne Girgashró꞉nons, thóh tsi wahawatsirathátie; tánon ní꞉se washerihwaié꞉rite ne sawenhnaó꞉kons asè꞉ken ní꞉se saiá꞉nere.

Job Tánon ne Raoronhiakensera 34:10

“É꞉tho káti, takwatahónsatat, tsi ní꞉tion ne sewaʼnikonraientáskon, ahí꞉non ít꞉ken tsi nahontá꞉we ne Rawenni꞉io ne thé꞉nen nahá꞉iere ne karihwahét꞉ken, tánon tsi nahontá꞉we ne Roshatstenhserowanenhkó꞉wa ne thé꞉nnen nahá꞉iere ne iáh teioiá꞉nere.

Job Tánon ne Raoronhiakensera 35:14

Ethosà꞉ne ní꞉se sáton iáh othé꞉nen tetionhniátha, ne karihwenhthá꞉tshera raohénton káien tánon ó꞉nenk tsi raónha entsateráhrate.

Job Tánon ne Raoronhiakensera 36:23

Ónhka ronwarakwén꞉ni tsi nihaweienhnó꞉ten? Khés ónhka aiekwé꞉ni naiaiéron, ne sahiothén꞉en ne karihwahetkénhseraʼ?

Job Tánon ne Raoronhiakensera 8:3

Ne Rawenni꞉io thé꞉nenh ken renhtatsátha ne kahiáneren? Khés ne roshatstenhserowanenʼkó꞉wa thé꞉ken rentatsátha ne karihwakwahrihshióntshera?

Psalms 100:5

Ne Roiá꞉ner roʼtennithenrátskon; ne ioriwaʼtóken raonoronkwátsera kwáh tsi nénhwe tsi thenkawisátsteʼke, tánon tsi waʼhatiwatsiratátse ne raoriwaʼtokentítsera tsi nénhwe enkátake.

Psalms 138:8

Ne Roiá꞉ner kwáh orihwakwékon enhánane tsi nihoraráts꞉ton; Saiá꞉ner, ne sanoronhkwáhtshera tsi nénhwe enkátake. Tó꞉sa skénronh tsi nihiohiothénhen ne satshanákes.

Psalms 145:17

Né Roiá꞉ner akwékon tkarihwaiéris ne raoweiénhnas, tánon thorihwaiéri akwékon tsi nihatseránions.

Psalms 146:6

tsi nikáien ró꞉son ne tsi karonhiáte ó꞉ni tsi ionhontsáte, ne kaniatarakekó꞉wa, tánon tsi nahoténhsons né thóh nón꞉we nikónhnes; rahónha ranikonhrará꞉tses ne tewetákwen tsi nénhwe enkénhake;

Psalms 18:2

Roiá꞉ner se nakisténhra í꞉ken, nakatenhénhra, tánon ne sahtiathákwen, akeNí꞉io, nakisténhra ne rahonháke nón꞉we nikatasehthákwah, ne nakatʼroʼosthákwah, né꞉ne kashaststénhsera sewatiathákwen, ne nakáwenk iotenhenraníron.

Psalms 18:46

Ne Roiá꞉ner rón꞉nhe! Ronwasénhnaien nakitsténhra í꞉ken, tánon ronwasenhnakará꞉tat ne Rawenni꞉io ne natiatakenátshera,

Psalms 19:7

Né raoianerénsera ne Rawenni꞉io tsi nihiorihwatóken, á꞉se tioshaststenseráwis natónnhets; ne raoianerénhseras ne Roiá꞉ner oriwí꞉io í꞉ken. Tiakó꞉wis atʼthokhátsera tsi niʼiákon ne tsakototʼtáni;

Psalms 31:5

Sahʼnonstatierákon nón꞉we nakatathíteron; Kwáh kíʼ enstiatanóns꞉thate, Ó Saiá꞉ner, sarihwaʼtóken Ní꞉io.

Psalms 33:4

Asèken ne Roiá꞉ner raowénhna iotʼthakwaríshion, tánon akwékon ne raohioténhseras tsi kahioténhʼen iorihwaʼníron tánon oriwí꞉io í꞉ken.

Psalms 78:35

Sahonhnehiáraʼne nètho Rawenni꞉io tsi rahónha séh tesakónes, nètho Roshaststenhserowánen Rawenni꞉io thawénon nahonsakohiatáko.

Psalms 9:16

Ne Roiá꞉ner waʼhathaténeste, né waʼhaterihwathentsiáte karihwenhthátsera; ne ronhnonkwetahétkens né waʼhotiʼiéhna ne waʼterístaien ne ronnónha roʼnateristaienthákwen. Higgaion. Selah

Psalms 90:16

Takwahríhon í꞉ih ne sanhatsherahókons, tánon ne iakihiohʼokónha kwáh ó꞉ni iakwatkátho ne iorihowáʼnens tsi nisatieránion.

Psalms 92:15

Nʼe kíʼ ken watróris ne Roiá꞉ner tsi rothonkwetaʼkwahríshion; rahónha tehaketriwásnieʼse, tánon iáh thahóthen ne iáh tahioterihwakwahríshionke ne rahonháke.

Psalms 97:2

Otsátas tánon ne kwáh tetiokaraskówa kwáh ne tehotsatátons; karihwakwarihshón꞉tsheras tánon kaiáneren né kenskwará꞉kwen ne raonitskwáhra.

Psalms 98:3

Ré꞉iare ne iorihwaʼtóken raonoronhkwáhtshera tánon ne raorihwaʼtokentítshera tsi nòkwah Nisraerʼró꞉nons. Akwékon ne tsi iehiotonhontsiotʼtaníhons iakotʼkátons ne raotesenhniétshera ne Rawenni꞉io.

Psalms 99:4

Roshaststenhserowaʼnenhkówa Ronnontí꞉iokowa, ranorónhkwa nahó꞉ten ne tkarihwaʼiéri í꞉ken, í꞉se thisá꞉ha ne karihwakwaʼrihshióntshera í꞉ken; thóh nisaiéren tsi nahóten ne tkarihwaʼiéri í꞉ken wáʼshenh ne karihwakwarihshiónhtshera Nisraeró꞉nonke nón꞉we

Exodus 34:6

Ethóne ne Roiá꞉ner rahohénton wahatohétsthe tánon iahanáton, “Í꞉i, ne Watiá꞉ner, kení꞉io titkáhere wá꞉tien ne kenténrat ó꞉ni nathaniténron, iáh tewatiésen nahonkenákwen tánon kenéstha ne kanoronkwáhtsera ó꞉ni kariwatokéntshera.

Ecclesiastes 3:14

Wahkateriéntare kwáh tsi nahoténshons ne Rawenni꞉io kén nienháiere tsi nénwe tsi enʼioianeréhake. Iáh taskwéni ne iáshesʼthe tóka niʼó꞉ni nahontashatókʼthaʼkwe. Tánon tioríhwa tsi nihaiérha ne Rawenni꞉io né tsi ashontiónnien tatsitewarensahrónhsehke.

Isaiah 17:10

Asèken ní꞉se tsiatanikonhrénhen ne Ní꞉io ne ne sahiatakenátshera í꞉ken, tánon iáh tesèhiare nosténhra ne tsi sathasehtákwah; né kí aoríhwa, iawerohátien tsi ne saientʼthótons ne kahonwarí꞉ios tánon sakwahtakwenhátons ne kaiataterítsheras ne raotirihwákes ne tiʼononhontsátes niʼioʼokónhas,

Isaiah 25:1

Ó Saiá꞉ner, í꞉se ná꞉ke Ní꞉io í꞉ken; ní꞉i Kwáh enkonsenhnakaráthate, ní꞉i kwáh tenkonshennanerá꞉kwaʼte; asèken iorihwanerakwahténions tsi nisatieránion, tisatenonkónhni tsi nisheiatonhniánion tsi nahoténsons ne ionnhé꞉nions ne wahonhní꞉se tkènhne, iorihwatóken tánon tokenhskeʼónwe í꞉ken.

Isaiah 26:4

Tatsisewetakwénhak ne Roiá꞉ner né꞉ne tsi nénhwe akénhake, asèken rahonháke ne Roiá꞉ner Ní꞉io sáien ne tsi nénhwe ostʼténra í꞉ken.

Isaiah 28:16

Ne káti wahón꞉ni tsi nihatónhnions ne Roiá꞉ner Ní꞉io, Satkátho, watsiéntatse tho nón꞉we Zion nahonhnitskwará꞉kwe onénhia, ne ne watenenhiátʼkenhse, ne ne kanenhianóron thenwatʼiosaién꞉taʼkwe, ne ne ioníron tsi enwaʼnitskwáhraʼkwe: “Ne tionkwé꞉ta nón꞉ka nentsiaʼkétakwe kwáh kíʼ iáh thaʼtahiakahonhnaríkʼkhon.”

Isaiah 30:18

Ne ó꞉ni waónhni ne Roiá꞉ner roráhre nahontahiarihwaiéritʼtse; ne ó꞉ni waónhni kwáh thenthá꞉tane nahréneste naʼtanitenhrátsera shonhake. Asèken ne Roiá꞉ner né꞉ne Rawenni꞉io ne roterihwaʼkwahríshion; iakotáskats nonkwetaʼkwékon ne rahónha ronhwará꞉re.

Isaiah 32:2

Né satihiaʼtatʼtshons thóh nenhatiʼhiathothénhake kwáh né꞉ne tsi nónwe nihiontasehtákwah tsi nitsiowerénha, hiakotaséhton tsi naʼtehioweratáse, kwáh né꞉ne watnekíne tsi nón꞉we niʼhiahontsaʼthen, kwáh né꞉ne iorakwahweʼróston ne katsthenrowánen thóh tsi ahonhontsióskon í꞉ken.

Jeremiah 10:10

Ók í꞉se, Saiá꞉ner, ne kwáh oriwiʼiohónwe Ní꞉io, Í꞉se ne shonnhehónwe Ní꞉io tánon tsi nénhwe Sanontí꞉io. Nónen shaʼnakwénʼen, ne tsi ionwenhtsiáte tenhiowísonʼkwe; nonkweshón꞉a iáh tahiekwéni nahiontahkátsthaʼte ne sahnahkwáhtshera. (

Jeremiah 9:24

Tóh꞉ka ónhka í꞉ienreh tahiontaʼterénsahron, ne ahówenk tahierénsahron tsi hiontsentéri tánon hionkenikonrahiéntas, tioríhwa nakenoronkwátshera tsi ioriwató꞉ken, tánon ethóh nitiérah nahó꞉ten ne kaiáneren tánon tkariwaiéri. Ne kí꞉ken nahorihoténsons ne wakerientiʼióstha. Í꞉i, ne Watiá꞉ner, wakatáti.”

Daniel 4:34

“Shontóhetste ne tsá꞉ta niiohserá꞉ke,” wahén꞉ron ne ronnontí꞉io, “Iaʼkatkáhtho ne tsi tiohtsíkerare, tánon kwáh ionsakeʼnikonhraié꞉riʼne. Wahihsénnaien ne Roshatsthenhserowá꞉nen Rawenni꞉io ó꞉ni wahikwénienhste tánon ne raoiaʼtanehrakwáhtshera tsi niká꞉ien ne ronnheʼón꞉we. Kwáh tsi nén꞉we enhawenní꞉ioke, tánon ó꞉ni ne raonakeráhsera tsi nén꞉we enkátake.

Daniel 4:37

“Ó꞉nen káti, í꞉i, Nebuchadnezzar, enhihsénnaien, tenhirénhsaron, ó꞉ni enhiiatanehrákwahte né Ronnontí꞉io né Karonhià꞉ke Thèn꞉teron. Kwáh tsik nenhá꞉iere akwé꞉kon tkarihwaié꞉ri ó꞉ni thoriwaié꞉ri, tánon ó꞉ni enhakwé꞉ni ne tahshakawentshó꞉ten ónhka ne iontatón꞉ni.”

Habakkuk 1:12

Iáh ken ní꞉se tho titeséhnon ne oksténhne, O Saiá꞉ner akení꞉io, nakáwenk iotokénti? Kwáh iáh taiakwenhé꞉ie. O Saiá꞉ner, ní꞉se seieronhnítston ne kariwenhtáhtshera; tánon í꞉se, O osténhra í꞉ken, ne sehrí꞉honte ne karehwathátshera.

Habakkuk 1:13

Ne skará꞉ke shó꞉tsi iotokenskéhonwe nahontkáto ne kariwahetkénhsera, tánon ní꞉se iáh taskwénhni ne tasatkáneren ne tewaterientawenhriéhon; nontié꞉ren tsi ne teskánere ne iáh othé꞉non tekariwástha, tánon tateshá꞉tote nó꞉nen ne ronhnonkweʼtahét꞉kens sakonatónhtha tsi niiá꞉kon ne sénha rotiiá꞉nere tsi ní꞉ioht ne ronón꞉ha?

Zephaniah 3:5

Ne Roiá꞉ner ahotióhkwakon í꞉res kwáh rorihwakwahríhshion; kwáh iáh tahóthen thatahaterientawénhrie. Niatehioronhketsherá꞉ke iáh taorihwanó꞉ron naontahátkawe ne raorihwenhtátshera, Ók ne iáh tehiakoiánere iáh teierihwaienté꞉ri onhní꞉ioht nahiontéhen.

Matthew 5:48

Eh tanisa nonteseȣariȣaierik tsinithoriȣaieri ne Etsiseȣaniha Karonhiake tenteron.

John 1:14

Nok Onkȣe rotatonni nʼOȣenna, onȣentsiake ȣarennakerate, nok ionkȣatkatton ne rahoiatanerakȣatsera, eh nihoiatanerakȣatseroten tsini hoiatanerakȣatseroten nʼenskat ok Niio Roienha, titkahere atanitenrasera oni ateriȣakȣarisionsera.

John 1:17

Aseken ne kaianerensera Moïs roson; nok kenhkaien natanitenron oni ne kariȣakȣarisionsera, Iesos Keristos nehneh rahaȣine.

John 14:6

Tontahenron ne Iesos: Ii nohaha, oni noriȣiio, oni ne ionnhe: iah onka tiiaonȣe ne Rakenineha nʼiah iihne taontaieientakȣane.

John 5:22

Aseken iah onka tatasakoiatorete ne Roniha, oriȣakȣekon tanon nehne Roienha rokȣeniatseraȣi ne tahaiatorete.

Romans 1:32

Ronateriéntare tsi niwáton ne Rawenni꞉io rahoianerénseras nónka kí꞉ken thóh ní꞉ioht tsi iakonʼnhétie teiakoténtion naiaiéheie. Tánon kíʼ iáh nek tèken tsi sékon thóh ní꞉ioht tsi nihatiʼieránions, nók kíʼ iehióhe sakothiretsárons nakorénsons neh nihatiʼiérah.

Romans 2:2

Ionkwatheriéntare ne Rawenni꞉io tsi taiérits nónen tensakoiatórete nonkwesónha tsi niháti neh kén nienhothiʼiéren kiʼ nahorihótens.

Romans 2:5

Nók iáh tatesahontakáronte tánon seriasáksen. Nekarihónʼnis, í꞉se satatonniénʼnis neh karewatátsera sénha tehiotenonhianíton tsi ní꞉ioht ne tewenʼniserónte nónen neh Rawenni꞉io rahonakwátsera tánon ne tkariwaiéri kaiatoretátsera enhiotásion.

Romans 3:5

Nók éhthoh, tòhka-a nónen thènen teionkwaterientawénrie, nonkwesónha kwáh enwenéhake eniontʼkáto nenʼne neh Rawenni꞉io taiérits? Onhnahóten aihtewakwéni aihtewénron? Ne Rawenni꞉io tehaterientawénries nónen ensonkwaréwate? (Kíʼ kén꞉en éhʼtho ní꞉ioht tsi wáktare tsi ní꞉ioht tsi rontátis nonkwesónha.)

1 Corinthians 10:4

Tánon né shakané꞉ka wahathinekírah ne karonhiakhéka. Né wahathinekírahthe ne tionékote nosténrahke ne karonhiakhéka ne wahakohiatanónʼnha; tánon nètho osténrah né꞉ne Kerístos rahonhatsíwah.

Deuteronomy 10:18

Orihwí꞉io rón꞉nis ne tehontonhnaká꞉rias ó꞉ni ne ionaterè꞉ons ioiánere tsi takonhwatiriwásnieʼse; shakonorónhkwa ne thihononhontsá꞉tes ne skátke ratinákeres nonhtionhkweʼtashón꞉a, tánon shakonónhtens ó꞉ni shakotaʼkweniá꞉wis.

Deuteronomy 32:15

“Ne Roiá꞉ner rahonkweʼtashón꞉as wahothikwahtséne, ók wahonwatewéntete; kwáh í꞉ken tsi wahonré꞉senh tánon wé꞉so rothikhwá꞉ien. Wahonwatewénthete ne Rawenni꞉io ne shakohiathí꞉son tánon wahonwakénron ne roshatstenhserowá꞉nen shakhoniakéntha.

Deuteronomy 32:18

Wahonwahiathanikónhren ne Rawenni꞉io, ne rahonáwenk shakohiathákwas, tsi niká꞉ien ne teshakó꞉wi natónnhets.

Deuteronomy 7:9

Sewehiá꞉rak né꞉tho Roiá꞉ner sewaNí꞉io tsi rahonhatsí꞉wak kók ne Ní꞉io tánon tsi roriwató꞉ken. Enhateweiénton ne raohianerénhsera tánon enrè꞉neste ne ioriwató꞉ken raonoronhkwátshera ne tewenhniaweheʼtseráhsen natewaterehsehránes ne tsi niʼiá꞉kon ronhwanorónhkwa tánon iontewenhnaráhkwa ne raoriwaʼtá꞉tsheras,

Ne꞉ne Sák Rohiaton 1:17

Ákwe tsi nahótens ne iohiánere ne kahieʼnahwaséhtseras ó꞉ni ne tkariwahiéris karonhiáke nithewétha; Rawenniʼióke nón nithewétha, né rohsahánion tsi naʼteioswátʼthes tsi karonhiátes, raónha, ne tiókonte ne sahahiáta íken iáh ó꞉ni né tetiókaras ne takarihónni ne ó꞉ia nahonsahaʼhiathótenʼne.

Ne꞉ne Sák Rohiaton 4:12

Rahónhaʼkhók ne Rawenni꞉io tatkáwas ne kaianerénsera ó꞉ni tehahiatorétha. Rahónhaʼkhók enhakwéni nahaniákente tánon ne ahathónte. Ónhka ónhte níhse ísere íken, ónkak akóren tasehiatórete?

1 Tiér 2:6

Asèken noriwatokénti wáton, “Satkátho, wakerákwen ne kanenianóron, watsiéntatse thóh nón꞉we Zion nehne takaiosaiéntakwe; tánon onhkakíʼok nenthonwétakwe iáh tahonsahiontateriwásten.”

1 Samuel 2:2

“Iáh ónka teiakoiatatokénti tsi ní꞉iot ne Roiá꞉ner, iáh ónka téiete ne tsaʼtákʼta; iáh nóiah tekensténhraien thóh nahiotónhake tsi ní꞉iot nonkwahʼNí꞉io.