Deuteronomy 32:25 - Ohiatonhseratokénti

²⁵ Naterihiósera entkáhawe ne kenhé꞉ion ne tsi tekanahtokenhá꞉tons; ne sewanonskónhsons tho nió꞉re tsi ensewaterónhsehke ne ensewarhiò꞉the. Ne kenʼnithotiʼiónsa óni kenʼnitiotiʼiónsa enhonníheʼie; iáh ne owirá꞉a tó꞉ka ó꞉ni ne iakostenhokón꞉as tsiatahiakothátere.

Deuteronomy 32:25 ပူးပေါင်းရင်းမြစ်များ

2 Kings 7:5

Ká꞉ti, tsi nontaiokarahonhátie, tsi thóh nathathoseróte ne Syriaró꞉nons niaʼhónne, ók kíʼ shiaʼónnewe, iáh ónʼka thóh tèienskwe.

2 Chronicles 36:17

Ká꞉ti ne Roiá꞉ner tahoiaténhaʼwe ne ronnontí꞉io ne Babyloniaró꞉non niashakotiatónhti. Né ronnontí꞉io waʼshakononhwarhiakhónnion ne ken nithotiʼiónhsa ne Judah nón꞉we kwáh ó꞉ni Ononsatokentiʼkówaʼne iahontáweiaʼte. Iáh othènen teshó꞉ien ne kenhténron nón꞉ka ashakótenhre, kenkʼnahontahotí꞉ionke khés nahonthaiakóhionhke, rónhkwe khés ne iónhkwe akénhake, iakononwátʼtani khés naiakotakaríhteke. Né Rawenni꞉io ratikwé꞉kon rahónha waʼhoiathakweʼní꞉iosʼte.

Isaiah 30:16

tánon wahénron, “Iáh! Kwáh kí entsionkwahshá꞉then tsi entsakwahtèko”— ne káti aoríhwa kwáh kí satèko! Tánon, “Kwáh né enhionkwasáthen ne tehó꞉ka ranaskónhni”— ne káti aoríhwa ne iesásehres kwáh kí thenhotiʼkátonhke!

Jeremiah 44:7

“Tánon káti Í꞉i, ne Watiá꞉ner Keshastsʼtenseroʼwáhnenh, ne kheʼNí꞉io ne Israerʼró꞉nons, ó꞉nenh enhkeriwahnónhton nonhtiérenh níse tsi nikariwahétʼken tsi nishaʼthatiérahse. Teshaʼthonwenhtsó꞉ni kén nahonthakáhaʼke ne atkaronhniátshera tsi nòkwa ne ronhnónhkwe, ó꞉ni ne konhnónhkwe, ratiksaʼhokónha ó꞉ni nowiráʼas, ne káti ne kwáh iáh ónhka ne shonkwethaʼshón꞉a tsatahonsahiakothaténronhke?

Jeremiah 44:8

Onhʼnonhtsiéren tsi takenhakónhnis tsi ne senhsénnahiens ne kahiatónhnis tánon tsi sehiatshenkwahronhniaténhnis ne ó꞉ia niʼiohokónhas ne kénʼen nónhwe Egypt, tsi nónhwe nitisénon nahonshaʼsenáhkerehke? Ne kén ahoríhwah eh niséhrah ne ne ashaʼtahtáhthonte, ne káti ne kwáh niaʼtehionkwétahke ne tsi ionhwenhtsáte ne tahieshaʼiéron tánon sahsénhna á꞉honste tsi enhontewenhnákʼsahte?

Jeremiah 9:21

Kenhéion tsi ionkwahtenonsthonkwahkáronte nónwe thontáwehiaʼte tánon ontáwehiaʼte ne tsi ionkwahnonsóhton ne tsi ionkwahnontiʼiotsheráien; wahakohahíhiaʼse ne ratitsahokón꞉a ne kanahthakónson ó꞉ni ne kennithothihiónsa ne tsi iontʼkeronthákwah.

Lamentations 1:20

“Satkátho, O Saiá꞉ner, tsi niwakeronhiáken, tsi niʼiokarárens nakwathónnhes! Tewakeriasaríʼon tsi niwakenikonráksens nakeriwaneraháktseras. Sakonasétas ne tsi tekanatokenhátons; iahióhe nòn꞉ne kanonskónsons thóh ronnihéions.

Lamentations 4:4

Ne rothiriótha nathonkariákon tánon tsi rothiniatátʼtens; Ratitsʼsahokónha thoʼnatʼtsárite ne khákwa nók iáh ónka tetʼthonwanáwis.

Ezekiel 7:15

Waterí꞉io tsi tekanatokʼkhánions, tánon iakononhwaktaniónhni ó꞉ni ronthonkárhias ne kanonskónsons. Nónhka ne kahétake iéiens kwáh ki enhiaiéheie tsi waterí꞉io, tánon nónhka ne tsi kanatowáhnenh iéiens ne enhiakórhiothe ne kanrahtariné꞉tsheras tánon athonkarhiákon.

Hosea 11:6

Asareʼkó꞉wa í꞉wes raotinatá꞉kons, watóntha ne raotiwenhnaʼshón꞉as ne ratitsihénstasis, tánon iakotóntha tiorì꞉wa tsi nihonateʼnikonronhniháties.

Hosea 9:12

Ské꞉kon tó꞉ka nahonwanehiá꞉ron ne ratitsaokónha, kwáh kí enkhehiathónhten tsi nió꞉re iáh ónhka tsatahonsahonathaténhronke. Kwáh í꞉ken tsi rotithentáhsere nó꞉nen enkhehiatsatonhtákwahse!

Hosea 9:16

Ephraim iotrewáton, nahoteraʼshón꞉as iostatʼthénhen, kwáh iáh tahonsonhianihiónten. Iawerohátien tsi iakawenhnakerátsta, kwáh kí enkhenonwarià꞉kon ne kwáh tsakonorónhkwa tsi nihowiraientáhon ne tsi watewiraráhkwa nitsawé꞉non.

Leviticus 26:25

Aterihrihiósera enthékhaʼwe ne sonháke ne nakonhréwaʼte tsi watéshiaʼke naʼterihwaseronhniátshera, tánon tó꞉ka tsi kanatowanénhke nienhénse nashatekwáhsen, kwáh kíʼ ienkaténieʼte né꞉ne iáh tetieiewénhtas kannratharihnétsheras ne tionháke, tánon kíʼ entietsihianónhtonse nahisewaniaʼtarakétsko rahotihénton ne tesewatátʼtions.

Micah 6:14

Kwáh tenhsatskáhon ók iáh kíʼ tahisáthan, tánon natonkarhiá꞉kon kwáh ienkashá꞉hate ne tiatá꞉kon; tánon tsi nahó꞉ten nasateweién꞉ton, ók iáh kí takanonstátonke, tánon tsi nahó꞉ten nasenonsthá꞉te, kwáh kí asárake ienkatiaʼkwaríhsi.

2 Corinthians 7:5

Shaʼakenewe ne Macedonia, iáh teiótonʼon aiontiatorishén꞉take. Niaʼté꞉kon waʼtionkhiʼnikonhrhá꞉ren ne ionkhíhswens tánon ó꞉ni waʼontiateronhiénhten.