Deuteronomy 32:22 - Ohiatonhseratokénti

²² Nakhenakwáhtshera kwáh tenwanitonkwahnékare tsi ní꞉ioht nó꞉tsire tánon enwaʼtsaháthe akwé꞉kon ne tsi ionwenhtsà꞉te. Ienhwá꞉we nó꞉thake tiohontsá꞉te tánon enwatsaháthe ne tsi katerahthénions ne tsi iononhtarón꞉nions.

Deuteronomy 32:22 ပူးပေါင်းရင်းမြစ်များ

Psalms 144:5

Tesahenhnáhnak ne tsi saronhiáte, Ó Saiá꞉ner tánon tasástnent; iatséna ne tsi iononhtarónhnions ne ká꞉ti nakaienkwahró꞉ten.

Psalms 21:9

Kwáh éhʼtho ní꞉ioht tsi ensahkó꞉thonte tsi ní꞉ioht ne kwáh tehiotsienhanón꞉hiani ne nakwé꞉kon waʼtsahátha nó꞉nenh enhathotási. Né Roiá꞉ner raonakwatierákon tsi iensakotiatanékwane, tánon ótsire enhiakotsatátʼtsahate.

Psalms 46:2

Kwáh ká꞉ti iáh thahóten thahionkwáteronhne, iekaníhare ne tahiahontsíshonkwe; né ó꞉ni ne tsi ionontarónhnions niatahonré꞉ni kaniatarakhekó꞉wane;

Psalms 83:14

Tsi ní꞉ioht nó꞉tsire tsi wateratʼtsahátha, tsi ní꞉ioht notónhkwah tsi watenontatékʼtha,

Psalms 86:13

Tsi natehiotenonhianíton ne iorihwató꞉ken sanoronkwáhtshera nakonháke; í꞉se saskeniá꞉kente nó꞉nen ákta sí꞉wes nahionkenonwariá꞉kon.

Psalms 97:3

Ótsire rahohénton í꞉wes, tánon ne iakotsatatʼtsáhatas ne ronhwáʼshons ne kwáh tsík nahontahiotserátonhke.

Isaiah 24:6

Né thóh ní꞉iot ne kariwaieshá꞉hon enwá꞉ke ne tsi ionwenhtsàte, tánon èhʼthoh ienakerénion né enhiakoronhiákente nakonhí꞉tshera; né káti aoríhwa ne ienakerénion tsi ionwenhtsáte iáh tetiontonkwetaká꞉te, tánon kénk nihionkwé꞉take iatetsakothaténhron.

Isaiah 30:33

Asèken ne iotékha kanátaien wahónhnise tkaweienhnenhtáhon; oriwiʼiohónhwe tsi ne kasahathákwen tsi niʼkaweienhnenhtáhon ne ronnontí꞉io raorihwàke, tanon tsi iontsahatákwah iosónhwes í꞉ken tánon tewatakáron, né ótsire tánon nóiente wé꞉so káien; ne rahonhnísera ne Roiá꞉ner, kwáh né꞉ne iontenatentástha í꞉ken, ne enwatekátakwe.

Isaiah 54:10

Asèken ne tsi iononténions ahónton nèhren akónhneʼte tánon ne ionhniarónhnions éhren akahawítonʼke, ók nakáwenk ne iorihwatóken kanoronkwáhtshera tsi kwáh iáh éhren takahawítonʼke ne shonháke, tánon naʼkateriwaseronhniátshera ne skénnon í꞉ken kwáh kí iah éhren takahawítonhke, rá꞉ton ne Roiá꞉ner, tsi rahónha ianorónkwah.

Jeremiah 15:14

Kwáh enkhehiónnien ne ne ahonwahtihiótenhse ne tehontátʼtions ne tsi ionwenhtsáte ne kwáh iáh othènen tehathiriwahientéri, tioríwa nakenahkwáhtshera eh ní꞉ioht tsi ní꞉ioht nótsireh, tánon kwáh tsi nénhweh tsi enhiothékhaʼke.”

Jeremiah 17:4

Ónenhk tsi enshaʼtsakwahríshion nonwénhtsa tkhonhiáwi, tánon kwáh enkonhiónnien nasehhiótenseh ne tesehwatátʼtsions ne tsi tionhontsáien ne kwáh iáh othènen tesehwariwahientéri, tioríwa naʼkenahkwáhtshera thóh ní꞉ioht tsi ní꞉ioht ne ótsire, tánon tsi nénhwe tsi enhiotékʼkhaʼke.”

Jeremiah 4:4

Sehwahtienawasthónhak ne sehwateriwahsehronniátsheras nakonháke, seh Watiá꞉ner, tánon sehwathaterihwahthokentísten nakonháke, íseh ne tiónkwe ne Judah ó꞉ni ne Jerusalem. Tó꞉ka iáh tothaisehwáhiere, nakenahkwátshera enhióteke tsi ní꞉ioht nótsire tioríwa tsi nikariwahétken tsi nisehwatiéren. Kwáh enhióteke, tánon iáh ónhka tahontetʼsénhri nahionskwáthe.”

Lamentations 2:2

Kwáh iáh kanèka ne kenténron tsi ní꞉ioht tsi wahariwentʼthóseron tsi kanataiénton ne Roiá꞉ner thòhnon ne Judah. Waharishiónko ne wahenrótaʼkwe neh kanikonráhrakwe nohóntsia. Wahsakothéhate tsi kanakeraserakéron tánon ne rathikorásons.

Lamentations 2:3

Thóh rahonhakwatserákon wahtarhéniaʼte nahosasténsera ne Israerʼró꞉non; Wahateriwhaiésahte nasonkwasniénonke sahónʼnewe ne teiakwatátshons. Tashonkwatiathónti tsi ní꞉ioht nótsire, kwáh akwékon wahariwéntho.

Lamentations 2:4

Tashonkwatakwaríshiaʼse ne rahoiénkwire tsi ní꞉ioht ne tahiakwatatʼtiónseke; Kanenrakwékon wasakowéntho tsi niháti neh ionkhinikonróriskwe ó꞉ni hiontionwenskwaníhakwe. Kén:en Jerusalem wahakwátʼthoke ne rahonakwátsera tsi nihiotékah.

Lamentations 4:11

Ne Roiá꞉ner kwáh thokén:en tsi kasastenserakwékon tahátkaʼwe ne rahonhakwátsera; Wahatsiróten ne Zion nónwe kwáh ohontsiáke wahónni.

Ezekiel 19:12

Ók ne rahthisehró꞉hens ronhtsanáhke wáhonsthe tsi wahathiteróh꞉tsi tánon ohontsáke wahthontesénhnhate. Náhkon nonhtakawerénhawe onhstatʼthá꞉te nahohikshónʼa. Nahonenhrahsónhas watewahtsákon; onstátten tánon ótsire ontèkate.

Ezekiel 22:21

Hén, kwáh Jerusalem nónhwe nenhkhehiataró꞉rohke, enkhatʼtsienhónhni ne rathihiató꞉kon, tánon né enkhewistanahwénhthakwe nakenahkwáhtshera.

Ezekiel 36:5

“Í꞉i, ne Wakenonhtí꞉io Watiá꞉ner, wahkathatíhon né kwáh shiʼwahkenhakwénhen ne aktátsies kanakerahserahkéronhs, tánon sénha tsi nóhkwa ne Edom. Kwáh ronatʼtsenhnónhni tánon tsewáhtion tsi wahatiʼiéna nakonhóntsa tánon wahontʼtháwa ne tsi konhwahthiteronhtákwah ne katshénenhs.

Ezekiel 38:19

Wakatró꞉ri ne kwáh siwakatenahkwawenhráhti nètho wenhnisehráthe kwáh tenwatenonhiániʼthe tenhiahontsísonhkwe tsi ionhontsáien ne Israel.

Leviticus 26:20

Akwékon tsi níkon sahioténʼen ne iohiotenhseraníron iáh othènen takarihontáko, tsioríhwa ne sonhóntsa tsi iáh othènen tahonthakánio ó꞉ni ne saronhtasónhas iáh tahonhianihiónhten.

Amos 5:6

Tsi sewahiatí꞉sak ne Roiá꞉ner ne nahónton ahí꞉tionnheke, khés kwáh é꞉tho nienhénre iensakotsatónhti nonkweshón꞉as tsi ronhnónhshote ne Só꞉se tsi ní꞉ioht notsí꞉re, tánon kwáh enwatsáhate ne Bethel, tánon iáh ónhka taiekwé꞉ni nahonsahiónswate.

Amos 7:4

Ken kí nahó꞉ten ne Roiá꞉ner Rawenni꞉io wahakenatonhase: ne Roiá꞉ner Rawenni꞉io ótsire iehénnonks né꞉ne ahonttsiraténi, tánon né ontsáhate ne nà꞉kon ionhontsá꞉te ne kaniatarakeʼkowáhne tánon ne thontasawákwe onhtsáhate tsi ionhontsá꞉te.

Micah 1:4

Ethò꞉ne ne tsi ionhnontarónnions kwáh enkawistaná꞉wen tsi nón꞉we ní꞉res tánon nahonráhkwakons kwáh tenwateraneká꞉re tsi enwatenhotón꞉ko, kwáh tsi ní꞉ioht ne ohtsinaʼkontahkwaʼne otsikhé꞉ta kwáh enkawistaná꞉wen ákta ká꞉ien tsi iotékha, kí꞉ken otsikhé꞉ta enkanahó꞉ten kwáh tsi ní꞉ioht nohné꞉kanos tsi nón꞉we nihiotenontsá꞉kon.

Habakkuk 3:10

Nó꞉nen ne tsi ionontahrón꞉nions wahesá꞉ken waʼtsiowí꞉sonhkwe; nohné꞉kanos thonwerónhtane ne tsi karonhiá꞉te. Nohné꞉kanos ne nà꞉kon tsi ionwenhtsá꞉te waʼhonekákare, tánon ionontowá꞉nens ionontakwahronhtónhtses;

Zephaniah 1:18

Sénha í꞉si nón꞉we ne raotiwístas kawistará꞉kens khés ne owistanó꞉rons iáh tkakakwé꞉ni nahiakonónsthate né꞉tho tewenhniséronhte ne Roiá꞉ner raonakwáhtshera; ók onhontsakwé꞉kon ótsire enwatsáhate ne tsi nihotekéfen, asè꞉ken ne enronhniáte ne tsi iehiotókte tenhiotenonhianí꞉tonhke kwáh ratikwé꞉kon tsi nihiákon ienákere ne tsi ionhontsá꞉te.

Zephaniah 3:8

“Ne káti aorí꞉wa, takwahteráhrat” ráton ne Roiá꞉ner, “asè꞉ken ne thóh enwenhniserá꞉teke kwáh thentekʼtane tsi ní꞉ioht ne ronwathonkwetawenhtháton; asè꞉ken tsi natewatiatoréton ne nakheiataró꞉roke nonkweshón꞉as, nakeró꞉roke tsi nionakeráhsera ne ronnontí꞉io ne nahontakawé꞉ron nakenakwáhtshera rohnonhà꞉ke; akwé꞉kon tsi niiotarí꞉hen nakenakwáhtshera kwáh ohontsakwé꞉kon otsiráhke enwát꞉tsa ne tsi niwakatekéffen.

Numbers 16:33

Káti tshiehonónhnhe iahónsnenhte tsi tsiohóntsaien ne kenhéion, skát꞉ke ne raotiʼientátsheras. Nonhóntsa tahiakoró꞉rohke tsi shontenóton, tánon wahatihiatáton.

Numbers 16:35

Ethòne ne Roiá꞉ner ótsire tahaténiete wakatsiróten tánon wahakotiatáʼtsahate ne 250 niháti ne iehonatkáwen ne kanetanó꞉ron.

Matthew 10:28

Tosa seȣatsanisek tsinahoten aiorio noieronta, iah tanon taiorio natonnhests; neh tanon seȣatsanisek tsinahoten aiotirio natonnhests oni noieronta nok otsirake iaiotiiatonti.

Matthew 18:9

Tokat oni sakara sariȣaientatonni stako nok ihnon iasati, aseken senha ioianere onsti akenhatie iasataȣeiate karonhiahkon; tsiniiot ne tetsiaron taskaratake nok tsi tiotekhaonȣe asatetsirate.

Matthew 23:33

Oniare, kaȣatsiraksenskȣa! oh nenseȣaiere naonseseȣaniakenne tsi tiotekha nʼonesson?

Deuteronomy 29:20

Ne Roiá꞉ner kwáh iáh tahonsahonikónhrenhse ne nihionkwetó꞉ten. Khékok, ne Roiá꞉ner ne iotékha rahonakwáhtshera kwáh enkenhtonhkowanáthe ne raonhà꞉ke, tánon akwé꞉kon ne karihwaiesáhtsheras ne kahiatónhnion ne kén꞉en kahiatonhserá꞉kon kwáh enhosénhne tsi nió꞉re ne Roiá꞉ner kwáh thokén꞉en enhothón꞉te.

2 Thessalonians 1:8

enhiotonʼiotátse, ne nasakoréwahte tsi niháti ne ronwahkenronní꞉on ne Rawenni꞉io ó꞉ni tsi niháti ne iáh tehonatewennarákwen ne kariwí꞉ios tsi nòkwa ne Sonkwahiáner Ié꞉sos.

Hebrews 12:29

tsoríhwa nonkwaʼNí꞉io kwahʼse rahónha ne iotónkoʼte ne karihwahthóntha.